لوحبك سهام لي لاحضن سهامي

[" يقين " ..!]

[Link nur für registrierte Benutzer sichtbar] ([Link nur für registrierte Benutzer sichtbar])
بسم الله الرحمن الرحيم
السلام عليكم ورحمة الله وبركاته



/

\


هــاأنا اعـود من جـديد
وبجعبتــي حكاية جديدة
كــلي آمل بأن تنال رضاكمـ كسابقتهـا




/



\



اطــرح في صفحتي هذه ..
حكاية تختلف .. حكاية انثى
قُيدت بقيود المــاضي ..
في دنيــا الحــب ..



/


\


ملاحظـة ..
ستكــون الرواية مفتوحــة لاستقبال إنتقادتكم
بشرط ان تكون هــادفة ..
سأبدأ بوضــع الاجزاء من اليـوم ..




/


\

دمتمـ بكل ود
هجيــر الشــوووق
[Link nur für registrierte Benutzer sichtbar] ([Link nur für registrierte Benutzer sichtbar])

[" يقين " ..!]

[Link nur für registrierte Benutzer sichtbar] ([Link nur für registrierte Benutzer sichtbar])


لم اكـن اعلم ماهو الحب .. اجهله ..

مشاعري نائمة .. وقلبــي يعيش براحــة ..

الى ان جاء هو .. وايقظ الانثى بداخلي ..

تذوقت طعمـ الحب ..

تذوقت قساوته والمــه ..

جئته , اعلنت انهزامي وضعفي امــامه ..

احبه .. نعم احبه ..

صدني بإتهاماته .. صدني بحروفا" لم افهمهــا

حروفا" من الزمن الماضــي ..

نُقشت منذ نعومة اظفاري .. ولم يكن لي يدا" في نقشها ..

/

\

بالبحريـــن ..

نور : ماراح اروح ابجلس هنا بالبحرين ..
ام نور : يمه لا تكبرين راســج روحتج للسعودية وعيشتج وسط اهلج واعمامج احسن لج
نور : طيب ممكن يمه سؤال وينهم كل هالسنين ليش الحين بالذات افتكروني .. افتكروا ان عندهم بنت اخ عايشة بالبحرين مع امهــا ..
ام نور : الله العالم يمه ..
نور : مستحيل اتخيل اني اترك ديرتي وناسي .. مدرستي وصديقاتي .. وانتقل لمكان مدري عن مصيري فيه مدري عن عيشتي كيف راح تكون فيه ..
ام نور : روحي يابنيتي .. واذا حسيتي نفسج مو متأقلمة تقدرين ترجعين هنـا ..
نور : صح انتي تكلميني وكأني بكون لوحدي هناك .. يمه انتي مو رايحة معاي ؟
ام نور : لا يابنيتي اروح بصفتي وشو ؟؟
نور : زوجة اخوهم الله يرحمه
ام نور : قلتيها الله يرحمه يعني ماهم مسئولين عني .. مسئولين عنك انتي يايمه ..
نور : ماراح اروح الا وانتي معاي .. واذا انتي ماراح تروحين انسي اني اروح واتركك ..
ام نور : الله يعيني على عنادك ..

/


\

بالسعــودية ..
ام سلطان (الجدة) : هاه كلمتوها بنت اخوكم ؟
ابو سعود : كلمنا امها ووعدتنا تكلم البنت وتقنعها تجي تعيش عندنا ..
ابو راشد : الله يرحمك ياعبدالعزيز ماجبت الا هالبنت وماسئلنا عنها عقب موتك .. الله يسامحنا ..
ابو سعود : ايه والله , الله يسامحنا اشغلتنا الدنيا ونستنا حقها علينا .. إن شاء الله ترضى تجي تعيش عندنا ونقدر نعوضها ..
ام سلطان : آمين يارب .. يعلم الله وش قد متلهفة لشوفها وضمها .. ابي اشم ريحة ابوها الله يرحمه فيها ..
دمعت عين ام سلطان لما تذكرت ولدها عبدالعزيز الي توفى قبل 12 سنة بالبحرين .. كان متزوج بحرينية وانجب منها بنت وحده ( نور ) ..

/


\



بجهــة ثانية ..
سارة : تصدقون مشتاقه اشوف هالنور .. شي حلو لمايكون عندك بنت عم بعيدة عنك ..
نوال : الله يرجك وش حلوه ؟؟
سارة : لا بس كذا تحسين بشوق ب.... يعني كيف اوصف لك .. والله ماني عارفه ..
عبير : اقول بنات هقوتكم هالنور حـلوة ؟؟
سوزان : استبعد اكيد شينة ..
سارة : وش الي خلاك تاكدين انها شينة .. ليكون شايفتها ؟
سوزان : لا طبعا" بس احساسي انها شينة لان مافي احد قد حلاوتي بالعائلة الكريمة
نوال ببالها : سوزان عمرك مابتتغيرين
عبير : سوزانوه جد انك مغرورة
سوزان : اولا" اسمي سوزان ثانيا" واثقة بنفسي ماهو غرور ..
سارة : اقول افلقيني قالت ثقة .. اهمـ شي تطلع البنت اخلاق عندي هذي الحلاوة بعينها
نوال : صادقة ياسارة جوهر الانسان هو الي يحليه مو شكله ..
سوزان : ابتدت محاضرات الاخت نوال وفلسفة الاخت سارة ..
نوال بعصبية خفيفه : سوزان لا تنسي اني اختك الكبيرة .
سوزان بتهكم : لا تخافين مابنسى .. اصلا" مايمديني انسى وانتي كل شوي تذكريني ..
سوزان وعبير ونوال خوات ويصيرون بنات ابو راشد .. اما سارة البنت الوحيدة لابو سعود ..

/

\


بيوم ثاني ..
بالبحرين ..
ام نور : ها يمه وش قررتي ؟؟
نور : قراري عطيتك ياه يمه ..
ام نور : لا تيبسين راسك يابنيتي .. وطيعيني .. وافقي وعيشي وسط اهلج وناسج ..
نور : اهلي وناسي هنا مو هناك ..
ام نور : لا يابنيتي هم بعد اهلج وناسج .. برضاي عليج يمه توافقين ..
نور : انتي تبين الفكه مني يمه ؟؟
ام نور ضمت نور لحضنها : انتي منى عيني يمه شلون ابي الفكة منج ..
نور : اجل خليني جنبك ما ابي اروح ..
ام نور : نور انتي ماعدتي صغيرة .. والواجب تعيشين بين اهلج .. انا هني وين بروح قريبة منج تقدرين تزوريني باي وقت ..
نور دمعت عينها ..
ام نور : لا تبكين يمه انا ودي بمصلحتج .. ومصلحتج انج تعيشين بين اهلج ..
نور : خلاص الي تشوفينه يمه ..
ام نور : لا الي تشوفينه انتي اسمعيني يمه ما ابيج تحسين نفسج مغصوبة على العيشة معاهم .. ابيج تفكرين بعقلج وتقررين .. زين يمه
نور : إن شاء الله
/

\


بالسعـودية ..
ببيت ابو سعود ..
سعود : لحد الان ماردوا ولا ندري اذا البنت موافقة عالعيشة هنا والا لا ؟؟
خالد : ليش هي ممكن ترفض؟
سعود : اكيد لا تنسى ياخالد انها طول عمرها عايشة بالبحرين مع امها .. وجيتها السعودية وعيشتها وسطنا معناها تفارق اهلها وديرتها .. والاعظم من كذا امها ..
خالد : اهـااا .. بصراحة صعبة ..
فيصل الي كان منسدح عالكنبة وبيده الريموت يطالع التلفزيون : وش دعوة عاد حنا ميتين على جيتها ..
سعود : شفيك يافيصل ليه تقول كذا ؟؟
فيصل : بس , ماني مرتاح لجيتها ولو ماتجي يكون افضل ..
قال هالكلمة رمى الريموت وطلع ..
خالد : وهذا للحين مانسى السالفه ..
سعود : ولا ظنتي ينسى .. ياخوفي يحسس البنت بشي وهي ماتدري ولا لها ذنب بس هو الي مو راضي يفهم ..
سعود وخالد وفيصل اولاد ابو سعود وسارة اختهم الوحيدة .. /


\

باليوم الثاني ..
ابو سعود : خلاص ياام سلطان كلها يوم وبنت اخوي تكون بالسعودية وتملين عينك فيها
ام سلطان بفرح : جد والله يعني هي وافقت ؟؟
فيصل بباله : وشلون ماتوافق وهي بتترك حياة الفقر وبتجي للعز ..
ابو سعود : ايه وافقت امها اتصلت فيني اليوم وبلغتني ..
ام سلطان : الله يجيبها لي بالسلامة واملي عيني فيها ..
سارة : وش دعوة جدتي متشققة لشوفتها كذا .. ترى نغار ..
ام سلطان : ههههههه يعلم الله كلكم بنفس المعزة بس هذي بنت عبدالعزيز الوحيدة يتيمه
ابو سعود : بعون الله اذا جات ماراح تحس بهالاحساس .. بكون لها كل شي .. بحطها بعيني لاجل غلاة اخوي المرحوم ..
ام سلطان : الله يخليكم ولا يحرمكم بعض آمين ..
/


\


بعد يوم ..
العصــر
ابو سعود طلب من سعود وفهد يروحون المطار ويستقبلون بنت عمهم .. طلب من فيصل يروح معهم بس رفض وتعذر بمشاغله ..
وبالليل كانوا مجهزين جمعه وعزيمة كبيرة للعائلة على شرف نور ..
وصلت نور .. واستقبلوهــا سعود وفهـد .. هلوا ورحبوا فيها ..
اما نورفكانت خايفة بداخلها .. ماتدري وش مصيرها وكيف بتكون حياتها مع هالناس .. كيف بتقدر تتأقلم معهمـ ..
نور بطبعها خجولة ومترددة .. تخاف من مواجهة المواقف .. وتحس نفسها قليلة حيله .. والحين تحس انها ضايعة ومحتاجة لوجود امهــا ..
ببيت ابو سعود ..
دخلت نـور للبيت .. بهرها جماله .. ماتوقعت انها بتعيش ببيت بمثل هالفخامة .. أي بيت الا قصــر ..
ام سعود : هلا والله هلا ببنيتي نور ..
نور: هلا فيك
ام سعود تعرفها على نفسها : انا مرت عمك ام سعود اكبر اعمامك . .
تاشر لسارة بنتها . .
ام سعود : وهذي بنت عمك سارة كبر عمرك ..
سارة : هلا نور
نور : هلا فيك سارة ..
ام سعود : سارة حبيبتي خذي بنت عمك واصعدي معها فوق خليها تريح .. وراها جمعه بالليل ..
سارة : إن شاء الله يمه .. نور تعالي معي ..
صعدت نور مع سارة .. وجلستها بغرفتها الجديدة ..
سارة : تصدقين قبل ماتجين كنت متشوقة اشوفك ..
نور كانت ساكتة مو عارفة وش تقول .. تابعت سارة ..
سارة : هذي غرفتـك إن شاء الله تكون اعجبتك ؟؟
نور : ايه حلوة ,,
سارة : حلوة حلوة والا تجاملين
نور : لا بجد حلوة ..
سارة : الله يحلي ايامك والحلو مايستاهل الا حلو
نور : تسلمين والله
سارة : كيف احساسك اكيد خايفة صح ؟
نور لا اراديا" : كلمة خايفة قليلة .. احس نفسي ضايعة و غريبة
سارة ببتسامة : فترة وتعدي وصدقيني بعدها بترتاحين هنــا .. وبتحسين كأنك بديرتك ..
نور : اتمنى
سارة : يالله اتركك ترتاحين وراك هيصة وميصة مع البنات بالليل ..
نور : البنات ؟؟
سارة : ايه بنات عمـك ابو راشد .. انا بنت وحيدة بين ثلاث شباب لكن إن شاء الله تكونين بمثابة اختي ..
نور ببتسامة : إن شاء الله

/

\

بالليــل ..
كل الاهل تجمعوا .. وام سلطان كانت ميته شوق تبي تشوف بنت ولدهـا الغالي المرحوم .. حتى الشباب والبنات كانوا متلهفين لشوفتها .. يبون يعرفون مين نور ..
ام سلطان : سويرة قومي نادي لي نور ميته على شوفها ؟؟
سارة : إن شاء الله
عند الشباب ..
ماعدا فيصل الا طالع من العصر ولا رجع ..
خالد : اقول وش ظنكم فيها حلوة ؟؟
سعود : وش دخلك يا اخي .. حلوة والا لا ..
خالد : مجرد سؤال ..
فهد : والله البنت ماتنعاب حلوة ..
نزلت نورر .. وكل الانظار موجهه لهــا .. حست برجفة تعتريها وهي تناظرهمـ ..
نزلت راسهــا وكملت طريقهــا نحوهم ..
نور بنت حـلوة جدا" .. ماهي طويلة ولا هي قصيرة .. جسمها متعادل وشعرهــا اسود طويل يداعب اسفل ظهرهــا .. ملامحها طفولية .. تجذب كل من يناظرهــا ..
ابوها عبدالعزيز كان احلى اخوانه .. ونور اكتسبت منه هالجمال والحلاوة ..
ابو سعود : هلا ببنيتي نور ..
ابوراشد : هلا ببنت اخوي ..
ام سلطان اخذتها بحضنها وضمتهــا .. وبكت ..
ام سلطان : هلا ببنيتي هلا بريحة الغالي هلا ..
نور : هلا فيكم ..
نور ماكانت تعرف احد فيهمـ غير ام سعود وسارة .. الي سبق وعرفوها على انفسهم
قامت سارة وتولت مهمـة التعارف .. لحد ماوصلت للبنات والشباب ..
سارة وهي تأشر عالبنات : هذي نوال اكبر بنت عند عمي ابو راشد وهذي سوزان وعبير خواتها .. وهذي منيرة زوجة ولد عمي راشد والكتكوت الي معها ولدها حمودي ..
واشرت عالشباب : هذا سعود اخوي العود .. وهذا خالد اخوي وفيصل طالع ..
خالد ينحني زي المسلسلات : تشرفنا يمعرفتك اخت نور
نور و ببتسامة ضحكتها حركة خالد : الشرف لي
سعود وكالعاده برسمية : حياك الله يابنت عمي
نور : الله يحييك
سارة تكمل : راشد اكبر ولد عند عمي ابو راشد .. واخوه فهـد .. سلمت عليهم وسلموا عليها وجلســوا .
بعـد فترة .. ومن بعد العشاء ..
وصل فيصل للبيت .. لقى اهله متجمعين ..
اول مافتح الباب ودخــل .. جات عينه بعينها .. حس باحساس غريب وهو يناظرهــا
جاءه صوت ابوه ..
ابو سعود : وينك متأخر ؟؟ ماتدري عندنا جمعه للعائلة
فيصل : طلعت مع الشباب وتو رجعنا .. وبعدين لو تاخرت وش فيها اخاف الجمعه على شرف الاميرة ديانا وانا مدري
الكل استهجن الطريقة الي تكلم فيها فيصل .. ونور ما اعارت الامر اهمية .. كانت تناظره وهي سرحــانة فيه .. شدها هالانسان ماتدري ليه .. فز قلبها اول ماشافته ليش ماتدري بعد ..
فيصل شاب وسيم جدا" تقدرون تقولون احلى اخوانه .. جسمه رياضي واذا لبس الثوب والشماغ يضيع ديرة بنات وراه .. يتميز بغمازه وحده على خده اليسار .. وسكسوكة خفيفه بوجهه ..
ام سلطان وهي تاشر على نور : ماتبي تسلم على بنت عمك نور
فيصل ناظر لنور .. نظرات غريبة .. الكل عرف معناها الا نور ..
فيصل : الحمدلله عالسلامة يابنت عمي ..
نور حست بجفاف نبرته وضايقها اسلوبه : الله يسلمـك
قال هالكلمة وصعد لغرفته .. مايبي يضمه مكان واحد معها ..
نور تساسر سارة : مين ثقيل هالطينة ؟؟
سارة انفجرت ضحــك على كلام نور الي ماتنلام لما قالته ..
سارة وهي بعدها تضحك : هذا اخوي فيصل
نور احترق وجهها : يؤ المعذرة ماكنت ادري
سارة وهي بعدها تضحك : لا عادي .. /


\

صعـدوا البنات لغرفة سارة .. يسولفون بعيد عن اهلهم والشباب الي طفشوهم بالتعليقات ..
عبير : تصدقين يانورر ماكنت اتوقعك بهالحلاوة
نور استحت : تسلمين والله انا بصراحة ارتحت لكم وحبيتكم
نوال : وحنا كمان ارتحنا لك وحبيناك من الحين وشلون لو قعدتي معنا على طول عز الله بنعشقك
الكل : ههههههههههه
سوزان ناظرت بنور نظرات باين معناها تكبر وغرور ..
سوزان : وانتي يانور الان باي مرحلة دراسية ؟
نور ببتسامتها العذبة : خلصت ثالث ثانوي ..
سوزان : ماشاء الله يعني كبرنا انا وسارة ..
نور : ايوه ..
عبير : تتكلمين سعودي عدل ماشاء الله .. توقعتك تكلمينا بحريني
نور : اللهجة البحرينية استخدمها واتكلم فيها بس مو دايم .. خصوصا" ان صاحبتي بالمدرسة لما كنت بالبحرين من اصل سعودي وتتكلم سعودي .. فتعودت اتكلم سعودي معها واستفدت منها ..
عبير : امممم حركااااات
نور ضحكت على طريقة عبير ..
عبير : شفيك تضحكين ؟
نور : عجبتني حركـات
عبير بضحكة : ههههه ايه هذي علامة الجودة حقنا
نور ضحكت من قلب لما قالت عبير هالكلمة ..


/


\


بعد مرور شهــر ..
عاشت ببيت عمها ابو سعود ..
نورر على الرغمـ من احساسها بالحاجة لامها ولوجودها و قربها .. قدرت تندمج مع البنات وخصوصا" سارة الي ارتاحت لها من قلب قلبها وصارت لها اكثر من اخت .. قدرت تدخل بينهم وتصير وحده منهمـ وفيهمـ .. الكل كان يقدرهــا ماعدا شخص للان الحيرة قاتلتها تجاهه .. ودها تعرف سر هالنظرات الي يرميها .. فيصــــل ..
اما امهـا فتزوجت من جديد ونور ماعارضت .. امها ضحت باحلى سنين عمرهــا لاجلها ومن حقها تلقى شخص تعيش معه بقية حياتهــا .. والي هون الشي على نور ان امها بتكون قريبة منها لانها تزوجت شخص عايش بالسعودية بسبب ظروف عمله .. بس كان بمنطقة تختلف ..
/


\

يتبـــ .. ,, ــع

[عبدالمحسـن عبدالله]

.•:*¨`*:•. هجـ الشووق ـير.•:*`¨*:•.

’،’ تكـ م ـُـل سعـَـآدتنـَـآ بعودتك لنابرواياتك آلرٍآئـَـعه ’،’

’،’ فقـَـد آضـَـآءت رواياتك بـعـَض جوٍآنبنـَآ آلمظلمـَـه وكلماتكـِ آلمتميـّـزٍة ’،’

’،’ فـ شهـَـآدة شكـُـرٍ آقدمهـَـآ إليـكـِ بكـُـل توٍآضـَـع ’،’

’،’ دُمتِ ودآآآمـ عطائك آلمميـّـزٍ ’،’

’،’ ننتظـُـرٍكـِ بكـُـل شـُـوٍق ’،’

.•:*¨`*:•. حفظكِِِِِِِِ الله ووفقكِ .•:*¨`*:•.

[عبدالمحسـن عبدالله]

معليش اختي هجير نزلت ردي السابق وبعد مانزلته لحظة انك نزلتي جزئك الاول من الروايه واسفين

سوف اتابع قراءة الروايه ولي عوده



.•:*¨`*:•. بالتوفيق لك.•:*¨`*:•.

[" يقين " ..!]

[Link nur für registrierte Benutzer sichtbar] ([Link nur für registrierte Benutzer sichtbar])

/

\




بالجامعه ..
نور تخاطب نفسها :
اموت واعرف وش سر هالنظرات
احيانا" .. اشوف فيها كره دفين ..
واحيانا" مقدر افسرهــا ..
بس هو ليه يكرهني ..
وانا توي اشوفهمـ .. توي اعرفهمـ ..
آه حيرني هالفيصل ..
بس انا ليه مهتمة لهدرجة ..
قلعته ينظر لي الي ينظر لي ..
ليش اوجع راسي فيه ..
ياربي ماني قادرة اشيله من بالي ..
اقولكم سر ولا تعلمون ..
بس اخاف تقولون عني قليلة ادب ..
بصراحة ..
جذبني هالانسان بالرغم من نظراته الي تقتلني حيرة
فيه سحر غير طبيعي ..
صحيح انه ثقيل دم بس حـلوو
ياويلي شكلي بديت احبه ..
لا وش احبه
مجرد اعجاب لا اكثر ..
دامه اعجاب ليه من اشوفه اخق
وما اعرف راسي من رجلي ..
يؤؤؤ
احسن لي انطم قبل لا اجيب العيد ..
جاتها لمياء , تعرفت عليها بداية السنة وخلال ايام بس اصبحت خويتها الروح بالروح .. نور كان حلمها تدرس تربية خاصة ونسبتها كان تأهلها لهالتخصص .. بس ماقبلوها الا علم نفس .. حمدت ربها وبدت دراستها .. على الاقل علم نفس ولا شي ثاني ..
لمياء : السلام عليكم
نور : وعليكم السلام هلا والله
لمياء : هلا فيك انتي وينك ماتنشافين ؟؟
نور : انا ما انشاف ؟؟ كلها يوم الي غبته ..
لمياء : يوم عندي سنة
نور : اقول ترى رقمي عندك ..
لمياء : وش دخل رقمك الحين ؟؟
نور : لا بس فرضا" لو حبيتي تعترفي بحبك لي
لمياء : هههههههه واثقة الاخت ..
نور : حدي بعد .. اقول ماشفتي سارة ..
سارة : كأني سمعت اسمي
نور اخترعت لان سارة كانت واقفة وراهــا ..
نور : بسم الله من وين طلعتي ؟؟
سارة : من بطن امي
الكل : هههههههههه
نور : اقول بكرى الخميس وش رايك نقترح عالبنات والشباب طلعة
سارة : والله فكـرة .. خل اروح البيت واكلم فيصل ..
نور : ليه ماتكلمين سعود ؟؟ يعني بصفته الكبير
سارة : لا لا سعود مايهتم لهالسوالف ويمكن يرفض .. فيصل عادي ..
نور : اهــاااا



ببيت ابو سعود ..
سارة اول ماجات من الجامعه مع نور .. نطت عند اخوهـا فيصل ..
سارة : اقول فصولي ؟؟
فيصل ببتسامة : مادام قلتي فصولي اكيد وراك شي ؟؟
سارة : فديته الي فاهمني
فيصل : آمري ..
سارة : تعرف بكرى عطله وبغيناك تطلعنا ..
فيصل : ماطلبتي شي يالغالية .. بس وين تبين تروحين ؟؟
سارة : تصدق ماسئلت نور ؟؟
فيصل تغيرت ملامحه : وهي وش دخلها ؟؟
سارة : هي الي مقترحة الطلعه ..
فيصل : اهـااا .. اجل خلي خالد يطلعكم
سارة : ليييييييييييييه ؟؟
فيصل : تذكرت عندي مواعيد للشغل بكرى ..
سارة حزنت : ماتتأجل لخاطر سارة ؟؟ والا سارة مالها خاطر عندك ؟؟
سارة قدرت تدق على الوتر الحساس لاخوهـا .. فيصل يحب سارة وموته ولا يرفض لها طلب ..
فيصل بعد فترة من السكوت : خلاص لخاطر سارة بس .. وكمل بقرف : قومي اسئلي البرنسيسة نور وين تبي تروح ؟؟
سارة : اوكي ..
قامت عند نور الي بالاساس كانت واقفة عند الباب وسمعت كل شي دار بينهم .. بس لما طلعت سارة انحاشت للغرفة ..
سارة : فيصل يسئل وين تبين تروحين ؟؟
نور غارقة بحيرتها ليه يافيصل تعاملني كذا
اموت واعرف سر هالمعاملة وقبلها سر هالنظرات الي
ترميني فيها ... وش سويت ..؟؟!!
سارة : نور وين رحتي ؟؟
نور انتبهت : لا معاك معاك
سارة : طيب ماقلتي لي وين تبينا نروح ؟؟
نور : وش رايك بالبحر ..
سارة : جبتيها خلاص قايمة اقول لفيصل ..
لكن قبل لا تقوم مسكتها نور من يدهــا ..
نور : طلبتـك لا تقولين اختياري .. قولي انك انتي الي تبين طلعة للبحر
سارة حست بنور ..
سارة ببتسامة : اوكي ..
طلعـت سارة وهي غرقت بافكــارهـا .. عن هالفيصل ...





بالليل ..
دقت سارة عالبنات وعلمتهمـ عن الطلعة .. وانبسطوا كثير ..
عبير تكلم سارة بالجوال : بذمة ابو الي خلفك قولي صدق
سارة : ايه صدق بس اتركي الي خلفوني
عبير وعندها الجوال .. قامت تناطط وهي تصارخ : هيه هيه هيه هيه هيه
سارة سمعتها بالجوال : ويلي يمه استخفت البنت
دخلت نوال وشافت عبير تناطط : خير وش فيك ؟؟
دخلت وراهـا سوزان : يؤؤؤ عبيروه شفيك ؟
عبير وهي لازالت تناطط : بكرى .. فيه .. طلعة .. للبحر .. من الصباح هيه هيه هيه
نوال وسوزان انبسطوا من زمان ودهم يطلعون بس اخوانهم يعطونهم اشكل .. ومن زود البسطة انضموا لعبير عالسرير وقام المناطط ..
جات امهمـ وشافت بناتها وواشهقت ..
ام راشد : استخفن بناتي هيه انتي وياها اهجدي ..
عبير : يوووه يمه خلينا مبسوطين
ام راشد : وماتصير البسطة الا بالمناطط
نوال : لا يمه بس نعبر عن شعورنــا
عبير : وش رايكم نشرب كوكاكولا
سوزان : جبتيها
وكلهم بصوت واحــد ..
عبير ونوال وسوزان : عبر عن شعورك ايوه كوكا كولا
ام راشد : الله يخلف ويعوض



وباليوم الثاني صحوا من الصباح وتجهزوا للطلعه .. طبعا" الطلعه كانت شبابية .. يعني شباب وبنات فقط .. والي هم .. فيصل وخالد وفهد وسارة ونور وعبير ونوال وسوزان ..
نوال : هوى البحر يرد الروح
نور : ايه والله .. مافي احلى من البحر ..
سارة : شوفوا وش كبر البحر .. ياسبحان الله ..
سوزان وعبير كانوا جالسين بالجلسـة .. اما الشباب الي يجهز الاغراض والي جالس يسولف ..
فيصــل كان جالس على صخـرة ويتأمل بالبحر .. يخاطبــه ..
مانسيت ..
ولا ظنتي اقدر انسى
انها بيوم من الايام ..
كانت السبب
في خسارتي لانسان غالي ..
صعب ..
اسامــح ..
لولاهـا كان الحين عايش ..
لولاها كان الحين بينا ..
بس بسببها هي ..
خطفه المــوت والي كان المفروض يخطفها ..


نور : ليه سعود ماجاء ولا حتى راشد وزوجته .؟.
نوال : راشد ودى منيرة بيت اهلها عندهم عزيمة للاهل ..
سارة : وسعود تبع ابوي بالشركة ومايرغب لمثل هالطلعات مثل ماقلت لك
نور : اهـااا
عبير : واي بنات ودي بأيسكريم ..
سارة : وانا بعد زمان ما اكلنــا .. خل اروح لفيصل واقوله ..
راحت لفيصل ..
سارة : فيصل ودنا بايسكريم .. ممكن تجيب لنــا
فيصل ببتسامة : ماطلبتي شي يالغالية
اشترى لهمـ .. ماعداها هي .. يبيها تعرف انها ولا شي عنده ولا هو متتبه لوجودهــا ..
سارة حست بداخلهــا .. وقدمت الايسكريم حقها لنور .. وسوت نفسها كان فيصل نساها وهو بالاساس متناسي نور ..
فيصل يبي يقهر نور زود : لا ياسارة الايس كريم هذا لك .. ويكمل وهو يوجه نظراته لنور : عفوا" نسيتك يانور مو قادر اتعود على وجودك .. عطاها ابتسامة حيرتها اكثر .. ومشى ولا حتى كلف نفسه يقول برجع اشتري لك ..
سارة احترق وجهها وحست بالفشيله .. كيف نور ..
بس نور ابتسمت وقالت : زطي اعوذ بالله
البنات عند هالكملة ماتوا ضحــك .. لدرجة ان عبير انسدحت عالجلسة ..
نور استغربت : شفيكم قايله نكتة ؟؟
نوال وهي تسترد نفسها : عيدي الكلمة الي قلتيها ؟؟
نور : قصدك زطي ؟؟
ورجعوا البنات للضحكـ ..
سارة : آه يابطني ارحموني بموت .. ( ورجعت تضحك )
نور : والله ماعندكم سالفه خل اروح اشتري لي ايسكريم احسن ..
قامت تشتري لهـا .. فيصل شافهـا بس حقرهـا .. اما خالد تقدم لها ولحقها ..
خالد وهو ينادي : نور
نورالتفت : هلا
خالد : وين رايحة
نور : مشتهية ايس كريم ورايحة اخذ لي ..
خالد ببتسامة : انا بجيب لك ..
نور استحت من خالد ورجعـت ..
اما فيصل شاف كل شـي ولا باغته ندم على الي سواه .. لازم تعرف من الان انها عنده مالها وجود ..
سارة : تعالي انتي ماقلت لنا وش معنى الكلمة الي قلتيها ؟؟
نور : ياربي ماصارت كلمة معقولة تضحك لهدرجة
نوال : لا بس الكلمة غريبة علينــا
نور وهي تضحك : زطي يعني بخيل
البنات : اهــاااا ورجعوا يضحكون ..



بعـد فترة ..
وعند الشباب ..
فيصل : يا اخي ما احبها ولاني قادر على وجودهـا
خالد : طيب ماقلنا لك حبها على الاقل لا تحسسها بكرهك جاملها
فيصل : اكره اجامل وبعدين انت ليه مهتمـ حست والا لا ؟؟ ليكون تحبها ؟؟
خالد : ايه احبها مثل سارة .. البنت يتيمة امها بعيده ومالها احد هنا غير الله ثم حنا ..
فيصل بسخرية : تصدق كسرت خاطري عليها مسكينة
خالد : تدري انت الكلام ضايع وياك ..
فهد : يا اخي اتركه ماعليك منه
خالد : رافع ضغطي المشكلة يسوي حركات عوجه وانا الي اتفشل
فهد : والله الي يشوفكم مايقول انت الصغير وهو الي اكبر منك
خالد : ياما قالوهــا




نور ابتعدت عن البنات ووقفت جنب البحـر .. طرت ببالها امهــا وفرت دمعه من عينها .. اشتقت لك يمه .. ليتــك كنتي هنــا .. وارتمي بحضنـك .. ودي اشكي لك غربتي بين اهلي .. ودي اشتكي لك هالانسان الي حيرني ..
لاحظتها سارة وقامت لهــا .. ولما قربت جنبها .. لاحظت دمعتها ..
سارة : نور تبكين ؟؟
نور تبتسم وتمسح دمعتها : لا لا بس تعرفين هوى ودخلت غبره بعيني ..
سارة ماصدقتهــا .. وقالت ..
سارة : اسمعيني يانور ما ابيك تزعلين من فيصل ترى فيصل طيب وحبوب وحنون بس ..
نور قاطعتها : بس يكرهني مو متقبل وجودي بينكم
سارة : لا لا مو كذا يانور .. فيصل مايكرهك ..
نور دمعت عينها : اجل وش سر هالنظرات وش سر هالمعاملة القاسية .. سارة انا مو خبله والا غشيمة .. انا عارفة ان فيه سر ورى كل الي يسويه فيصل ولازم اعرفه ..
قالت هالكلمة ومشت عنها .. وسارة مشت وراهــا ..



