العطوي
16-Nov-2007, 01:59 AM
.
.
((( الرجاء الظغط هنا لمشاهدة الصوره))) (http://www.y1y1.com/u/uploads1/b8dec3488d.jpg)
عطفاً على الصورة السابقة،وعطفاً على شيلة (المورقي) العتيبي في مزاين قبيلة عتيبة الغنيّة عن التعريف إليكم هذا النظم ولكم الود:
مزاين امريكا لـ ْطراز (f 15 )...=أهل السلاح اللي قليلٍ حليّه
لا هي نتاج الروس لاهي من الصين=ولا هي تراث انجلترا الاوليّه
رُبشٍ ليا فزت سوات الشياهين=مريّعاتٍ لالف نيّة ونيّة
ترمي لهبها فوق روس المعادين=و طيارها يلعب ورق مع خويه
من فرز مصنعها ولا جات بالدين=نتاج علم أهل العقول الذكية
ما زادها الا نار حمرا وبنزين=ما علفوها بالنخالة الرديّة
ترمي هدفها بُعد ممشاة يومين=وتغيّر العالم فظرف اضحوية
خشومها رسمة خشوم الشياطين=ما قايلٍ فيها (التقاعس) شويّة
ومقصورةٍ بلور بين الجناحين=تقول فازة كاهنة منتهيّة
واخر مقفاها تقول البراكين=ما به حمم لكن ناره وريّة
تخرق جدارالصوت وأن جات في العين=ضحى بتسمع صوتها فـ العشيّة
واحجامها متساويه مابها بين=من كبرها اتقول هضبة طميّة
ما حافها الركبي من شمال ويمين=إلاّ خبير ورتبته عسكريّه
رُجلة رفعين المقام المسمين=آلاد بوش أن جات في الكون هيّة
يثبون محدٍ غيرهم قيل ثابين=لا روّحت ما بين هذي وذيّة
كم رجّحوا كم ثقلوا من موازين=وياكم شالوا ..كم طشوا عنيّة
ما همهم فيها زعالا وراضين=دون الهدف لو يحرقون البريّة
أفعالهم يشهدلها اقصين وادنين=واللي معه كلمة يعدّل عليّه
ما هوب لا كنّا وكانوا ومبطين=ويا كليب شب النار لـ الشاذليّه
صلفين في الماقف جزاعا حليمين=فيهم تواضع بس في عنجهيّة
من حقهم لو كان ماهم على دين=سياد ماهم في الكراسي بليّه
ما زاينوا يوم الرخا بالبعارين=هذي مجاهيمٍ وذي ساحليّة
وهذي بنات شعيل سيم بملايين=وهذيك ابوها مانعرفله رعيّه
وهذي عريضة خد شرخات الاذنين=وسنام هذي كوم من زود نيّه
يزاينون بسبقهم في الميادين=حتى تخطوا حاجز الجاذبيّة
وحنا تجاذبنا على الخلف ثنتين=بعض القيم والنعرة الجاهليّة
ننظر خلاف وهم علينا مغيرين=الين صار القوم وسط السريّه
ما كن بعض دمينا في فلسطين=ولا كن وسط عراقنا النار حيّة
ولا كننا في المسلمين الملبين=المسلم اليا صاح لباه خيّه
وحنا في بهرج وقتنا دوم لاهين=بعنا بدنيانا الهدف والقضيّة
واليوم نشقر في عصانا بسكين=حتى بذرنا بذرة العنصريّه
يا ربعنا وش حالكم وين غادين؟=بعض المساري ما وراها ضويّة
ما قول هذا سخريا فـ العريبين=أهل الشكالة والفعول المضيّة
اقول يا سبابتي واطرفي العين=العين عيني واصبعي من يديّه
والعلم واضح ما يبي زود تخمين=من وحد الله صار مني وفيّه
(ولا يستشك الا العفون الرديين)=وراعي الردى ما اشيل له مقدريّة
ولا لي شعار يكود نخلة وسيفين=مسلم سعودي واللغة يعربيّة
,
,
,
ارائكم وانتقاداتكم محل اهتمامنا
توقيع/ العطوي
,
,
,
.
