ابوسعد
23-Oct-2007, 10:48 PM
ماني شريك الراجحي والحصيني=لوالسهم يعرض بعشرة هلالات
مشغول في قوتي وتسديد ديني=وجيبي ماهو ضاري لكنز الريلات
لانامو المخلوق متنام عيني=اسهر واحسب كم عليه طلابات
جارن عليه ممحلات السنيني=صكن علي انيابهن الشطيرات
لين افقرني وفلسن في يديني=حتى مواترنا دداسن وخردات
خرده بها المقود يحذف يميني=ولاتشتغل الا بعد خمس نتعات
ولاانتعت اصدمت بالمسعفيني=فارط بها الجلنط هو والبريكات
وليامشت تسمع رجيف وحنيني=ودخانها يعميك عند الاشارات
وبها الكفر خربان هو والضميني=وبحوضها عشرة لساتك قديمات
لاشافت التفتيش تصفط يميني=سواقها متعود للغرامات
ونش المرور بسحبها يستهيني=دايم وهو يتلها للكراجات
وانا لارحت عليها حزيني=سميتها بام الهمم والجملات
الشاعر محمد معتق العنزي
مشغول في قوتي وتسديد ديني=وجيبي ماهو ضاري لكنز الريلات
لانامو المخلوق متنام عيني=اسهر واحسب كم عليه طلابات
جارن عليه ممحلات السنيني=صكن علي انيابهن الشطيرات
لين افقرني وفلسن في يديني=حتى مواترنا دداسن وخردات
خرده بها المقود يحذف يميني=ولاتشتغل الا بعد خمس نتعات
ولاانتعت اصدمت بالمسعفيني=فارط بها الجلنط هو والبريكات
وليامشت تسمع رجيف وحنيني=ودخانها يعميك عند الاشارات
وبها الكفر خربان هو والضميني=وبحوضها عشرة لساتك قديمات
لاشافت التفتيش تصفط يميني=سواقها متعود للغرامات
ونش المرور بسحبها يستهيني=دايم وهو يتلها للكراجات
وانا لارحت عليها حزيني=سميتها بام الهمم والجملات
الشاعر محمد معتق العنزي