بعد المغــرب ..
ببيت ابو سعــود ..
ام سلطان : متى العيال يوصلون ؟
ام سعود : هم طلعتهم من الصباح واعتقد بيجلسون لحد الساعه 12 بالكثير مثل ماسمعت من فيصل
ام سلطان : الا بقولك وش اخبار فيصل مع نور ؟ عساه متقبلها
ام سعود : فيصل مانسى وللان يحاول يتجنبها ولا يختلط فيها ..
ام سلطان : الله يهديه متى يفهم ان مالها ذنب ..
ام سعود : فيصل كان يحب عمه عبدالعزيز ومرتبط فيه ارتباط غير طبيعي لدرجة انه اخذ منه اشياء كثير
ام سلطان : بس عبدالعزيز الله يرحمه بعمره ماعرف يحقد ولا يكره ..
ام سعود : وفيصل بعد مايعرف بس سوء فهمه والفكرة الي بنى عليها احساسه من صغره هي الي خلته يعاملها بهالمعامله ..
ام سلطان : نور ماتدري عن شي ياخوفي لو درت
ام سعود : لا تخافي ياخاله بعون الله ماراح تدري وانا منبهه على فيصل يمسك نفسه ولا يتهور ويقولها شي . .
وصل ابو سعود مع سعود من الشركــة .. ولقوهم جالسين بالصاله ..
ابو سعود وسعود : السلام عليكم
ام سعود وام سلطان : وعليكم السلام
ام سلطان : توكم واصلين ..
ابو سعود : ايه يالغالية كان عندنا زحمة شغل وماقدرنا نطلع الا الان ..
ام سلطان : الله يقويكم
ابو سعود : آمين الا وين العيال ؟
ام سعود : طالعين البحر والا نسيت
ابو سعود : ايه صح (وجلس يضحـك ) والله هالشغل ينسي الواحد اسمه
ام سلطان : وانت ياسعود ليه مارحت معاهم ؟
سعود ببتسامة : مقدر اترك الوالد لحاله بزحمة الشركة
ابو سعود : طيب لو تروح الحين تلحق عليهم .. توه المغرب ..
ام سعود : ايه روح لهم ووسع صدرك معاهم شوي ..
سعود : خلاص قايم بس آخذ لي شاور واروح لهمـ .. عن اذنكم
الكل : اذنك معك




عند البحـــر ..
وعند البنــات ..
سارة : اوووف بديت امل من الصباح وحنا سوالف ماودكم تقومون شوي ..
نوال : هذا حالنا ياسوالف ياتمشية .. طالعي الشباب ميتين ضحك .. اكيد يسولفون بسوالف تضحك اموت واعرف عن وشو ..
عبير : اقوم اسئلهم ؟؟
سارة : خخخخخخخخ تسوينها
نور كانت سرحانة وبعالم ثاني .. بعالم الحيرة الي حطها فيه فيصــل ..
نوال : نور شفيــك ؟
نور انتبهت وببتسامة : مافيني شي بس جالسة افكر بأمي .. اشتقت لهــا ..
سارة : الله يجمعك فيها على خير ..
نور : يارب
نوال طلعت عيونهــا فجأة وهي تناظر ناحية الشباب ..
عبير انتبهت : احلى احلى
سارة استغربت : وش صاير ؟؟
عبير تأشر لناحية الشباب : طالعي مين وصل ؟
سارة : هذا سعــود ما اصدق ..
وقامــت تركض له ..
اما نوال لازالت عيونها مركزه عليه .. وهي تذوب بداخلها ..
عبير نخزتها : قومي اركضي وراهــا لحبيب القلب ..
سوزان تبي تقهر اختها : ياربي شوفي وجهها كيف قلب احمر على اخضر على بنفسجي
عبير : وضيفي وردي بعد خخخخخخ
نوال عصبت : وبعدين انتي وياها اسكتوا احسن لكم لا اقسم بربي ادفنكم هنا
عبير وسوزان : يمااااااااامي
اما نور كانت تناظرهم ومو فاهمة شي بس تضحك عليهم ..
فيصل : اوه اوه سعود جاي والله غريبة
سعود : لا غريبة ولا شي جاي اوسع صدري
فهد : ليه قالوا لك فاتحين خياط صدور هنا
الكل : ههههههههههههههههههههه
سعود : ياربي عالبايخ
واتجــه سعود لجلسة البنات يسلمـ عليهم .. وسارة كانت واقفة تنتظره ..
سارة : وش الي جابنا عالبال
سعود وهو يرمي نظــرة للي وجهها احترق اول ماشافته : الشوووووق هزني وجابني للحبايب
هنا نوال تمنت جنبها شي وتحذفه فيه .. بجد احرجهــا .. الكل عارف ان نوال تحب سعود وسعود يحبهــا .. وهالكلام مايقصد فيه الا نوال ..
سارة : الله الله توي ادري انك شاعر
سعود : احم احم مواهب خفيه ماشفتي شي .. طيب طسي مناك ابي اسلم عالحبايب يؤ قصدي البنات
سلمـ عالبنات ورجع للشباب وجلس معهمـ ..
نور نخزت سارة : سويرة
سارة : هاه نويرة
نور : هههههههه الله يرج ابليسك اقووول
سارة : قولي
نور : سعود مين يقصد بكلامه ..
سارة وتعمدت ترفع صوتها علشان تسمعها نوال : سعود يقصد نوال لانه يحبها وهي تحبه
نوال هنا ماتحملت : وجع قومي خبري الي حوالينا بعد
سارة ماتت ضحك على شكل نوال الي انقهرت جد .. اما نور ابتسمت وهي بخاطرها ياحظك يانوال تحبين والي تحبينه يحبك ..
عبير هنا تلقفت : اقووول نور تحبين والا لسى على قولة اهل الحب خافقك مادق ..
نور استحت وببالها : لو قلت لا كذابه ولو قلت ايه ماصدقت .. انا نفسي مدري ..
سارة تناظر نور : امممم صعب السؤال
نور : هههههه لا مو صعب بس خطر على بالي شي .. واجابتي لا لسى خافقي مادق
وانتي ياعبير .. ؟؟..
تنهدت عبير : انا خافقي دق ودق من زمان .. والي دق لاجله مو حاس فيه ..
سارة : او حاس بس يطنشك ..
عبير : سويروه وجع ليش يطنشني ؟؟
سارة : خالد طبعه كذا .. اخوي واعرفه ..
نور : ماشاء الله تحبين خالد ..
عبير ذابت : ايه
سارة : لا ما اقدر على الي يحبون اذوب انا
نوال تبي تحرج سارة مثل ما احرجتها : ذوبي لا جاء فهد
سارة احترق وجهها وسكتت .. والبنات ماتوا ضحك عليها ..
نور : يابنات الذينا طلعتوا عاشقين وانا آخر من يعلم لا وحاجزين .. يالله كل وحده تقول مين حبيب القلب حقها بصراحة .. علشان لا احط عيني عليه ..
عبير : من الان اقولك ترى خالد لي ياويلك ان حطيتي عينك عليه ..
نور : هههههههه لا وربي ما اقرب صوبه
نوال بحياء : وانا سعود
سارة مرخية راسها : وانا فهــد
عبير : تدرون عاد ماباقي الا فيصل ماله حبيبه ..
سوزان : ومين الي قال
البنات كلهم التفتوا لناحية سوزان الي قالتها بكل ثقة ولا بان عليها اثر لحياء او شي ..
عبير استغربت : ومن متى البنت عاشقة فيصل
سوزان : من زمان
نوال : وليه ماخبرتينا وصارحتينا ؟
سوزان : بس ما احب اخلي احاسيسي كتاب مفتوح ولا احب احد يدري عن شي ..
سارة : وليه قلتي الان ؟
سوزان بضحكة مصطنعه : خفت نور تحط عينها عليه ..
نور انصدمــت من اول ما سمعت ان سوزان تحب فيصل .. خافت يبان شي على وجهها وابتسمت غصب ..
نور : لا تخافين الا هذا لو مايبقى الا هووو .. وبعدين بدري على هم الحب ووجع الراس
سوزان : ريحتيني .. هههههههه
وقضــوا الليلة كلهــا ضحك وسوالف .. لحد ماجات الساعه 12 ونص .. وصار لازم يروحون ..
نوال وسوزان وعبير مع اخوهم فهد ..
وسارة ونور مع سعود .. اما خالد مع فيصل بسيارة وحده ..
سعود : سارووه لو طسيتي ورى مع نور مو احسن
سارة : اولا" اسمي سارة وبعدين ليه كل ماركبت معك قدام تطردني
سعود : بس ما احب بنات يركبن معي احس شكلي يضحك .. قومي طسي ورى ..
سارة ناظرت بالنافذة ناحية سيارة اخوها فيصل شافته لسى مامشى ..
سارة : خلاص بطس من سيارتك خير شر
فتحت الباب ونزلت .. اما نور احتارت بعمرها .. وجع هذي وين راحت خلتني مع اخوها لحالنا ..
فتحت النافذة ونادتها ..
نور : ساروه تعالي وين رايحة ..
سارة تذكرت ان نور معها : يؤؤؤؤؤ نسيت انك معي انزلي خلينا نروح مع فيصل
نور ببالهـا :"اوووف ياربي ليتني ماناديتك وذكرتك دام السالفه فيها فيصلوووه
نزلت نور .. وسعود ميت ضحك على اخته الي انقهرت من قلب لما طردها من قدام ..
راحت لعند فيصل الي كان بيمشي ..
فيصل : سارة وش جابك ليه مارحتي مع سعود ؟
سارة : سعودوده طردني قالي طسي ورى وانا ابي اركب قدامـ .. قلت مالي غيرك
خالد : يعني افهمها انـا واروح مع سعود ..
سارة : عليك نور ..
خالد : خليها تقوم لا اموت هههههههههههههههه
سارة : ياربيييييييييه عالبايخ
اما نور ماقدرت تمسك نفسها وضحكت ..
فيصل : طيب خلاص خالد تروح مع سعود وسارة والي معها يركبون معي ..
نور ببالهـا : والي معها !! الظاهر مالي اسمـ ولا حتى ماله خلق ينطقه ..
ركبت سارة نور مع فيصل .. وخالد مع سعود ..
بسيـــارة فيصل ..
فيصل كان مركز عينه عالطريق .. ونور كل فكرهــا فيه .. ودها تعرف سر هالمعامله ..
نور ببالهــا :
ياترى وش السر ..
وش سر هالمعامله
كره والا حقد والا عدم تقبل
والا كذا لله مو طايقني ..
والا كلهــا ..
حيرتني يافيصل حيرتني ..
لو انك تنطقها وتقول يانور اكرهك
تريحني .. بس البلى ماشفت شي يأكدها
يوم سمعت سوزان تقول انها تحبــك
حسيت باحساس غريب ..
حسيت ان ودي اقوم واخنقها ..
حسيت انها ماخذه شي مو لهــا
شي يخصني انــا
شي يخص نور ..
بس ليه حسيت كذا ..معقولة تكون غيرة
بس غيرة على مين ومن مين ..
انا اغار عليك منها
والا اغار لانها تحبك وانا ماعندي حبيب
حتى مشاعري يافيصل حيرتني
ولا عدت ادري
انت
ماتهمنــي
والا
(( أحبـــــك ))


يتبـــ .. ,, ـــع

[" يقين " ..!]

وصلوا للبيت وكل واحد راح على غرفتــه .. بس طبعا" نور ماتقدر تنام قبل لا تتطمن على جدتها وتشوفهــا ..
راحت غرفتها .. وطبعا" مافسخت عبايتها .. لان متعودة تظل فيها قدام اولاد عمها .. وتخاف يطلع احد منهم ويشوفها وهي رايحــة لغرفة جدتها ..
طقت الباب .. وجدتها كانت صاحية .. تقرأ بالقرآن الكريمـ ..
يوم شافت انها نور .. اشرت لها بيدهــا وهي لا زالت تقرأ انها تدخل .. ودخلت .. جلست جنبها عالسرير .. قعدت تستمع لصوت جدتها وهي تقرأ القرآن .. حست بشعور غريب .. ودها تبكي لين ترتاح .. ياسبحان اللـه كـلام القرآن الكريم يأثر بالواحد .. يخليه يعيش بعالم ثاني .. عالمـ مليئ بالطهارة والنقاء .. يفتح ابواب امل جديدة لكل مذنب وخاطئ .. ولكل انســان حاصرته هموم دنياه ..
ام سلطان بعد ما انتهت : هاه يابنيتي متى وصلتوا ؟
نور : تونا واصلين ..
ام سلطان : عسى انبسطتي مع اولاد عمـك ؟
نور طرى على بالها فيصل ومعاملته لهـا : ايه انبسطت كثير ..
ام سلطان : ياعساه دوم يارب
نور : آمين ..




بيــوم ثاني ..
وعلى الغداء ..
اجتمعوا عائلة ابو سعــود ..
ابو سعود : كيف كانت طلعتكم عسى انبسطتوا فيها ؟
سارة : واااي يبه انبسطنا كثير ..
ابو سعود ناظر ناحية نور : وانتي يابنيتي ؟؟
نور ابتسمت : انبسطت كثير ياعمي .. وسكتت كأنها تبي تقول شي ومتردده ..
ابو سعود : آمري يالغالية ..
نور : بغيت اطلبك طلب ياعمي وهو اني ازور امي مشتاقة لهــا كثير .. ومن جيت للان مازرتها الا مره وحده ..
ابو سعود : ماطلبتي شي .. الاربعاء الجاي بإذن الله فيصل يوديك لهــا
هنا فيصل رفع راسه من صحنه وناظر ابوه مقهور ..
فيصل : اعتذر يبه بس الاربعاء عندي مشاغل وصعبة اطق مشوار للرياض ..
نور فهمت انه يتهرب .. وانتظرت رد عمهــا ..
ابو سعود : والمشاغل هذي ماتقدر تخلصها قبل الاربعاء
فيصل بنبرة غريبة : لا هالمشاغل لازم تتخلص يوم الاربعاء بالذات
سعود يبي ينهي االحديث قبل لا تنقلب معركــة ..
سعود : خلاص يبة انا اوصلهــا ..
ابو سعود تنهد : طيب على خير ..
اما نـور لهنـا وخلاص ماعادت تتحمل معامله هالفيصل .. تحس نفسها عاله عليه والا مضيقة حياته .. بكل مره يحاول يثبت لها اكثر واكثر ان مالها وجود وانها ماتهمه .. خلص فيصل غداه وقامـ .. اما هي ظلت تناظر بصحنهــا وبالهــا بعيد ..
سارة : نور شفيك ؟
نور : مافيني شي
سارة : طيب ليه ماتاكلين ؟
نور ابتسمت : خلاص شبعت
ام سعود : انتي ما اكلتي شي يابنيتي
نور : لا ياخاله اكلت كثير اخاف انتفخ اكثر
الكل : ههههههههه



بالجهــة الثانية ..
رمى بجسمه عالسرير .. وهو يخاطب نفسه :
هذا الي ناقص اشتغل سواق عندها
انا لو بوصلهــا ..
بوصلها للمقبرة وادفنهــا ..
مثل مابسببها
اندفنت فرحتي قبل 12 سنة ..
اكرهها وماهو بيدي ..
اكرههـا





بالعصــر ..
نور جالسة بالصاله مع سارة .. يطالعون التلفزيون ..
نور : اقول سويرة ..
سارة وهي مندمجه بالتلفزيون : هلا نويرة
نور : ماودك تغيرين هالفلم
سارة : ليش ؟ مو عاجبك
نور : ايه
سارة : طقي راسك بالطوفة خخخخخخخخخخخخخ
نور : سارووووووه
سارة وهي بعدها تضحك : امزح معك وربي لا جد مو عاجبك
نور : لا احسه كله عنف
سارة : يابنتي الافلام الهندية وش محليها غير هالتكفيخ .. طالعي بس طالعي وتعلمي كم حركة للزمن
نور : هههههه وليش إن شاء الله ؟
سارة : علشان الزمن كل مايصفعك اصفعيه خخخخخخخخخخخ
نور : ياربيييييييه رجعت للبياخه
سارة : وش تبين اسوي لك .. وربي ملل ..
نور : خل نروح لبيت عمي ابو راشد .. خاطري اشوف منيرة وولدها حمودي .. صار لنا زمان عنهم ..
سارة : امممم فكرة طيب عندك احد يودينا
نور : ليش مافيه احد بالبيت
سارة : لا ياحظي اخواني كلهم برى
نور : والسواق ؟
سارة : راح يوصل امي بيت خالتي ..
نور : والحل ؟
سارة : مدري .. اخاف ادق على سعود يطلع مشغول بالشركة .. واخاف ادق على فيصل يطلع مشغول مع ربعه واخاف ادق على خالد ويطلع مشغول هم بعد مع ربعه ..
نور : خلاص نسلي نفسنا باي شي ..
سارة : تعرفين تلعبين كورة بالبلاستيشن
نور : مو كثير ليش ؟
سارة : تعالي معي وانا اقولك ..
مسكتها سارة من يدهــا واخذتها لغرفة فيصل .. الي من جات للان مادخلتهــا ..
دخلت وبهرهـا ديكورهــا .. باين من منظرهــا رقي ذوق صاحبها وشدة حرصه على ترتيبها ..
والمكتبة ماشاء الله مليانة كتب .. اول مره تدري ان فيصل شغوف بالقراءة كذا ..
كتب بمختلف المجالات .. حتى بالطب ..
شدتها صورة كبيرة على الجدار .. صورة فيصل وهو بالجينز .. ياربي عذاب هالانسان
ابتسامته ساحره .. ملامحه رجولية .. وش اوصف فيه .. جنني
سارة تنادي نور الي صنمت عند الصورة : بطولين وانتي واقفة ؟
نور انتبهت : وش بتسوين ؟
سارة : بلعب بلاستيشن سكري الباب وتعالي
نور : وفيصل اخوك مايمانع
سارة : لا لا سكري الباب وتعالي العبي
نور : طيب لحظة اجيب شيلتي فرضا" لو جى اخوكِ
سارة : مابيجي يالله ترى بدت المباراة
نور : طيب ..
وابتدأ اللعب والحمــاس بين البنات .. وبينما هم مندمجين باللعب .. وصل فيصــل للبيت قريب المغرب ..
وقبل لا يصعد الدرج .. دق جواله ..
فيصل : هلا صالح
صالح : هلا بك وينك دقيت عالشباب قالوا لي طلعت
فيصل : ايه طلعت ابي الحق اتحمم قبل لا يأذن المغرب واروح للصلاة ..
صالح : طيب راجع بعد الصلاة ؟
فيصل : بإذن الله
صالح : خلاص نشوفك في امان الله
فيصل : في امان الكريم
وفووووق ..
سارة : ووووووووي
نور : شفيك؟
سارة : بروح الحمام وانتي بكرامة ارعصي ووقفيها لين ما اجي
نور : طيب مو تطولين
سارة : زين
طلعت سارة ركض للحمام .. اما نور فأنتهزت الفرصة .. ووقفت مقابل الصورة الكبيرة الي عالجدار وقامت تخاطب صاحبها ببالها ..
عيونك .. مايناسبها الكره الي اشوفه بنظراتك لي
فمك .. مايناسبه التكشيرة الي اشوفها من تشوفني
فيصل ليه تعاملني كذا ؟
ليه تحسس نور انك ماتبيها بحياتك ..
نور بدت تحبك ..
وبديت تسرق قلبهــا ..
آه يافيصل ليتني اقدر اواجهك واعرف سرك ..
صعد فيصل بعد ما اخذ له كاسة مويه من المطبــخ .. وسارة لا زالت بالحمام ..
توجه لغرفتــه .. لقى الضوء شاعل استغرب .. فتح الباب وكانت المفاجأة ..
اشهقت نور اول ماشافته .. اما هو تراجع وطلع .. واعطاها ظهره .. لين ما تأكد انها وصلت لغرفتها ..
حس بنار تسري فيه .. ودها تحرق كل شي .. وش الي جابها لغرفتي واصلا" وش قاعده تسوي بغرفتي ..
طلعت سارة من الحمام .. ودخلت غرفة اخوهــا .. وانصدمت لما شافته جالس عالسرير وملامحه ماتبشر بخير ..
جاءها صوته ..
فيصل : وش الي دخلها غرفتي ؟
سارة بربكة : منهي .؟؟.
فيصل بعصبية : سارة مو وقت استهبالك الي اسمها نور وش الي جابها لغرفتي ؟
سارة :ضاق خلقنا ومالقينا شي يسلينا فأقترحت عليها نجي نلعب عندك بالبلاستيشن ..
فيصل : طيب البيت له رجاله .. والاخت جالسة حتى بدون شيلة .. والا خلاص قالت جينا للعز نخلع الحياء ..
سارة : لا لا يافيصل انا الي مارضيت تلبسها على بالي ماراح ترجع الا بعد الاذان كل حنا طلعنا من الغرفة .. لا تظلم نور ..
فيصل بنبرة هادية مايبي يعصب اكثر على اخته : المهم ثاني مره لا بغيتي تلعبين استأذني مني ياسارة وخصوصا" اذا كانت معك هي ..
سارة باسف : طيب .. جمعت اكياس الشيبس وطلعت .. وهو اخذ منشفته ودخل الحمام ياخذ له شاور عسى تهدى اعصابه قبل لا يروح للصلاة ..
اما نور فسمعت كل شي .. وانهــارت بغرفتها .. دقت سارة الباب بس ماعطتها جواب واستنتجت سارة انها سمعت كل شي قاله فيصل .. خلتها لين ماتهدى وترجع تعتذر لها على الي صار .. لان هي السبب ...
نور رمت بنفسها عالسرير .. حضنت مخدتها .. بكت بالم .. بكت بحرقة .. تمنت امها جنبها وتحضنها .. محتاجة تشكي لها ..
نور ببالهــا :
ليه يافيصل ليه ؟؟
ليه هالقساوة . .
ابي افهم وش سويت ..؟؟
وش ذنبي ؟؟
آه ياخافقي .. ليتك مانبضت له ..
ليتك مانبضت لانسان من حجر ..
كل همه يهينك .. ويقسى عليك ..
يثبت لك انك مالك وجود عنده ..
ورجعت تبكــي علهـا ترتاح .. جاءها الصوت من المسجد .. الصوت الي يخلي الحجر يبكي ويخشع .. وكيف مايخشع وفيه ذكر ارحم الراحمين .. اعتذلت بجلستها عالسرير ..
وانصتت بكل جوراحها للصوت .. ورددت معه ..
اشهد ان لا اله الا الله
اشهد ان لا اله الا الله
اشهد ان محمد رسول الله
اشهد ان محمد رسول الله





بعــد الصلاة .. وبعد الجــو الايماني الي خيم عليهــا .. جاتها سارة .. طقت الباب وسمحت لها تدخل ..
قربت منها سارة ودمعه بعينهــا .. جلست بجنبها ..
سارة : سامحيني يانور كل الي صار لك بسببي
نور ببتسامة عذبة : لا ياسارة مو انتي السبب .. ويالله امسحي دمعتك ترى ابكي معك الحين ..
سارة وهي تمسح دموعها : نور ترى فيصل مايقصد ..
قاطعتها نور وقالت بنبره هادية جدا" : فيصل ياسارة يكرهني والسبب مدري عنه .. وعلى راحته اذا بيكرهني .. اهم شي انتي ووجودك جنبي .. انتي اختي الي ماجابتها امي ياسارة ..
سارة ماتحملت ارتمت بحضن نور وبكــت .. اما نور جلست تربت على شعرهــا ..
وغرقت بافكارهــا ..




بالجهــة الثانية ..
فيصل كان طالع مع صاحبه صالح بسيارتــه .. صالح لاحظ شرود فيصل .. وسئله ..
صالح : بك شي فيصل ؟؟
فيصل انتبه : لا مافيني شي ليه ؟
صالح : مدري اشوفك شارد ؟؟
فيصل : امور عائلية تشغلني ..
صالح وكأنه فهم وش يقصد : تقصد بنت عمك ؟
فيصل تنهد من قلبه بقهر : وفي غيرهــا .. من جات للان وانا مو قادر اقعد بالبيت لحظة وحده اختلق أي عذر وانتظر الفرصة علشان اطلع من البيت .. مو متحمل وجودها معي بمكان واحد .. مو متحمل وجود قاتله معي ..
صالح : الله اكبر سويتها قاتله!! ..
فيصل : ايه قاتله .. ونظرتي ماراح تتغير لوماهي كان الحين بينـــا ..
صالح : فيصل لا تعقد الامور .. انت عارف ان البنت مالها ذنب بلي صار .. حكمة ربك يا اخي ..
فيصل : ولو .. مايغير شي من احساسي تجاهها ..
صالح : انتبه ترى يقولون مابعد الكره الا محبة ..
فيصل : الا هذي الشعور ينقلب معها من كره الى شي اعظم من الكره ..



ببيت ابو راشــد ..
منيرة : عبيروووه ووجع اتركي ولدي ..
عبير وهي بحضنها ولد اخوها محمد : خليني امصع خدوده شوي ووووي فديته وفديت هالخدود ..
منيرة : اصلا" بحرم اجيب عيال والسبة انتي ..
عبير : بتقطعين خلفتك من اسبابي ليش إن شاء الله ..؟؟..
منيرة : لاعبتن بولدي وقاعدة تشحطين فيه .. ناظريه كيف صار ..
عبير قامت تناظر فيه وضحكت : وووي فديته قمر وش فيه .. خليني اشحط بعد ..
وقامت تشحط والطفل مسكين خدوده حمر ..
منيرة : خالتي شوفي بنتك وش سوت بولدي ..
ام راشد : عبير والصاقعة الي تصقعك اتركي ولد اخوك شبع تشحيط منك ..
جاء راشــد ..
راشد : السلام عليكم
الكل : وعليكم السلام
منيرة : تعال شوف اختك لاعبة بولدي ..
محمد اول ماشاف ابوه ركض لعنده .. وهو يصارخ ..
راشد تلقى ولده بحضنه : هلا هلا بحمودي هلا بحبيب بابا .. وش فيك ليه الدموع ؟
محمد بكل براءة : حالتي عبير تتسحط بخدودي
عبير : اسمها تشحط مو تتسحط ؟؟
نوال : المسكين ما صدق على الله تجي ويفتك منها ..
راشد : بنت لا تحطين نقرك بنقر رجال ..
عبير : الحين هذا رجال بزر ماتعدى خمس سنين ..
منيرة : مصيره يكبر ويصير سيد الرجال ..
عبير : يجيب الله مطر
ام راشد : راشد وين ابوك ؟؟
راشد وهو لا زال يلاعب ولده : بالشركة
ام راشد : ليه ماجى معك ؟
راشد : يقول فيه شوية ملفات لازم يطلع عليها ويشوفها .. طلبته اكمل الشغل عنه بس مارضى ..



يــوم ثانــ .. ,, .. ــي ..
صحــت نور وسارة بدري للجامعة ..
سارة خلصت لبست تنورة سوداء حسب نظام الجامعة وبلوزة بيج .. اما نور لبست تنورة سوداء وقميص ابيض وما باقي الا تسرح شعــرها ..
سارة : هاه نويرة خلصتي ؟
نور : ايه ماباقي الا ارفع شعري ..
سارة جلست تمرر اصابعها في شعر نور ..
سارة : ليه ترفعينه .. والله شعرك حلو لو شعري كذا ماربطته دقيقة ..
نور بغمزه : اخاف عليه من العين ..
سارة : مافكرتي تقصينة يعني تسوين نيو لوووك ..
نور : لا فكرت بس امي مارضت ..
جاءها الصوت من برى ..
فيصل : سارة يالله ماخلصتي ترى بمشي عنك ..
سارة : لا جاية جاية
نور التفت لسارة : فيصل هو الي بيوصلك الجامعة ..
سارة : ايوه يالله اخلصي لا نتأخر
نور : روحي انتي انا بخلي السواق يوديني ..
سارة : ليش اروح لوحدي يعني ..
نور : معليش ياسارة .. انا اتحاشى فيصل قد ما اقدر ما ابي اضيق عليه ..
سارة : ومين قال انك مضيقة عليه
نور وكأنها تبي تنهي الحديث : سارة نتلاقى بالجامعة ..
سارة : طيب براحتك في امان الله
نور ببتسامة : في امان الكريم ..




نزلت سارة لاخوها الي كان جالس بالسيارة .. ركبت معاه .. وسكرت الباب ..
ظل مده فيصل بدون مايتحرك .. استغربت سارة ..
سارة : يالحبيب مالك نية تتحرك
فيصل : ليش ونور مو رايحة الجامعة ..
سارة : لا رايحة بس السواق هو الي بيوصلهــا ..
فيصل : ليش ؟
سارة : نور تقول انها تتحاشاك ماتبي تضيق عليه ..
فيصل وهو توه يمشي بالسيارة : خير ماتسوي ..




ببيت ابو راشــد ..
عبير لا زالت عالسرير جالسة .. جاتها اختها نوال واستغربت ..
نوال : عبيروه مالك نية تقومين ترى تأخرتي ..
عبير : اووووف والله مالي مزاج اروح المدرسة .. ريتني بالجامعه ..
نوال : وش الفرق ياحظي ؟
عبير : الجامعة غير كل شي فري مو المدرسة تعقيد بتعقيد .. تحسي انك بعسكرية ..
نوال : اقول عن الهذرة الزايده ويالله قومي البسي لا تتأخرين اكثر .. سوزان تنتظرك مع السواق ..
عبير : اوووف .. زين ..




بالجامعــة ..
نور : هلا لمياء
لمياء : هلا نوارة ..
نور : والله احترنا وحده نويرة والثانية نوارة ..
لمياء : هههههههه يالله أي شي .. الا وين سارة ؟
نور : افتكرتها معك ..
لمياء : انا شفتها طالعه ناديتها بس الظاهر ماسمعتني قلت اكيد رايحة لك ...
نور : اجل تلاقينها تفرفر مع وحده .. الحين تجي .. المهم وش صار بموضوعك ..
لمياء : قصدك ولد خالتي ؟
نور : ايه ولد خالتك فيه غيره شاغلك
لمياء تتنهد : لا والله لسى ماصار شي .. ابوي لحد الان مصر على رايه ..
نور : وليش طيب ؟ دام الرجال طيب , دين وخلق ماينعاب ..
لمياء : ابوي يقول يبي لي الي احسن ..
نور : تقصدين على حالته المادية يعني ..
لمياء : بالضبط ..
نور : ( خذوهم فقراء يغنيهم الله ) اهم شي الخلق والدين .. مدري ليه الناس بهالزمن صارت تهتم بالماده اكثر من جوهر الانسان نفسه .. مع ان الجوهر هو المهم بزمنا الي الاخلاق الطيبة فيه نادرة
لمياء : زمن عجايب .. كل شي فيه مقلوب ..
نور : يالله , الله يفرجها لك يارب .. واذا هو من نصيبك ماراح ياخذ غيرك ولا راح تاخذين غيره ..
لمياء : يارب .. تصدقين ساعات اتمنى اني ماحبيته ولا حبني .. بجد اتعذب بداخلي كل ما شفت رفض ابوي وانا لا يمكن اتخيل غير صالح يكون زوج لي .. احبه ..
نور : لهدرجة الحب يعذب يالمياء .؟.
لمياء : لا حبيتي بتعرفي ..
نور ببالهــا : ومين قال اني ماحبيت ..
الا حبيت ..
والي احبه .. مو مثلك يالمياء ..
جالس يسوي المستحيل لاجل ياخذك ويحتويك ..
انا الي احبه ..
كل همه .. يهيني ويجرحني ..
ويثبت لي ان مالي وجود بحياته ..
ليش .؟. مدري ..
لمياء : هيه وين رحنا ليكون الاخت واقعه ؟
نور انتبهت ببتسامة : لا وش واقعه لاحقين على الحب وبلاويه .. يالله خلينا نشوف سويرة وين طست
لمياء : يالله





بالشركــة ..
سعود : اقول فصول
فيصل وهو يناظر بالملف الي عنده : قول
سعود : انا ناوي اكلم الوالد بموضوع خطبتي ..
فيصل ناظر اخوه ببتسامه : ماشاء الله نويت تتزوج
سعود : ايه ..
فيصل : خبرت الوالده تخطب لك ؟
سعود : لا وش تخطب لي العروس موجوده ..
فيصل بغمزه : ومين سعيدة الحظ الي بتكون حرم سعود سلطان ..
سعود : بنت عمك نوال ..
فيصل : والله خير ما اخترت الله يهنيك ..
سعود : الفال لك ..
فيصل : ههههههه لا بدري ..




الظهــر .. وببيت ابو سعــود ..
سعود قرر يفاتح ابوه وامه بالموضــوع .. وبالفعل كلمهم وفاتحهم فيــه ..
ابو سعود : والله خير ما اخترت ياولدي ويكفي انها بنت عمك
ام سعود فرحت جد .. لان هي بالاساس كانت تبي نوال لسعـود ..
ام سعود : نوال ماشاء الله عليها جمال ودلال وادب لا وشاطرة بشغل البيت خير ما اخترت خير ما اخترت .. متى تبيني اكلمهم
سعود وهو يضحك : ماشاء الله احسك يمه متحمسة ..
ام سعود : ابي افرح فيــك ..
ابو سعود : بإذن الله الخميس الجاي .. نفاتحهم فيــه ..
ام سعود : اقول فيصل ماودك تعرس ؟
فيصل ضحك : لا لا لاحق على الشقى




سارة : ابشرك ..
نور : خير ؟
سارة : اخوي سعود بيخطب نوال ..
نور : ماشاء الله متى هالكلام ..
سارة : توي سمعته يتكلم مع امي وابوي ..
نور : بصراحة نوال تستاهل كل خير ياحظها بسعود وياحظ سعود فيهــا ..
سارة : والله لو تسمع نوال الحين تنجلط من الفرحة ..
نور : ههههه لا خليها تسمع بعدين لا تقضين على البنت ..
سارة : آه متى بعد يجي فهد ويخطبني ..
نور تركت الكتاب من يدهــا وتقربت من سارة . .
نور : تحبين فهــد ؟
سارة : لا اكرهه تصدقين
نو : عن البياخة سولفي لي عنكمـ ..
سارة : اممم وش اسولف لك .. من وانا صغيرة وهم يقولون سارة لفهد وفهد لسارة .. كبرت وتركزت هالفكرة ببالي .. صار فهد كل شي بحياتي .. بصغري ماكنت اهتمـ كنت اضحك على كلامهمـ واحيانا" اقول ما اشوف نفسي الا متزوجه هذا وهو يضحك على كلامي ويقول يجي لك يوم ياسارة .. بس لما بديت افهمـ للي حولي وبدأ خافقي ينبض مانبض الا لفهــد وصدق فهد بكلمته ..
نور : وااااي .. ايه كملي ..
سارة : شفيك اشتهيتي تحبين .؟؟.
نور تذكرت فيصل .. ليش هي نسيته اصلا" ..
نور : اممم تقدرين تقولين .. اشتهيت احب والقى احد يحبني .. حــلووو احساس الحب ياسارة ؟
سارة : ايه حــلو , وحلو بمره وحلوه .. الحب اقدس شعور يربط اثنين .. خصوصا" لا كان متوج بالصدق والاخلاص والثقة .. الحب يانور شي عجيب .. يخليك تطيرين فوق فوق فوق .. يحلي كل شي بعينك .. ترحلين لدنيا ثانية مافيها احد يعكر صفوك .. دنيا مابها الا ثلاثة انتي وحبيبك والحب الي يجمعكم ..
نور : ماشاء الله كل هذا يسويه الحب ؟
سارة : واكثر يانور واكثر .. تصدقين عاد خليتني اشتاق لفهـد ووواي ابي اكلمه ..
نور باستغراب : ليش انتي تكلمينه ..؟؟..
سارة : تبين الصراحة ايه ..
نور : اخوانك يدرون ..
سارة : طبعا" لا , حنا مانكلم بعض دايمـ يعني من فترة لفترة .. والله غصبا" علينــا لا هزنا الشوق وش نسوي ..
نور : وفهد مو مضايقه هالشي يعني عادي ؟
سارة : اقولك هو بعد يكلمني كيف يضايقه .. وبعدين فهد عارف مين سارة وانا عارفة مين فهد ..
نور : الله يهنيكم يارب ويجمعكم على خير ..
سارة وهي رافعة يدينها : يارب , الله يسمع منك ..


