مسابقة شعراء المستقبل

[تركي فلاح]

الى اخواني وأخواتي شعراء المستقبل

أردت أن أضع بين يديكم هذه المسابقه وأرجو من الجميع التفاعل ..


المـــــــسابقــــــه :


كتابة حمسة أبيات موزونه ومقفاة وواضحة المعنى والهدف ...




المدة اسبوع من تاريخه .....


توضع المشاركات في هذه النافذه .... وسوف يصدر الحكم بالتصويت على أفضل ثلاث قصائد

يتم ترشيحها من قبل شعراء المنتدى .....

والجمهور يصوت للقصيده الأفضل التي تستحق الفوز من الثلاث المرشحات ..

أرجو التفاعل من جميع المواهب الجديده ....

وسوف يتم ارسال الجائزه على الخاص
مع تمنياتي للجميع بالتوفيق ...

[احلى وعد]

تركي فلاح


مسابقه رائعه جدا اخوي تركي

بانتظار تفاعل الاعضاء

يعطيك العافيه اخوي

تحيتي

[ابراهيم القربي]

[الاستاذ / تركي فلاح

مساك الله بالخير ..

في البداية اشكرك على هذه المسابقه الجميله التي تساهم في تطور مستوى الشعراء المشاركين بها
ويسعدني ان اشارك بهذه الابيات امل ان تكون في مستوى الطموح ..
مع امنتياتي لكل المشاركين بالتوفيق ..


,,,,,,,,,,,,,,,,,,,,,,,,,,,,,,,,,,,,,,



راعي المبادئ


فقير يعني لا تسولف .. دمك ثقيل
ارجع ورى .. مكانك هناك بالاخير

لازم تعاني .. وكل الهموم تشيل
لا تحلم بالضحكه .. تراها على شفاتك كثير

هذا حظك يالفقير .. عليك بالفرحة بخيل
من عرفته يخونك .. ولا صحى له ضمير

تدري ليه .. لانك تؤمن بالمستحيل
بان الزمان يدور .. ويضحك للفقير

وهذي مشكلتك يالمسكين .. دايم للعاطفه تميل
تحلم ابعالم مثالي .. كله فضيله وخير


.............
.......
....
,
,
,
ابراهيم القربي
العااااازفsize=5]
[/size]

[حــــــــــمــــــــــدان]

اخوي ابراهيم القربي


الله يوفقك ومحاوله جيده مع تحفظي على الوزن والمعنى


تقبل مروري


حـــــــــمــــــــدان

[رهيــ الحــــب ـــن]

تـركي فــلاح

الله يعافيك اخوي

مسابقة رائعه

بالتوفيق للمشاركين

[**~الرااااسي~**]

تركي فلاح

كل الشكر لك مشرفنا القدير على هذه المسابقة المفيدة

وبالتوفيق للجميع

احترامي وتقديري

[الورده الحمراء]

تركي فلاااااح

ربي يعطيك الصحه والعااافيه

على المساااابقه

رااائع بطرح كل جديد وشيق

الله لايحرمناااا جماااال جديدك المميز

دمتـ بحفظ ااالرحمن

[همسات]

أشكر لك أهتمامك بالمواهب أستاذ تركي فلاح

وأقدم هذه القصيدة بعنوان " عبايتي عزي"


عمر السجن ما هز من قيمة الحر =شفت الطيور مبرقعة في سجنها
ذل التبرج بالحضارة يتستر = دس السموم القاتلة في صحنها
قام يتمهزء بالعباية ويفخر= و أصله ذليل وغايته يمتهنها
يا بنت اصحي وش يفيد التحضر = مطلبك جنة نترجى سكنها
بأقولها وأبوح من خافقي سر = عبايتي عزي و أنا أذود عنها

[تركي فلاح]

أخي: ابراهيم القربي


أختي : همسات


صح لسانكم والله لايهينكم ومحاولة جديره

بالاهتمام وبالتوفيق للجميع ...



نتمنى التفاعل من الجميع ....

[محمد الشراري]

اخوي تركي الف شكر لك على هذه المسابقة>>ليش ماعلمتني ابي ارسلها لكل اعضاء الموقع
سوف يتم ارسالها لكل اعضاء الموقع وسيتم عمل بنر لها باذن الله

خوك

محمد الشراري

[عزيز الركابي]

السلام عليكم ورحمة الله وبركاته
كل عام وانتم بخير
حبيت اشارك معكم ومشكووورين على هالفكره الرائعه
لكم جزيل الشكر
قصيده متواضعه....


