الصدر كاتم وضايق

[النــديم]

اخواني اعضاء المنتدى اقدم لكم هذه القصيدة من نزفي
واتمنى ان تنال اعجابكم ولا تحرمونا من نقدكم البنّاء..
ولآن اترككم مع القصيدة!!

راح الفرح راح الهنا عني وضـــاع=جــاه الحزن والصدر كاتم ضايق
من موقــف صار وانا صرت ملتاع=وكاني بطـريق صــابه اليوم عايق
عيا الصبر ينفع على كثر الاوجاع=في داخلي جـــرحين والمـوت بايق
اخذ اعز اثنــــين في لحظة اسـراع=واقــفت ســنين العـــمر كانه دقايق
ماضي زماني فاتت اوقاته بســـــاع=عجزت اطفي نار تشـــعل حـرايق
شربت مرك يازمـــــــن كله جراع=وماعاد لي قلـب على الصبر طايق
هذا العــزا ولا قلـيــبك لـــــنا بـاع=غــيم على نوره ولا الجــــــو رايق
مثل السفينه لو تمزق بها اشـــراع=ضاعــت على موج الهبايب غـرايق
واليوم انا بين المواجـــع واصراع=ومانـــي على درب الخـطأ منك فايق

نديم الليل
وسلامتكم

[alsamer]

ماضي زماني فاتت اوقاته بسـاع
عجزت اطفي نار تشعل حرايـق



تسلم ياروعه انت على هالقصيدة


اعجبنى بعد هالبيت


مثل السفينه لو تمزق بها اشـراع
ضاعت على موج الهبايب غرايق


تسلم يانديم

[النــديم]

alsultan
الروعه في حضورك وردك الذي اضاف للقصيده معنا..
ولك تحياتي,,,,,,,,

[احلى وعد]

النديم

صح لسانك لاهنت اخوي

قصيدة رائعه اتمتعتنا

بانتظار جديدك

لك تحيتي

[هجير الشوق]

اخذ اعز اثنين في لحظة اسـراع
واقفت سنين العمر كانـه دقايـق

/

\

احساس متدفق
معنــى مبهر
نزف ولا اروع

اهنئـك اخي النديم
على ماخطته اناملــك

اعجبتني ..

دمــت ودام نزفــك الرائـع
موفق لكل خير بإذن الله تعالى


هجيــر الشوووق

[تركي فلاح]

الاخ نديم
صح لسانك اخوي والله يرحم امواتنا واموات المسلمين والموت

هذا هو دايم بايق ...

القصيده جدا ً رائعه رغم بعض العثرات البسيطه يمكن تكون

أخطاء مطبعيه كسرت الوزن اردت التنويه اليها..

مثل:

من موقف صار وانا صرت ملتاع**وكاني بطريق صابه اليوم عايـق

يمكن لوكان (صايرٍ ) بدل صار يمكن يكون افضل.

واليوم انابين المواجع واصـراع**وماني على درب الخطأمنك فايق

اتوقع ان مواجع ثقيله لوقلت ( مواجيع ) تكون افضل .

لكن القصيده قمه بالروعه وانت من قصيدتك واضح انك شاعر منت بسيط الله لا يحرمنا منك ومن ابداعك..

وارجو ان تقبل ملاحظات اخوك بصدر رحب وكلنا مانستغني عن النقد

تركـــ فلاح ـــي

[وجه الخير]

النديم

صح لسانك اخوي

كلمات رائعه


تقبل مروري


وجه الخير

[النــديم]

الله يعافيك
حلا
وصح بدنك واشكرك لحضورك الغالي,,,,,,,,,,

[النــديم]

هجير الشوق
اشكرك لمرورك الكريم وااسعدني حضورك المميز,,,,,,,,

[النــديم]

الاخ تركي
هلا بك اخي الكريم واشكرك لتعليقك الهادف
ولك تحياااتي,,,,,,,,,

[النــديم]

وجه الخير
صح بدنك اخي الغالي ولك الشكر لحضورك..
ولك تحياتي,,,,,,,,,

[الورده الحمراء]

النــــــديـــم

صح لسااااانكـ

قصيدهـ في قمة االروعهـ

الله يعطيكـ ااالعااافيهـ

ولايحرمناااا من جماااال رواائعكـ

دمتـ بحفظ ااالرحمن

[النــديم]

صح بدنك الورده الحمراء
والله لايحرمنا من تواجدك الدائم..
ولك اجمل تحيه