/

\


يتبــ .. ,, ـــع

[" يقين " ..!]

مرت الايــام وجاء يوم الاربعاء .. اليوم المفروض .. نور تروح البحرين تزور امهــا ..
نور رجعــت من الجامعه كلها لهفة وشوق .. اليوم تروح لامهــا .. اليوم تطفي شوقهــا لامها .. صعدت لغرفتها .. رمت شنطتها ونزلت تحت تدور عمهــا ..
لقت سارة بطريقهــا ..
نور : سويرة وين عمي ؟
سارة : بغرفة المكتب ليش ؟
نور : بسئله اليوم المفروض اروح ازور امي ..
سارة : ايه صح .. روحي اسئليه ..
راحت نور ركض لغرفة المكتــب .. وعمها كان جالس يقرأ بكتـاب ومندمج ..
طقت الباب ..
ابو سعود : تفضل
نور : السلام عليكم شلونك عمي ؟
ابو سعود وهو ينزل نظارته : وعليكم السلام بخير كيفك يابنيتي ؟؟
نور : انا بالف خير ولله الحمد بغيت اسئلك عمي بخصوص روحتي لامي ..
ابو سعود : ايه صح وعدتك اليوم اخليك تروحين لهـا .. لحظة ادق على سعود اشوفه وينه فيه ..
دق على سعــود .. والي للاسف طلع مشغــول قد شعر راسه .. ابو سعــود تحير نور كانت متلهفة لشوفة امها صعبة يخذلهـا بعد ما وعدهــا ..
نور استغربت .. بس ظلت جالسة ..
دق على فيصل والي بالاساس كان موجود بالبيت ..
فيصل : هلا يبه ..
ابو سعود : هلا فيصل وينك فيه ؟
فيصل : بالبيت ..
ابو سعود : عندك شي الحين .؟.
فيصل : لا ليش ؟
ابو سعود : اخوك سعود مشغول وبغيتك توصل بنت عمك لامهــا ؟؟
فيصل : بس انا قلت لك يبه ........
قاطعه ابوه بنبرة حازمة : جهز نفسك بنت عمك تنتظرك ..
قال هالكلمة وقفل السماعه ..
اما فيصـل شب داخله من القهـــر .. لبس ملابسه .. اخذ نظارته وجواله الي رماه من القهر ..
نور : اذا اولاد عمي مشغولين ياعمي نأجلها
ابو سعود : سعود هو الي مشغول فيصل ماعنده شي .. وانا وعدتك ومن حقك تزورين امك وتتطمنين عليها ..
نور : الله يخليك ياعمي
ودعت عمها ببتسامة وطلعت الخوف يحفها ..
كيف بتروح مع فيصل ..
كيف بتكون معاه بسيارة وحده ولحالهم وهو مايطيقها ..
ولا يتحمل وجودهــا ..
نزلت للصاله تنتظره ينزل ..
طلعت سارة من المطبــخ ..
سارة : هاه بتروحين ؟
نور : ايه ..
سارة : سعود الي بيوصلك ؟
نور : لا
نزل صدمها شكله مايبشر بخير .. بس ماقدرت تشيل عينها من عليــه ..
شدهــا وجذبها .. كان لابس رسمي وطالع جنان .. بعمري ماشفت واحد بيسافر لمنطقة ويدق مشوار يتكشخ هالكشخة .. ثوب وشماغ ونظارة سوداء غطت على عيونه الي ماتشك لو لحظة ان الشرر يتطاير منها .. عكسها هي الي حتى ملابس الجامعه ماغيرتهــا
تنورة سوداء وقميص ابيــض وفيه حركــات بالخطوط البيضاء ..
ضحكت بداخلهــا على الرغم من الخوف الي تحس فيه ..
طلع من البيت ولا التفت لهــا ..
نور ببالها وهي قايمة : يعني افهميها واطلعي وراي زين يا استاذ فيصل
سارة : لا تقولين فيصل الي بيوصلك
نور : ايه
سارة : لكن .. كيف
نور : هههههه والله مدري ياخوفي يذبحني بالطريق
سارة : ههههههه لا فيصل مايسويها عالعموم اذا وصلتوا طمنيني عليكم
نور : إن شاء الله
تعانقوا .. وطلعت وراه .. كان جالس بالسيارة .. فتحت الباب الخلفي وركبت .. ومشى ..
طول الطريق وهو ساكــت وهي ساكتة ..
نور ببالهــا :
باقي ثلاث ساعات
ياربي كيف بتحملها مدري ..
صار لنا ساعه نمشي ..
احس حتى بطني اختبص وصابته دوخه ..
ووووووي
ما اكلت شي من فطوري .. بموت جوع ..
وعطشانة ..
ولا حتى فكر يوقف عند محل والا بقالة
حتى لما وقف عن محطة البنزين يعبي ينزين
مافكر يقولي ولا حتى يسئلني اذا ابي شي والا لا ..
وش هالانسان هذا ..
حجر مايحس ..




اما هو كأن المكان من حوله يضيق
مخنوق ..
يبي بس متى يوصل ..
فيصل بباله :
شرهي مو على ابوي الي جبرني اكون معك
شرهي على نفسي كيف طاوعته ..
كان من الممكن اتعلل بأي شي ..
وارتاح من كوني معك ..
من الضيقة الي احسها كلما كنتي اقرب لي ..
اكرهـــك ..
واكره نفسي .. والسبب انتي ..
حتى هو كان يحس بالجـوع ماتغدى ..
واكيد هي جوعــانة ..
كرهي لها مايعني اني اخليها تموت من الجوع ..
خل اوقف عند محل واشتري لها شي تاكله
لا تموت ..
وانا بعد محتاج آكل شي علشان اقدر اكمل الطريق
..
بالفعل وقف عن محل .. ونور ارتاحت اخيرا" حس فيها
ويمكن مايكون حس فيها ..
يمكن نازل يشتري له لحاله ..
ماعادت تستغرب شي منه .. كل شي تتوقعه ..
بس خاب توقعهــا ..
اشترى فطايــر جبن ولبنة وعصيرات ليمون وبرتقال وعلبة موية وحده ..
فتح الباب وركــب .. حط الكيس جنبه ..
وسئلهــا :
فيصل : انا ما اعرف ذوقك ولا اعرف وش تاكلين ؟ فاشتريت على مزاجي ..
مد لها الكيس .. يعني افهميها وانتقي الي تبين ..
هي ماكانت محتاجة شي قد حاجتها لموية تروي ضماها .. بس ماكانت فيه الا علبه وحده
وحتى كاس مافيه ..
نور ببالهـا :
كيف اشرب الحين ؟
مافيه الا وحده وممكن تكون له ..
اجي اشرب منها انا وبعدين هو يشرب ..
ويمكن مايبيني اشرب منهـا ..
او يحرم نفسه لا شربت منها ..
خلاص بكتفي بعصير ..
اخذت فطيرة لبنه .. وعلبة عصير برتقال ورجعت الكيس ..
اما هو اخذ مثل ما اخذت .. فطيرة لبنة وعصير برتقال هو ما انتبه بس هي انتبهت ..
وابتسمت .. عارفة انه مو قاصد بس اسعدهــا يكون لهم نفس الرغبة ..
وقف سيارته على جانب الطريق .. وجلسوا ياكلون .. لما خلصـوا ..
فيصل : فيه حمام هنا اذا احتجتي الان .. لاني ماراح اوقف خلاص ..
نور : طيب انا نازله بس ما ادل ..
فيصل : الحمامات ورى المحطة فيه مبنى هناك بس تروحين ورى المحطة تلقينه بوجهــك ومكتوب عليه , مايضيع ..
نور نزلت .. وراحت للحمامات .. كانت خايفة حتى ماكلف نفسه ينزل معي ويوصلني على الاقل ..
وصلت للحمامات وبعد مادخلت وخلصت .. جات بتطلع .. المكان كان مزدحم كله سيارات
نور : اعوذ بالله توه مافيه احد من وين جات هالسيارات كلها .. ياربي كيف اعرف أي سيارة سيارة فيصل ..
لسوء حظها .. كان فيه سيارات كثير تتشابه .. ولا قدرت تتبين أي وحده فيها سيارة فيصل .. شوي وتبكي من الخوف ..
نور : ياربي كيف اعرفه الحين .. حتى رقمه مو عندي كان ادق عليه واعرف وينه ..
ليكون راح وتركني .. ياويل حالي يسويها ..
نزلت دموعها لا شعوريا" .. ووقفت مكانها .. حست بشخص وراهــا والتفتت ..
فيصل : كل هذا بالحمام ؟
نور حست شوي وترتمي بحضنه من الخوف الي انتابها لفكرة انه ممكن يروح ويتركها ..
نور وهي تمسح دموعها : لا بس ضيعت
مشى ومشت وراه لحد ماوصلوا للسيارة .. ومشوا ..
وهم بالطــريق ..
هو ساكت ..
وهي ساكتــة ملت من هالوضــع ..
طلعت كتاب ادعيــة ..
وجلست تقرأ دعاء السفر الي قرته اول مامشــوا
وبعد ماخلصت .. حست بعطش .. ناظرت قدامـ
لقت علبة المويه جنبه ..
ورايح نصهــا ..
نور ببالهــا :
ووووواي
عطشانة
العلبة رايح نصها .. اكيد شرب منها
زين اني ماشربت منها من البداية ..
والا كان حرم يشرب منها
خخخخخخخ
على قلبه بالف عافيــة << قالتها في بالها بحياء
وقف عند نقطة تفتيش ..
وانجبر ينزل من السيارة ..
استغلت الفرصة ونطت بيدهــا قدامـ
وسحبت العلبــة ..
شربت منهــا .. ورجعتهــا قبل لا يجي ..
رجع .. فتح الباب وركب ..
واول ما مد يده .. مدها على علبة المويه ..
قفز قلبها .. خايفة لا يلاحظ انها ناقصة ومشروب منها ويعرف انها شربت ..
بس فيـصل ما انتبه .. شرب منها ورجعهــا مكانها ..
ذابت حياء بداخلهـــا .. وهي تتصور المنظر ..




بالشرقيــة ..
ببيت ابو سعــود .. الملل كان بيقتلهـا .. اليوم الاربعاء وجالسة لحالها بالبيت ..
سارة ببالها :
نور راحت للرياض عند امها .. وانا بقيت لحالي ..
خل ادق على عبيروه واشوفها ..
دقت على عبير الي كانت بسابع نومة .. من جات من المدرسة .. رمت نفسها عالسرير وراحت فيها ..
عبير وهي فيها النوم : الووو مين
سارة : عبيروه نايمة ؟؟
عبير : لا جالسة اتغدى اتصدقي .. ايه خير
سارة وهي تضحك : خلاص آسفين آسفين .. ارجعي نامي والسر بيفوتك ..
عبير نطت وتعدلت بجلستها وهي تفرك عينها لاجل تشوف زين ..
عبير : خير أي سر علميني ؟؟
سارة وهي تضحك : اعوذ بالله عند اللقافة تصحصين ..
عبير : يووووه , علميني بسرعة ...
سارة تبي تحرق اعصابها : ياهوو سر خطير ياعبيروه .. شي شي تصدقين ماحد يدري فيه .. بيفرحــك ..
عبير : بسرعة علميني هالسر .. لا تحرقين اعصابي ..
سارة : خلاص خلاص .. بعلمــك .. سعود بكرة بيجي يخطب نوال ..
عبير : هذا السر ؟
سارة وهي تضحك : ايه ..
عبير : على بالي عندك سالفه
سارة : وانا الي اقول بتفرح لهالخبر خصوصا" ان مافي احد يدري عنه للان ..
عبير : على بالي بتقولين خالد عرف بحبي واعترف انه يحبني او قرر يخطبني ..
سارة اتفجرت ضحك على تفكيـر عبير ..
سارة : يخرب بيتك وهذا الي هامــك ..
عبير : ايه هذا الي هامني وبدون خراب بيوت
سارة : خلاص يالعاشقة الولهانة .. انا بقول لخالد عنك ..
عبير : لا ياقلبي وش تقولين له .. عبير تحبك .. لا لا بعدين يشوف حاله علي .. واحس نفسي صغيرة جنبه .. خليه لين يحس بنفسه بدون لا اتكلم ..
سارة : واذا ماحس ..
عبير وهي تضحك : بفقع وجهه



بعد مشوار دام اربع ساعات ونصف الساعه ..
وصلوا الرياض ..
وبما انها مو اول مره تزور امهــا .. فتدل البيت ..
شرحت لفيصـل الطريق .. ..
ودقايق كانت جنب البيت ..
نزلت من السيارة .. ماتدري فيصل بينزل معها والا بيظل بالسيارة ينتظرهــا .. بس هي بتتأخر عند امهــا .. ومو حلوة يظل كل هالوقت بالسيارة ..
دقت الجرس .. وطلعت لهــا امهــا ... الي ماكنت تدري عن زيارة بنتها المفاجئة لهــا ..
بعد الاستقبال الحراري بينهم طلت من الباب ولقت شاب مع بنتهــا ..
ام نور : مين هذا يابنيتي ؟
نور تبي تلعب باعصاب امها : هذا خويي
ام نور بشهقة : وشو
نور : ايه ماقدرت اتحمل العيشة ببيت عمي وهربت معه وهو الي جابني عندك
ام نور : توج من مده تقولين مرتاحة معهم وش الي تغير ..
نور قامت تضحك : امزح معاك يالغالية
ام نور ضربت بنتها ضربه خفيفه على راسها : طيحتي قلبي ماتجوزين عن سوالفج .. زين مين هذا الي معاج ؟
نور تتنهد : هذا فيصل ولد عمي
ام نور : وش فيج تقولينها جذي ؟
نور ببتسامة : بس .. اقول يمه بتوقفيني عند الباب كثير
ام نور وهي تضحك : شوفتج نستني اقول ولد عمج بتخلينه برى .. خليه يدخل للميلس ( المجلس )
نور : اخاف مايرضى يدخل ..
ام نور : روحي قولي له مو حلوة يجلس ينتظرج برى بالطريق ..
نور : زين ..
عدلت شيلتهــا .. وراحت له .. اندهت عليه .. تردد مايبي يدخل .. ماصدق على الله يرتاح من وجوده معاها .. بس ماكان له خيار ثاني .. وافقها ودخل .. بعد ما فتحت له باب المجلس .. دخلته ورجعت لامهــا ..
ام نور : هاه بشريني عنج .. عساج مرتاحة كيف دراستج ؟؟
نور : انا بالف خير ومرتاحة ولله الحمد ودراستي ماشية تمام ..
ام نور : وكيف اولاد عمج وياج ؟
نور : طيبين وماشفت منهم الا كل خير ..
سكتت نور وحست امها انها تبي تقول شي ..
ام نور : شفيج يانور ؟ فيج شي ؟
نور : فيصل يمه
ام نور : شفيه ؟
نور : هو الوحيد الي احسه مو متقبل وجودي ..
ام نور : مو متقبل وجودج كيف ؟
نور بدت تحكي لامهــا كل شي .. من اول مواجهة بينها وبين فيصل لحد الحظة هذي ..
ام نور : والله غريبـة وماعرفتي ليش ؟
نور : لا وهذا الي مجنني ودي اعرف سر هالنظرات سر هالمعاملة القاسية ..
ام نور : طيب يمكن طبعه جذي.. اقصد يعني انتي يتهيأ لج انه كارهج ومو متقبل وجودج .. بس هو بالاساس تعامله جذي من اول ..
نور : لا يمه انتي لو تشوفينه مع اخوانه واولاد عمي غير غير .. الابتسامة والحنية .. بس ليش معاي ينقلب مدري ..
ام نور : نور مهما كان الي بخاطر ولد عمج عليج ما ابيج تحطينه ببالج .. لا تهتمي
نور : ما اقدر يمه .. حاولت اطنش .. حاولت ابعده عن تفكيري ماقدرت .. كل يوم احسه يبرهن لي اني ما اهمه
ام نور تغمز لابنتها : اقول نور حبيتيه ؟؟
نور هنا تلعثمت .. تقدر تكذب على العالم كله الا امهــا .. من سكوتهــا عرفت ام نور وش الي بقلب بنتها ..
نور بتردد : لا , وش الي خلاك تقولين كذا يمه ؟؟
ام نور : اممم سمعيني يانور .. آنا امج واقرب الناس لج .. واحس بلي تحسينه .. واشوف كل شي مكتوب بعيونج ..
نور: وش الي مكتوب ؟
ام نور ببتسامة : بنتي عاشقة ..
هنا نور حمر وجهها .. .. صح يمه بنتك عاشقة .. وللاسف انسان مالها أي قيمة بحياته ..
ام نور : اقول نسينا ولد عمج .. ونسينا اصول الضيافة .. قومي اسئليه اذا يبي شي والا وش يشرب ولحقيني عالمطبخ ..
نور : إن شاء الله
دخلت المجلس له تسئلــه .. وقبل لا يدخل سمعته يكلم بالجوال .. وقفت بكل حواسهــا تسمعه ..
فيصل : تآمرين يالغالية .. فديت قلبــك .. لا لا توصين بنتبه للطريق زين .. طيب ماتبين تعطين حبيب قلبك بوسه .. ههههههه ليش التحطيم خلاص انا اعطيك يالغلا .. اممممموااه .. اشوفك على خير في امان الله ..
انصدمـــت .. وقفت جنب الباب ومو مصدقة الي تسمعــه .. معقولة فيصل يكلم ويحب .. بس مين ؟ .. وبكل وقاحة يكلمها هنا .. لا ويبوسها بعــد .. فرت دموعهــا .. وجلست تمسحها بكفهــا .. طقت الباب ودخلت .. طقته تخاف ناوي يكلم مره ثانية وتزعجه .. وبكل برود سئلته ..
نور : تبي تشرب شي ؟
فيصــل وبرد ابرد من برودهــا ..
فيصل : لا
نور ببالهــا :
لو ما الحياء والي بينا
سطرتــك ..
وحطيت كل قهري فيهــا ..
نور بالبرود نفسه : طيب ماتبي شي ؟
فيصــل وكأنه بس يبي يسكتها : لا ما ابي شي ..
نور ببالهــا :
احسن بعمرك مابغيت شي ..
اصلا" حتى المويه خسارة فيـك
تقول هالكلام من قهرهــا .. ودموعها من ورى الشيله تنساب .. هي ماتتغطى عنه .. فقط تتحجب بحكم انهم عايشين ببيت واحد .. بس تغطت لا تفضحها دموعها .. وهو ما انتبه لهاشي .. وكيف ينتبه .. وهو كلها على بعضها مو منتبه لوجودهــا ..
جاءها سؤاله
فيصل : على الساعه كم ناوية ترجعين ؟
نور : ساعه بس ونمشي ..
قالت هالكلمة وطلعت .. راحت لامهــا بالمطبخ ..
ام نور وهي معطية نور ظهرها لانها تحط ابريق الشاي عالنار ..
ام نور : هاه وش يشرب ولد عمج ؟
نور ظلت ساكته ...
دارت لها ام نور .. وشافت دموعها وكيف تحاول تمسحها ..
ام نور تقربت منها : شفيج يانور ؟
نور : مافيني شي يمه
ام نور : قالج شي ؟
نور : لا
ام نور : اجل دموعج ليش ؟
نور : بس قهرني بروده ..
ام نور ببتسامة : لا تنقهرين ولا شي .. مافي احد يستاهل دمعه من دموع الغالية نور ..
دفنت راسها بحضن امهــا وبكت ... بكت من القهــر الي داخلهــا .. مو كفاية لاغيها من حياته .. فوق هذا ذبح امل حبهــا له..




بالشرقيــة ..
وعند لميـــاء ..
لمياء : يمه انا تعبت حرام عليكم هذي المره الثالثة الي يتقدم فيها وترفضونه .. يمه صالح مو ولد اخوك سوي شي ..
ام لمياء : لو بيدي شي سويته بس ابوك ميبس راسه .. يبي لك الاحسن
لمياء : بستين داهيه هالاحسن .. انا ابي الانسان الي حبني وحبيته .. اذا ما اخذت صالح ماراح آخذ غيره حتى لو اطيح في جبدكم
ام لمياء : قصري حسك لا يسمعك ابوك والله يسوي لنا مشكله
لمياء بدت تبكي : حرام عليكم حسوا فيني
ام لمياء انكسر قلبهــا : وربي حاسة فيك بس وش بيدي ..
شافتها امها بهالمنظر .. فضلت تتركها لين ماتهدى وطلعت ..
اما هي عانقت مخدتهــا .. ودفنت راسها فيــها .. بكت بحرقة وصمت .. على حالهــا .. وابوهــا الي رافض حب قلبهــا ..
من صغري وقلبي يهوى صالح ..
يهوى كل شي يذكره بصالــح ..
وصالح هواني ..
بس ابوي طلع اناني ..
يدعي انه يبي لي الاحسن ..
وهو يبي الي للمال له يضمن ..
مو لسعادتي وراحتي ..
وكأن صالـح حس باحساسها .. دق جوالهــا يعلن عن مسج جاءهــا .. مسحت دموعها وتعدلت بجلستها عالسرير .. تناولت جوالهــا .. فتحتها ..
فكر معيـے دقيقة خل نستنتج الحقيقة ..!!


من أنا بدونک .. ؟!


لا تسابقنيـے |[ بظنونک ]| المسألة ماهيـے

" عيونک "


المسألة ...!

( روحيـے )
...............و
.................. ( روحک )

ارتباط و حب " يصونـک "


صدقنيـے الجواب بــ[ أقصى ضـلوعک ..!


{ أحبـــــــــک }

يعنيـے ما أقدر أعيش من " دونک "
غمضت عينها وتخيلت طيفه قدامهــا .. وجلست تردد ..
(ولا انا اقدر اعيش بدونـــــك)




يتبــ .. ,, ـــع

[" يقين " ..!]

ببيت ابو سعــود ..
ام سعود جالسة بالصاله مع ام سلطان يتقهوون .. جاتهم سارة وجلست معاهمـ ..
ام سعود بعد ماحطت فنجال القهوة من يدها : دقيتي على نور ؟
سارة : ايه دقيت عليها وكلمتها
ام سلطان : وفيصل ما اتصل ؟
ام سعود : امبلى دق وكلمته ..
ام سلطان : اقول كيف فيصل رضى يروح الرياض مع نور يعني بما انهم .. انتم عارفين عاد
ام سعود : والله مدري ياخالتي .. يمكن الله هداه وبدأ ينسى ..
ام سلطان : يارب يكون الله هداه ..
سارة : بصراحة نور بدت تلاحظ وتحس لا وتقول انها تشك فيه سر ورى معاملة فيصل لها ..
ام سلطان : ياخوفي يزل لسانه والا هي تطلب الحقيقة الي ممكن تغيرها ..
ام سعود : والله تعبت ياخالتي وانا انصح بفيصل بس عيا لا ينتصح ..
ام سلطان : إن شاء الله لا رجع لي كلام معاه .. لازم يعرف ان نور مالها ذنب بكل الي صار .. ويغير فكرته واحساسه .. الا وش صار على موضوع سعود ..
ام سعود : بكرى بإذن الله ابو سعود بيكلم ابو راشــد
ام سلطان : الله يقدم الي فيه الخيــر إن شاء الله


بالريــاض ..
بعــد ساعه بالضبط ..
ام نور : انتبهي على حالج وشدي حيلج بدراستج ابي شهادة ترفع الراس زين
نور ببتسامة : لا توصيني يالغالية
ام نور : ودموعــج لا عاد اشوفهــا .. دمعتج غالية ومايستحقها الا غالي .. حطي هالشي ببالج يانور ..
نور فهمت مقصد امها وحضنتها : فاهمة يمه يالله اشوفك على خير في امان الله
ام نور : في امان الكريم الله يحفظج يانور ويهدي بالج ..
كانت تمشي للسيارة .. وتحس انها تنخنق من جديد ودهــا تبكي .. ماشبعت بكــاء .. صعدت وكان هو موجود بالسيارة ..
ما التفتت له وكالعاده ماعطاهــا وجه .. اسندت راسها عالكرسي .. وتركت لدموعهــا مهمة قطع الصمت الي سايد بجوهمـ .. لحد ماغلبها النوم ونــامت ..
امــا هو ..
ماكان يبي يكدر نفسه اكثر فيــها .. يحمد ربه ماباقي شي ويرتاح من وجوده معها ..





بالشرقيــة ..
سارة بتموت تبي تقول لنوال ..
سارة ببالهــا وهي ماسكة سماعة التلفون :
ياربييييييييه
ابي اقول لهــا
مو قادره اصبر لبكرى
ادري هالشي بيفرحها
ولو يكون مفاجئة احلى
بس مو قادره
ابي اقول .. مقدر اخبي اكثر
خخخخخخ
شكلي انعديت من عبيروه الي ماتحفظ شي
يالله بدق اذا حسيت اني بنفجر وابي اقول
بقول والي فيها فيها ..
دقــت على بيت عمهــا ..
ومن حسن حظهـا .. ان فهد كان جالس بالصاله جنب التلفون ..
فهد : الوو
سارة ببالها : ووووووي ياويل حالي ليش مادقيت على جوال وحده منهم مو احسن
فهد : الووووو
سارة بربكة : السلام عليكم
فهد عرفها : وعليكم السلام ياهلا
سارة : ممكن اكلم عبير ؟
فهد : وليش فهد ماينفع ؟
سارة بحياء وببالها : الا تنفع بس مو وقتك الحين
فهد لمالاحظ سكوتها : ليه ماتردين على مكالماتي ياسارة ؟
سارة : اجاوبك بعدين .. عطني عبير ؟
فهد : ليش مو الحين ؟
سارة : الجو عندي مغبر >>> جدتها كانت معها بالصاله
فهد : اهــااا .. طيب
نادى فهد على عبير وجت مثل الريح لما درت انها سارة ..
عبير على طول : هاه بشريني حس فيني ؟
سارة : الحين الناس تقول السلام والا تسئل وانتي على طول حس فيني ..
فهد نخز اخته بنظرات وكأنه وده يعرف وش الي صاير .. بس عبير طنشت ..
عبير : ماعلينــا ... هاه فيه جديد ..
سارة : مافيه جديد علشان تشتغل اللقافة حقتك ..
عبير : احسن مالي خلق ..
سارة : ايه هين مالك خلق .. اقول عبير دريتي وش صار ؟
عبير بلهفة عفوية : لا وربي مادريت علميني بسرعة ؟؟
سارة ماتت ضحك : هذي الي توها مالها خلق
عبير : تلعبين علي هين .. اقوووول نور مارجعت للحين ؟
سارة : لا بس اعتقد انهم على وصول ..
عبير : بالله كيف رضى فيصل يوصلهـا
سارة : سعود طلع مشغول وخالد عنده إمتحانات بالجامعه ولازم يدرس هاليومين
عبير ببالها : على قلبي الله يوفقه
سارة : مافيه الا فيصل ..
عبير : طيب ليه ماتروح طيران اريح لها ؟؟
سارة : تبين نور تركب طيارة علشان تضربها جلطة ..
عبير تضحك : لا, تعب السيارة ولا جلطة الطيارة ..
سارة وهي تضحك : صادقة
عبير تضحك : لا عبير معك
سارة : هههههههههههه
الجده ام سلطان انتبهت على صوت ضحك سارة وضحكت .. عرفت انها تكلم عبير ..
ام سلطان وهي تضحك : خبلة والتمت على خبله
سارة انتبهت لجدتها : جدتي تكلميني ؟
ام سلطان تضحك : اقول الله يسعدك
سارة : آمين .. ورجعت تكلم عبير .. اقول وينها اختك نوال ؟
عبير : طلعت مع سوزانوه السوق ..
سارة : السوق هالوقت .. ليش ماخلوها عصرية ورحنا مع بعض .. وانتي ليش مارحتي
عبير : مالي خلق اطلع
سارة : طيب خبرتي نوال بالموضوع والا حسستيها بشي ؟
عبير : لا ابدا" ..
سارة : شي حلو , غريبة توقعتك بتفضحين حتى جيرانكمـ بيدرون .. ( قالتها وهي تضحك )
عبير : لا وش شايفتني محطة السي ان ان
سارة وهي تضحك : اذا منتي اعظم منها




غفــت من التعب .. تريح اجفانهــا من بعد الدموع .. دق جواله وصحت على صوتــه .. بس ظلت مغمضة .. ولو ودهــا تغمض اسماعها ماتسمعه ..
فيصــل : انا بالطريق ماباقي شي يالغلا واوصل .. لا لا اكيد بجيك اصلا" كيف يرتاح لي بال اذا مر يوم وماشفتــك .. حتى لو دقيقه اتطمن فيها عليك ..
نور ببالهـا وبألم : ماكفتكمـ المكالمات والبوسات وصلت للشوفه ..
فيصل : خلاص صار يالغالية من عيوني .. ماطلبتي شي .. امانه دلوعتي اذا تبين شي كلميني .. فديتك يالله اشوفك بخير , إن شاء الله عيني عالطريق لا تخافين , في امان الله ..
نور ببالهــا :
حتى ما احترم وجودي ..
يغازلهــا .. ويداريهــا .. ولا كأن في انسانه معه ..
ماتوقعتك بهالوقاحة يافيصل ..
( جلست تبكي بصمــت )





من بعــد مشوار وتعب .. وصلوا ..
ام سعود : الحمدلله على سلامتكم
فيصل : الله يسلمك يمه
نور : الله يسلمــك يامرت عمي
ام سلطان : الحمدلله على سلامتكم .. هاه نور عسى ارتحتي وانبسطتي ..
نور وهي تحاول تغصب الابتسامة منها : ارتحت وانبسطت كثير والوالده تبلغكم سلامهــا
الكل : الله يسلمهــا ..
ام سعود : احط لكم عشاء اكيد جوعانين
فيصل : انا لا تحسبين حسابي يالغالية .. طالع
ام سعود : على وين ؟ توك واصل حتى ما مداك تريح ؟
نور ببالها : بيلحق حبيبة القلب
فيصل : شوية مشاغل لازم اخلصها في امان الله
الكل : في امان الكريم
نور ماتت قهــر .. تمنت لو تقدر تطلع وراه وتلحقه .. تشوف وجهته ولمين رايح ..
ام سعود : وانتي يابنيتي نور ماتبين بعد ؟
نور : لا يامرت عمي مشكورة اكلت عند الوالده ..
سارة : دامك اكلتي قومي معي فوق ابيك بسالفه ..
نور : طيب ..
صعدت معهــا .. وهي بخاطرهــا بس تبي تختلي بنفسها .. ودها ترتاح .. تشكي للمخده الي تعودت ضمهــا وقت الالم ..
بغرفـــة نور ..
سارة : قولي لي كل شي من اول ماحطيتي رجلك بسيارة فيصل لحد مارجعتي حطيتي رجلك بالشرقية
نور تضحك غصبا" عليها : ياربي كثير طيب ماتبينها باختصار
سارة : لا ما اقبل
نور : اذن اجلي الشرح وربي تعبانة ادور مخدتي بس
سارة : خلاص بس علشانك تعبانة .. اخليك تنامين وبكرى ابي بالتفصيل الممل
نور : بالتفصيل والخياطة وكل شي بس خليني ارتاح
سارة ببتسامة : خلاص صار يالله تصبحين على خير نويرة
نور : وانتي من اهله سويرة ..
طلعت سـارة .. قامت وراهــا وقفلت الباب .. رمت عبايتها .. وفكت شعرهــا .. تركته ينساب .. مثل ما انسابت دموعهـــــا ..
نور ببالهــا بألم :
معقولة فيصل يحب والي يحبها يكلمها
ويبوسها ويشوفهــا ..
طيب مين هي ؟
مين الي قدرت تسرق قلب فيصل ؟؟
معقولة تكون سوزان بنت عمي ..
لا لا لا
هذي يشوفهــا ويروح لهــا ..
حتى لما باحت سوزان بحبها لفيصل
ماتحطمت كثر ماحطمني الي شفته وسمعته اليوم
آآآه .. تعبت .. تعبت .. تعبت
ماهقيت حبــ فيصل تربع بخافقي ..
كنت اظنه وهمـ .. ويزول ..
طلع حقيقة ..
انــا
احب فيصل ..




بيــوم ثاني ..
قبل الغداء ..
سارة : يالله خبريني بكل شي .. ؟؟ .. وياويلك لو تنقصين شي
نور وهي تضحك : اعوذ بالله ليه كل هذا الاهتمام يعني ..
سارة : بس كذا ابي اعرف .. ولا تنقصين ولا حرف ..
نور : حاضر عمتي انتي آمري بس
سارة : احم احم مايامر عليك ظالم .. قولي
وبدأت نور تحكي كل شي لسارة .. بس طبعا" مو كل شي .. فيه اشياء الاولى نور تخفيها لا ينكشف احساسها
وعلى الغداء ..
الكل التمــوا عالغداء ماعدا فيصـــل ..
ابو سعود : وينه فيصل ما اشوفــه ؟
ام سعود : فيصل نايمـ ..
ابو سعود : نايمـ لهالوقت ؟
ام سعود : مارجع البارح الا متأخر وهو توه راجع من سفر .. ترى انا كلمت ام راشد وقلت لها ان حنا جايينهم الليله ..
ابو سعود : زين ماسويتي .. بإذن الله نتمم الموضوع الليله ..
نور تساسر سارة : اقووول
سارة : قولي
نور : نوال درت بشي
سارة وهي تضحك عالخفيف : لا وصيت عبيروه ماتخبرهــا
نور : هههه احسن خلينا نشوف إنفعالاتها الليله لما تدري ..
ابو سعود : سعود ابيك عقب ماتخلص تمر على جدتك ام سلطان وتجيبها هنا ..
سعود : إن شاء الله يبه .. وبعدها اروح لك الشركة ؟
ابو سعود : لا تظل هنا علشان نطلع مع بعض لبيت عمك ابو راشد ..
سعود : امرك يبه ..
ابو سعود بيقوم من الغداء : الحمدلله اللهمـ ادمها من نعمة
ام سعود : بالعافية
ابو سعود : الله يعافيك


يتبـــ .. ,, ـــع

[" يقين " ..!]