((( الرجاء الظغط هنا لمشاهدة الصوره))) (http://www.y1y1.com/u/uploads1/b8dec3488d.jpg)
عطفاً على الصورة السابقة،وعطفاً على شيلة (المورقي) العتيبي في مزاين قبيلة عتيبة الغنيّة عن التعريف إليكم هذا النظم ولكم الود:
مزاين امريكا لـ ْطراز (f 15 )...=أهل السلاح اللي قليلٍ حليّه
لا هي نتاج الروس لاهي من الصين=ولا هي تراث انجلترا الاوليّه
رُبشٍ ليا فزت سوات الشياهين=مريّعاتٍ لالف نيّة ونيّة
ترمي لهبها فوق روس المعادين=و طيارها يلعب ورق مع خويه
من فرز مصنعها ولا جات بالدين=نتاج علم أهل العقول الذكية
ما زادها الا نار حمرا وبنزين=ما علفوها بالنخالة الرديّة
ترمي هدفها بُعد ممشاة يومين=وتغيّر العالم فظرف اضحوية
خشومها رسمة خشوم الشياطين=ما قايلٍ فيها (التقاعس) شويّة
ومقصورةٍ بلور بين الجناحين=تقول فازة كاهنة منتهيّة
واخر مقفاها تقول البراكين=ما به حمم لكن ناره وريّة
تخرق جدارالصوت وأن جات في العين=ضحى بتسمع صوتها فـ العشيّة
واحجامها متساويه مابها بين=من كبرها اتقول هضبة طميّة
ما حافها الركبي من شمال ويمين=إلاّ خبير ورتبته عسكريّه
رُجلة رفعين المقام المسمين=آلاد بوش أن جات في الكون هيّة
يثبون محدٍ غيرهم قيل ثابين=لا روّحت ما بين هذي وذيّة
كم رجّحوا كم ثقلوا من موازين=وياكم شالوا ..كم طشوا عنيّة
ما همهم فيها زعالا وراضين=دون الهدف لو يحرقون البريّة
أفعالهم يشهدلها اقصين وادنين=واللي معه كلمة يعدّل عليّه
ما هوب لا كنّا وكانوا ومبطين=ويا كليب شب النار لـ الشاذليّه
صلفين في الماقف جزاعا حليمين=فيهم تواضع بس في عنجهيّة
من حقهم لو كان ماهم على دين=سياد ماهم في الكراسي بليّه
ما زاينوا يوم الرخا بالبعارين=هذي مجاهيمٍ وذي ساحليّة
وهذي بنات شعيل سيم بملايين=وهذيك ابوها مانعرفله رعيّه
وهذي عريضة خد شرخات الاذنين=وسنام هذي كوم من زود نيّه
يزاينون بسبقهم في الميادين=حتى تخطوا حاجز الجاذبيّة
وحنا تجاذبنا على الخلف ثنتين=بعض القيم والنعرة الجاهليّة
ننظر خلاف وهم علينا مغيرين=الين صار القوم وسط السريّه
ما كن بعض دمينا في فلسطين=ولا كن وسط عراقنا النار حيّة
ولا كننا في المسلمين الملبين=المسلم اليا صاح لباه خيّه
وحنا في بهرج وقتنا دوم لاهين=بعنا بدنيانا الهدف والقضيّة
واليوم نشقر في عصانا بسكين=حتى بذرنا بذرة العنصريّه
يا ربعنا وش حالكم وين غادين؟=بعض المساري ما وراها ضويّة
ما قول هذا سخريا فـ العريبين=أهل الشكالة والفعول المضيّة
اقول يا سبابتي واطرفي العين=العين عيني واصبعي من يديّه
والعلم واضح ما يبي زود تخمين=من وحد الله صار مني وفيّه
(ولا يستشك الا العفون الرديين)=وراعي الردى ما اشيل له مقدريّة
ولا لي شعار يكود نخلة وسيفين=مسلم سعودي واللغة يعربيّة
,
,
,
ارائكم وانتقاداتكم محل اهتمامنا
توقيع/ العطوي
,
,
,