سلام يالليل الغياب اللي ظلامه منسدل=سلام ياذيك العيون اللي غفت في نومها
سلام ياضو به العالم تدل وتستدل=سلام ياسهم الغرام اللي يجي من صوبها
قلي متى هذا الزمن مابيننا هو يعتدل=الى متى وانا الليال السود لابس ثوبها
ودي تجي وبوسط عيني ياحياتي تعتدل=تعال ياريم الغلا والحفك برموشها
متى على الله حضي العاثر يقوم وينعدل=متى الليال السود تكفيني مذاق سمومها

أخوكـــــــم
عزيز الركـــــــابي

[مهموم]

يا لـــــيل وين اللي سكن بين لظلاع####يوم أرتحل والروح عيت تعوفه

خلى دمع با لعين يسكب على القــاع###ليته رحم حا لي وأغمد سيووووفه

من غـيـبتـه حالي غـدى حا ل ملتاع###خـلي تغيير؟ أوصعبه ظرووووفه!

أوالزمن من عا دته هـد لقـــــــــــلاع####خلاه أيتغيير مبتدي في عـزوفه

شا ري انا المحبوب وهـوه أسف باع####وشيـيفـدحبي دام خلي يعـوووفه

مهموم

[تركي فلاح]

شاكر للشعار المشاركه وصح لسانهم ..


وبالتوفيق للجميع




شاعرنا الكبير عزيز الركابي صح لسانك بس المسابقه للمبتدئين وانت باعك بالشعر طويل ..


شاكر تفاعلك معنا لا حرما الله من وجودك

[عزيز الركابي]

شاعرنا الكبير عزيز الركابي صح لسانك بس المسابقه للمبتدئين وانت باعك بالشعر طويل ..

أخوي الغالي(( تركي فلاح))
اولاً/ كل عام وانت بخير...
ثانياً/ شهادتك وسام على صدري واعتز بها.....وصح بدنك....
ثالثاُ/ انا اعتبر نفسي من الشعار المبتدئين ...واذا ماحسبت مشاركتي يمكن ازعل ركز بكلمة ازعل واذا زعلت العواقب الله واعلم انها تبي تجي قصائد هجاء هههههه.....
رابعاً/ اسعدك الله واسعد جميع من ينتسب لهذا الصرح الشامخ باهله...
خامساً/ لك اطيب التحايا واعطرها...
......
أخوك
عزيز الركـــــــابي

[تركي فلاح]

عزيز الركابي

انت ماتحتاج لشهادتي شعرك يشهد لك ..

وبعدين الا الهجاء ماتفقنا عليه والله اني اخاف منكم يالشعُار ...

وبعدين الزعل مرفوض من بين الاصحاب ...

والله يديمك ذخر لنا ولمنمتدانا ....

تقبل خالص شكري .

[همس الليالي]

السلام عليكم ورحمة الله وبركاته

شكرا على المسابقة ... وحبيت اشارك معكم ..

واتمنى تنال على اعجابكم ..... وياريت اشوف النقد اذا كان فيه خطأ ..

++=++

_/-+__(وشهي سواتي )__+-/_

من يوم فرقانا الي يومنا اليــــوم
حالي صعيبن حيل ونومي هجرني

قلبي يشب بنار مليانة سمـــــوم
زات لهيب الشوق وزود احرقتني

عشقته من قلب طيب ومـحروم
دايم يفكر فيه ودايم يغنـــــــــي

أليا سالته فلان وشفيك مكــــلوم ؟؟
جاوب احبك حيل والظروف اجبرتني

وشهي سواتي دامني صرت مظلوم
قلبي جريــحن والحيـــاة متعبتـنـــي ؟!!

--------
احترامي ..

همس الليالي ....

[تركي فلاح]

أختي همس الليالي



صح لسانك ...



والله لا يهينك على الابيات الرائعه




وبالنسبه للنقد.. ليس هنا ... هنا نافذة المسابقة .



ألف شكر ..

[همسات]

السلام عليكم ورحمة الله وبركاته

هل أنتهى موعد المسابقة؟

[تركي فلاح]

أختي العزيزه

همــــسات

لم ينته موعد المسابقه بعدوسوف يكون المجال مفتوح حتى تمر


غيوم الحزن التي تعتري بعض اخواننا .. وإلى ذلك الحين

نستقبل جميع المشاركات ونسعد بها ..