اخوي


مشــاري

اسعدني تواجدك
كما اسعدتني كلماتك
اتمنــى لك قراءة ممتعــة
ولا تحرمني من رايــك عند انتهــاء
كل جزء ..

احتــ هجير ــرامي

لــ .. ,, ــي عودة بإذن الله

[أنا غير]

§¤~¤§¤~¤§اول شئ حسابك بعدين >>تحطينها ولاتنبهيني وانتي شايفة شلونااني ضايع هالايام7_7

خليني من ذا كله للحين ماقريت شئ بس لاتخافين الحين بقراها وبرد عليك

اول شئ لاحظته الخط ياهجير واللي يخلي الك كل من تحبيه ارحمي عنوني وكبريه شوي

طولتها بقرأها وبرد دقاااايق §¤~¤§¤~¤§

[" يقين " ..!]

انا غير


اعذرني اخوي
على بالي تدري << من وين ؟

والخــط لعيونكمـ نكبره ..

ولاتنسونــا من إنتقاداتكمـ الصريحة ..

موفق لكل خير بإذن الله تعالى

[" يقين " ..!]

بالليــــل ..
ببيت ابو سعــود .. الكل تجهز علشان الروحــة وجالسين بالصاله ..
ام سلطان : الساعه كم الحين ؟
سارة : الساعه ثمان جدتي
ام سلطان : متى ناوين تمشون إن شاء الله ؟
ام سعود : خالتي احنا ننتظر ابو سعود يجي من الشركة هو بالطريق الان ..
ام سلطان : الله يجيبه بالسلامة ..
ام سعود : آمين
نزل فيصــل من فوق .. والي كان توه صاحي المغــرب .. كان كاشــخ هو اصلا" متى ماكشــخ .. ثوب حجازي ابيـض مطرز على اطرافه بالبني وشمــاغ ابيـض يلق فوق راسه .. مع كبكات حركاااات .. الي يشوفه يقول هو الي بيخطب مو اخوه سعود ..
فيصل : السلام عليكمـ
الكل : وعليكمـ السلام
ام سلطان : صح النوم بدري
فيصل رخى على راس جدته وباسه : صح الله بدنك يالغالية وبدري من عمرك
ام سلطان : كل هذا نوم ؟؟ حشى
فيصل : وش نسوي يالغالية تعرفين مشاوير وتعب انهلكت
ام سلطان ببتسامة : سلامتــك يالغالي
فيصل وهو يبوس يد جدته : يسلمك ربي
ام سعود : فيصل دق على ابوك شوفه ليش تأخر ؟ ملينا وحنا جالسين بعبايتنا ؟
فيصل : طيب
توه بيدق الا بدخلة ابو سعــود ..
ام سعود : عمرك طويل
ابو سعود ببتسامة : ليش تحشون فيني ؟
ام سلطان : قعدنا نحاتيك ياوليدي تأخرت
ام سعود : ملينا وحنا ننتظر ؟
ابو سعود : غصبا" علي والله تعرفون الليله جمعه والعالم طالعه والشوارع زحمة
ام سلطان : احد قالك تروح الشركة الناس تستانس مع اهلها اليوم وانت دافن لي عمرك بين هالملفات
ابو سعود : شغل يا ام سلطان وش نسوي .. المهمـ يالله انا انتظركمـ بالسيارة
( كمل كلامه وهو يوجه نظراته لفيصل )
ابو سعود : وانت اكيد رايح معنــا ؟
فيصل : اكيد ليش ؟
ابو سعود : على بالي بتقول عندك طلعه مثل اخوك خالد
فيصل يضحك : لا يبه جاي معكمـ
نور ببالهــا لما سمعت ضحكته : ليت هالضحكــة يكون لي نصيب فيهــا ..
ابو سعود : خلاص خذ معك اختك سارة وبنت عمك نور وانا آخذ امك وجدتك الا سعود وينه ؟
ام سعود وهي تضحك : فوق
ابو سعود : فوق وش يسوي ليكون بروح اخطب له لوحدي ؟
فيصل : لا رايح , بس الرجال يضبط بعمره .. تعرف رايح يخطب
ابو سعود : والله انه فاضي عالعموم يالله لا نتأخر وهو يلحقنا بعدين ..




ببيت ابو راشــد ..
بالمطبــخ ..
ام راشد : ميري جيبي الشاي هنــا .. والصواني هاتيها بعد ..
منيرة : خلاص جهزت كل شي خالتــي ..
ام راشـد : الله يعطيك العافية ..
منيرة : الله يعافيك
بغرفـــة نوال ..
نوال بسيطة جدا" بلبسها .. وماتعودت تتكلف .. حتى بالمناسبات تلقاهــا ناعمة وبسيطة بملابسها ..
دخلت عليهــا عبير واشهقت بقوة ..
نوال : وجع خرعتيني شفيك تشهقين ؟؟
عبير : وش لابسة انتي ؟
نوال جلست تناظر بنفسها ,, خافت يمكن نست مالبست شي اولابسة شي غلط .. كانت لابسة برمودا وردي وعليها بلوزة ابيــض ربع كمـ ومخططة بوردي .. ورافعه شعرهــا البني القصير ..
نوال : شفيه لبسي ؟
عبير : مافيه شي بس بالمره عادي ..
نوال : ليش وش تبيني البس يعني ثوب عرس
عبير : المفروض
نوال : وشو ؟
عبير : لا لا اقصد يعني شي كشخة .. يعني تنورة جينز وبلوزة حركاات من الي تلبسينهم بالحفلات ..
نوال : قلتيها بالحفلات .. ليه البسها الحين ..؟
عبير وهي حاطة يدها على فمها : ياربي طالعي شعرك .. بالله هذا منظر وحده يخطبونها الليله ..
نوال : وشو ؟ وش قاعده تخربطين انتي ؟
عبير : هااااا لا ولا شي بس وش رايــك تفكين شعرك وتخلينه كذا والا ترفعين منه شوي وتخلين الباقي مسدول ..
نوال : اقوول عبيروه تراك ادوشتي راسي ممكن تعلميني هذا كله ليه ..
عبير : مولشي بس افرضي يعني انا اقول افرضي جوا ناس الليله ويبون يخطبونك وشافوك بهالشكــل ..
نوال : وش فيه شكلي ؟
عبير : ابد مافيه شي بس بالمره عادي ..
نوال : وهذا احسن شي .. اني اظل بسيطة وناعمة .. بلا حركااات بلا بطيخ ..
عبير : براحتك
جات سوزان ..
سوزان : وووي بيت عمي تأخروا صح .,.
نوال : صح بس اكيد تلقينهمـ بالطريق .. اقول سوزان وين رايحة ؟
سوزان باستغراب : مابروح مكان ليش ؟
نوال : الي يطالع لبسك يقول رايحة عرس مو عندك عزومة ..
عبير : هذي الكشخة يا البسيطة الناعمة ..
سوزان : اجل اش على بالك .. تبيني اجلس مبهدله ..
سوزان كانت لابسة بنظلون جينز ازرق ومحوطه خصرهــا بسلسال ذهبي على لون بلوزتها ..
عبير تكمل معها : ايه وبعدين مايخطبونها ..
سوزان ونوال طالعوا بعبير .. الي حطت يدها على فمها وطلعت .. خوفهـا تخرب السالفه ..




طلعوا من البيـــت .. ابو سعود مع ام سعود وام سلطان .. وفيصل مع نور وسارة .. وسعود لاحقهمــ ..
بسيــارة فيصل ..
كان جالــس وبعالمـ ثاني .. وحاط المسجلة على حسين الجسمي وهو يردد ..
( لا تظلم احساسي .. انا انسان حساسِ )
اما نور فكانت منزعجـــة من صوت المسجلة الي عالي شوي .. ماكانت تحب الاغاني تكرههــا .. وعندها قناعه انها تضيق الصدر والاهم من كل هذا حرامـ وذنوب عالفاضي ..
نور ببالهــا : اكيد يسمعها ويذكر حبيبة القلب ...
تبيه يطفيه .. بس صعب سارة جالسة قدامـ كيف اقولهــا .. يالله بجرب واطلبه يطفيها والي يصير يصير ..
نور : الصوت عالي ممكن تطفيه زاعجني ..
فيصل سمعهــا وسفهها .. حست بالفشيله ,.
سارة خايفة من ردة فعل فيصل : جد فيصل اطفيه زاعجنا
عند هالكلمــة .. مد يده عالمسجلة وطفاهــا ..
فيصل : الي مو عاجبه لا عاد يركب معي
نور انقهرت من قلـب .. اما سـارة ظلت ساكتــة .. مابيدها شي والمستخبي مصيره يبان ..




ببيت ابو راشــد .. وبعد ماوصلوا ,,
ام راشد : هلا بخالتي هلا تو مانور البيت
ام سلطان : منور باصحابه
ام راشد : هلا بام سعود نورتي ياوخيتي
ام سعود : بنوركمـ ياام راشــد
سلمت ام راشد عالبنات وسلموا عليهــا .. واصعدوا فوق ..
سارة وهي تفتح باب الغرفة : هااااااااااااي
الكل : هاياااااااات
عبير بفرح : هلا سارونة مابغيتوا تجون ..
سارة : هلا فيك
نوال : هلا بنوارة ..
نور : هلا فيكمـ ..
سوزان : نورتونــا
سارة : منورين بنورك سوزي
نور : هلا سوزان
سوزان بنبرة غريبة : هلا فيك
سارة تساسر عبير : هاااه طمنينا عسى بس مادرت ..
عبير : لا لا مادرت صحيح بغى يزل لساني مرات بس مسكته قد ما اقدر
نوال لاحظت المساسر بينهمـ ..
نوال : خير وش فيكمـ تساسرون ؟
سارة بضحكة : لا مافي شي
نوال : افسخوا عباياتكمـ ترى مافيه احد كلهمـ بالمجلس ..
سارة ونور : طيب ..
نور كانت لابسة برمودا سكري .. مع بلوزة بني وعليها كتابه بالذهبي .. وعليها حلق طويل بني .. رافعـه شعرهــا ومسدله خصل على جبينها .. طالعه روعة ..
بعد كذا .. قرروا ينزلوا يجلسون بالصالــة ..





بالمجلـــس ..
ابو سعـود من سلمـ على ابو راشــد وهم يتكلمون عن الشركة ومشاغلهــا ..
سعود يساسر فيصل : طالع من جينا للحين وهم ماغير شركات وشغل حتى ابوك مندمج خوفي ينسى بس
فيصل يضحك : يا اخي شفيك مستعجل ..
سعود : مو قصة مستعجل بس خايف ينسى ..
فيصل هنا زاد ضحكه ..
سعود : خير قايل لك نكته ..
فهد : ضحكونــا معكمـ
سعود : يالله افضحنا
فيصل لفهد : ياشين قطة الوجه
فهد : افااااا .. الحين صرنا قطة وجه
فيصل ضحك على شكل فهــد وهو يقولهــا ..
سعود يبي أي شي يذكر ابوه بسالفتهمـ .. فنط لعند فهــد لماشاف اخوه راشد جاي جنبه وبحضنه ولده محمد ..
سعود يحاول يعلي صوته : اقول فهـد مو ناوي تعرس .. ماشاء الله راشد تزوج وعنده ولد .. ماتشوف حالك عاد وتفرحنا
فيصل فهم الحركة وضحك من قلب ..
فهـد : لا بدري لاحقين .. البركة فيكمـ ..
ابو راشـد : وهو صادق البركة فيكمـ يالله شدو همتكمـ نبي نشوف عيالكمـ حوالينا
ابو سعود : والله يااخوي هذا الي نبيه وناوين عليه إن شاء الله .. ولولاه ماجيناك الليله
ابو راشد : آمرني يا اخوي ..
ابو سعود : مايامر عليك ظالم .. انا جايـك الليله وطالب القرب منــك .. وابي بنتـك نوال لولدي سعـود ..
ابو راشد بفرح : والله فرحتني يا اخوي .. ونوال بنتــك ولو تبيها من الان مارديتك ..
ابو سعود : يعني اعتبرها موافقة منك ؟
ابو راشد : من جهتي انا موافق وموقع عليها بعد ( التفت لسعود وكمل كلامه ) سعــود ماشاء الله عليه رجال وابن رجال ويكفي انه ولد اخوي والا شو رايك ياراشد ..
راشد ببتسامة : انا اشهد لكلامـك يبه ..
ابو سعود : الله يعزكمـ يا اخوي .. وحنا بعد عز الله بناخذ بنت الجود نوال ..
سعود غاص بفرحــه ..
فيصل لسعود : الف مبروك يااخوي
سعود : الله يبارك فيـك ..
فهد : هيه قاعدين تباركون خلونا نسمع موافقة البنت بالاول يمكن ماتبيه ..
سعود : لا تبيني وموافقة وباصمـ عليها بعد ..
فهد يضحك : يؤؤؤ خلاص ماقلنا شي الله يهنيكمـ يارب
قام وحضن ولد عمــه ..




بالصــالة عند الحريمـ ..
طبعا" ام سعـود فتحت الموضوع مع ام راشـــد والي فرحت كثير لبنتهــا ..
ام راشـد : والله يا ام سعود البنت بنتك وسعود مثل ولدي واعز والله
ام سعود : اصيلة يا ام راشــد .. يعلم الله ماراح القى احسن من نوال لسعود
ام سلطــان تطالع بنوال الي من انفتحت السالفه ووجهها مختبص فوق تحت .. والبنات ماغير يطالعونها وهمس بينهمـ ..
ام سلطان ببتسامة : هاه عروستنــا شفيــك؟
نوال ببالهــا : والله انك فاضية ياجدتي هذا سؤال ينسئل الحين
نوال بربكة شديدة : ولا شي جدتي عن اذنكمـ
قالت هالكلمة وطيرااااااااااان فوق .. والكل يضحك على شكلهــا .. لحقتهــا نور ..
ام سلطان تضحك : طلعت فوق
ام سعود : ماتنلام ياخالتي من الربكة والحياء ..
ام سلطان : الله يهنيهم إن شاء الله
الكل : اللهمـ آمين ..
وفـــوق ..
نوال : كنتو تدرون صح ؟
نور : ايه ندري
نوال : ليش ماخبرتوني على الاقل اتهيأ نفسيا" للموضوع ..
نور : حبينا نخليها مفاجئة لك ..
نوال بدت تبكــي بهدوء .. ونور ضمتهــا ..
نور باستغراب : ليه الدموع يانوال ؟
نوال : مدري حاسة اني مو مستوعبة الموضوع .. مثل كأني تلقيت صفعه .. ارتبكت من جد ولوما الحياء بكيت ..
نور : ليش كل هذا يانوال انتي ماتبين سعود ؟؟
نوال : لا ابيه .. مافي احلى من انـك ترتبط بالانسان الي هويته و تمنيته طول عمـرك
نور : اذن هالربكة والخوف ليه ؟
نوال " يمكن لاني ماكنت متوقعه بالموضوع يكون بهالفترة .. وتفاجئت فيه ..
نور : خلاص الموضوع صار .. ويالله فكري وخذي رايــك واعتقد مايبي لها تفكير وانتي تحبين سعود ..
نوال بحياء وببتسامة : لا برضوا باخذ وقت افكــر
جاءها الصــوت من الباب .. وكانت عبير ومعاها سوزان وسارة ..
عبير : ياعيني يلي تتغلون ..
سارة تقربت من نوال وضمتها ..
سارة : الف الف مبروك يامرت اخوي
نوال : الله يبارك فيك مابعد صرنا ترى
سوزان : بتصيرون إن شاء الله .. (وضمتها وباستهــا)
نوال : آمين .. وعقبالك يارب
سوزان تتنهد : يارب ويكون الي ببالي ..
عبير بلقافتها المعتادة : ومين هو ؟ لا تقولين فيصل ؟
نور غــاص قلبهـــا بداخلهــا ..
سوزان : ليه عندي غيره .. وانتي إن شاء الله عقبالك مع خالد

عبير رافعه يدينها : يااااااااااارب ..
سارة : احم احم نحن هنــا
عبير : وإذا كنتمـ هنا ماذا نفعل ؟
سارة بضحكة : استحوا شوي ..
سوزان : تركنا الحياء لك يا حبيبة فهــد ..
عبير : لا ومسمي حاله بالبلوتوث ( مجنون سارة )
هنا سارة وجهها انقلب طماطة .. والكل ضحك عليهــا ...
عبير : ياعيني ما اقدر
سارة : حسافة خالد مو هنا والا كان عرفت كيف اردها لك ..
عبير بشهقة : وه وه على قلبي ليش وينه ؟
سارة : طالــع
عبير : ومع مين ووين ؟
سارة : يمكن مع خويته بس وين ما ادري صراحة ..
عبير قامــت تضحكـ : كثري منها ياام الهرباد .. قالت خويته قالت والله لو صحيح دفنته معهــا ..
سارة : يمامي دنتي متوحشة بئا << قالتها بالمصري
نوال : اقول عن الهرج انتي وياهـا وخلونا ننزل تحت ..
سوزان : بتنزل ام الحياء
نوال : ايه بنزل
نور : واي ميته جوع ..
عبير : خلاص خلونـا ننزل ( كملت كلامهــا وهي ماسكة نور ومسوية حزينة )
عبير : نور الحين اخليهمـ يحطون العشاء لا تموتين علينـا
نور وهي تضحك : الله يرج عدوك
عبير : ليه علبة بيبسي
سارة : لا كوكاكولا
وعبير وسارة بصوت واحد : عبر عن شعـورك ايوا كوكاكولا

يتبــــ .. ,, ـــع

[الورده الحمراء]

هجير ااالشوق

لايسعنى سوى القووول

مبدعه مبدعه وأبداااعك راااائع

أستمتعت كثيرآ كثيرآ برواايتك

وبأنتظااار البقيه بشووووق

الله يعطيك االعااافيه

ولايحرمناااا من تألقك المبهر

ربي يحفظك بحفظه

ويرعااااك

[أنا غير]

السلامـ
هلا فيكمـ كلكمـ

جاااااء وقت التحليل الى العناصر الاولية >>>داخل درس رياضيات


خلونا من المزح وندخل بالجد



بهالرواية

اول شئ لفت انتباااااااهي


نور : نور انسانة شفافة طاحت بحب واحد بهالوقت وحطي تحت بهالوقت خطين يكرهها ومايساهلها

سارة:جبتيها صح شخصية البنت اللي تكون بين اولاد بس

نوال:ماشاء الله عليها طيووووبة وتستاهل كل خير

عبير: بهالأجزاء اللي طافت كان دورها ثانوي وخاصة ان خالد الطرف الثاني بالمعادة مفقود

سوزان:مااقدر اقول اني كرهتها لان للحين ماعرفت وش تخطط عليه



ننقل لشلة الأولاد الحين


زي ماقلت

خالد(^_&) حبيب قلبي والله >>مناااافق















لاجد انا من الحين حبيته عل اسمي ويحق لي هههه

سعود:طيب حيل احسه يكمل نوال زي ماهي تكمله

فهووود:حلو وخفيف دم

فصووول: بروده يذبح وتفكير اللي غلط بغلط يقهر والله لو انه قدامي لماطلع منها سالم

بس اكيد له دور بالرواية احلى من كذا ببين بعدين


راشد ومنيرة الله يهنهم

والبقية كلهم ادوووووراهم ثانوية (مكملاات)






احب اشكرج على تكبير الخط واهتمامك بالتفاصيل ^_^


يعني مثلا لمن قلتي كل وحده وش لابسة خلاص جد عشت الجو >>خخ ذا اللي هامك

وصار فرق بينها وبين عافك الخاطر والله يشهد ان الاثنين رووعة


طولنا عذرينا

انتظر البارت الجديد واتمنى ماتطولين علينا
يعطيج الف عافية على المجهود
دمتي مبدعة


((أعتذر اذا كانت ردودي مزعجة وفيها شوية تدخل بس وعدتك اني افصفص روايتك ))

احلى سلامـ
أنا غير

[" يقين " ..!]

الوردة


الاروعـ هو تواجدك وقراءتكـ لحروفي المتواضعه
يعلم الله كمـ اسعدني مرورك
فلا تحرميني اياه ..
وانتظري البقيــة .. فالقادمـ احلى بإذن الله ..

دمــتِ محفوفة برضى الله ولطفه

[" يقين " ..!]

انا غير

ابو التفصيــل والتحليل
خخخخخخخخخ

اسعدني تحليلك للشخصيات
احسـك جد فهمتهــا
وبالنسبة للبس الله يرج ابليسك
ضحكتني الحين وش يقولون << مبصبص
خخخخخخخخخخخ

اخي

لطالما اسعدني تواجدكـ
وإنتقاداتك الرائعــة
فلا تبخل علي بالعودة
ولكـ مني ماهو اروعـ

دمــت محفوفا" برضى الله وعطفه

[" يقين " ..!]

[Link nur für registrierte Benutzer sichtbar] ([Link nur für registrierte Benutzer sichtbar])

/

\


احبــك ..
فقلي ما خطأي ..
اذا الحــب وجد طريقه الى قلبــي .. دون إرادة مني ..
اذا وضعت الف حاجز" وحاجز ..
وابت المشاعر لك الا ان تحتل قلبـــي ..
قلبـــي ..
من يفهمـ كنه قلبـــي ..
اشعر به كوردة ذابلة تلتمس نداهــا منك ..
ولكــن اين انت منه ..؟؟..


/

\


بعــد العشاء ..
وبمجلس الرجــال ..
راشــد : حمودي قوم للماما خليها تغسل لك ؟
محمد : لا مابي انت عسل لي ؟ <<<< ( عسل = غسل )
راشد : انا مشغول حمودي .. روح للماما
محمد : لا مابي
فيصل وهو يضحك : هاته انا اغسل له .. ( كمل كلامه وهو يناظر بمحمد الي كان متعلق بابوه )
فيصل : تبيني ابو حميد والا لا ؟
محمد ابتسمـ ونط لعند فيصــل .. الي اخذه وغسل ايديه يمغسلة الرجـــال ..
وتوه بيرجعـه للمجلس ..
محمد : لا انا ابي اروح داخل << يقصد للحريمـ
فيصل : طيب الحين انادي لك عبير تاخذك ..
محمد : لا مابيها تتسحط بخدودي ..
فيصل ضحك : وش هذي بعد تتسحط ؟
محمد وهو يشد بخدوده : يعني كذا تتسحط
فيصل وهو يضحك بقوة : الله يرجها مسببة لك عقدة .. طيب انادي لك سارة ؟
محمد : لا مابيها
فيصل يقلد براءة محمد : ليش حتى هذي تتسحط بخدودك ؟
محمد : لا حبله
فيصل ضحك بقوة : والله لو تسمعك تذبحك هذا وانت طفل عادها خبله وش نقول حنا لكن لله انك صادق ( ورجع يضحكـ )
محمد : ابي نور
فيصــل وقف ضحكـ وطالع بمحمــد .. حتى انت تبيهــا .. والله لو تعرف وش ورى هالنور ماطقتهــا ولا لمتني على كرههــا ..
محمد : ثفيك اقولك ابي نور
فيصل : زين الحين نوديك لزفت الطين نور
محمد : هي اسمها زفت التين نور
فيصل : هاااه لا لا اسمها نور و بس
توجه لمجلس الحريمـ طق الباب ودخــل ..
سارة : ياعيني فيصل شايل محمد
ام سلطان : عقبال ما اشوفــك حامل ولدك يارب
فيصل : الله يسمع منك جدتي ..
اما محمد مثل الريــح انطلق لنور الي كانت جالسة بزواية مع عبيــر ..
تلقته نور بحضنهــا ,,
محمد : نور انا احبك
نور بفرحة : وانا اموت فيــك
محمد وهو يناظر بعمته عبير : انا ما احب هذي لا تجلسين معها ..
عبير حاطة يدها على خصرها : ليش إن شاء الله سارقة ورث ابوك
نور وهي تضحك : حرامـ عليك بزر مايفهمـ تكلمينه كذا ..
محمد التفت لنور : انا افهمـ هي ماتفهمـ
عبير انقهرت : انطمـ لا اصكك كوع افشخ جبهتــك
نور خلاص ماعادت تتحمل عبير الي حاطه نقرهــا من نقر ولد اخوهــا وماتت ضحك ..
اما هو كان بعيد يناظرهــا .. يتأملهــا .. يحسدهــا على هالضحكـ وخلو البال .. وهو يغلــي بداخله من كرهه لها .. وده يعترف لهــا .. يبي يأذيها يبي يجرحهــا يبي يخرب سعادتها مثل ما خربت حياته قبل 12 سنة ..



بآخر الليل .. ومن بعد ماراحوا بيت ابو سعود .. جلس ابو راشــد مع نوال وامهــا .. يسئلها عن رايهــا بموضوع خطبتها ..
ابو راشـد : مايحتاج احكي لك عن سعود يابنيتي ولد عمـك ورابي معــك
ام راشـد : ما اعتقد ان نوال عندها اعتراض على الموضوع ..
ابو راشد : بس ضروري اسمع رايهــا ؟
نوال بحياء وببالهــا : اخاف اقول ايه يقولون مصفوعة ماصدقت على الله يجي يخطبها خل اتغلى شوي لا يفتكروني ميته عليه ههههههه ..
ابو راشد : هاه يابنيتي ؟
نوال : يبه ان افضل آخذ لي يومين افكر مابي استعجل
ابو راشد : حقك يابنيتي .. بس مايحتاج اقولـك ولا اوصيــك وارجع اذكرك ان ولد عمـك اولى فيك .. فكري زين يابنيتي
نوال : إن شاء الله يبه تصبحون على خير
ام راشد وابو راشد : وانتي من اهل الخير



ببيــت ابو سعــود ..
كل واحــد راح على غرفتــه ..
سعــود مبسوط وطاير .. اخيرا" بيرتبط بحب حياته نوال ..
فيصــل الضيق لا زال محتل صدره .. دق عليهــا يسولف معها قبل لا تنام .. يحس براحة عجيبة لا كلمهــا .. يحبهــا ماينكر .. ولا عاد يتخيل حياته من غيرهــا ..
نور من رجعوا وهي بالهــا مو معهــا .. مع فيصــل وكلام سوزان .. ياترى لو تزوج فيصل سوزان وش راح يكون موقفي والي اهمـ من كذا احساسي والبنت الي يكلمها وينها من كل هذا !.. بس فكرة ان فيصل يرتبط فيها تألمني كيف لو صار الشي حقيقة .. آآه ياربي ليتني ماحطيت نفسي بهالشي ولاسمحت لقلبي يحبــه ..
اما ســارة .. تخبت تحت البطانية ضغطت ازرار الجــوال وجاءهــا صوت قلبهــا
فهـد : حرامـ عليك بالله كم مره ادق عليــك ليه ماتردين ..
سارة وهي تضحك : لهدرجة ماتقدر تستغنى عن صوتي
فهـد : واكثر وربي واكثر ..
سارة : بصراحة انا ودي نبطل هالمكالمات ؟
فهد : ليش ؟
سارة : احسها ماهي عدله اكيد فاهمـ قصدي
فهد : توك حسيتي ..
سارة : وش قصدك يعني .؟.
فهد : يعني صار لنا كم؟! اكثر من سنة وش المعنى الان حسيتيها ماهي عدله ؟
سارة : بصراحة انا قلت لنور اني اكلمك وهي انصحتني بهالشي .. وانا فكرت فيها ولقيت كلامهـا صح ..
فهد : اهـااا نور .. طيب لك الي تبيه حبيبتي .. وانا بكون معــك واعترف ان كلامهــا صح ..
سارة ظلــت ساكتـة .. تفكر فيه ..
فهد : شفيـك ساكتة ؟
سارة : ولا شي افكــر بحبيبي
فهد : بالله ومين حبيبك إن شاء الله ؟
سارة : ابن الجيران
فهد : لا والله طيب سلمي لي عليه , مع السلامة ( وتوه بيقفل )
سارة وهي تضحك : وربي امزح تعاااااااال لا تقفل
فهد : نعمـ خير وش تبين ؟
سارة : ابيــــك
فهد : جد؟
سارة : بجد وعم وخال
فهد : بس ؟
سارة : بكل اهلي ابيـــك
فهد : فديت قلبــك أنــا , متى بعد يجمعني فيــك بيت واحــد .. اصبح وامسي بحبــك ..
سارة : تشيطر وشد همتك وانت تصبح وتمسي على حبي
فهد : وش قصدك ؟
سارة : قصدي الي قصدي ..
فهد : أهــاااا فهمنــا ..
سارة : طيب دامكمـ فهمتوا ممكن انام الحين ؟
فهد : ليه بدري ؟
سارة : وش بدري الساعه وحده .. ولا تنسى بكرى جمعه لازم نصحى بدري ..
فهد : ايه صح .. طيب تصبحين على خير قلبي
سارة : وانت من اهل الخير
سكتت شوي وانتظرت يقفل بس ماقفل ..
سارة : فهــد ؟
فهد : هلا
سارة : شفيك ليه ماقفلت ..
فهد : ماكملتي جملتك ؟
سارة : أي جمله ..
فهد : ( وانت من اهل الخير )
سارة فهمتها وقامت تضحك ..
فهد : ليه تضحكين كمليها
سارة : طيب وانت من اهل الخير ياقلب سارة
فهد : فديت سارة وقلب سارة مع السلامة
سارة : الله يسلمــك ..


بيــومـ ثاني .. الجمعــة ..
يوم الجمعــة , عيد المسلمين بكل مكــان .. فيه لاترد حاجة ولا يخيب الله فيه رجاء من رجاءه ..
صحــوا بدري وتوجهوا للمسجــد .. ماعدا خـالد الي رجع قريب الفجر من رحلته ولا زال نايمـ .. صـلوا ومجدوا الله وكبروه تعالى .. ورجعــوا بقلوب ملؤهــا الراحة والايمان ..
ام سعـود : تقبل الله
ابوسعود : منا ومنك صالح الاعمال وين البنات لسى نايمين ؟
ام سعود : لا صاحيين الي بغرفتها والي تطالع التلفزيون ..
ابو سعود : طيب انا طالع فوق ارتـاح لين وقت الغداء .. عن اذنكمـ ..
الكل : اذنك معــك ..
من راح ابو سعود لفوق .. نط سعود عند امــه ونط معاه فيصــل ..
سعود : يمه مااتصلوا ؟
ام سعود : مين ياوليدي
سعود : بيت عمي
ام سعود تضحك : سعود شفيــك تونا متكلمين معهمـ البارح تبيهم يتصلون اليوم
سعود : وش ينتظرون خلاص ندري انهمـ موافقين ليش التأخير
فيصل : يمه ارحمـوه الولد بينفجر ترى
ام سعود تضحك على كلام اولادها :ماهي حلوة بحقهمـ ياوليدي .. بنتهمـ مخطوبة البارح ويتصلون اليوم الثاني بعدين وش يقولون عنهمـ ماصدقوا , لازم يجلسون بالكثير اسبوع ..
سعود : والله عليكمـ سوالف مالها داعي
ام سعود : ماهي سوالفنا سوالف الناس ..
سعود : نصبر امرنا لله ونشوف آخرتها مع سوالف الناس



فــوق وبغرفــة نور ..
نور : طيب هدي يالمياء وماراح يصير الا الي الله كاتبه غصبا" عن ابوك ..
لمياء : تعبت يانور رفض ابوي ذابحني .. والله شكلي آخرتها بهج معاه
نور قامــت تضحك : تصدقين ذكرتيني يوم اروح الرياض لامي وتشوف فيصل معي لعبت عليها وقلت انه خويي وهربت معه ( ورجعت تضحك )
لمياء وهي تضحك : بجدك انتي وش سوت فيـك ؟
نور : ابد ضربة عالراس بس ( وتضحك )
لمياء : والله انك تحفة الا اقول وش اخبارك مع ولد عمـك ؟
نور واختفت الضحكة من شفايفها : نفس الحال ماتغير ( وتتنهد )
لمياء : اقول نور بسئلك سؤال واطلبــك برحمة الغالي ابوك تجاوبيني بأمانه
نور : حشى حشى ليه كل هذا وش هالسؤال الي حتى رحمة ابوي ماسلمت منك بسببه
لمياء : انتي تحبين ولدك عمك فيصل صح ؟
نور ارتبكــت : هااااااه
لمياء : من قال هاااه سمع .. اقول حركاتك مو علي .. صحيح ماصار لنا سنين نعرف بعض بس المده الي قضيتها معك كانت مده كافية افهمــك فيها ..
نور : هيه وش تفهمين يالخبله
لمياء : انك تحبين ولد عمك فيصل وكنت تكذبين علي ولا تحاولين تدعين العكس
نور : كأنك متاكده ؟؟
لمياء : اهتمامك فيه وباسلوبه معك وتظرته لك وبطريقته ووصفك له وغيره وغيره كل هالاشياء خلتني اتأكد .. نور انا قمت اشوف فيك بعض تصرفاتي الي تبدر مني لما اذكر صالح ..
نور سكتت ..
لمياء : خير سكتنا ؟؟ قولوا حنا على حق وريحوا عمركمـ ؟؟
نور ابتسمت بمراره : خلاص انتي على حق ارتحتي ..
لمياء : طيب ليه خبيتي علي ؟ وانا الي ماتعودت اخبي عليك شي يانور
نور : هذا انتي عرفتي ..
لمياء : كان ودي انتي تخبريني وتصارحيني ..
نور : خبرتك انا والا عرفتي بنفسك وش الفرق .. فيصــل حتى وجودي يكرهه والسبب مجهول .. سوزان بنت عمي تحبه وامنيتها ترتبط فيه .. وفيصــل بسمع اذوني وشوف عيوني لقيته يكلمـ بنت والظاهر انه يحبهـا .. شفتي كيف يالمياء حبـي لفيصل ماله قيمة بس حقيقة احاول احولهــا لوهمـ .. علشان بس اقضي عليــه ..
لمياء مندهشة : بنت عمك تحبه وهو يكلم ويحب .. احس الموضوع مشربك ..
نور : حياتي كلهــا مع فيصل شربكة بشربكة .. وفكهـا بيد فيصل ..
لمياء : طيب ليه مافكرتي تسئلينه عن الحقيقة .. تفهمين منه وش السر الي وراه ؟
نور : ومين قال اني مافكرت .. بس بداخلي خوف يمنعني خايفه لا يكون السر سبب بتحطيمي لا عرفته .. خليني على عماي احسن ..
لمياء : ماجربتي تسئلي سارة ؟
نور : سارة كل ماسئلتها عن اخوها فيصل ومعاملته لي واني احس ان وراهـا سر ياتقول هو كذا واني اتوهمـ او تصرف الموضوع .. وهذا الي مشككني اكثر ..
لمياء : والله شي يحير .. يالله مصيرك تعرفينه .. واتمنى انه مايكون فيه شي شين لــك ..
نور : إن شاء الله


يتبـــــ .. ,, ـــع

[فراشة شوق]

هجير الشوق

عدتي لنا بابداعااااااااااااااااات رائعة ومتالقة

اعذريني على التاخير

لكن الصراحة كلماتي تعجز عن العبير عن الرواية

احسها رووووووووووووووووووعة وذوووووووووووووووووووووووق

فمثلا

نور بنت وايد حبيتها وارتحت لها

فيصل كرهتها من اول بارت خخخخخخخ

خالد احبه <<اسم عمي فديته

سوزان مااطيقها خخخخ

عبير ونوال وسارة بنات والنعم حلوين وطيبين

فهد وسعود وراشد احس مالهم دور وايد يمكن يبين بالبارتات الجاية

واخيرا الكبار وحمودي

الله يخليهم لبعض

وننتظر البارت الجديد يامبدعة

[فراشة شوق]

يلااااا لاتتأخرين نبي جزء حلوووووو

[أنا غير]

امممممم
شكرا بداية عالبارت
فراشة فديتج تسلمين
هجير نرجع لسالفتنا
نور : حلو انها اعترفت للمياء على الاقل لقت من يفهمها
فيصل: كان يقدر لمن كان يناظر نور يناظر الجانب الايجابي بس معليش تونا بالبداية
سعود:مشفوح وعمره ماشاف زواج ههههههه الله يهنيه
الف شكر مرة ثااااانية ويعطيج الف عااااااافية
بس ملاحظة انا ماقلت كبري الخط وقصري البارت اشوفج تكبرينه عسب نقول انه طويل >>دخلت بالامارات
نبي خط كبير وبارت طويل اوكيه
دمتي متميزة
تحياااااااتي
أنا غير

[" يقين " ..!]

