تركي فزعتك يالقرم

[إحساس شاعر]

قل الوصل ياصاحبي ليه=ماضنتي سويت الخطيه
البعد ارجوك لاتطريه=وتغلفه لي تغليف الهديه
اسهرت لي قلبي ليه تعنيه=يومن يمر طيفك وسط عينيه
افز من نومي ومن محاريه=فزهـ صريعا خاف يكون ضحيه


تركي هذي قصيده كيبوورديه سريعه
ابي رأيك تركي بتقول ماهي موزونه عارف
بس وش اسوي ياتركي يعلم الله انك مثل اعلى لي
بالشعر وودي لو اكتب على الاقل بيت موزون واحد
تركي بتقول لي اغنيها على اي اغنيه احسها راكبها
مو مدري البلا من صوتي الخشن او من الكلام
ولا ادري وش البحر اللي اكتب عليه
وش الطريقة اللي اقدر اعبر عن احساسي بقافيه وزن ابي رايك ياتركي وترى داخلا على الله ثم عليك لو تلحنهات لي بصوتك اهم شيء اعرف وش اللحن بالتمام او مثال عليه احس اني ودس ابتسي ياتركي خلها على ربك اهىء اهىء
لاتوقع اني ازعل لو تقول انت ماتصلح بريال
ولكن انا رجل ودي اتعلم الشعر
مايهمني لو محد يبيني بس يكفي اني رجل عندي طموح
وعندي موهبه ابي اصقلها بس ابي انسان يحط لي اساسيات
وانا امشي عليها واطورها اتوقع فاهمني ياتركي

[الورده الحمراء]

>> قال تركى مو الوردهـ http://www.l5s.net/uploads/3900dcb331.gif

إحساس شاعر

بس حبيت اشااركك بالموضوع

واقول صح لسااانكـ

والله يعطيك العافيه

دمتـ بحفظ االرحمن

[تركي فلاح]

احساس شاعر


والله لو انك طالبني نفسي لا قول سم


وبالنسبه للشعر مادام فيك الموهبه ابشر بالنسبه للوزن سهله

قصيدتك هذي :



قــل الـوصـل ياصاحـبـي لـيــه
ماضـنـتـي سـويــت الـخـطـيـه
الـبـعــد ارجـــــوك لاتـطــريــه
وتغلـفـه لــي تغلـيـف الـهـديـه
اسهـرت لـي قلبـي ليـه تعنـيـه
يومن يمر طيفك وسـط عينيـه
افـز مـن نومـي ومـن محاريـه
فزهـصريعا خاف يكون ضحيه
..................................................

الوزن جدا ً سهل ولو تجي شايب كبير لا يقرا ولا يكتب ويسمع القصيده يعرف انها موزونه والا ماهي موزونه ....

طيب كيف نوزن القصيده لا حظ معي لازم يكون الصدر يعني (الشطر الأول ) نفس طول العجز (الشطر الثاني)... وأنت لا حظ ان الشطر الأول بقصيدتك أطول من الشطر الثاني وهذا اللي يخلي الوزن عندك شوي مكسور .. وش رايك نوزن البيت الأول وشف كيف الطريقه:

قــل الـوصـل ياصاحـبـي لـيــه
ماضـنـتـي سـويــت الـخـطـيـه

لا حظ معي:
قل الوصل وش فيك ياصاحبي ليه**ماظنتي سويت فيكم خطيه

لا حظ الزياده في البيت لكي يستقيم الوزن شف اللحن هنا (عشق بدوي ) لخالد عبد الرحمن نبي نجيب كل القصيده على الحن ذا
ولا حظ كل القصيده نبيها على الحن هذا

ننتقل للبيت الثاني:

الـبـعــد ارجـــــوك لاتـطــريــه
وتغلـفـه لــي تغلـيـف الـهـديـه

لا حظ معي نبي نوزن البيت ..

البعد تكفى يالغلا لا تطريه** وتغلفه تغليف مثل الهديه

شف وش اللي زاد بالبيت ..ونرجع نلحن ولا تحاول تجبر اللحن جب اللحن على ماهو عليه

ننتقل للبيت الثالث:

اسهـرت لـي قلبـي ليـه تعنـيـه
يومن يمر طيفك وسـط عينيـه

لا حظ :

اول شي القلب دايم شغَال ودايم ساهر الله لاينوم قلوبنا ..

اللي تسهر العين ماهو القلب واللي ينشغل البال ..


وبعدين القافيه متحركه وانت سكنتها (عينيه) ساكنه لا حظ نطقها ولاحظ

نطق (الهديَه) لا حظ الياء باالهديه مشدد وبعينيه ساكن

فلذلك تغير وزن البيت :

اسهرت عيني لجل طيفك اناجيه**يومه يمر الطيف عجل ٍ عليَه


ننتقل للبيت الرابع :

افـز مـن نومـي ومـن محاريـه
فزهـ صريعا خاف يكون ضحيه

أول شي انت كنت ساهر كيف تفز من النوم لكن ماعلينا المهم الوزن الحين ..

لاحظ معي ..

أفز من نومي عجل من محاريه**فزة صريع خاف نفسه ضحيه


للأمانه البيت معناه مو واضح لكن انا يهمني الحين الوزن ولا حبيت اغير معنى قصيدتك لأن هذا حق خاص لك .. انا مركز على الوزن فقط ..

نقرا القصيده كامله الحين:

قل الوصل وش فيك ياصاحبي ليه**ماظنتي سويت فيكم خطيه


البعد تكفى يالغلا لا تطريه** وتغلفه تغليف مثل الهديه


اسهرت عيني لجل طيفك اناجيه**يومه يمر الطيف عجل ٍ عليَه


أفز من نومي عجل من محاريه**فزة صريع خاف نفسه ضحيه


أتمنى أكون قد أفدتك وتقبل تقديري واعجابي بك ..وأي شي يصعب عليك أنا بالخدمه