تقبلي خالص شكري على الاهتمام

[همس الليالي]

اخوي تركي صح بدنك ..

واعتذر ..

بس حبيت ابين انه في خطا في كتابه الحروف ..

البيت الثاني ..

قلبي يشب بنار مليانة سمــــوم
زادت لهيب الشوق وزود احرقتني ..

--

تفاديا للخطأ بس ..

وجزاكم الله خير ..

وشكرا .. بالتوفيق

[تركي فلاح]

أختي العزيزه

همس الليالي

شاكر حرصك على قصيدتك وتأكدي بأنا قرأناها

صح ..

[هجير الشوق]

مشاركات تُشكرون عليهـا

جميعــا"

[%%البرنس الوايلي%%]

بسم الله الرحمن الرحيم

احييكم بتحيه الاسلام السلام عليكم ورحمه الله وبركاته

احب اقدم لكم مشاركتي البسيطه

ياخالد وش فايد قوتك بليا عقل
مثل الارقام دون ضرب وحسابي

لاتحسب(ن)دنياك مشي(ن)بفياض وسهل
لابد تمشي وتدوس المخاطر والاصعابي

واللي ماعنده طموح ياصل لراس الجبل
خله يبقى تحت وتنهش بلحمه الكلابي

وابن ادم لو الى قمه المجد وصل
تبقى بدايته تراب ونهايته بترابي

وتطلع من دنياك بالذنوب وطيب العمل
ومصيرك ياجنه بارده او نار وعذابي


وسلامتكم

واتمنى ان تنال على رضاكم

واحب اشكر الاستاذ تركي فلاح على اتاحه الفرصه

[تركي فلاح]

البرنس الوايلي



صح لسانك على ماكتبت ....



شاكرين لك مشاركتك ..




ونتمنى للجميع التوفيق .....

[ابوسعد]

بسم الله الرحمن الرحيم
السلام عليكم ورحمه الله وبركاته
احب ان اقدم لكم مشاركتي اتمنى ان تحوز رظاكم

عجزت اميز صاحبي من عدوي=وعجزت اعرف الي معي طول الايام
وعجزت اعرف بدنيتي ويش اسوي=وعجزت لمشي وادقع الرجل فدام
ماشفتله ضوا ولاشاف ضوي=وقمت اتذكر عشرته مثل الاحلام
شيب علي الراس ونا اليوم توي= ولاصار لي بالعمر عشرين عام
اقفى كما تقفي معاصير جوي=وشبه طواء العشره كما طويت الخام
ولكم جزيل الشكر

[تركي فلاح]

ابو سعد


صح لسانك ...


وسلمت على المشاركه الرائعه ..


نتمنى لك التوفيق ..


تقبل مروري

[تركي فلاح]

تم اغلاق المسابقه ..




وبانتظار اعلان النتائج ..

[تركي فلاح]

القصيده الفائزه في المسابقه :

قصيدة الشاعره :

(هــــــمــــــســـات )


عمر السجن ما هز من قيمة الحر=شفت الطيور مبرقعة في سجنهـا
ذل التبـرج بالحضـارة يتستـر=دس السموم القاتلة في صحنهـا
قام يتمهـزء بالعبايـة ويفخـر=وأصله ذليل وغايتـه يمتهنهـا
يا بنت اصحي وش يفيد التحضر=مطلبـك جنـة نترجـى سكنهـا
بأقولها وأبوح من خافقـي سـر=عبايتي عزي و أنا أذود عنهـا


ألف مبروك ....

شاكر لجميع الشعراء المشاركين وجميع

المشاركات تستحق الفوز.


نشكرهم على الابداع ونترقب اطلالاتهم القادمة..

ونعدكم ان شاء الله بالمزيد ....