فراشة شــوق

الابداع هو تواجدك ضمن صفحتي ..

الف شكر لك غاليتي ..

اسعدني حضورك جدا" جدا" ..

وابشري ببارت احلى واروع كروعة مرورك ..

[" يقين " ..!]

اخوي

انــا غير

الف شكر لك عالمرور والتحليل ..

واعذرني على قصر البارت ترى ماكملته لسى ..

والخــط تصدق اذا كبرته توجعني عيني من كبره .. الشاشة ماشاء الله عندي ..
وش رايك تغير شاشتك وتفكنا
خخخخخخخخخخخخخخ

ابشر اخوي ..
ولا تحرمني تواجدك الرائع ..

[أنا غير]

هجـ،،، الشوق ،،، ــــير
مازلنااااا ننتظر
^_^

[أنا غير]

اقول هجير

ترااااااك مصخيتها يابنت الحلال زود ماني غايب اسبوع مالاقي شئ بعد

الظاهر نا مو ملي عينك




































ماعليك من اللي فوووووق


ابي بارت حلو تعويض ولا ادقها زعل وماعاد ادخل بجد 7_7

[" يقين " ..!]

لا تزعل ولا يجي بخاطــرك

واعذرني عالتأخير اخوي


انشغلنا بالجامعة وسوالفها

(*_^)

بإذن الله يجيك احلى بارت قريب

[أنا غير]

ان شاااااااء الله

ننتظركـ

^_+

[" يقين " ..!]

ببيت ابو راشــد ..
نوال بغرفتها تقرأ بكتاب وجات لها عبير جلست معها ..
عبير : اقووول نوالوووه
نوال : اولا" اسمي نوال ثانيا" خير ؟
عبير : هونك علينا مو خلاص انخطبتي بتشوفين حالك ؟
نوال : ترى ماني فاضية لك اختصري وش تبين ؟
عبير : عطيتي ابوك رد
نوال : رد على وشو ؟
عبير : ياربيييييييييه ياكرهي للي يستهبلون .. ردك على خطبة سعود لك ؟
نوال : ابد مارديت قلت لهم يخلوني افكر كم يوم
عبير : وليه التأخير دامـك موافقة ؟
نوال : ما ابيهم يفتكرون اني ميته عليه وماصدقت يتقدم لي
عبير بغمزه : وليش انتي مو كذا ؟
نوال وهي تضحك : الا كذا
عبير : هههههههه حركات
/
\
بيوم ثاني ..
لمياء : وربي شوي وانام بالمحاضرة
نور : ليش مين الي كانت تحاضر عندكم
لمياء : فيه غيرهـا مزنة جعلها المرض
نور : لا لا تدعين عليها ترجع عليك
لمياء : استغفر الله ياربي بس بجد شي يقهر طول المحاضرة وهي تتكلم
نور : وش تبينها تسوي لك ترقص مثلا" ؟
لمياء : لا بس على الاقل تسوي نشاط تسئل تشوف البنات فاهمات والا لا ابدا" تتكلم ولا عليها وياويلك لو قاطعتيها
نور : والله هذا حال اغلب الدكاترة هنا والاساتذه خليها على ربك بس
( لفت نور وجهها للجهة الثانية .. ولقت سارة تتكلم مع صاحبتها وباين عليها من ملامحها انها معصبة )
نور : اقول لمياء طالعي سارة مو كأنها شوي وتفلق راس الي معها ؟
لمياء ناظرت : بلى شكلهم متهاوشين
نور : يحتاج اقوم واشوفها ؟
لمياء : مدري بس من رائيي تصبرين لين تجي وتفهمين السالفه منها
بالجهة الثانية ..
سارة : انتي وش قاعده تخربطين ..
افنان : الي سمعتيه ياسارة انتي مالك شغل بحياتي والا مين اصاحب عليك من نفسك وبس
سارة : بس انتي تعرفين اشكالهم تعرفين انتي بوش بتورطين نفسك افنان انا خايفة عليك لا يؤثرون عليك بشي
افنان : لا تخافين ما ارح اتأثر انا اماشيهم كذا بس ..
سارة : ليش منتي محتاجتهم .. انا وين رحت؟
افنان : عارفة ماني محتاجتهم والله لا يعوزني لهم وعارفة انك معاي وصديقتي الغالية بس احب اغير بصراحة ابي اجدد علاقاتي
سارة : ومادورتي الا هذولي ؟ قلو البنات يا افنان
افنان : قلو والا زادو صاحبتهم وخلاص ..
سارة : طيب يا افنان براحتك
قالت هالكلمة ومشت عنها .. اتجهت لنور الي كانت عيونها عليها ..
نور : خير وش فيك ؟
سارة : مافيني شي ليه ؟
نور : لمحتك مع صاحبتك تتكلمين وكان باين عليك انك معصبة فيها
سارة : سوت شي قهرني وعصبت فيها
نور : مايصير اعرف وش هالشي
سارة : لا يصير .. بصراحة افنان تماشي بنات ماهم كويسات وسمعتهم شينة وياليت بالجامعه بس الا حتى برى الجامعة
نور : ومين هم ؟
سارة : الله ستار على عبيده
نور : وش ستاره لا اله الا الله تقولين سمعتهم شينة هنا وبرى يعني ريحتهم فايحة
سارة : شلة هدى
نور : هذي الي من اشوفها اتذكر رابح صقر ( وقامت تضحك )
لمياء بغمزه : نور عيب تلعبين عالبنت
نور : يابنتي وش العب عليها هي الي تخلي الناس تلعب عليها .. مسترجلة وبقوة وفوق هذا ريحتها فايحة جد الله لا يبلانـا
سارة : انا خايفة على افنان منهم خايفة عليها لا تصير مثلهم
لمياء : طيب انتي الحين ليش قاهرة نفسك فيها انتي نصحتيها وما انتصحت قلعتها عقلها براسها تعرف خلاصها
سارة : مايهون علي .. انا وافنان عشرة عمر مستحيل اتركها لهلاشكال
نور : تبيني اكلمها
سارة : تسوين خير يانور ..
لمياء : هي ماسمعت كلام سارة صديقتها وعشرة عمر بينهم تبينها تسمع لك
نور : يا اختي نجرب وش علينا بس الحين قوموا كل وحده تطس لمحاضرتها
/
\
بعد فترة وبجهة ثانية ..
صالح : خلها على ربك هذي ثالث مره اتقدم ويقابلني بالرفض
فيصل : طيب ماعرفت وش السبب ؟
صالح : وش بيكون يعني غير وضعي المادي ابو لمياء الفلوس تهمه مايناظر جوهر الرجال لا يناظر جيبه والي بداخله ..
فيصل : الله يكون بعونك ووش ناوي تسوي ؟
صالح : مدري , ياخوفي يجي شي ويحرمني منها للابد ..
فيصل : شي مثل وشو ؟
صالح : يعني ابوها يزوجها غصبا عليها
فيصل : دامك تقوله عنه كذا لا تستغرب ..
صالح : اقول وش اخبارك مع بنت عمك ؟ ( كمل وهو يبتسم ) المشاعر ماتغيرت
فيصل : الا تغيرت ؟
صالح : والله ؟
فيصل : من كره الى كره اكثر
صالح : على بالي شي ثاني .. طيب اتركنا من بنت عمك الي مدري وش بتكون آخرتك معها وعلمني دلوعتك كيفها ؟
فيصل مبتسم : دلوعتي بالف خير فديت قلبها
صالح : ياعيني عالحب خف على نفسك شوي من عرفتها وانت طايح لي فيها
فيصل : غصبا" علي هالبنت شدتني وجذبتني ملكت قلبي وكل مشاعري
صالح بغمزة : الله يديم المحبة
/
\
ببيت ابو سعود ..
ام سعود : خالد علامك مارحت الجامعه ؟
خالد جلس جنب امه : ماعندي محاضرات اليوم
ام سعود : طيب تبي احط لك الغداء والا بتنتظر اخوانك
خالد ببتسامة : لا بنتظرهم ابي اتغدى معهم الا اقول يمه وش صار بموضوع اخوي سعود
ام سعود : كلمنا بيت عمك بالموضوع ومنتظرين ردهم
خالد : اقول وش احساسك يمه وولدك الكبير بيتزوج ؟
ام سعود : اكيد فرحانه
خالد : طيب ليش ماتخلون الفرحة فرحتين
ام سعود : قصدك نزوج فيصل قلنا له مو راضي
خالد : يمه وش فيصل ما اقصده اقصد يعني ليش ماتزوجوني
ام سعود وهي تضحك : بعدك صغير عالزواج
خالد : وش صغيره بالـ 22 داخل الـ23
ام سعود : وانت ليش مستعجل ؟؟
خالد : يمه انتي تعرفين الانسان مشاعر ورغبات
قاطعته ام سعود : لا تكمل فهمنا
خالد : ترى انحرف
ابو سعود : تنحرف عن وشو ؟
خالد اختبص يوم شاف ابوه جاي ..
خالد : هاااه انحرف عن الطريق ايه ايه عن الطريق الوالده كانت توصيني على سواقتي وانا ابي غدى وهي معيية تحطه لي فقلت لها اذا ماحطيتيه الان ابنحرف عن الطريق صح يمه ؟
ام سعود كاتمه ضحكتها : ايه , الا وين سعود ما اشوفه معك ؟
ابو سعود : جاي وراي وين البنات وفيصل ماوصلوا ؟
ام سعود : البنات على وصول وفيصل ليش هو مو معكم بالشركة ؟
ابو سعود : طلع قبل ساعتين ..
ام سعود : انا الحين واتصل فيه واشوفه وينه
ابو سعود : طيب على مايوصلون انا بصعد فوق ابدل ملابسي
ام سعود : طيب ( ولما تطمنت ان ابو سعود صعد لفت على خالد وقالت )
ام سعود : عجبك كذا خليتني اكذب على ابوك وانا الي ماعمري تجرأت اكذب
خالد : يمه هي مره وحده
ام سعود : طيب دق على اخوك فيصل وشوفه اذا بيجي والالا ؟ انا بروح المطبخ اجهز
خالد : طيب ..
/
\
بجهة ثانية ..
ببيت ابو راشد ..
عبير جالسة تتأفف ..
ام راشد : علامك افك واصلتن عندي خير ؟
عبير : ماهي حاله ترى كل يوم ننتظر حضرة الاميرة سوزان لين ماتشرف علشان تحطون الغداء
نوال : ووش ضرك لو انتظرتي شوي ؟
عبير : ايه تقولين كذا لانك طول اليوم بالبيت تزرطين عكسنا الي مهلوكين بالدوام ومن فطورنا لا واليوم مافطرت انا يعني واصله حدي من الجوع
ام راشد : محد قالك تصحين متأخرة والا فطورك جاهز من صباح الله خير
وصلت سوزان ..
عبير : هلا والله كان انتظرتي ثلاث ساعات مبكرة اليوم
سوزان حطت كتبها عالطاولة وجلست : تصدقين عاد كانت عندي محاضرة بس طنشتها قلت اكيد الان المفجوعة تنتظرني ارجع ( وتضحك )
عبير : ايش قلتي والله محد مفجوع غيرك
ام راشد : وبعدين انتي وياها ..
عبير : هذي هي سوزان جات تكفين قومي حطي الغداء
نوال : ماتبين تنتظرين ابوك واخوك
عبير بترجي : لا تكفين يا ام راشد ( قامت مسكت راس امها ) ابوس راسك لا تنتظرينهم وحطي الغداء
ام راشد تضحك : انطمي خلاص قايمة احطه
سوزان : وتقول ماهي مفجوعه انا مستغربة بس الاكل الي تاكلينه ذا كله وين يروح ؟
عبير : عندي مخازن سرية
نوال : بالله وين ؟
عبير وهي حاطة رجل على رجل : مايخصكم
/
\

اعذروني على قصره

لي عودة بإذن الله

[أنا غير]

اعذروني على قصره

يعني تدرين انه قصير مومشكلة يلا


عبير بغمزه : وليش انتي مو كذا ؟
نوال وهي تضحك : الا كذا
عبير : هههههههه حركات

هههههههه مشفوحة وترقع



وسالفة افنان وراها بلية والله يستر منج


فيصل : دامك تقوله عنه كذا لا تستغرب ..
صالح : اقول وش اخبارك مع بنت عمك ؟ ( كمل وهو يبتسم ) المشاعر ماتغيرت
فيصل : الا تغيرت ؟
صالح : والله ؟
فيصل : من كره الى كره اكثر
صالح : على بالي شي ثاني .. طيب اتركنا من بنت عمك الي مدري وش بتكون آخرتك معها وعلمني دلوعتك كيفها ؟
فيصل مبتسم : دلوعتي بالف خير فديت قلبها

قال ايش قال من كره لي كره الله ياخذ بليسك >>رقعتها
ومن ذي دلوعته

هههههه تصدقين ذكرني هاللقب بشخص ينادي زوجته دلوعتي هههههه يضحكون مااقدر عالرومانسية


>>>خلن نرجع للرواية قبل لاأخر السالفة

اقول خلوووود جليل الحيا وش قصدة بينحرف زوجيه مو ناقصية علل بالقصة هههههه

ههههههه ياحلوها عبير جعت من كثر ماتحن















-------------------------------------------


هجـ الشوووق ــــير

يعطيج الف عافية
تعيشي وتكتبي لنا هههه

وعندي طلب العيد الاربعاء ياريت لو الخميس تعطينا عيدية ولو بارت قصير
بليز
^_^

في أمان المولى
أناغير وفارق عنهم كثير

[فراشة شوق]

هجير

البارت صج قصير

لكنه رووووووووووووووووووووووعة

والله حسيت عبورة مثلي دايم مفجوعة عالاكل و لاادري وين يروح<<مخازن سرية خخخخخخخخخ

يعطيك الف الف عافية

ونبي بارت اطووووووووووووووووووووووووووووووووووووووول

في الانتظاااااااااااااااار

[" يقين " ..!]

اخوي

انا غير

<< تقول الحمدلله
>> تحسبك بتعصب


الله يعافيك
اشكرك على اطلالتــك
وابشر بعيدكـ مني احلى بارت بإذن الله تعالى

[" يقين " ..!]

فراشة شوق


الاروع تواجدك حبيبتي
هههههههههههههه
اما مفجوعه مثلك
ههههههههههههههههههه

ابشري من عيوني يالغالية
لا تحرميني اطلالتك العذبة

[أنا غير]

أختي هجير
الشوق


ابي اعرف وين الوعد

والعيدية وين

الله يخليج لاتطولين علينا نبي بارت طويل وحلو ترى بديت انسى الاحدااااث


انا غير

[" يقين " ..!]

بالجامعه ..
سارة ونور كانوا طالعين من الجامعه ..
سارة فجأة لمحت افنان تصعد سيارة .. ركزت بعيونها فيها متعجبة ..
نور لاحظت وقوف سارة : هيه سارة شفيك ليه وقفتي السواق وصل
سارة لا زالت ساكتة وتراقب السيارة الغريبة الي استقلتها افنان ومشت فيها ..
نور تقربت من سارة : شفيك ؟
سارة : افنان راحت بذيك السيارة
نور : ايه ووش صار يعني
سارة : هذي ماهي سيارتها اصلا" هي ماتركب سيارة
نور : طيب يمكن احد من اهلها تطوع يوصلها لا تشغلين بالك وبعدين انا وعدتك اكلمها يالله مشينا السواق ينتظر
سارة : طيب
/
\
ببيت ابو سعود
عالغداء
ابو سعود يخاطب سعود : اليوم بالشغل كلمني عمك ابو راشد
سعود وهو ناط : هاااااااه موافقين ؟
ابو سعود مستغرب : على ايش ؟
سعود حس شكله غلط وقال : هاااه لا قصدي وش يبي منك ؟
ام الباقي كل واحد فيهم كاتم ضحكته على شكل سعود ..
ابو سعود : يبي يعرف اذا االاوراق الي طلبك تسلمها لابو بندر وصلت والا لا ؟
سعود : وصلتها وعطاني ملف اعطيه لعمي وقلت اليوم بإذن الله اوديه له ..
ابو سعود : على خير ..
نور : احس سعود شوي وبينفجر كلمي نوال تعجل بالرد اخاف يصير بالرجال شي
سارة وهي ( تضحك عالخفيف ) : يبي لي لا يتعقد اخوي المسكين
/
\
بجهة ثانية وبمكان ثاني
افنان تكلم بالجوال ..
هدى : لا تنسين موعدنا الليله
افنان : لا مااراح انسى
هدى : وتذكري ياحلوة كثر ماتعطين كثر ماتاخذين اوكي
افنان : اوكي
هدى : يلا سي يوو
افنان : سي يوو توو
/
\
فيصل بغرفته ..
فيصل : لو تطلبين عيوني ماتغلى عليك ..
..... : صحيح والا بس كذا
فيصل : اكيد
..... : طيب فصولي قد ايش تحبني ؟
فيصل : لو قلت لك قد هالكون ما اظنه يكفي
..... : وانا بعد احبك كثير
فيصل : فديت قلبك هاه وش سويتي اليوم بالدوام ؟
..... : مثل كل يوم
فيصل : يعني اضمن المركز الاول لك
..... : اممم يمكن
فيصل : لا ما ابي يمكن ابي اكيد والا ترى ازعل
.... : لا كل شي ولا زعلك خلاص اكيد
فيصل : اكيد اكيد ؟
.... : اكيد اكيد
/
\
بغرفة سارة وجنبها نور ..
نوال : طيب على ايش متصرقعين انتو
سارة : اقولك اخوي بينخبل عجلي بردك
نوال : لا ماراح اعجل خليني اسبوع افكر
سارة : قصدك تتغلين
نوال : ايه اتغلى
سارة : صدق انك حمارة
نوال وهي تضحك : طالعتن عليك
سارة : والحين متى بتعطينا ردك
نوال وهي تسوي نفسها تفكر : خلاص لعيونه انتبهي انا ماقلت لعيونك اليوم اعطي ابوي الرد
سارة : جعل عينك الطزة كأن عيني ميتة عليك بس وش ردك؟
نوال بحياء : وش تعتقدين ؟
سارة : مو اعتقد الا متأكده موافقة
نوال : اكيد
نور تدف بسارة تبي السماعه منها ..
سارة : طيب خذي نوارة كلميها
نوال : عطيني ياها
نور اخذت السماعه : الف الف الف مبروك
نوال : الله يبارك فيك يالغالية
نور : والله لو اعرف ازغرت زغرت لك
نوال : فرحتك تكفيني
سارة : انا قايمة اخبر سعود ..
وقامت ركض ..
نوال : وين طست المطفوقة
نور : راحت تخبر حبايبكم
نوال سكتت من حياءها ..
اما بغرفة سعود فكان منسدح عالسرير غارق بأفكاره عنها ..
سعود بباله : لكن هين يانوالوه خلينا نملك بس وربي ان ماطلعتها من عيونك ما اكون سعود
فجأة اندق الباب ..
قام من السرير يشوف مين في الباب
سارة : هاااااااااي سعودي
سعود : ليش قايلك فلبيني
سارة وهي ( تضحك ) : حلوووة بس لا تعودها
سعود : اقول اخلصي وش تبين
سارة بكل براءة : بس حبيت ا سئل ليه قافل الباب ؟
سعود : مالك خص
سارة : افا انا سارة تقولي مالي خص
سعود : اقول بلا مقدماتك الماصخة وعطينا الزبده
سارة تبي تردها له : تلاقيها بالثلاجة ( وتضحك )
سعود : ياربيه عالبايخه بتقولي وش تبين والا اقفل الباب بوجهك
سارة وهي تسترد انفاسها : لا خلاص بقول انا كلمت نوال وقالت لي ان اليوم بتعطي ابوها ردها
سعود : بذمتك صدق ووش رايها .؟.
سارة تسوي نفسها هيمانه قصدها تقلد نوال : ( حبك بقلبي لو ملك موقع الشمس احرق جميع الي على الكون يمشون) >> موافقة
سعود سكر الباب بوجه اخته سارة ودخل .. ماتدري وش سوى بس الاكيد انه انخبل لانها سمعت صوت صراخ ..
/
\
بالليل
نوال خبرت ابوها بموافقتها .. وامها فرحت لها كثير ..
ام راشد بعد مازغرتت : الف الف الف مبروك يابنيتي
نوال : يبارك فيك يمه
منيرة : الف مبروك يالغالية
نوال : يبارك فيك يامرت اخوي
ابو راشد : انا رايح ادق على عمك وابلغه بموافقتك
وام راشد بفرح : وانا رايحة اخبر ام سعود بفرح قليبها معي
محمد الي كان على كتف ابوه : يبه وث ثاير ؟
راشد وهو يضحك : عمتو نوال بتتزوج
محمد : كيف يعني بتتزوج
راشد : يعني مثلي انا والماما
محمد : وبيثير عندها محمد مثلكم
راشد وهو يضحك : ان شاء اللـه
اما فوق ..
سوزان : الف مبروك
نوال : يبارك بعمرك عقبالك
سوزان : يارب
عبير : مصفوعة اعوذ بالله اقول وخري مناك ( وقربت من نوال وباستها ) الف الف مبروك يالغالية
نوال وهي تضحك : يبارك بعمرك وعقبالك انتي بعد
عبير بتنهيده : متى بعد ياربييييييييه
سوزان : مدري مين المصفوعة فينا
نوال وهي تضحك : ثنتينكم مصفوعات ولا تزعلون
/
\
ببيت ابو سعـود ..
ام سعود : الف مبروك ياوليدي ( وزغرتت )
سعود : يبارك فيك يالغالية
ام سلطان : الف مبروك يا ابو سلطان
سعود وهو يبوس راس جدته : يبارك بعمرك يا ام سلطان
ابو سعود حضن ولده : والله وكبرت ياسعود الف مبروك
سعود باس يد ابوه : يبارك بعمرك ياتاج راسي
خالد وفيصل حضنوا سعود وباركو له ..
فيصل : بديت اغار
ام سلطان : قلنا لك اخطب مع اخوك انت الي عييت
خالد : كان خطبتو لي انا
ام سلطان : انت عاد مالك زواج الا عقب عشر سنين
خالد : افا يا ام سلطان ليش ؟
ام سلطان : لين تعقل
خالد : مو اعقل قصدك يطلع براسي الشيب
ابو سعود : تخرج واشتغل وابشر بالزواج
خالد : الله يصبر قلبي لذاك اليوم
( الكل ضحك على كلمة خالد )
سارة : والله لو تدري عبيروه ان خالد مصفوع عالزواج تموت .. بس المشكلة ماندري على مين ناوي ..
نور : ليش ماتقيسين نبضه
سارة : كيف يعني ؟
نور : تسئليه مثلا" لو بغى يتزوج ناوي على مين يبي قريبته والا غريبه
سارة : والله فكرة .. بس تصدقين ابي اجربها مع فيصل بالاول
نور غاص قلبها بداخلها ..
نور : وش المعنى فيصل ؟
سارة : مدري كذا ( وتضحك )
/
\
بمكان ثاني ..
اصوات موسيقى عالية تملأ المكان .. الانوار خافته .. المكان رغم حيويته الا انه مخيف
بنات اشكال والوان من مختلف الاعمار ..
انا علمي هالشقق بالعاده بنت مع ولد هذولي بنت ماسكة بنت وترقص معها ..
هدى : شفيك افنان وين رحتي
افنان وبداخلها خوف : هاااه لا معاك
هدى : يالله تعالي اعرفك على شعاع
مسكتها من يدها ودخلتها لغرفة .. بالداخل كان فيه ثلاث بنات والثياب الي عليهم تظهر اكثر مماتخفي.. وضحك وغنج .. دخلت وكلي خوف من الي اشوفه ..
هدى وهي تأشر على الي بالوسط : هذي شعاع الي تكلمت معك عنها وهي الي بتخدمك وتساعدك
كانت بنت لا مو بنت الا مراه يميزها شعرها الاصفر القصير وجسمها الممتلي .. وملامحها جدا" مخيفة ..
هدى : هذي البنت الي كلمتك عليها
شعاع وهي تناظر فيني بتركيز : هلا فيك بينا .. كيفك ؟
افنان بتردد : انا بخير
شعاع : امم صوتك حلووو ( طلعت تبي تسمع صوتي )
افنان اكتفت بنظرات مستغربة .. مع انها تدري وش قصدها بكلامها ..
شعاع : اتمنى تكون جيتك هنا باختيارك لاني بصراحة مو ناقصة مشاكل
هدى : انا قلت لها هالكلام وهي جاية باختيارها
شعاع : ابي اسمعها منها
افنان : انا جاية باختياري محد غصبني
شعاع : حلو مستعده ؟
افنان تحاول تقاوم الخوف : مستعده
/
\
ببيت ابو سعود ..
سارة قربت من اخوها فيصل الي كان يأكل موزة ..
سارة : اقول فصولي
فيصل وهو تارك الموزة ورافع يدينه : وربي مشغول بكرى
سارة تضحك : شفيك
فيصل : ماتقولين فصولي لله كذا اكيد وراها مصلحة
نور كانت جالسة بعيد عنهم بس قادرة تسمعهم .. عيونها مركزه عليه ..
تحبه مهما ظلت تنكر ومهما الاقدار وقفت بطريقها تحبه ..
سارة : لا تطمن ماوراي طلعه بس توقعها بأي لحظة ( وتضحك ) عندي لك سؤال
فيصل ببتسامة عذبة ضيعت نور : آمري يالغالية
سارة : متى ناوي تخطب ؟
فيصل جلس يفكر .. مرت بباله اشياء كثير .. ورد عليها
فيصل : حاليا" ماافكر بهالشي بس عقب سنة سنتين يمكن
سارة : طيب السؤال الثاني
فيصل وهو يضحك : توك تقولين سؤال صاروا اثنين
سارة بكل براءه : لا هو سؤال بس انا مراعاة لك قسمته لنصفين
فيصل : اها اشوف اسئلي
سارة : طيب انت الان نويت تتزوج مين راح تخطب ؟ يعني هل قريبة والا غريبة
فيصل : مين بخطب الي يختارها قلبي وبس سواء قريبة والا غريبة
نور غاص قلبها .. داهمها خوف ماتدري ليه ..
نور ببالها : اكيد يقصد بالقريبة سوزان والغريبة البنت الي يكلمها والا انا الكره هو الشي الوحيد الي لقيته منه
فيصل : تعالي ماقلتي لي ليه هالاسئلة
سارة : والله انا كنت ناوية اسئلها لخالد الي مصفوع عالزواج بس خطر ببالي اسئلها لك قبل , تدري احب اللقافة ( وتمد لسانها بكل براءه )
فيصل وهو يضحك : الله يعين فهد عليك
سارة بربكة : وش دخل فهد الحين ؟
فيصل : اكيد الباب ( ويضحك )
سارة تغيرت الوانها وقامت طيران لنور الي كانت تضحك على منظرها رغم احساسها الي يبكي بداخلها
نور : شفيك وجهك قلب فوق تحت ؟
سارة : فيصل مايدري عن الي بيني وبين فهد كيف يقولي كذا
نور : يمكن فهد قاله
سارة : يمكن , طيب خلصنا من فيصل خل نروح لخالد واسئله ونذاله بعبير بخليها تسمع جوابه بأذنها
نور : يمكن جوابه مايعجبها
سارة : والله عاد هي وحظها ( وتضحك )
عبير كانت جالسة بغرفتها .. منسدحة وتمرر اصابعها بشعرها .. وبالها مو معها .. مع خالد ..
عبير ببالها : آه ياخالد متى تعرف اني احبك واني ابيك ياخوفي تكون عاشق وعندك حبيبة والله انجن واذبحك
رن جوالها والمتصله سارة ..
عبير : هلوو سارونة
سارة : هلابك اسمعي انا مجهزة لك مفاجأة
عبير نطت من المخده الي كانت متكية عليها واستوت عالسرير : وش هالمافجأة عجلي فيها
سارة : طيب بس انتي خليك ساكتة اوكي
عبير بحماس : طيب
سارة كانت جنب غرفة اخوها خالد تتجهز تبي تدخل .. طقت الباب اذن لها تدخل
سارة : نايم ؟
خالد : على وشك
عبير سمعت الصوت وشهقت : وش ناوية عليه هالخبله ليكون ناوية تفضحني لا وعلى الهواء مباشرة حسبي الله عليك ياساروه
سارة : احلى يالفصحى ( وتقربت ) معليش آخذ من وقتك ثواني
خالد : تفضلي
سارة : صاير مؤدب ماشاء الله
خالد : وش قصدك
سارة : لا بس بالعاده نتلقى تهزيئة والا طرده من جنابكم
خالد : مالي خلق احس فيني نوم .. يالله وش تبين
عبير بصوت مسموع : يابعد عمري
سارة مسكت ضحكتها ..
سارة : طيب خلودي انا ماراح اطول عليك كل الي ابيه اني بسئلك سؤال وابي جوابك بس
خالد : اسئلي
سارة : لو قررت تتزوج مين راح تختار يعني على مين راح تنوي قريبة والا تفضلها غريبة
خالد طالع بأخته نظرات وكأنه يفكر بشي ..
خالد : والله ماتفرق عندي بس ما اعتقد فيه قريبة تناسبني
عبير رجف قلبها .. صارت تسمع دقاته بأذنها ..
سارة : الا فيه
خالد : مين بالله
سارة : دقايق بس وراجعة اقولك
طلعت برى وكلمت
عبير : يالحمارة وش ناوي عليه
سارة : نذاله فيك ماراح اخليك تسمعين وانا اقوله عن حبك وهيامك فيه
عبير : بذمتك وربي ان قلتي له ترى ما اسامحك
سارة : لا تسامحيني عادي ( وتضحك بقوة )
عبير شوي وتبكي : يالخايسة
سارة : لا توي تسبحت ( وترجع تضحك ) خليني اقوله وش راح تخسرين وربي ابيك ترتاحين
عبير : وش دراك يمكن مايبيني ويزيد عذابي
سارة : تدرين عاد بقوله بس ماراح اقوله مين , يعني ماراح اقوله شخصيتك وبخليه يفكر ويشغل باله بهالعاشقة .. ان ماخليته يدورك زي المجنون ما اكون فتون قصدي سارة
عبير : والله فكرة .. بس اخاف مايهتم
سارة : اقطع يدي ان ما اهتم اخوي واعرفه يالله طسي خليني اكمل حديثي معه عن العاشقة
عبير : ساروه تكفين خليني اسمع وش بيقول
سارة : لا موتي قهر بكرى اوافيك بالاخبار طسي نامي
عبير : هين يصير خير بس ياويلك ان ماقلتي لي بكرى
سارة : لا بقول تعرفيني ما اخبي عليك شي
عبير : هذا احلى شي فيك
سارة بعصبية خفيفة : وش قصدك
عبير بضحكة : هاه لا ماقصدي شي مع السلامة ( وقفلت على طول من خوفها )
سارة وهي تناظر الجوال : هين اوريك
رجعت دخلت لعند اخوها ..
خالد : شفيك مين كنتِ تكلمين
سارة : عبيروه بنت عمك
خالد بدون إهتمام : اها طيب كملي سالفتك اشوف مين الي تناسبني
سارة تربعت جنب اخوها : بصراحة في وحده من قرايبنا تحبك
خالد ابتسم ..
سارة : ايه تحبك تنام وتصحى على طاريك .. املها انك تحس فيها وتعبرها ..
خالد : ومين هي بالله
سارة : مقدر اقولك لانها محلفتني ما اقولك
خالد : طيب وليش جاية تقولين لي عنها اجل
سارة بغمزه : تبي تشغل بالك فيها مثل ماانت شاغل بالها
خالد ضحك .. وهو بداخله مليون سؤال وسؤال ..
سارة : شفيك تضحك ؟
خالد : مين قدي فيه معجبات لي وانا مدري طيب الحين كيف اعرفها
سارة : فكر فيها شوي اطلق لمشاعرك العنان وانت تحس فيها وتعرفها وتراها قريبة منك بالحيل يالله تصبح على خير
خالد وبانت على وجهه الحيرة : وانتي من اهل الخير
خالد بباله : مين ياترى ؟ قريبة مني بالحيل .. مافيه احد قريب مني .. حتى بنات عمي ماهم كثيرات ولا اعتقد فيهم وحده تكن لي هالمشاعر مين هي ياربي .. يؤ يؤ طالع بنت الذينا الي عاشقتني اشغلت بالي فيها مثل مابغت .. لكن هين ان ماعرفتك ما اكون خالد كايدهم
اما عبير بالجهة الثانية ..
عبير ببالها : مدري وش سويتي ياساروه ربي يستر منك ماني قادره اصبر لبكرى علشان اعرف وش صار .. ياترى ياخالد بعد كلام اختك لك .. بتحاول ولو اقل محاولة انك تحس فيني وتعرفني والا ماراح احرك فيك ساكن .. ليتني اعرف ..
.. .. ..
بيوم ثاني ..
نور ماصحت من النوم الا متأخرة .. صحتها سارة اكثر من مره بس لا حياة لمن تنادي .. فكرت انها ماتبي تروح فتركتها ..
صحت نور مخترعه .. الساعه ثمان .. ياويل حالي .. لبست وتجهزت بسرعه ..
خذت عبايتها وطيران لتحت .. السواق مو موجود .. والحل ؟ بتتأخر اكثر ..
وقفت بالصاله ماتدري وش تسوي .. سمعت صوت شخص نازل عالدرج تمنت انه يكون عمها طالع للشغل متأخر علشان يوصلها معه ..
طلع فيصل .. وكالعاده كاشخ بالثوب الرسمي والنظارة .. ذوبها وهي مكانها ..
استحت منه وتنحت عن الباب .. وقفت بعيد ..
اما هو ناظرها بعدم إهتمام .. ومشى للباب ..
تأخرت كثير .. واحتمال عمها راح الشغل ومافيه احد بالبيت .. يعني مالها الا هو ..
توه بيطلع نادته ..
نور : فيصل
استوقفه نداءها .. ورجع بنظراته ورى وناظرها بنفس النظرات البارده ..
فيصل : نعم
نور تحاول تنطق : تأخرت عالجامعه ومافيه احد يوصلني ممكن توصلني بطريقك ؟ اذا مافيها إزعاج لك
وقف لحظة يفكر .. ثم قال : طيب ( وطلع )
ارتاحت بس ما ارتاح قلبها .. داهمها خوف وطلعت وراه .. فتحت باب السيارة الخلفي وصعدت ..
حست انها قريبة منه .. جالسة وراه بالضبط .. ريحة عطره داعبت انفاسها .. هيجت مشاعرها ناحيته .. حست بسيل جارف يشدها تقرب اكثر واكثر .. ودها تحضن الكرسي الي مستند عليه ..
مشى .. انتبه للمراية الي فوق تطل عليها وغير اتجاهها .. مايبي يلمحها حتى ..
وصلها للجامعه .. نزلت وقبل لا تقفل الباب .. قالت نور : مشكور وآسفة اذا تعبتك معي
رد بكل برود : العفو ( ومشى )
غاص قلبها من بروده .. ايقنت بداخلها ان الكره الي بقلب فيصل لها ماله حل ثاني ..
داعبت خدها دمعه ومشت لمدخل الجامعه بكل الم ..
.. .. ..
بعد فترة ..
صالح : وينك يارجال تأخرت علي ؟ صارلي فتره احتريك هنا احرقتني الشمس
فيصل : المعذرة يالغالي .. وصلت بنت عمي جامعتها وجيتك على طول وتعرف المشوار ماهو هين .. صبح والشوارع زحمة
صالح : والسواق وين راح ؟ كان خليته يوصلها وجيتنا
فيصل : شكل الهانم تعمدت تخليه يروح عنها .. علشان بس انا اوصلها ..
صالح : بالله ووش مخليك تقول كذا ..
فيصل : لان مو معقولة سارة تخليها نايمة وتروح عنها ..
صالح : ووش غايتها يعني ؟
فيصل : تتلزق تتمصلح الله اعلم
صالح : والله عليك تفسيرات ماهي صاحية اقول خلينا نمشي بس اخرتنا ..
.. .. ..
بالجامعة ..
نور كانت جالسة مع لمياء .. لمحت سارة الي كانت جاية صوبهم ..
نور نطت لعند سارة ومسكتها من أذنها ..
سارة : آآه يمااامي شفيك اتركي اذني
نور : ليش تخليني نايمة وتنحاشين عني
سارة : والله ماهو ذنبي اذا كنتي كيس نوم .. طقيت الباب ليت قال تكفين ارحميني
نور : ثاني مره اكسري الباب لو يمديك ولا تخليني نايمة
سارة ( تضحك ) : ايه مو دافعه قيمته من جيبك
نور : لا جد اكلمك سارة ترى انحرجت من فيصل اليوم يوم اطلبه يوصلني بطريقه وكل هذا بسبب حضرتك
سارة : لا ماهو بسببي بسببك ياكيس النوم بس تعالي بالله هو الي وصلك
نور : ايه هو
سارة : والوضع كيف كان ؟
نور : ابدا" ولا شي كأني راكبه مع سواق تاكسي
سارة ( تضحك ) : الله يرج ابليسك
لمياء نادتهم من بعيد : مطولين بسوالفكم
نور : لا جايين ( التفت لسارة ) يالله امشي معي
سارة : لا بروح اشوف افنان وينها فيه ماشفتها بداية الدوام
نور : اوكي اذا خلصتي لاقينا انا ولمياء هنا
سارة : اوكي
.. .. ..
نور : هاه مافيه اخبار جديدة عنك وعن صالح ؟
لمياء بألم : لا ابوي معقدها ومصمم على رايه ..
نور : طيب ماحاولتي تكلميه وتفهميه
لمياء : اكلمه وافهمه ؟ ابوي يانور صعب صعب صعب والي براسه يسويه حتى لو كان فيه تحطيم لبنته ..
نور تتنهد : على الاقل انتي يالمياء الي تحبيه حاسس فيك ورايدك ومستعد يسوي المستحيل علشانك يحاول مره ومرتين وثلاث لاجلك , بس انا مو مايحس فيني لا , الا يكرهني من قلب ..
لمياء : للان ماعرفتي السبب
نور : ولا ظنتي بعرف .. بالفترة الاخيرة صرت اتحاشى اكون معه بمكان واحد .. ماابي اشوفه ولا ابي اكون قريبة منه .. ابي ابعد وابعده عن تفكيري ..
لمياء : ياترى قدرتي تبعدينه ؟
نور : طبعا" لا .. تصدقين ورب البيت اشتاق له من قلب .. انتظر اللحظة الي تجمعني فيه لاجل اروي عيني وقلبي منه .. احبه مهما انكرت الحقيقة احبه .. مهما كرهني فيصل بظل احبه .. ( ادمعت عينها ) ورجعت قالت
نور : لمياء انا غلطت بحبي لفيصل ؟ هل تعتقدي حبي لفيصل ذنب ؟
لمياء : طبعا" ماهو غلط ولا ذنب .. عمر الحب الصادق الطاهر ماكان ذنب
نور : ماهو بيدي حبيته غصبا" علي .. من اول تلاقي بينا قدر يخطف قلبي ويجذبني .. قلت بالبداية اعجاب ويزول بس تأصل بقلبي واشتعل حبه .. صرت من كثر ما احبه اتمنى اكرهه ابي اكرهه مثل مايكرهني
لمياء آلمها منظر نور الي كانت منفعله وكل كلمة تطلع من فمها ترافقها دمعة الم من عيونها ..
.. .. ..
الظهر ..
وبطريق الرجعة للبيت ..
سارة : ماجات الجامعه اليوم
نور : مين افنان ؟
سارة : ايه ولا ادري ليش .. ادق عليها جوالها مقفول
نور : يمكن تعبانة والا مالها نفس تجي
سارة : مدري يمكن ..
نور : لا تشغلين بالك .. ان شاء الله مابها الا كل خير
سارة وهي تتنهد : ا ن شاء الله
بعد فترة ..
ببيت ابو راشد ..
عالغداء ..
ابو راشد : هاه يانوال متى تبين موعد الملكة ؟
عبير نزلت الملعقة من فمها وحاولت تتكلم : ينصر دينك خليها عقب الامتحانات احلى
سوزان : ياااه باقي وقت على الصيفية
عبير : كلها شهر
ام راشد : انكتمي انتي وياها الراي لصاحبة الشأن ..
عبير بصوت واطي : امحق صاحبة شأن
ابو راشد : هاه يابنيتي ..
نوال بحياء : والله مدري يبه بس انا أفضل اني استشير بنات عمي .. يعني نبي نحدد وقت الكل فاضي فيه .. علشان نقدر نجهز كمان ..
عبير : وهي صادقة , بالله الامتحانات النهائية باقي عليها شهر .. ملكتها متى بتكون قبل الامتحانات بأسبوع ؟!! .. محد راح يكون فاضي لها
اما فهد يطالع خواته وهو يضحك بداخله ..
فهد : هذي الملكة وتسوون لها كل هالسوالف اجل العرس شلون
سوزان : وش فهمكم يالشباب
فهد ( يضحك ) : الحمدلله طلعنا مانفهم
ابو راشد : وش على بالك يافهد زواجات الحين مو مثل زواجات قبل .. الله على زمان قبل تخطب المراه وتتزوجها مره وحده .. بلا ملكة بلا حفله
فهد : محلاكم والله شكلي بعرس عالطريقة القديمة وبريح حالي والا وش رايك يمه
ام راشد : الشور ماهو شوري وانا امك شور المراه الي بتعرس عليها ..
عبير تساسر خواتها : والله لو تدري سارة قومت الدنيا ماقعدتها ( وضحكوا )
.. .. ..
ببيت ابو سعود ..
بعد الغداء ..
نور : وانشغل باله ؟
سارة : اقص يدي ان ماا انشغل .. اقولك تركته ووجهه علامة إستفهام ..
نور ( تضحك ) : وعبير خبرتيها بلي صار
سارة : لا خليها تموت من القهر ماتشوفيها قالبه علي الجوال لوماسكرته وارتحت ( وتضحك )
نور : حرام عليك انتي مواعدتها
سارة : عارفة خليها شوي تحترق وبعدين بقولها
بجهة ثانية ..
عبير وهي تكلم الجوال من قهرها تتخيله سارة : يالحمارة يالنذله وربي ان ماوريتك وطلعتها من عينك ما اكون عبير تحقرين وبعدها تقفلين جوالك هين هين
دخلت سوزان وهي مستغربة من عبير ..
سوزان : الحمدلله والشكر استخفت البنت
عبير ناظرتها بقهر : ايه استخفيت عندك مانع
سوزان : علامك والعه خير وش صاير
عبير : مايخصك واطلعي وقفلي الباب وراك
سوزان شافت انها تطلع بكرامتها احسن .. وقفلت الباب وراها
عبير وهي حاطه اصبعها بفمها .. تقضم اظافرها من القهر : الحين وش اسوي مالي غير ادق عالبيت ايه ايه بدق عالبيت
تناولت السماعه ودقت ..
بالصاله ..
خالد كان يطالع التلفزيون .. وهو انواع الطفش والنعس .. مانام وهو يفكر بهالعاشقة المجهولة .. محتار محتار ..
دق التلفون ..
نط بيده ورى راسه للتلفون ورفع السماعه ..
سكت ينتظر المتصل يتكلم .. وعبير كانت ساكتة تبي تشوف اذا رد عليها احد من اولاد عمها والا عمها على طول تسكر .. بس هذا ساكت ولا تكلم .. على طول خمنت ببالها انها سارة ..
عبير بدون مقدمات : يالنذله يلي ماتستحين اقسم بربي لو انك جنبي مايردني غير كف اطير سنونك من وراه .. صارلي كم وانا ادق عليك وانتي حاقره لا وعاملة لي فيها حرق اعصاب وقافلة جوالك .. خليني بس اشوفك وربي لاطلعها من عينك ..
اما خالد فكان شوي وينفقع من الضحك .. على البنت الي متصله وهي شوي وتحرق التلفون من صراخها ..
اما عبير فلاحظت سكوت الي رفع السماعه .. ورجعت قالت ..
عبير : ساروه ردي
خالد وبصوت لطالما هامت فيه عبير : سارة فوق مين نقول لها ..
عبير ارتبكت .. وجع كل صراخي وتهزيئاتي والشتيمة سمعها .. صدق اني خبله وش بيقول عني .. كانت تبي تقفل السماعه .. بس غيرت رايها .. لازم تكلمها وتعرف وش الي صار ..
خالد رجع يسئل يبي يعرف مين هالبنت : مين نقولها ؟
عبير بكل معاني الارتباك والحرج : عبير
خالد ضحك : عبير اذكري الله .. دقايق اناديها لك
عبير غاصت بفشلتها .. اما خالد فنادى سارة الي كانت جالسة مع نور ..
سارة : مين ؟
خالد : عبير
عبير ببالها : توي اكتشف ان اسمي حلووو
سارة كتمت ضحكتها وتأكدت انها متصله تهزئها .. لذلك طلبت منها تسكر وهي راح ترجع تدق عليها من غرفتها .. وماسكرت عبير الا من بعد ماحلفت سارة انها تتصل ..
وبغرفة سارة ..
سارة : والله حبيت ا قهرك بس
عبير : لا تحاولين برجعها لك يعني برجعها بس الان خبريني وش صار بسرعه
سارة : ياربي الله يعين .. طيب بقول ( وبدت تحكي لها كل شي صار )
عبير ببالها : يعني مافي باله احد ولا يحب .. الحمدلله ..
سارة : هاه ارتحتي ؟
عبير ببتسامة : ايه خلاص باي
سارة : لا خليني بسولف معك شوي
عبير : حاليا" ابي اهيم بأفكاري .. مالي خلق سوالف طسي
سارة : زين مع السلامة
عبير : الله يسلمك
.. .. ..
العصر ..
سارة نايمة ..
نور قررت تزور صديقة سارة افنان وتكلمها .. تبي تريح بال بنت عمها ..
لبست وتجهزت .. وطلبت من السواق يوصلها لبيت افنان ..
وصلت كان بيت في احد الاحياء شبه الفقيرة .. طقت الباب .. فتحت لها مراه كبيرة بالسن .. حنى ظهرها الزمن .. وحفر بملامحها قسوته ..
نور : السلام عليكم ياخاله
ام افنان : وعليكم السلام يابنيتي
نور : افنان موجوده
ام افنان : ايه موجوده يابنيتي تفضلي
كان البيت بسيط جدا" ويكاد يخلو من الاثاث .. جلست نور عالارض .. تنتظر افنان ..
افنان : وحده تبيني ؟
ام افنان : ايه يابنيتي
افنان : طيب جاية يمه .. ( ورجعت تقول ببالها ) مين الي تزورني بهالوقت
ام افنان : وش تشربين يابنيتي
نور : سلامتك ياخاله ارتاحي ماله داعي
ام افنان : لا مايصير يابنيتي صديقة افنان واول مره تشرفينا ولا نضيفك شي
نور : والله مالهد داعي ياخاله
جات افنان .. استغربت نور بنت عم سارة عندنا وش صاير ..
نور : هلا افنان كيفك ؟
افنان : هلابك الحمدلله بخير انتي كيفك يانور ؟
نور : الحمدلله بالف خير
ام افنان : يمه شوفي صديقتك تقول ماله داعي نضيفها ؟
افنان وبانت عليها ربكه : وهذي تجي لازم نضيفك شي
نور : خلاص اذا مصممين
توجهت ام افنان للمطبخ .. اما افنان فبدت عليها علامات استفهام ..

[أنا غير]

هجير يعطيك العافية
طالع اقرا ولي عودة

[أنا غير]

السلام

ممكن يعني اتكلم بصراحة واتمنى ماتزعلين


احس سالفة نور وفيصل شريط يمشي ببطئ جدا ريت لو تسريعنه شويه

ولاحظي شويه طيب


افنان
والله مراح يطلعها من الطريق اللي دخلته الا نور وسارة

خالد وعبير

همسه

خالد كايدهم

^_*

>> أحد ناداني هههههه



خلووود تفكيره بسيط الولد ومدام جاه موقف وياهالا نتفاءل خير













فهوود والله ياخوك ماعاد اعراس اول تنفع




















نوال وسعود
الله يتمم بخير











هجورة مشكورة (( عالعيدية المتأخرة )) خخخخ



















بس ون كوسشن ليه العنوان تبدل بس جد فلته العنوان يخبل

جسدتي القصة بالعنوان




مبدعة دوووووووووووووووووووووما

انتظر بارت حلو وطويل بس مو متأخر طيب ^_^ >> اقلب وجهك ياشيخ













مع السلامة ^_^"

[" يقين " ..!]

ربي يعافيك

بالنسبة لنور وفيصل
انا معك اخوي بأن الشريط يمشي ببطء
بس بالاحداث الجاية بيمشي فل

ما خالد كايدهم فالبركة فيك
<< اقتبستها منك صح خلووود
>> تسوي تمون عليك
ههههههههههههههه

انا بالنسبة للعنوان
العنوان الاول ماكنت مقتنعة فيه مية بالمية
لذلك غيرته للعنوان الجديد
حسيته جدا" مناسب .. والان تأكدت انه مناسب
من خلال تعليقك

شاكرة لك إطلالتك ونقدك الي مااستغني عنه

الف شكر لك
ولا حرمني الله روعة إطلالتك

[" يقين " ..!]

توجهت ام افنان للمطبخ .. اما افنان فبدت عليها علامات استفهام ..
افنان : سارة فيها شي ؟
نور : سارة مابها الا كل خير استغربنا غيابك اليوم
افنان بربكه : ايه انا غايبة اليوم لاني كنت تعبانه وماانمت الا متأخره
نور : ماتشوفين شر وكيفك الحين ؟
افنان : الشر مايجيك الحمدلله طبت
نور : سارة كانت خايفة عليك موت .. تقول انها تدق عليك وماتحصلك
افنان : ايه كنت قافلته تعرفين تعبانة ومالي خلق
نور : اها , اكيد مستغربة جيتي ومستغربة اكثر جيتي بدون سارة
افنان : صح
جات ام افنان وانجبرت نور تسكت ..
ام افنان : والله مدري يابنيتي وش تحبين بس إن شاء الله عصير الليمون يعجبك
نور ببتسامة إمتنان : يعجبني ياخاله تسلم يدينك
ام افنان : الله يسلمك
راحت ام افنان للمطبخ .. ولفت نور على افنان وقالت ..
نور : سارة قالت لي عن موضوعك انتي ووشلة هدى
افنان ارتبكت .. ونور تابعت كلامها ..
نور : صدقيني يا افنان ان سارة خايفة عليك ولو ماتغليك من قلب وتحرص عليك ما اهتمت لك
افنان : عارفة وانا بعد اغليها بس اعتقد سالفة اصاحب مين والا اطلع مع مين شي مايخصها
نور : انا معك مايخصها انتي حره .. علاقتكم مع بعض ماتعني ان كل وحده مقيده بالثانية ومن حق كل وحده فيكم تصاحب الي تبي بس انتي ياافنان اخترتي ناس تفكيرك يختلف عن تفكيرهم ناس ممكن تورطك باشياء منتي قدها والا ماتعرفين
افنان : لا اعرف انا قلت لسارة مصاحبتي لهم مو معناها اني خلاص بفكر مثل افكارهم والا بتأثر فيهم حتى ..
نور : خلاص دامك تعرفين ليش تورطين نفسك وتشوهين سمعتك معهم .. ياترى اهلك لو دروا بهالشي تعتقدين بيرضيهم .. خصوصا" انه البنات حتى برى الجامعه معروفين بسوالفهز الشينة
افنان وقفت على طولها وردت وكأنها تنتظر اللحظة الي تفرغ فيها الي بصدرها ..
افنان : أي اهل والي يرحم والديك , امي الي عايشة وماهي عايشة والا اخوي الي من تزوج وهو لاهي بمرته وعياله .. مافكر لحظة يجي يسئلني عن احوالي والا وش محتاجه يمكن اني بمصاحبتي لهم بخسر اشياء بس بنفس الوقت بربح .. يكفي اني بتخلص من الفقر الي ناقعه فيه من يومي ..
نور : واذا تخلصتي من الفقر هل ياترى الفلوس بتقدر ترجع لك سمعتك ترجع لك كرامتك والا كينونيتك الي انهانت .. بترجعين تعتزين بنفسك ؟!!
افنان : انا يانور لو بحط هالمصطلحات قاعده بحياتي عمري ماراح اعيش .. عالمصطلحات ماتوكل عيش .. الفلوس هي الي تعز وترز بهالزمن .. انتي ماتحسين بإحساسي لما اشوف سارة والا وحده من البنات كل يوم لبسة جديدة والا حلق جديد والا حتى شنطه جديدة وانا انا , الملابس وكل شي نفسها ماتغيرت .. ما انكر ان سارة تهديني وماترضى اختلف عنها بشي وهذا طيب نية منها بس انا احسها بقلبي مثل الصدقة .. غصبا" علي اكره هالشعور وقمت بالاخير ارفض أي شي تهديني ياه ..
نور كانت منصته لها .. متزاحمة بداخلها افكار .. معقولة الحاجة والعوز تخلي الانسان يبيع نفسه وكرامته ويضيعها .. يمشي بطريق اسود علشان الفلوس .. علشان المظاهر الكذابه وبس ..
نور : ومافي غير هالطريق يا افنان ؟
افنان : للاسف الوحده الي تعيش مثل عيشتي مالها غير هالطريق .. وانصحك يانور لا توجعين راسك فيني ولا حتى سارة .. شي بديت فيه بكمله ..
نور مالها حيله : اوكي براحتك بس اقولها لك ونيابة عن سارة لا حان للندم موعد لا تجينا
مع السلامة
طلعت نور داخلها بركان من كلام افنان .. وتفكيرها ..
اما افنان .. عانقت خدها دمعة ورجعت مسحتها .. بقرارة نفسها تدري الشي الي تسويه غلط .. بس لاجل تعيش عيشة نعيم كل شي يهون ..
.. .. ..
بالليل ..
المغرب ..
سارة لا زالت نايمة .. والمغرب اذن .. شافت نور انها لازم تصحيها اولا" علشان تصلي فريضة المغرب وثانيا" علشان تخبرها بسالفة زيارتها لافنان ..
نور قربت من سارة عالسرير وشالت البطانية من على وجهها ..
نور : سارة اصحي خلاص كافي نوم
سارة وهي تتمغط : يووووه خليني انام احس اني ماشبعت
نور وهي تضحك : صاقعة تصقعك صارلك اربع ساعات نايمة وماشبعتي قومي بلا دلع
سارة : خليني انام وش عليك
نور تتطنز على كلام سارة : وش علي ؟ ملابسي ليش تسئلين ؟ ( وتضحك )
سارة من تحت البطانية بعد مارجعت اخذتها : بااايخة
نور : طالعه عليك يالله عاد قومي ترى اذن المغرب ( ورجعت سحبت البطانية )
سارة طفشت : زين بقووم
نور : يالله قومي علشان بعد اقولك وش صار بزيارتي لافنان ..
سارة تعدلت بجلستها عالسرير : رحتي لافنان ؟
نور : ايوه العصر وكلمتها بخصوص موضوعها
سارة : ووش كان ردها ؟
نور : قومي الان غسلي وصلي وبعدين اعلمك كل شي
سارة : طيب
قامت غسلت وصلت .. بداخلها خوف ياترى وش كان ردك وموقفك ياافنان ..
.. .. ..
ببيت ابو راشد ..
نوال جالسة بغرفتها .. جاتها عبير ومعها سوزان ..
نوال كانت جالسة عالكرسي تبع التسريحة تطالع بالمراية وسرحانه .. تفكر بينها وبين نفسها بسعود .. تحمد ربها الي كتب لها وقدر انها تنجمع معه .. ويتحقق حلم حياتها ..
حلم حياتها وحبها من الصغر ..
عبير : الحلوو وين سرحان
نوال ابتسمت : بسعود
عبير : ارحمي نفسك لا تتعقدين من كثر التفكير فيه
نوال : تصدقون عاد مشتاقة له ودي اشوفه وبنفس الوقت ماودي احس اني بموت حياء لو شفته
سوزان : ياعيني .. طيب ليش ماتجي نسوي زيارة لبيت عمي
عبير : فكره والله
نوال : لا لا استحي اروح ,, اصلا" ماهي بعدله اروح لهم هالفترة
عبير : وليش ياقلبي يعني الي تنخطب ماتروح بيت اهل خطيبها
نوال : لا مو قصدي بس استحي .. وش اسوي ؟
سوزان : الحياء مقطعها خلاص نروح انا وعبير وانتي اصطفلي
عبير : ايه واذا شفنا سعود بنقوله تسلم عليك نوال وتقولك مشتاقة لك موت
نوال : والله اذبحك لو تقولين ..
سوزان : كأنها بتقول يعني
نوال : والله ما استغرب منها شي
عبير : احم احم ماني هينه , بس جد خلينا نروح وبعدين سعود اغلب يومه بالشركة مع عمي يعني احتمال شوفتك له قليل
نوال : قولكم كذا يعني
سوزان : ايه يالله عاد نبي نطلع ملينا
نوال : خلاص بكرى العصر نسير عليهم بإذن الله
.. .. ..
بجهة ثانية
سارة : مستحيل اصدق ان افنان تفكيرها كذا وليش علشان الفلوس
نور : لا صدقي , تكلمت معها حاولت اقنعها بان الي تسويه مو الحل الوحيد للي تبيه بس مافي فايده صديقتك عنيده
سارة : انا لازم اكلمها
نور : انتي سبق وكلمتيها وماسمعتك وبعدين هي عطتني ياها كاش لا نوجع راسنا فيها
سارة : وانتي يانور متوقعه مني اني اسمع كلامها واسكت مستحيل , جد مقهورة منها والي قهرني اكثر قولها انها تحس اني اذا اعطيتها شي يعني اتصدق عليها
نور : حسيت من خلال كلامي معها انها تايهه تبي أي شي يطلعها من ظروفها الي عايشتها حتى لو كان هالشي فيه ضياعها الحقيقي
سارة ضمت راسها بيدينها .. وتنهدت من زود قهرها .. وقالت ..
سارة : لكن الي تسويه ماهو حل ماهو حل انا لازم اكلمها وافهمها لازم تقتنع ا ن الي تسويه ماهو حل ( قالت هالكلام وركضت لغرفتها )
اما نور القت جسدها على الكنبة .. متضايقة علشان سارة ومقهورة من تفكير صاحبتها ..
ماهي لاقية إجابات لاسئلة كثير تدور في بالها .. والسؤال الاهم : ليش الواحد يبيع نفسه وكرامته مقابل فلوس ووصخ دنيا ؟!! ..
.. .. ..
بجهة ثانية ..
ببيت اهل منيرة زوجة راشد ..
ام هشام : ونوال بتاخذ مين ؟
منيرة : بتاخذ ولد عمها سعود
ام هشام : ماشاء الله الله يبارك لهم ويهنيهم ويتمم عليهم بخير
منيرة : اللهم آمين
ام هشام : تصدقين عاد والله ودي بوحده من خوات زوجك لهشام .. طيب واخلاق وجمال ونسب
منيرة : وانا فكرت فيها يمه وكنت حاطة عيني على نوال بس هذي هي راحت بنصيبها الله يتمم لها بس باقي وحده ببالي
ام هشام : ومين هي ؟
منيرة : سوزان اختها
ام هشام : ما اتذكرها .. انا الوحيده الي راكزة بمخي هي نوال الي نشوفها احيان معك تجينا
منيرة : ان شاء الله بملكة نوال اعرفك عليها
ام هشام : ان شاء الله
دخل هشام الي كان توه جاي من دوامه ...
هشام : السلام عليكم
الكل : وعليكم السلام
هشام : هلا والله ام محمد عندنا والله تو مانور البيت
منيرة : منور بوجودك يالغالي
هشام : وش اخبارك ووش اخبار راشد ؟ لنا مده ماشفناه تبع الشلة
منيرة : والله كلنا بالف خير ولله الحمد وراشد مشغول بالشركة مع عمي .. انت اخبر عاد وانا اختك بشغل الشركات وزحمته
هشام : ايه الله يكون بعونه ووين حمودي الصغير ؟ ليكون تبع ابوه بعد ( ويضحك )
منيرة وهي تضحك : لا هذا الله يسلمك تبع عماته مايحب يطلع معي وبيني وبينك اريح لي لا يدوش راسي بطلباته
ام هشام : قبل شوي كنت انا واختك نتكلم ونتشاور على خطبتك
هشام يستهبل : أي خطبه ما اذكر اني خطبت
منيرة ( وهي تضحك ) : بدا الاستهبال
ام هشام : يالله عاد تكلم معي زين .. كنا نتكلم على البنت الي نبي نخطبها لك
هشام : ولو اني ما افكر بالموضوع حاليا" بس على مين رسيتو
منيرة وهي مبتسمة : مابعد رسينا بس ببالنا وحده
ام هشام : بإذن الله اشوفها واذا اعجبتني خطبتها لك ..
هشام : طيب افرضي ماعجبتني
منيرة : ام هشام تخطب لك وماتعجبك مستحيل
هشام وهو يضحك : الله ما اكبر الثقة ..
.. .. .. ..
بعد العشاء ببيت ابو سعود ..
ام سلطان وام سعود يشربون شاهي .. ونور بالمطبخ تسوي كاسة عصير لها >>> ماتحب الشاي
ام سلطان : الا وينه فيصل ؟
ام سعود : فوق بغرفته
ام سلطان : ماتعشى معنا
ام سعود : كان نايم وصعدت له قبل شوي وقال دقايق وبينزل يتعشى
فيصل وهو نازل عالدرج : القمر وش يبي بفيصل ( يقصد جدته )
ام سلطان وهي مبتسمة : سلامتك يالغالي ابي اشوفك بس
فيصل ببتسامة اعرض : هذا انا كلي تمقلي يالغالية ..
ام سلطان تضحك : ماتجوز عن سوالفك
ام سعود : العشاء بالمطبخ روح تعشى طول يومك مااكلت شي
فيصل : من عيوني يالغالية رايح
بالمطبخ ..
نور منهمكة بعمل عصير البرتقال تحبه فرش وجالسة تعصر ..
نور تكلم نفسها : دقايق ويصير عندك يانور عصير طازه يحبه قلبك اممممم
تنبهت على صوت خطوات تقترب من المطبخ .. سمعت صوت جوال .. وجاءها صوته ..
فيصل : هلا دلوعتي شفيك صوتك متغير ( كمل كلامه بخوف وهلع ) تعبانة دقايق واكون عندك بوديك المستشفى .. مع السلامة
كانت واقفة عالباب تسمع كلامه .. وتحس خناجر تقطع بقلبها .. قال دلوعتي يعني البنت الي يكلمها .. غصت بعبرتها ... رجعت مكانها تفكر وتعيد ببالها صوته وخوفه وكلامه للبنت .. تتنهد الم وحسرة على حالها .. وحبها ..
مسكت البرتقاله تبي تكمل عصر .. بس ماقدرت ... توه قلبها انعصر بداخلها ..
ليش مو قادره اتقبل فكرة ان فيصل يحب غيري .. يفكر بغيري .. يخاف على غيري ..
قطع عليها افكارها صوت جدتها وهي تناديها ..
نور وهي تمسح دموعها بسرعه : جاية جاية
اكتفت بالمقدار الي عصرته وطلعت الصاله تشوف جدتها وام سعود ..
ام سلطان : كل هذا تعصرين اخاف عصرتي كل الي بالثلاجة
نور تحاول تخفي الحزن وتضحك : لا يادوب كوب واحد
نزل فيصل مثل الريح حتى الشماغ الي ماتعود يطلع الا وهو كاشخ فيه .. ماكان لابسه ..
استوقفته ام سعود لما لاحظت سرعته وطلعته وهو مابعد تعشى ..
ام سعود : على وين ؟
فيصل : طالع
ام سعود : والعشى ؟
فيصل : يتأجل
ام سعود : طيب ليش مستعجل هالكثر وش صاير ؟
فيصل نفذ صبره : واحد من الشباب محتاجني لا رجعت اقولك يالله في امان الله
ام سعود وهي مستغربة : الله يحفظك
اما نور رخت راسها الم .. واحد من الشباب والا دلوعتك الي شوي وتنجلط من خوفك عليها ..
.. .. ..


يتبــ ع

[أنا غير]

ماأقول اا اووووف من فيصل

جد ودي افلقه


نور ماتستهال الله يعينها


سارة وافنان

ياترى صداقتهم بترجع افنان لوعيها


وفي موقف بيصير بين نوال وسعود اتوقع














شكرا عالبارت هجير بس تعليق انوه قصير ومافي مستجدات الا بين افنان ونور


ليش نبي بارت طوووووووووووووويل


طوووووووووووووووووووويل


وشوية بهارات اكشن يعني لو سمحتي



مع التحية
أنا غير

[" يقين " ..!]