[**~الرااااسي~**]

الف مبروك

تستاهل الأخت همسات هذا الفوز

نظير قصيدتها الجميلة والمعبرة

تركي فلاح

لاهنت على هذه المسابقة وعلى هذه الجهود

احترامي وتقديري

[همسات]

الله يبارك فيكم و يشرفني هذا الفوز لا لنفسي
و لكن لموضوع قصيدتي

[معاند الوقت]

الف مبروك ولكم الشكر

[الجوو(0511)وف]

أخيى تركي شكرا لك كل الشكر على هذه الفكره الرائعة:
أقدم لكم هذه الأبيات المتواضعة عسى أن تحوز على أعجاب الجميع: وضعنا مستور أعطانا الصمود....لـو طغـى طاغي وحاول يثرا
قمتى أمشى لـها مشي بصعـود....وكـل حاجــز دونها أبكسرا
عندي الأصرار معطيني ركــود....قبل أسير أشوف دربي وقفرا
ودي أقطف مابقى لي مـن ورود....وكـوى الحاقد وحـره وقهرا
الهدف ماميـل عنـه ولا أعود....أصلـه وشـوف غيـره ونحرا

[الجوو(0511)وف]

أخيى تركي شكرا لك كل الشكر على هذه الفكره الرائعة:
أقدم لكم هذه الأبيات المتواضعة عسى أن تحوز على أعجاب الجميع: وضعنا مستور أعطانا الصمود....لـو طغـى طاغي وحاول يثرا
قمتى أمشى لـها مشي بصعـود....وكـل حاجــز دونها أبكسرا
عندي الأصرار معطيني ركــود....قبل أسير أشوف دربي وقفرا
ودي أقطف مابقى لي مـن ورود....وكـوى الحاقد وحـره وقهرا
الهدف ماميـل عنـه ولا أعود....أصلـه وشـوف غيـره ونحرا

[الجوو(0511)وف]

أخيى تركي شكرا لك كل الشكر على هذه الفكره الرائعة:
أقدم لكم هذه الأبيات المتواضعة عسى أن تحوز على أعجاب الجميع:
وضعنا مستور أعطانا الصمود....لـو طغـى طاغي وحاول يثرا
قمتى أمشى لـها مشي بصعـود....وكـل حاجــز دونها أبكسرا
عندي الأصرار معطيني ركــود....قبل أسير أشوف دربي وقفرا
ودي أقطف مابقى لي مـن ورود....وكـوى الحاقد وحـره وقهرا
الهدف ماميـل عنـه ولا أعود....أصلـه وشـوف غيـره ونحرا

[موج]

شكـراً على هذا المسابقة الرائعة .. اخووووووي



تركي فلاح .... الله يعطيك العافية على هذه المسابقة




تقبل تحياتي ...




وإليكم هذي الأبيات عسا ان تنول على إعجابكم ..


القصيـــده : غزلــيـه



لجل عين الغزال اللي تصيد ولا تصاد=لجل عين الذي ترميك من لمح البصر
بديت بحسنها وبحسنها خافقي منقاد=وبدا يرسم خيالي من خفوقي ما شعر
وصايف نادراً ماشفت مثله فالبلاد=ولا شافت عيوني بزينه فالبشر
جديله ليل ورمشة سيف وعوده عاد =كما الريحان من بين الزهور اشهر
عليه الله وأمان الله من الحساد لاينصاد=ابو ثغراً طعم سكر يذوب ويبتدي يظهر



اخوووووووووكم .. موووووووووج

[موج]

~*¤ô§ô¤*~*¤ô§ô¤*~نعتذر عن عدم ظهور الأبيات .. لاني ما ادري ليش...؟



لجل عين الغزال اللي تصيد ولا تصاد...
لجل عين اللذي ترميك من لمح البصر ...

بديت بحسنها وبحسنها خافقي منقاد...
وبدا يرسم خيالي من خفوقي ماشعر ...

وصايف نادراً ماشفت مثله فالبلاد ...
ولا شافت عيوني بزينه فالـــبشـر ...

جديله لـيل ورمشه سيف وعوده عاد ...
كما الريحان من بين الزهور أشهر ...

عليه الله وأمان الله من الحساد لاينصاد...
أبو ثغراً طعم سكر يذوب ويبتدي يظهر ...

أ×////// اخـــــــووكم ///////:::أ

مــــــــــــــــــــــــــــــــــــوج~*¤ô§ô¤*~*¤ ô§ô¤*~

[الجوو(0511)وف]

صح السانك ياموووووج
أبيات جميلة
ورائعه جدا
أتمنى لك التوفيق,,,,,واصل:welcome2:

[الأســـــير]

الأخ : تركي

يعطيك العافيه على هذا الطرح الجميل وتقبل مروري ,

[google]

شكرن اخوي تركي على هذه الفكره التي تنمي الشعراء وتزيدمن تفاعلهم في جلب المزيد من الشعر ولافكار الجديده عندهم اخوك/مشعل