الاكشنات بالطريــق

*_^

عارفتك تموت بهالاشياء <<< يصقعك

خخخخخخخخخخخخخخخ

شاكرة لك متابعتك اخوي

[أنا غير]

تصقعني بعد ّّ؛؛مقبولة منك ^_^


اقووووول

هيه هجير

هجيررررررررررررررررررررررررررررررررر

وينك ماتسمعين

ابي بااااااااارت وينه تأخرتي ترى والله




يلا هجير لاتطولين وهالله هالله بالآكشن

[" يقين " ..!]

ترى امزح << خافت


هااااااااااااااااااه

اسمعك


ادري تأخرت .. اعذرني اخوي
انت اخبر بظروفي << *_^

ابشر بلي تبيه .. بس عطني وقت ..
رعاك الله

[" يقين " ..!]

بعد فترة وبغرفة سارة ..
دخلت نور على سارة الي كانت سرحانة تقلب الجوال بين اصابعها ..
نور نطت عالسرير جنب سارة : هاه شفيك سرحانه وين وصلتي ؟
سارة : ابد عبيروه اتصلت تقول بكرى جايين هي ونوال وسوزان العصر
نور : الله ونااااسة اشتقنا لهم
سارة وهي تتنهد : ايه اشتقنا لهم كثير كثير
نور : ياترى هالاشتقنا لهم لمين للبنات والا لناس ثانية ؟!
سارة : لا لناس ثانية ..
نور تضحك : يلعن ام الجرأة
سارة شوي وتبكي : وربي مشتاقة له حيل محرومة من الشوف والصوت ادعي ياربي بكرى هو الي يجيب خواته ابي اشوفه ولو حتى المحه
نور : ياعيني خلاص لا تبكين
سارة : ادعي يالله
نور رفعت يدينها : الهي وانت جاهي خلي فهد بكرى هو الي يوصل خواته لبيتنا علشان سارة تنطفي نار شوقها
سارة وهي ترفع يدينها : يارب يالله طسي نامي
نور : افا , مو ضمنتي دعينا لك خلاص تطردينا
سارة : تكفين يا ام الدعاء المستجاب طسي بس
نور وهي تضحك : طااااايب اوريك
.. .. ..
بعد آذان الفجر ..
صحت نور علشان تتوضى وتصلي الفجر .. صلت وخلصت .. وقبل لا تطلع علشان تصحي سارة لمحت شخص يصعد الدرج ..
سكرت الباب وخلت فتحة ضيقة تطالع منها مين هالشخص ..
فيصل الي كان صاعد الدرج .. طالعته توه راجع من برى كان باين عليه انه هلكان شوي ويطيح من التعب ..
آلمها منظره .. بس البنت رجعت ببالها .. المفروض ما أتالم له .. انسان مو معترف حتى بوجودي .. يكرهني ومالي قيمة عنده .. ليش اوجع قلبي عليه ..
دخل غرفته ولما جات بتطلع رجع هو فتح باب غرفته وطلع ونزل ..
صابها فضول كبير انها تتبعه وتشوف وين رايح ..
ونزلت وراه ..
توجه فيصل للمطبخ .. كان جوعان الا ميت من الجوع طول يومه ما اكل شي .. من رجعته من الدوام نام وماصحى الا المغرب ومامداه يتعشى بسبب المكالمة الي جاته ..
شافته نور متوجه للمطبخ .. تأكدت انه يدور شي ياكله لانها سمعت من مرت عمها انه ما اكل شي طول يومه ..
فيصل بصوت اشبه مايكون مسموع : والحين , ماعرف اسوي شي حتى البيض مكانه ما ادله خل اروح اصلي الفجر وبعدها يفرجها ربي
نور سمعته وعلى طول تخبت بالغرفة الي جنب المطبخ .. شافته يطلع وهو يرفع اكمامه ويتوجه للمغسله ..
نطت بالمطبخ .. وكانت لابسة بيجامه وردي مرسوم عليها دبدوب حاضن قلب ازرق .. وطالعه بالمره كيوت .. وماكانت مغطية شعرها رافعته بمسكه .. وخصل تترنح على جبينها ..
وبعجلة كبيرة بدت تدور البيض وكل شي لزوم تطبخ .. نيتها الطيبة نستها وش بقلبها على فيصل ..
صارت تطبخ بكل عجله .. سوت البيض ومن عجلتها حرقت يدها بس ماهمها .. حطت جنبه لبنة وخبز .. وبقى شوي من عصير البرتقال الي عصرته .. صبته بكوب وحطته معهم بصينية وخلتها عالطاولة ..
كل هذا سوته وعيونه عليها .. وهي مو دارية ..
.. .. ..
طلعت بسرعه بعد ماتأكدت ان الطريق خالي .. ومثل الريح طارت لغرفتها .. حتى سارة ماصحتها ..
قفلت باب غرفتها وتسندت عليه , يدها على صدرها تحاول تسترد انفاسها من سرعة ركضها عالدرج .. ابتسمت من قلب .. وخطر على بالها ياترى وش بيكون موقفه لما يشوف الاكل اكيد بيسئل مين الي سواه له .. ياربي عز الله بنفضح لو سئل .. بس وش علي كان جوعان وكسر خاطري .. ماسويت شي غلط .. رمت بنفسها على سريرها وحضنت مخدتها .. وبلحظة تذكرت انها ماصحت سارة .. وفزت على طولها وراحت تصحيها ..
.. .. ..
بالجامعة ..
سارة تلاقت مع افنان الي كانت جالسة مع هدى وكم بنت من شلتها ..
سارة : افنان ممكن اكلمك شوي
هدى وجهت نظراتها لافنان وبعدين لسارة وقالت : حنا بالكافتيريا ( قالتها ومشوا )
افنان لفت على سارة : عارفة وش الموضوع الي بتكلميني فيه ياسارة وفري على نفسك التعب
سارة بعصبية : على بالك بسكت عنك وبخليك على كيفك انسي هالشي ياافنان انسي , مستحيل اتركك تشوهين سمعتك وتهدرين كرامتك واجلس اتفرج عليك
افنان بعصبية ماتقل عن عصبية سارة : وانتي وش دخلك يا اختي انا حره سمعتي الي بتتشوه والا سمعتك فكينا عاد
سارة مصدومة من لهجة افنان معها : ياحسافة العشرة والصداقة , ياحسافة العشر سنين الي راحت من عمري وانا اعدك اكثر من اخت واغلى
افنان بسخرية : ماعليها حسفة سنين فقر اسمعي ياسارة انا سبق وقلتها لبنت عمك وماني عجزانه اقولها لك ثاني اذا مافهمتيها , خليك بعيده عني لا توجعين راسك فيني فاهمة
( قالتها ودرات ظهرها وابتعدت )
نور كانت تناظرهم من بعيد .. ولما شافت افنان ابتعدت وسارة بدت عيونها تدمع ركضت لها ..
نور : تبكين ياسارة
سارة لفت على نور : ماني مصدقة ان الي كانت تكلمني قبل شوي هي افنان صاحبتي واختي الي قضيت معها عشر سنين من حياتي بحلوها ومرها
نور : البركة في هدى وشلتها ماقصروا بغسيل المخ , امشي معي واتركيها تصطفل باكر تجيك من الندم تعض اصابع
مشوا للمياء الي كانت جالسة تنتظرهم ..
لمياء : هاه وش صار ؟
نور : وش تتوقعين ؟
لمياء : طنشت
نور : بالضبط
اما سارة فكانت ساكتة .. موجوعة بداخلها ومصدومة من صديقة عمرها ..
لمياء وهي تربت على يد سارة : لا يجي ببالك ولا تهتمين
سارة اكتفت بنظرة الم ..
نور تبي تغير الموضوع : اقول لمياء وش رايك تتغدين معانا اليوم وبعدين بنات عمي بيجونا العصر يعني فرصة حلوة اعرفك عليهم
لمياء : والله مدري
قاطعتها نور : لا تبتدين باعذار ( لفت على سارة بترجي ) سارة اقنعيها
سارة ابتسمت ورجعت : مايحتاج اقنعها غصبا" عن خشمها بتجي ولو احتجنا نجرها من شعرها ماراح نقصر
لمياء : ياماااااااامي متوحشاااات
الكل : ههههههههه
سارة انتبهت على الحرق الي بيد نور : يؤؤؤ وش هذا ؟ حرق ؟!
نور : ايه
سارة : حرقتي نفسك بوشو ؟
نور : ابد صحيت الفجر كنت جوعانة وسويت لي بيض وحرقت يدي
سارة : طيب كان دهنتيها بشي لا تلتهب عليك
نور : لا ماعليك تعودت .. ياكثر ماصارت لما كنت بالبحرين لازم وقانون لاجيت اسوي شي احترق ولو حرق بسيط
سارة ولمياء يضحكون ..
لمياء : ماتنفعين للمطبخ ابد
/
\
بجهة ثانية ..
هدى : مهما قالوا لك ماعليك منهم .. سارة ماتبيك تكونين احسن منها علشان كذا مرتدية قناع الصداقة والبراءة وطايحة لك نصايح
افنان مو مصدقة : سارة تسوي كذا ؟ انا كنت اعتقد ان كلامها ونصايحها من خوفها علي
هدى : يابنتي بهالزمن كلن يدور مصلحته ومصلحتها انك تظلين بفقرك واحساسك بحاجتها
افنان بقهر : بوريها هالمتعجرفة
هدى : المهم الليله عندنا سهرة
افنان : بس انا علي إمتحان ولازم .....
قاطعتها هدى : الامتحان ماراح يفيدك السهرة هي الي بتفيدك ولا تنسين ا لشله كلها هناك يعني الخير كثير , وشعاع هي الي بتمرك اوكيه
افنان : اوكيه
/
\



لي عوده ولكـن بعد فترة زمنية ليست بطويله

معذرتـ ي

[أنا غير]

زين سمعتيني بس ترى واول شئ ظروفك وظروفي وظروف العايلة انا اقدرها وشكرا انك ضغطتي على نفسك وحطيتي لنا جزء هنا

بس ترى قصير قريتها بدقيقتين

على العموم ياحسافة على افنان

فيصل وش موقفه بعد ماشاف نور

شخصيات كثيرة افتقدتها هنا بس يلا


انتظر الجديد

لك من الشكر اوفره

[أنا غير]

احم احم

جاي اكد بس انو الاربعاء الاسبوع القادم ان شاء الله بارت جديد صح هجير *_*

[" يقين " ..!]

لعيون اخوي .. أنا غير ..

صحين ونص وثلاث ارباع

*_^

[أنا غير]

تسلمين

احم اخجلتيني


^_^

نلقاكم قريبا

في امان المولى

[أنا غير]

السلام

اقول هجير

بكرة الاربعاء <<<ت

[أنا غير]

اقول

هجير

بكرة الاربعاء<<تذكير بس


//


\


//

\


انا غير

[أنا غير]

هجير



للأسف



زعلتيني

ودامك توعدي وتخلفي



سامحيني مراح اكمل





هجير اليوم الجمعه وين الباااااااااارت



لاااااااااا ياخاينة اكرهك


//


\


//


ماعليك من الفيلم الهندي اللي فوق ^_^


هجيرووه عمى وين البارت ؟؟!!

[" يقين " ..!]

خخخخخخخخخخخخخخخخخخ

والله توي انتبهت لردودكـ أخوي ..

المعذرهـ ..

البارت ابي اطوله أكثر باقي علي كم حدث
بس

انتظرني اليومـ بس .. اكمله .. وانزله ..

[أنا غير]

توك تنتبهي علينا ّّّ^_*

يالله اليوم اليوم ننتظر بس ياويلج لو ماينزل اذبحج ساااامعه<<<<اخص ياقوي

[" يقين " ..!]

بــارت جديد ..

.. .. ..

بعد فترة ..
جالس بالكافتيريا .. افكار توديه وافكار تجيبه .. مين هي ؟؟ .. مين تكون ؟؟.. مين هالقريبة والي عاشقتني ..
قطع حبل افكاره صوت جواله .. خويه ناصر الي معاه بالجامعه داق عليه .. رد وهو عقله مو معه ..
ناصر : وينك انت صارلي ساعه ادورك
خالد : موجود
ناصر : وين ؟
خالد : هنا
ناصر مستغرب : احلف والله .. هيه معاي انت
خالد انتبه : ايه معك شفيك
ناصر : انت الي شفيك مو انا , صاير شي عندك ؟
خالد : تعال انت الحين وخل الاسئله
ناصر : طيب وينك فيه ؟
خالد : بالكافتيريا
غلق منه .. وجاه ناصر ..
ناصر وهو يحط كتبه عالطاوله ويجلس : شفيك ؟
خالد : وش فيني ؟
ناصر : مدري صار لك مده وانت على هالحال
خالد : أي حال ؟
ناصر : قصدي حالة السرحان
خالد تنهد وهو يطالع بالطلاب الي يتمشون : ابي اعرفها
ناصر زاد استغرابه : مين الي تبي تعرفها ؟
خالد : الي عاشقتني
ناصر ضحك : وش قاعد تلخبط انت
خالد التفت لناصر وتكلم بجديه : اختي تقول انها قريبة مني بس انا مو لاقطها ياناصر مو عارفها
ناصر وعيونه انفتحت زياده : مين هذي ؟
خالد : الي عاشقتني
ناصر : لا حول ولا قوة الا بالله خالدوووه بتتكلم زين والا امشي عنك
خالد وهو يضحك عرف انه رفع ضغط خويه : شفيك عصبت
ناصر : مدري عنك قاعد تهذر وتلخبط ..
خالد : خلاص انا اقولك السالفه ..
خالد حكى عن ( العاشقة المجهوله ) لناصر .. والي كان مستغرب ..
ناصر : وللان ماعرفتها
خالد : لا بنت الذينا عرفت تشغل بالي صح
ناصر : طيب واذا عرفتها وش راح يصير ؟
خالد : ابدا" بسدحها بكف وبقول ليش تحبيني , بالله هذا سؤال تسئله ..
ناصر : يعني كيف بتحبها ؟
خالد : وليش لا .. اذا صدق تحبني مستعد ابادلها ..
ناصر يغمز : ياعيني والله وطلع لك معجبين , لا لا عفوا" عاشقين
خالد وهو يعدل ياقته: أنا خالد كايدهم مو أي احد
/
\
الظهر ..
طلعت لمياء مع ساره ونور لانهم عزموها عالغداء .. لما وصلوا البيت ..
ام سعود : هلا والله وصلتوا
ساره : ايه يمه ومعانا ضيفة غالية
تقدمت لمياء وسلمت على ام سعود ..
لمياء : كيفك خالتي ؟
ام سعود : الحمدلله بخير يابنيتي .. هلا والله فيك , على كذا غداءك عندنا
ساره : ومين قال غير كذا .. يالله لموي تعالي معاي غرفتي
نور طالعت بساره نظرات قهر : خير وين ماخذه خويتي لا وتدلعها بعد لموي ( تقلد طريقتها )
ساره وهي تضحك : آسفة نسيت انها تخصك
لمياء اعترضت : هيه وش ( تخصك ) تتهاشون على شنطه انتي وياها
نور وساره ماتوا ضحك .. على كلمة لمياء ..
نور : يالله تعالي معاي انا فوق ..
ساره : وانا ببدل واجي وراكم
نور : طيب
صعدوا فوق .. طالعت لمياء بالغرف وغمزت لنور ..
لمياء : وينها غرفة حبيب القلب
نور استحت : هذيك الي على اليمين
لمياء تستعبط : يصير اشوفها ( وتضحك )
نور : اقول امشي لا تفضحينا
دخلوا الغرفة .. فسخت لمياء عبايتها ونطت عالسرير وقالت ..
لمياء وهي تلعب اصابعها بشيلتها : آآه وش كثر مشتاقه لصالح .. زمان ماجاء يزورنا حتى خالتي ماقامت تجينا مثل قبل
نور وهي تفك شعرها وتناظر المرايه : وليش ؟
لمياء : مدري بس حاسه ان السبب هو رفض ابوي
نور لفت على لمياء : ليش يعني اول مره يرفضه حسب ماعلمتيني هذي ثالث مره
لمياء : ايه بس بالمره الاولى خالتي تقبلت الرفض على بالها سبب رفض ابوي دراستي الثانويه , يعني كانت معتقده انه يبيني اتزوج وانا كبيره شوي بالجامعه , وحتى بالمره الثانية ماتغير شي بس الان وبالمره الثالثة خالتي جافتنا كثير وماعادت مثل قبل
نور : يمكن جاء ببالها رفض ابوك وإصراره لثلاث مرات
لمياء : ولو , امي وانا مالنا ذنب .. امي مناها اكون لولد اختها , تعرف صالح زين وتحبه
نور بغمزه : وانتي ؟
لمياء بعدا ما تتنهد : انا هوى قلبي صالح بس وين الي يحس , ياخوفي ياخوفي ياخوفي
نور : شفيك تكرريها ثلاث مرات
لمياء : خوفي من الجاي هو الي يخليني اكررها ..
فجأه انطق الباب ودخلت ساره ..
ساره ببتسامه عريضة : ليكون قطعت عليكم سوالف مهمه ترى عادي ارجع اطلع
لمياء وهي تضحك : لا ماقطعتي ادخلي
سارة وهي تسوي حالها بتطلع : لا وربي ترى اطلع عادي قولوها عادي ترى
نور : اهوو ادخلي
ساره سكرت الباب ونطت معاهم عالسرير ..
نور : بما ان ساره معاك انا استأذن الان بروح ابدل ملابسي
ساره : وليش مابدلتي قبل ؟
نور : ماحبيت اترك لمياء لحالها .. يالله عن اذنكم
الكل : اذنك معك
نور : على بالي طاحت عندكم
لمياء وساره لم استوعبوا النكته .. ماتوا ضحك ..
طلعت نور علشان تبدل وقبل لا تقرب الحمام .. سمعت صوت فيصل ووقفت ..
كانت ام سعود تتكلم مع فيصل قريب من الدرج .. الشي الي ساعد نور انها تسمعهم بوضوح
ام سعود : احط لك غداء ؟
فيصل : لا يالغالية دايخ وناوي عالنومة
ام سعود : الامس بطوله ما اكلت شي والحين ماتبي غداء
فيصل : لا اكلت يمه وتوي فاطر
نور دق قلبها بقوه .. خايفة يسئل مين الي سوى له البيض الفجر .. بس الحمدلله ماسئل وكمل طريقه لغرفته ..
ببيت ابوراشد ..
عالغداء ..
عبير : يبه بعد الغداء نبي نروح بيت عمي
ابوراشد : على خير
سوزان : نبي احد يوصلنا
راشد : السواق عندكم
البنات يبون فهد يوصلهم .. ساره كانت منبهه عليهم بكذا .. قاموا يطالعون ببعض .. وفهد ياكل ولا على باله ..
نطقت عبير : منيره تبي السواق العصر فما فيه احد يوصلنا
منيره ركزت نظراتها على عبير وخزتها عبير ..
راشد طالع بمنيره وكأنه يسئلها ..
منيرة طالعت بعبير .. وجاتها نظرات عبير تترجى ..
منيره : ايه انا ابي السواق العصر
راشد : وليش ماطلبتي مني انا بدل السواق ؟
منيره ارتبكت ويالله طلعت منها : كنت متأكده انك مشغول بالشركة مع عمي ماحبيت اشغلك زود
سوزان تناظر فهد الي مركز عيونه بصحنه : فهد وش رايك انت توصلنا ؟
فهد ناظرها : وين ؟
عبير : الظاهر ماكنت مركز معانا ,
فهد : ميت جوع تفكيري بالصحن الي قدامي
سوزان : نبيك توصلنا لبيت عمي ابوسعود
فهد : ليش والسواق وينه
عبير فلتت اعصابها : لا حول ولا قوة الا بالله السواق تبيه منيرة اخلص علينا بتوصلنا والا نقول لها ماراح تجي
فهد مستغرب : مين ؟
عبير انتبهت : هااه اقول بتوصلنا والا مشغول ؟
فهد : طيب متى بتروحون ؟
نوال نطت هنا : بعد ساعه من الحين
فهد : اوكي ) ورجع ياكل )
عبير تنهدت وببالها : مابغينا نخلص لكن هين ياساروه ان ماخليتك ترديها لي
بعد الغداء ..
بعد ماقام الكل .. منيره سحبت عبير من يدها وقالت
منيره : عجبك كذا خليتيني اكذب على راشد
عبير ببتسامه : عادي علشاني تهون الكذبه
منيره : لا والله والاثم الي بيصير علي بتحملينه حضرتك
عبير : خلاص عطيه ساره
منيره : وهي وش دخلها
عبير : هاااه لا مادخلها قصدي استغفري الله سبحانه وبيغفر لك
منيره : بستغفر الله ربي وبعد فيه
عبير : وشوو
منيره : تاخذي حمودي معاكم لبيت عمه ابوسعود
عبير رفعت يدينها لفوق : لاااااااا والي يرحم امك الا هذا
منيره : ليش وش بيسوي لك
عبير : تعرفين انا وابنك دائما" معارك وصراعات سياسية واجتماعية مايحتاج
منيره : خلاص خليه مع نوال وسوزان
عبير : انا اقول بلاها ناخذه
منيره : ترى اروح اعلم راشد واقول اني كنت اكذب وانتي المسئوووله
عبير : يمه منك بدء الابتزاز , خلااص بناخذه امرنا لله
.. ..
ببيت افنان ..
ام افنان بالمطبخ ..
افنان : اقول يمه
ام افنان : هلا يابنيتي
افنان متوتره : انا بكرى عندي إمتحان وابي الليله اروح لخويتي واذاكر معها
ام افنان : ومين خويتك هذي الي بتروحين لها ؟
افنان بارتباك ماقدرت تخفيه : ساره ماغيرها , الماده الي بنتمتحن فيها صعبة وساره تعرف لها وبتعلمني
ام افنان : بتتاخرين يعني يابنيتي ؟
افنان : يعني مو كثير .. الماده كبيره يبي لها
ام افنان : خلاص دامها ساره وانا اعرفها واعرف اخلاقها زين بخليك تروحين واخلي اخوك يوديك
افنان بربكه : هاه لا لا ساره هي الي بتجي تاخذني مع سواقهم
ام افنان : خلاص على كذا توكلي على الله
.. ..
ببيت ابوسعود
ساره ولمياء بعد الغداء .. رجعوا لغرفة نور .. اما نور فكانت تساعد مرت عمها بالمطبخ ..
بغرفة نور ..
لمياء : اقول ساره انا لاحظت شي ماعندكم خدامه بالبيت
ساره تضحك : الوالده عندها فوبيا ضد الخدامات
لمياء : ليش ؟
ساره : تعرفين من سوالفهم ياكافي الشر ..
اما تحت .. بالصاله كانت جالسة الجده ام سلطان ..
خلصت ام سعود من المطبخ وجلست معها .. ونور طلعت معاهم ترتب الطاوله ..
ام سلطان : اقول نور صديقتك هذي مدري وش اسمها
نور ببتسامه : تقصدين لمياء
ام سلطان : ايه هذي الي معاكم
نور : ايه لمياء شفيها
ام سلطان : اعجبتني حيل وخاطري فيها ( لفت على ام سعود ) اقول لو تتقصين سيرتها وسيرة اهلها وتاخذينها لفيصل
نور عند هالكلمة طاح الصحن من يدها ..
ام سعود : بسم الله عليك ( وقامت لها )
ام سلطان : انكسر الشر يابنيتي
نور رخت تلم اجزاء الصحن .. تحس قلبها الي طاح وانكسر وتلمه ..
ام سعود : اتركي عنك يانورلا تجرحين يدك
نور وهي تتحاشى النظر بعيون ام سعود : لا عادي خالتي
ام سلطان بعد مارجعت ام سعود وجلست جنبها : هاه وش قلتي ؟
ام سعود : بيني وبينك البنت باينتها خوش بنية بس الراي الاول والاخير لفيصل
ام سلطان التفت لنور الي لمت الصحن المكسور وبطريقها تكبه : وانتي يانور وش رايك ؟
نور : بوشو ؟
ام سلطان : ناخذ لمياء صاحبتك لفيصل ؟
نور ودها تصرخ اسكتوا ..فيصل نبضي له.. لمياء تحب صالح .. لاتخلون الالم يكبر اكثر .. لا تعيشوني دوامه جديده .. يكفي البنت المجهوله وسوزان يكفي ..
ام سلطان : نور وين رحتي ..
نور : معاك جدتي
ام سلطان : هاه وش رايك ؟
نور بلهجة كاذبه : والله لو كانت حره قلت مالها الافيصل بس لمياء مخطوبه لولد خالتها
ام سلطان بان بوجهها الاسف : ياخساره ..
نور ببالها : آسفة ياجدتي ماكان ودي اكذب عليك بس الالم بداخلي كلما له ويكبر والسبب فيصل ..
.. .. ..
ببيت افنان ..
هدى : والحين قلتي لامك عن طلعتنا
افنان : ايه
هدى : طبعا" كذبتي ..
افنان : ايه قلت لها اني رايحة لساره اذاكر معها
هدى : حلو خليك جاهزه ولا اوصيك باللبس مو مثل ذيك المره .. مافيه فرق بينه وبين عبايتك
افنان : اجل وش تبيني البس ؟
هدى : والله عاد نوعية الجلسة وانتي عارفتها المفروض تعرفين اللبس الي يناسبها
افنان : طيب عندي تنورة جينز تنفع
هدى : كيف شكلها طويله يعني ؟
افنان : ايه ..
هدى : لا لا ماتنفع بالمره ساتره .. طيب ماعندك تنورة غيرها قصيره
افنان : بلى عندي بس هذي لبستها مره بزواج ..
هدى : خلاص البسيها دامك لبستيها بزواج يعني شيك شوي ..
افنان : طيب
هدى : يالله باي
افنان : باي
.. .. ..
العصر ..
رجع خالد من برى ..
خالد : السلام عليكم
الكل : وعليكم السلام
ام سعود : وينك ؟ كل هذا بالجامعه
خالد بعد ماجلس : لا تعرفين اخذنا كم لفه مع الشباب , الا وين البنات ؟
ام سلطان : عندهم ضيفه وجالسين معها ..
خالد على طول طرى بباله .. العاشقة المجهوله .. يمكن تكون هي وليش لا .. خل اقوم واشوف ..
خالد وهو قايم : يالله عن اذنكم
ام سلطان : وين اجلس معنا شوي .. ابوك واخوك تأخروا علينا بالشركه وفيصل نايم
خالد يسوي نفسه يتثائب : والله نعسان يالغالية معليش مره ثانية عن اذنكم
الكل : اذنك معك ..
.. ..
ببيت ابوراشد ..
عبير تصارخ جنب الدرج : سوزانوووه يالله ماصارت ترى
سوزان وهي نازله وتلف شيلتها على راسها : زين زين صرعتيناا
نوال : فهد ينتظرنا برى من زمان خلونا نروح لا يولع فين
عبير : لحظة تعالي نسينا الابتزاز ..
نوال : وش ابتزازه ؟
عبير : محمدوه منيرة تبينا ناخذه معنا
نوال : طيب انا بصعد اشوفه وانتو اسبقوني ..
طلعوا لفهد الي كان جالس بالسياره ينتظرهم ..
فهد : كان جلستوا شوي داخل لسى بدري ترى
عبير تستعبط وفتحت الباب ..
فهد : هيه وين رااايحه
عبير وهي كاتمه ضحكتها : بدخل تقول لسى بدري
فهد يسوي نفسه يضحك : هههههه بايخه اقول انثبري احسن
جات نوال ومعاها محمد ..
محمد : لا انا ابي اركب قدام مع فهد ( عبير كانت جالسه قدام ) >> تموت على قدام
راح لها جنب الباب .. عبير فتحت النافذه : طس ورى لا اصكك كوع
محمد شوي ويبكي جاته نوال : ياقلبي لا تبكي تعال اجلس معاي ومع سوزان
محمد ويده الصغيره تخفي عيونه : بس انا ابي قدام مع عمي فهد
ناداه فهد : تعال يابعد عمك بجلسك بحضني
عبير : والله لو يدرون بعض الناس صفقوه ( وتضحك )
فهد وهو مبتسم : انكتمي انتي
محمد بكل براءه : زين تسوي فيها
عبير اشتعلت : هين خل نوصل بس واوريك مين الي زين يسوي فيها
.. .. ..
ببيت ابوسعود
خالد صعد فوق .. واقف جنب باب غرفته وعينه على باب غرفة نور .. كان يسمع اصوات ضحك وسوالف .. يتسائل بينه وبين نفسه .. العاشقة المجهوله هي الي داخل والا لا ..
فجاة انفتح الباب وتوهق خالد ودخل غرفته على طول .. ساره الي كانت طالعه .. وهي على اعصابها .. دقت عليها عبير وقالت لها انهم بالطريق والي بيوصلهم فهد .. راحت عند البلكونه وظلت تراقب وتنتظر جيتهم ..
طلع خالد .. لقاها واقفه وتناظر .. قرب منها وسئلها ..
خالد : ساره
ساره : هلا والله خلوود
خالد : هلا بك اقول مين ا لضيفه الي عندكم ؟
ساره وكأنها فهمت وش يقصد : تطمن ماهي الي خبري خبرك هذي صديقة نور بالجامعه
خالد يستهبل عليها : مين تقصدين بلي خبري خبرك ؟!
ساره بغمزه : العاشقه
خالد : تسوين نفسك ذكيه ماشاء الله
قال هالكلمة ومشى وساره من وراه تضحك .. والله لو تمشيها على عشر ماتمشيها علي ياخالد .. والله وشغلتي باله ياعبور ..
فجأة انتبهت على صوت بوري .. التفت على طول لقتها سيارة فهد .. فز قلبها .. تلخبطت ماتدري تظل تشوفه والا ترجع ..
ساره ببالها وعيونها مركزه عالسيارة : يارب يطلع منها بموت ابي اشوفه ( دمعت عيونها )
اما بالسيارة ..
سوزان ونوال ومعاهم محمد طلعوا .. عبير جالسه مع فهد ..
عبير : مابتنزل معنا ؟
فهد : لا برجع البيت تعبان ابي اريح
عبير : طيب على الاقل سلم على جدتي
فهد : امرها الليل اذا جيتكم واجلس معها مو مشكله
عبير : معليش قوم سلم عليها الحين والليل ارجع واجلس معها
فهد التفت على عبير : عبيروه وش وراك قبل مصره اني انا الي اوصلكم والحين تبيني انزل معكم فيه شي ..
عبير : ايه فيه ان وحده بتموت من كثر الشوق لك تبي تشوفك ولو حتى تلمحك وانت مو طاق بال لها ولا حاسس فيها ..
قالت هالكلمة ونزلت من السيارة ..
اما هو فظل دقايق يفكر بينه وبين نفسه : كيف تقول اني مو طاق خبر لها ولا حاسس !!
لا طاق وحاسس بس كاتم كل شي داخلي لليوم الي يجمعني فيها ..
المده الي انقطعنا فيها عن بعض لا صوت ولا شوف فتحت عيوني على اشياء كنت غافل عنها .. والوضع الي حنا فيه احسن لنا ..
طلع من السياره وساره شوي وقلبها ينط عنده .. وقف يتأمل باب البيت .. وبعدها رجع دخل ومشى ..
استغربت ساره من حركته .. وانتبهت على صوت جوالها ..
فتحت المسج وكان من عند فهد :
يمكن تحسب إنه يجي يوم وأنساااك
يمكن تحسب إن البعد في يديني ..

والله والله ماتحملت فرقااك
تفداك روحي ومابقى من سنيني ..

لا يطري فبالك يجي يوم وأنساااك
مجنون لو أنسى زارع الشوق فيني ..
( راجع للشوق بالليل )

ابتسمت من قلبها ومشت .. قابلت بنات عمها وسلمت عليهم ومشت معهم لغرفة نور ..
وهناك ..
سلمو البنات على بعض وعرفتهم نور على لمياء وعرفتها عليهم .. وجلسوا سوالف وضحك .. ومحمد لاهي بلعبته ..
ساره تساسر عبير : تعالي ماقلت لك وش صار ؟
عبير كعادتها: وش صار وش صار علميني بسرعه
ساره ببتسامه : خالد
عبير بلهفة : وش فيه ؟
ساره : شاغله باله العاشقة المجهوله
عبير : والله
ساره : ايه لدرجة انه لما سمع ان عندنا ضيفة الي هي لمياء صار يحوم جنب الباب على باله هي العاشقه ( وتضحك )
عبير سكتت وعلى وجهها حمره وببالها : اخيرا" قدرت اشغل بالك ياخالد .. بعد كل سنين العذاب والصد منك ..
لمياء التفت لنوال وسئلتها : متى ان شاء الله ملكتك يانوال ؟
نوال بحياء ماقدرت تخفيه : ان شاء الله عقب الامتحانات النهائية
نوال : الله يتمم لك على خير يارب
نوال : يارب وعقبالك
عند هالكلمة اهتزت لمياء .. ولاحظتها نور .. حبت تغير الجو على طول .. وقالت بلهجة مرح
نور : يالله متى بنطلع تنقضى لملكتك ؟
جاءها جواب من وحده ماتوقعتها ترد ..
سوزان : ليش ناوية تتقضين معنا ؟!!
انحرجت نور .. وبادرت نوال ..
نوال : ايه اكيد وانا استغنى عنكم بنطلع كلنا ونتقضى , يهمني رايكم كثير
نور اكتفت ببتسامه ..
عبير بصوت اقرب للصراخ : يالله ماباقي شي على الامتحانات ربي يعين
ساره ( تضحك ) : هونك شوي وتنفجرين
لمياء : بالعكس إمتحاناتكم يالثانوية اهون منا
عبير : اسمعوا وش تقول اهون !! , يابنتي تجين نتبادل !
لمياء ( تضحك ) : لا شكرا" مابغينا
عبير : توك تقولين اهون !!
لمياء : ارفع معنوياتك شوي ( ويضحكون )
نور : باقي اسبوعين عالامتحانات النهائية وش رايكم نطلع لنا طلعه حلوة
ساره مأيده نور : ايه ونخلي الشباب يطلعونا
عبير : انا معاكم وربي مخنوقين نبي نطلع
نوال : بس مانبي طلعه للبحر يعني نغير
سوزان : وش رايكم بتشمية بالمجمعات
ساره : فكره حلوة وبالمره اذا لقينا شي يناسب الملكة ناخذه ونوفر وقت
عبير : سوازن اول مره تقولين شي صح
سوزان بغرور : لا والله ! انا طول عمري كلامي صح ومضبوط
عبير بصوت خافت : بدينا بالغرور
سوزان : نعم ايش قلتي ؟
عبير ( تضحك ) : سلامتك
ومرت الجلسة سوالف وضحك .. ومناقر .. بعد المغرب .. مشت لمياء لبيتهم وبقت نور مع بنات عمها

.. .. ..
صحى فيصل .. ونزل تحت على طول .. لقى ابوه واخوه سعود جالسين مع الجده ام سلطان ووالدته ام سعود ..
فيصل : السلام عليكم
الكل : وعليكم السلام
ام سلطان : وانت كله نايم وبس ..
فيصل يجلس جنبها : وش اسوي يالغالية مهدود حيلي من الشغل
ام سلطان : ليه ماتترك شغلك وتشتغل مع ابوك كذا اريح لك
ابو سعود : قولي له يمه .. تعبت وانا احن عليه علشان يشتغل معاي
فيصل : انا مرتاح بشغلي يالغالية .. وابوي سعود معه ومو مقصر
ابو سعود : صدق سعود مو مقصر بس بعد كنت اتمنى تكون بجنبه وتشيل عني معه
هالشركة هذي حلالك وحلال اخوانك عقب عيني ..
فيصل يبي ينهي الموضوع : الله يطول بعمرك ان شاء الله مستقبلا" لا مليت من شغلي بجي اشتغل عندكم
سعود : متى لا تقاعدت ؟
فيصل ( يضحك ) : يمكن
ام سلطان : اتركنا الحين من سالفة الشغل وخلينا بسالفة القمره
فيصل مستغرب : أي قمره ؟
ام سعود ببتسامه : جدتك تقصد زوجة المستقبل
فيصل يستهبل : والله اسمها قمره ؟!
ام سلطان : لا بس انا اسميها كذا لاني ماراح ارضى بغير القمر لفيصل
فيصل ببتسامة عريضه : ربي يخليك لي ولا يحرمني منك يالغالية ( ويبوس راسها )
سعود : افاا وانا جدتي ..
ام سلطان : شفيك انت ؟
سعود : هو بتعطينه القمره وانا وش لي ؟
ام سلطان : انت عطيناك تاج الحريم كلها نوال بنت ابوراشد
سعود : يابعد قلبي والله
ام سلطان : يسلم لي قليبك
سعود : لا قصدي نوال
ام سلطان اخذت المخده ورمتها عليه وهو ميت ضحك : مالت عليك
ام سلطان رجعت لفت على فيصل : هاه وش قلت يمه ؟
فيصل : بوشو يالغالية ؟
ام سلطان : نخطب لك ونفرح فيك مع سعود
فيصل ببتسامه : وعلى ايش مستعجله يالغالية .. انا ماني مستعجل ومأجل فكرة الزواج حاليا" بس ماتدرين يمكن اجيك يوم فجأة واقولك جدتي ابي اتزوج ..
ام سلطان : اتمنى متى بعد هاليوم .. ودي اشوفك معرس وافرح بعيالك قبل لا اموت
فيصل : الله يطول بعمرك ولا يحرمنا منك ان شاء الله
( فيصل له معزه خاصة بقلب جدته ام سلطان وكل هذا لانه قريب خلقا" وخُلقا" بعمه المرحوم عبد العزيز ابو نور ويذكرها فيه )
خالد : السلام عليكم
الكل : وعليكم السلام
ام سعود : علامك صاحي بدري كذا ؟
ام سلطان : الساعه ثمان بالليل وتقولين له بدري ؟
ام سعود : تخبرين ياخالتي خالد من ينام مايقوم الا يوم ثاني
خالد : معاي ارق ماقدرت انام
ام سلطان : مين الي شاغل البال ؟
خالد : جدتي الغالية ام سلاطينوو
ام سلطان : سلاطينو بخشمك اسم ولدي سلطان
ابو سعود : ايه وريه يمه ..
خالد ( يضحك ) : خلاص آسفين يا ام سلطان
.. ..
فوق ..
عبير : خلونا ننزل تحت مليت من الجلسه هنا
ساره : الحين جدتي وابوي واخواني جالسين
سوزان وببالها شي ثاني : ايه خلينا ننزل نسلم عليهم
نوال : انزلوا انتم انا ماراح انزل ..
نور : ليش يانوال ؟
عبير : يعني ماتدرين ياحظي ؟
نور وهي تضحك : لا .. ليش ؟
قربت منها عبير : زوج المستقبل اكيد جالس معهم وهي ماجات معنا الا لما تطمنت انها ماراح تشوفه بما انه اغلب وقته بالشغل مع عمي .. بس الان اذا بننزل اكيد راح تشوفه وتنجبر تسلم عليه
نور لفت على نوال الي شوي وتذوب : ياعيني على الي تستحي اقول قومي وبلا حياء .. ترى بعد كم شهر بيصير زوجك وش بتسوين ساعتها لا طلبك تجلسين معه بتتخبين بالغرفه ؟
نوال : لا تزوجنا يصير خير ..
ساره : يعني ننزل ونتركك لحالي ؟
نوال : لا وش تتركوني لحالي .. خلو حمودي معي ..
محمد : لا انا ابي اثوف فيثل = اشوف فيصل
نور انتبهت عليه .. وزادت دقات قلبها ..
بادرت سوزان بقولها : حتى محمد مشتاق لفيصل حرام خليه ينزل معنا
نور ببالها : جملتها تدل على ان فيه ناس غير محمد مشتاقه لفيصل .. هي ماتدري اذا كان يحبها والا لا ؟ ولا اعتقد دام عنده دلوعته .. وتلمح بكل جرأة لحبها له ..
ساره : هاه بتظلين لحالك ؟
عبير : اصلا" بيكون شكلك غلط كلنا نازلين نسلم عليهم وانتي الوحيده الي متعلقه فوق
نوال : قولوا لهم ماني بمعكم
عبير : اقول احلفي بس !! ترى جدتي ومرت عمي شايفينك معنا لما جينا ..
نوال : ياربي مابي انزل طيب ..
ساره : خلاص انثبري هنا احسن لك
عبير لفت بقوه على ساره : ياسبحان الله
ساره : وش صار ؟
عبير : نفس الجمله الي قالها لي فهد بالسيارة
ساره وبصوت خفيف وكلها حياء : مو أنا مقتبستها منه
عبير وهي تضحك : ليش هو سبق وقال لك انثبري
ساره ضربتها على ظهرها ضربه خفيفه ..
عبير :آآي طيب خالد وش جملته المعتاده ابي اقتبسها بعد واسوي زيكم
ساره : تصدقين مدري يبي لي اركز على كلامه هالمره واعرف لك
نور : هيه انتي وياها وش تتساسرون فيه ؟
ساره : لا ولا شي خلونا ننزل الحين ..
نور : وانتي يانوال
نوال : تدرون خلاص بنزل معكم وامري لله
عبير قامت تصفق
ساره بصرخه : خير ؟
عبير بحماس : متحمسه للفلم الجديد
سارة مستغربة : أي فلم ؟
عبير :" أحبُك بس استحي اسلم عليك " بطولة نوال وسعود
الكل ضحك ..
نور : يابنتي تكلمي عربي زين بعدين اخترعي افلام
عبير : طسوا طسوا خلونا ننزل الشرهه علي ابي احمسكم ( وتقدمت عنهم )

.. .. ..
بجهة ثانية ..
افنان تجهزت .. لبست تنورة جينز قصيره سبق وارتدتها بزواج وحده من اهلها وبلوزة مكشوفة من الظهر بحيث انها تلتف على رقبتها , وتمكيجت مكياج حسب إرشادات صاحبة الشله هدى .. ورفعت شعرها بطريقة فوضوية ( طالعه موضه )
لبست عبايتها وطلعت .. حاولت قد ماتقدر ان امها ماتشوفها او تلمحها .. لان لو لمحتها بتنكشف الكذبة .. طلعت بسرعه .. وبالشارع شعاع مع السواق ينتظرونها ..
صعدت السياره ..
شعاع : هاه عسى ماشافك احد
افنان قلبها تحس انه بيطلع من مكانه وتتلفت : لا لا ماشافني احد تكفين خلينا نمشي قبل لا ننكشف
شعاع تكلم السواق : جاكي حرك بسرعه >> مو جاكي شان 
.. .. ..
ببيت أبو سعود ..
نزلوا البنات لتحت ..
محمد على طول نط لحضن فيصل ..
محمد وهو يصارخ : فيثل
فيصل وهو يضحك وشايل محمد : هلا والله بحمود
محمد : ليث ماقمت تجينا بالبيت
فيصل : مشغول يالغالي لكن لعيونك ازوركم قريب
اما البنات راحوا يسلمون على عمهمـ أبو سعود ..
جاء دور نوال ..
ابو سعود : هلا والله هلا بعروستنا الغالية
نوال بخجل : هلا بك ياعمي
البنات كلهم سلموا على سعود .. ماهي حلوه تمشي للمكان الي جلسوا فيه البنات وهي ماسلمت .. وش تسوي ؟!
لفت عليه شوي بوجهها الي شوي وينفقع من الحمره الي علته وماناظرت فيه وقالت بكل هدوء : كيفك سعود ؟!
سعود حس فيها وكعادته يحب يمزح ويرفع ضغطها : بخير دام الغالية بخير ,
كانت بتمشي بس إستوقفها بقوله : إذا قرب ينفقع وجهك خبرينا علشان الحق اجيب طفاية الحريق
أما هي حمرة وجهها زادت مليون .. لان الكل ضحك على جملة سعود الي حس بخجلها ..
وتمنت لو تأخذ الابجورة وتفقع راسه فيها ..
ام سلطان : سعودوه اترك بنتي وبلى هالتعليقات فديتها محلى الحياء عليها
سعود وبصراحته المعتاده : وانا وش مجنني فيها غير هالحياء
خلاص نوال وصلت لفوق من كلامه وغزله الي ماكلف نفسه يخبيه هاللحظة ..
أما البنات كل وحده مخفية ضحكتها على شكل نوال ..
خالد : يااخي اصبر لين تاخذها وتغزل فيها على راحتك بس مو قدام الجماعه كلها ( وغمز )
ام سلطان : ما اقول غير الله يعينها عليك
عند البنات ..

[" يقين " ..!]

عبير تساسر ساره : طالعي وجه نوال تقولي إشارة مرور مولعه أحمر
ساره : ماتنلام .. اقول وش شعورك وانتي جالسه قبال حبيب القلب ( وناظرت خالد )
عبير اكتسى وجهها الحمرة : اسكتي احاول ما اطالع فيه .. خايفة اضعف وانط له
ساره تضحك عالخفيف : وجع لهدرجة
خالد يناظر بالكل .. وعقله مو معه .. معاها !! العاشقة المجهولة .. معقولة تكون وحده من بنات عمي .. ساره قالت قريبه مني يعني تنسب لي او متعوده تجينا البيت .. بس مين فيهم ؟! لا لا .. وش فيني أنا وصلت لبنات عمي .. بس ياربي مين تطلع ؟!!
والله إن ماعرفتها .. لاخلي ساروه تنطق غصب ..
بجهة ثانية وبعالم ثاني .. عيون تناظر له .. شوق ووله .. وعيون ثانية متركزه صار لها مده ومالها نية تروح عنه ..
عيون نور وتناظر لفيصل .. وعيون سوزان الي تحاول تخلي فيصل يلتفت لها ..
نور ببالها : أول مانزلنا طالعني بنظره ماهي مثل نظراته لي اول ماجيت هنا والي كنت اشوف فيها غموض وسر كبير .. لحد الان ماعرفته ..
لا بنظرته هذي برود ماهو طبيعي .. ماقدرت أفهم منها شي .. حيرتني ..
اطالعه الان وهو يلاعب محمد واموت بداخلي .. ليته يعطيني من هالابتسامة وهالحنان ولو ذره .. بصفتي بنت عمه , أخته مو ضروري حبيبه له .. بس احس انه عامل لي قيمة .. حاس بوجودي .. أحس أن نور لها مكان بحياته ولو جزء بسيط .. وش كثر محتاجه له .. على الرغم من كل شي .. على الرغم من أعظم شي وهو تجاهله لي احس حبه يكبر بخافقي يكبر ويكبر ..
أما هو فكان يلاعب محمد الي متعلق فيه وجالس بحضنه .. لكن عقله معها .. يشوفها وهي تناظر له .. يحاول يفك رموز عيونها .. ويفهم مغزى هالنظرات ..
فيصل بباله : ماقدر أنكر اني عاملتها بقسوه ونفور من اول يوم جاتنا فيه .. بس لو تعرفون السبب عذرتوني .. من حطت رجلها بهالبيت وأنا ماذقت طعم الراحة وإن كنت أدعيها بس بداخلي غادرتني الراحه .. اصارع بداخلي شيئين كل واحد فيهم أمر من الثاني .. وبيجي اليوم الي تعرفونهم فيه ..
اليوم لما شفتها بالمطبخ تعمل لي البيض .. حسيت بقلبي أنكسر لها.. حسيت بشي داخلي تحرك وبإتجاه غلط .. ولما أحترقت دفعني هالشي اركض لها واضمد حرقها بيدي .. لكن رجعت لوعيي لما لاح طيف الذكريات قدام عيني .. ورجعت صورة الكره والنفور .. رجعت صورة الحرمان الي عانيتها طول سنين عمري الي راحت بسببها .. لا يمكن أغفر لها .. لا يمكن
.. .. ..
بمكان ثاني .. وأصوات الديسكو مغطي على كل صوت بشر ..
أفنان وصلت مع عفاف الي تلاقت مع هدى وصاحباتها ..
هدى تصارخ : وااووو ايش الشياكة هذي ياافنان
عفاف ببتسامه حقيره : طالعه قمر الحقي على شي قبل لا تغطي عليك الليله ( وتضحك )
هدى : يالله يا أفنان تعالي معي بعرفك على منفعتك .. ( مسكتها من يدها ومشت معها )
وهي تمشي .. بداخلها خوف .. من الي تحسه ومن الي تشوفه ومن الي تنتظره .. كانت تطالع كل شي بربكة وخوف .. مناظر ماتعودت عليها .. شاب حاضن بنت ويسولف بإذنها وهي تضحك وتخفي وجهها بيديها ..
وبنت ثانية جالسة فوق الطاولة .. لبسها يكشف أكثر مما يستر .. قدامها شخص يلاعبها كأنها طفله .. يحاول يلقمها الي بيده ..
مناظر حست بالخجل وهي تناظرها .. وخجلها أكثر لبسها وهي وسط هالجموع الذكرية ..
صحت من أفكارها على صوت هدى ..
هدى : اعرفك على أحلى واروع شاب بالشرقية كلها .. عمر ..
افنان ناظرت .. لقت شاب باين أنه بأول العشرينات .. شعره مدري كيف جاي .. خصل منه تلونت بالاشقر وتتمايل على جبينه .. وسمرته جذابة ..
عمر : هلا
افنان بربكة ماقدرت تخفيها : هلا
عمر ناظر هدى : جديده هنا ؟!
هدى : ايه كيف عرفت ؟!
عمر : باين من ربكتها الشديده .. ( كمل كلامه وهو يناظر أفنان الي رخت راسها من كثر الخوف والربكه ) عالعموم بالبداية بتخافين وبترتبكين بس شوي شوي تتعودين ويصير كل شي عادي عندك ..
هدى : يالله انا الحين اتركم تاخذون راحتكم
افنان مسكت يد هدى وساسرتها : وين رايحة وتاركتني ؟!
هدى : شفيك انتي مابياكلك وبعدين هو يبيك مايبيني خليني اروح اترزق
قالت هالكلام ومشت بلا إهتمام للهجة افنان المرتجية ..
عمر وهو يأشر عالكنبة : تفضلي اجلسي
تقدمت أفنان وهي تسحب نفسها سحب وببالها : شي حطيتي نفسك فيه ياأفنان تحمليه ..
عمر : وش أسمك ؟
أفنان بربكة : أفنان
عمر : انتي بأي مرحله ياأفنان ؟
افنان ويالله تطلع الكلمة : أول سنة جامعه
عمر : ماشاء الله .. طيب وش تدرسين ؟
افنان : انجليزي ..
عمر : حلو .. ( حاول يقرب منها بس هي كانت تبتعد وقف شوي )
عمر : ماودك تقربين شوي ؟
افنان : ليش ؟
عمر ضحك بصوت عالي وقال : ابي اصور معك !! حلوه ليش ..
افنان استنكرت قوله .. وناظرته بنظرات اكيد انه فهم معناها .. بس مع ذلك قرب
مسك يدها وهي تحاول تسحبها .. لف يده على ظهرها وقربها غصب .. جلست تصارخ وتدفعه عنها ..
عمر : اسكتي وجع قلت اسكتي
افنان وهي تبكي : يالحقير
عمر ضحكضحة سخرية : اعتذر يا الشريفه
تجاهلت كلمته وركضت بأتجاه عفاف الي كانت متوسطة شباب وبنات وانواع الرقص ..
نادتها أفنان .. انتبهت عليها .. جاتها وهي تلوح بيدها والكاس الي فيها ..
عفاف : هاه وش فيك ؟ مسرع ماخلصتي ..
أفنان : عمر الحقير حاول .. ( رخت راسها وهي تبكي )
عفاف : حاول ايش ..؟؟!!
أفنان : حاول يقربني منه و ....
عفاف فهمتها وجلست تبث سمومها بفكر أفنان : ياحبيبتي شي عادي .. أجل وشلون تبي الخير يجيك .. تبيه بس يناظر فيك
لازم تتنازلين شوي .. وحطي ببالك كلما تنازلتي أكثر كسبتي أكثر .. وبعدين انا ماعطيتك لواحد حي الله .. هذا عمر الي بيغرقك فلوس .. بيتوجك ملكة زمانك .. ومو ضروري تتخلين عن إنوثتك له .. فيه أشياء تقدرين تقدمينها غيرها .. ومايحتاج اوضح أكثر
أفنان كانت تناظر وجه عفاف وعلى وجهها الف إستنكار ..
عفاف : انتي كنتي عارفة الشي الي بتحطين نفسك فيه صح والا لا ؟
أفنان : صح
عفاف : أنا جبرتك عليه ؟!
أفنان : لا
عفاف : اجل هالرفض ليه .. اسمعي من الان اقولك اذا ما أعجبك تقدرين تتوكلين وارضي بالفقر الي انتي فيه ..
أفنان : لا لا .. أنا بتم هنا .. ماراح اتنازل عن عيشة النعيم الي أحلم بها
عفاف ببتسامتها الحقيره : كذا تعجبيني .. يالله روحي وكملي شغلك .. ولا تنسي تخلينه يعطيك المقسوم وتذكري كلما تنازلتي أكثر كلما كسبتي أكثر وأكثر ..
لفت أفنان تبي ترجع للمكان الي هو فيه .. استوقفتها عفاف بقولها : تعالي علمتيه بإسمك ؟
أفنان لفت عليها : ايه ليش ؟
عفاف : الشرهه علي ماخبرتك قبل .. اختاري اسم مستعار يعني إحتياط وعلشان تتطمنين خلاص انتي الحين خليه يظن ان أفنان هو إسمك المستعار اوكيه
أفنان : اوكيه
رجعت للمكان الي كان جالس فيه عمر .. كانة جالس يناظر بجواله .. أول ماشافها رجعت .. ابتسم إبتسامة خبث وجلس يأشر على الكنبه يعني تعالي إجلسي جنبي .. ماشافت بد من أنها تجلس قربه .. خلاص لازم تحقق كل الي تبيه ولو كان الثمن غالي .. اهم شي ما ارجع للفقر .. أهم شي ساره ماتشوفني اقل منها وتتصدق علي بفلوسها .. لازم أكون فوق الكل .. فوقهم كلهم ..
.. .. ..
ببيت أبو سعود ..
سعود عيونه لا زالت على نوال الي شوي وتنفجر ..
تعطيه نظرات يمكن يزيح عينه بس مافيه فايده ..
نور : والله لو عيونك نار حرقت الرجال .. هونك وش فيك ؟
نوال : قاهرني .. شوفي نظراته ليتني مانزلت ولا شفته
نور : احلفي ؟!
نوال : على ايش ؟
نور : متندمه على إنك نزلتي وشفتيه ؟!
نوال : لا طبعا" ..
نور تضحك عالخفيف : يالنصاااابة
نوال استحت : بس جد نظراته ترفع ضغطي مليون يعني مو قدام جدتي وعمي على الاقل
نور : الحب ياختي وش يسوي فيه .. الرجال منهبل عليك ..
نوال زاد حياءها : يوووه نوروه خلاص عاد
فجأة انفتح الباب ودخل منه شخص ..
فهد : السلام عليكم جميعا"
ساره نط قلبها لحلقها ورجع لصدرها .. من سمعت هالصوت ولتفتت لمصدره ..
الكل : وعليكم السلام
الجده : هلا والله بفهد
فهد رخى على راس جدته وباسها : هلا بك زود يالغالية
عبير تبتسم لساره الي فهت من شافت فهد ..
عبير : ساروه شفيك ؟!
ساره ابتسمت لها وعيونها يتزاحم بداخلها الدمع : ولا شي
عبير بصوت خفيف : تبكين ؟!
ساره تمنع سيل الدموع : لا مين قال ؟!
عبير : أنا اقول ..
ساره لفت على عبير وبصوت اقرب للهمس : وربي مشتاقة له .. من زود الشوق ماني قادره اناظر له احس نفسي مختنقه .. ابي ابكي ..
عبير : طيب تبينا نصعد فوق
ساره : لا خليني جالسه ابي املي عيني فيه
عبير : اخاف تنهارين وتبكين وتسوين لنا زحمة ( وتضحك )
سارة : لا لا ماراح أبكي .. بس خليني ..
عبير : طيب انتي للان ماعرفتي ليش متجاهلك ؟!
سارة : لا ..
عبير : تبيني اسئله ؟!
سارة : لا .. بالرغم اني ماتعودت فهد يتجاهلني ويحرمني من شوفته بس مع ذلك ماودي ابتدي واسئله عن السبب .. يااعرفه بنفسي بدون سؤال يا هو يجي يعلمني ..
عبير : براحتك ..
ابو سعود لفهد : هاه وش أخبار الشغل عند الوالد ؟!
فهد الي جلس بجنب خالد والي كان جالس جنب سعود : والله الحمدلله كل شي تمام التمام
ابو سعود : الحمدلله .. وانت عساك مرتاح بشغلك مع أبوك ؟!
فهد : والله ياعمي ما اكذب عليك كنت اتمنى أشتغل ضمن إختصاصي بس الوالد وراشد محتاجين لوقفتي معهم وماحبيت اخالف رغبة الوالد
الجده أم سلطان وهي توجه كلامها لفيصل الي لا زال يلاعب محمد : إسمع كلام ولد عمك هذا هو ترك اختصاصه واشتغل مع ابوه , ورى ماتشتغل انت بعد مع أبوك وتريح حالك وتريحنا ؟!
فيصل ببتسامته الساحره الي ذوبت نور والغمازتين الي جننتها : يالغالية ماتعبتي من هالموضوع ؟!
الجده : لا ماتعبت ولا راح اتعب الا لما أشوفك ماسك شغلك جنب أبوك
فيصل : مصره يعني ؟!
الجده : ايه مصره .. اسمع كلامي ياوليدي ووقف جنب أبوك .. اصرف راحتك وتفكيرك بحلالك أحسن لك من حلال الغير
فيصل : خلاص يالغالية لعيونك أفكر بالموضوع
خالد : جدتي دامه قال أفكر يعني أفتحي الصنبور واغسلي يدك منه
فهد : وأنا أشهد
فيصل يضحك : لا لا ماعليك منهم والله بفكر
طول الجلسة .. عينه ماجات بعينها .. لف وجهه وناظر بطرف عينه يحاول يلمحها
لمحها ومثل ماتوقع عينها عليه .. كلها رجاء وشوق لاجل يناظرها ..
فهد بباله : غصبا" علي أتجاهلك ياساره .. بس هذا الي لازم يصير .. ارجوك ساعديني ارحميني من نظراتك الي تعذبني ارجوك .. ( غمض عينه وتنهد )
لاحظت ساره حركته .. وكأنها فهمت .. لفت وجهها على ناحية البنات بس قلبها رفض .. وظل يناظره .. يتأمله ..
أما سوزان فكانت تسولف مع مرت عمها أم سعود .. تمهد من الان .. ببالها أن فيصل ماراح يكون لاحد غيرها .. دام نوال لسعود .. وعبير لخالد .. يعني انا لفيصل ..
ياترى تعتقدون ظنها بيصدق ؟!! .. بعدين نعرف ..
محمد نزل عن حضن فيصل وركض لنور الي كانت بجنب نوال يسولفون ..
محمد : نور نور
نور تلقته وشالته : هلا حمودي حبيبي
محمد : أنا أحبك
نور : ياقلبي وانا بعد أحبك
عبير : خلاص درينا انكم تحبون بعض لازم كل مره تتقابلون تعيدونها
ساره : العمه غيرانه من بنت العم ومنبطه من ولد أخوها ( تضحك )
عبير : لا والله
محمد : انا ماأحب هذي ( يأشر لعبير )
عبير : اولا" اسمي عبير ياعيون أمك ثانيا" تكفى حبني علشان لا أموت اقول قوم طس وش مجلسك معانا
محمد مد لسانه عليها وركض زي الريح لفيصل .. خاف منها ..
نور تضحك : الله يعينه عليك ..
عبير : ماوصل طوله ركبتي وهذا كلامه لي .. لكن هين
ساره : المسكين شايف الويل منك اتركيه تراه صغير
عبير : الصغير يكبر وإذا ماحطينا له حد الان يتمادى لا كبر ..
سوزان : ياعيني على الي تنقط حكم
عبير : احم احم وش على بالكم ( وتضحك )
محمد سئل فيصل وبكل براءه وبصوت مسموع : فيثل تحب نور مثلي ؟! أنا أحبها ..
السؤال نزل على فيصل مثل الحجره الي بطت راسه وحس بألمها ..
أما نور فتحت فمها وناظرت بفيصل ومحمد بدهشة .. بس بالاخير ركزت نظرها على فيصل الي بانت ربكته ..
والكل ربكتهم ماكانت أقل منه ..
محمد يناظر فيصل بكل براءه منتظر إجابة سؤاله الي معتقد انه مجرد سؤال .. مايدري انه السؤال نبش جرح عميق بداخل فيصل .. وجرح نور بهاللحظة ..
الجده تبي تعدي السالفه : اكيد يحبها ماهي بحسبة اخته ساره
نور ماكانت تبي الجده تجاوب .. كانت تبي تسمع الجواب من فيصل .. هذي فرصتها تعرف فيصل وش يعتبرها ..
بس للاسف تدخلت الجده وانهت الموضوع .. هالشي حير نور .. ليش ماتركت فيصل يجاوب .. وليش الكل ارتبك لحظة هالسؤال .. ليش احس وراكم شي مخفينه ؟!
شي يخصني ويخص فيصل ..
.. .. ..
بعد فترة وبعد العشاء الخفيف أستأذن فهد ياخذ خواته ويرجعون البيت .. ومشوا ..
أما سارة ونور بعد ما خلصوا من ترتيب المطبخ والصاله صعدوا فوق .. وكل وحده ببالها شي تفكر فيه ..
ساره وهمها مع فهد وتغيره المفاجئ ..
نور وغموض فيصل الي حيرها .. والي رافقه ربكة الكل اليوم ..
نور : ساره ماذاكرتي لامتحانك ؟!
ساره : لا لاني مذاكرته قبل كله باقي علي اراجع فقط واثبت .. إن شاء الله بكرى الصباح
نور : زين بالتوفيق ان شاء الله
ساره : ولك حبيبتي يالله تصبحين على خير
نور : وانتي من أهله
كل وحده توجهت لغرفتها .. وسكرت على حالها الباب .. سارة من زود الي هي فيه وتفكيرها بفهد نست موضوع الطلعه الي المفروض تكلم فيصل بخصوصها .. بما أنه هو الوحيد الي متعود يطلعهم ويلبي لها طلباتها ..
رجعت طلعت وتوجهت لغرفة أخوها فيصل .. طقت الباب .. أذن لها تدخل ..
ساره : فيصل بغيت أطلب منك طلب ؟!
فيصل : آمري ..
ساره : أنا وبنات عمي نبي نطلع طلعه خفيفه كذا قبل الامتحانات نبي نغير جو
فيصل : طيب وين تبون تطلعون ؟!
ساره : امم نبي نفرفر بالمجمعات علشان بالمره اذا شفنا شي لملكة نوال وسعود ناخذه ونوفر وقت
فيصل : اوكيه خلاص صار .. بس بأي يوم تبونها ؟
ساره : بكرى الاربعاء .. نخليها الخميس ..
فيصل : على خير
ساره مبتسمه : الله لا يحرمنا منك ياخوي ..
فيصل بكل حنان : ولا منكم يالغالية
ساره تأبهت علشان تقوم بس رجعت وجلست وبدت كأنها متردده ..
فيصل : ساره فيك شي ؟!
ساره : بغيت اسئلك عن فهد فيه شي ؟!
فيصل فهم سبب الضيقة الي بوجه أخته والي حتى الابتسامه ماقدرت تخفيها : لا مافيه شي ليش وش صاير ؟!
ساره : لا ماصاير شي , يالله تصبح على خير
فيصل : وانتي من أهله .. غريب أمرك ياسارة ..
طرت بباله دلوعته .. وقرر يتصل عليها ويتطمن .. بس خاف لا تكون نايمة .. لذلك أجل إتصاله لبكره لما تجي من الدوام ..
.. .. ..
بجهة ثانية ..
رجعت البيت منهوكة .. جسديا" ونفسيا" ..
جسديا" من كثر الرقص والهيصه مع عمر .. ونفسيا" من الي صار والي مهما حاولت تقنع نفسها انها مستعده تقدم أي شي مقابل تعيش بنعيم يظل فيها شي بداخلها رااااااافض الي تسويه .. حست نفسها بدوامه تحاول تتغلب عليها بس الدوامة ترجعها بوسطها وتقهرها ..
بالاخر إستسلمت للنوم .. ونست أن وراها إمتحان ..


.. ..


يتبــ ع .. قريبا" إن شاء الله

[أنا غير]

:008:

.:. هاجر .:.
مشكورة يالغلا والله يوفقج وسوري عالتأخير حاولت ادخل البارح والظروف ماشاءت


نبدأ التعليق <<<الله يعينك ترى ذي المرة جد بيضتيها البارت طويل حيل وروعه :sm275:


اولا:

أنا خالد كايدهم

<< ^_^ اترك التعليق لج :skull:


خالد وعبير ههه الغبي يبي له فلقه معقوله ماشاف ولافهم نظرات عبير ياليت لي احد يحبني اهئ اهئ :020:


نوال وسعود ترى جد يناسبهم الفلم ههههه كناري الحب :n200688:

افنان << دامه عمر راحت فيهاوطبخ طبختيه يالرفله اكليه:sm168:

نور: لاتحبينه اقول لج يانور لاتحبينه فيصل ومبين انه مو لك يانور مهو لك :wsxqaz0:


فيصل : مين دلوعته عندي احساس انه مب راعي حركات وش شعوره بالضبط تجاه نور :44:

سوزان : حلوووة خالد لعبير وسعود لنوال وفصول لج ذا اللي ناقص حوشتوا العايلة كلها:tease:


اممم لمياء الله يحنن قلب ابوها

ام سلاطينوا ياحليلها بس

اوه تكسرت من الطقطقه

شووووووووكرن هج هج تسلم يدينج

بس عاد مايحتاج اطر البارت طرارة منج عاد نبيه قبل لاتغادرينا اسبوع الجاي للرياض اهئ اهئ 7_7

[" يقين " ..!]

خيووو

أنا غير << خالد كايدهم *_^


وعليكم السلام ورحمة الله وبركاته

أهم شي البارت عجبك .. واقتنعت انه طويل << تقول مابغينا

التوفيق لك وللجميع يارب

من عيوني

أنزل لكـ بارت قبل لا نطير للرياااض

شاكرة لك روعة حضوركـ وتعقيبك

الله لا يحرمني تواجدكـ ..

[أنا غير]

للرحيل موعـد
وغدا" موعدي !!

//

\

بل اليوم ياهجير!!

موفقة خيتو

وترى استنى بارت حلو و تنشغلي بالدراسة وتنسينا ^^

[" يقين " ..!]

أنا كاتبتها اليوم الي يسبق يوم الرحيل

*_^

<< مايترك اللقافة يالطيف

خخخ

/

\

بإذن الله تعالى قريبا" ..
فقط امنحني فرصة للاستقرار النفسي والجسدي ..
وترى مايُسعدكـ ..

لك مني جل التقدير والاحترامـ

[أنا غير]

افا طلعت ملقووووف<<معليش ماكأني سمعت
هجير الشوق وين البارت استقريت ولله الحمد بالرياض وعالدراسة مضى الكثير

بس مابين بارت من هنا ولا هنا وين؟؟!!

[" يقين " ..!]

أعتذر خيو أنا غير

ماراح أقدر أكتب بتاتا" الان ..

ما اقدر اقول استقريت ..

لانـ مخي مو فاضي أبدا" وعلى الشهر الجاي

او بالاصح الاسبوع الي بعد الي جاي .. عندي إمتحانات ..

لذلكـ لنـ أكمل الا بالاجازهـ الصيفية ان شاء الله لي ذلك ..

أشكرك من اعماقي على متابعـتك ..

والمعذرهـ منك ..