االذيب
01-Nov-2010, 01:58 AM
بسم الله الرحمن الرحيم
تعالو يابنياتي وياعيالي أبسبحن عليكم , بس هاه عاد البنات يجون على يميني , والعيال على يساري , مانبي يصير اختلاط في سبحونتنا , ثم عاد نكملها في الهيئة :biggrin:
(( .. هاك الواحد والواحد الله في سماه العالي , ولا كل إبليس مخزيه الله مثل ما أخزاه .. ولا هاك الولدين يتمان , لكن الله سبحانه وتعالى ما يضيع أحد , كبروا هالولدين وصاروا شباب , وواحد منهم صار يصلي بالجماعة في الديرة الي هم فيها , أما الثاني فعلى قولتهم قلبه أخضر وهواووي , ويدق الغي في غضارة , وراعي صيد , يطلع الصبح ومعه بندقه ويصيد الي كاتبه الله له , ويقسم الصيد ثلاث أقسام : قسم ياكله في البر ..وقسم لأخوه المطوع .. والقسم الأخر .. ايه وهنا عاد على قولة إبراهيم الصلال ( القمندة ) لهم خالة في ديرة عن ديرتهم شوي مثل هالحين شقراء والقراين , والخالة لها بنت مزيونة .. طول وبياض وشعر ومبسم كنه ذا الصورة الي على يساري في الشاشة :n2006108: .. المهم القسم الثالث من الصيد للخالة .. والصحيح أنه لبنت الخالة .. يمر عليهم المغرب ويسلم على خالته ويعطيها الصيد ويمكن يتهياء له عاد انه يشوف عشقته .. او يكلمها .. عاد هو وحظه .. المهم حب على وضح النقا وشريف .
يوم من الايام قال الأخو الكبير المطوع لأخوه : ابطلب منك طلب ؟ رد الصغير : أنت اخوي الكبير ماتطلب .. أنت تامر وأنا أطامر ..قال الكبير : أنا ناوي احج هالسنة إن شاء الله ومواعدن ربعي يمرون علي بكرة الفجر ونمشي جميع لمكة , وأبيك تمسك المسجد ألين ارجع !
قال الصغير : بس ياخوي أنا ما أنقع دور غيري .. قال الكبير : ماهنا إلا الله الكريم ثم أنت مار شد حيلك وأنا أخوك .
يوم جا من باكر وصلو الفجر ولا هذولي ربع اخوه جايين ولا الدعوى جد .قام المطوع وتكلم في الجماعة وقال : يالربع حللوني أنا ابروح لمكة وأخوي ييصلي بكم بدالي , قالوا الجماعة : الله يحللك ويبيحك وعسى أخوك على القوة ..
مسك الأخو الهواوي المسجد وصلى بالجماعة وكان صوته جميل , وانبسطو عليه الجماعة , حتى أن أحد العيارين من الجماعة قال له : ياليت أخوك حاجن في صفر :n200654:
لكن هناك في الضفة البعيدة هناك من افتقد شيء , إنها الخالة , وبنت الخالة ,, فالخالة افتقدت الصيد , والبنت افتقدت من يأتي بالصيد , صاحب الندقية الي اصابها بسكتونه في قلبها , الخالة تقول لبنتها : ورى وليد أختي معد يمر علينا بالصيد .. وش بلاه عسى ما جاه شي ؟ .. هنا قالت البنت لأمها : ورى ماتروحين تسألين عنه علشان نتطمن قالت هالكلام وهي تناظر تحت ا وتحثرب في الأرض بعودن معها .
راحت الخالة الى ديرة عيال أختها وسألت عنهم وقالت وش أخبار اليتمان ؟ قالوا لها الجماعة : اليتمان على أحسن حال .. الكبير في مكة .. والصغير يصلي بنا هالحين .
رجعت الأم وعلمت بنتها , لكن البنت وهذا ترى طبع الحريم شكت في السالفة ! معقولة ولد خالتي يصلي بالجماعة !! ماش ما دخل راسها العلم , قالت في نفسها : أكيد أنه خاطب له وحدة ويبي يتزوجها ومهيب معلمتني أمي .. فكرت البنت وقالت لازم اروح واشوف هل السالفة صحيح ولا لا ؟؟ ماتنلام مسيكينه العشق بلوى .. والحب سهم قاتل .
انتظرت البنت الفرصة المناسبة وراحت لم ديرة ولد خالتها ووصلت وهم بيصلون العصر , ووقفت في ساحة المسجد قدام الباب الي على يسار الإمام , اقيمت الصلاة وتقدم ولد خالتها يصلي والتفت على يمينه وقال : استووو .. يوم التفت على يساره ولا هاذي بنت خالته قدام عينه :n200675: وبدون شعور قال :
تعدلوا ياهل القلوب المواليف ..... صفوا ورا القراي خمسة اصفوفي
احلف بربن حيزم الغرس بالليف ....مرجع بصر يعقوب بعد الكفوفي
إنتس مناي بلابسات المشانيف ... والكاذب الله يجهره مايشوفي
الله أكبر ..
ورجعت البنت إلى أمها وقد قرت عينها .. ومرت الأيام وتزوج ابن الخالة بنت خالته , والبنت صكت على الشوزن والعصافير استانست معد أحد يرميها ..أ هـ:qazwsx3:
تعالو يابنياتي وياعيالي أبسبحن عليكم , بس هاه عاد البنات يجون على يميني , والعيال على يساري , مانبي يصير اختلاط في سبحونتنا , ثم عاد نكملها في الهيئة :biggrin:
(( .. هاك الواحد والواحد الله في سماه العالي , ولا كل إبليس مخزيه الله مثل ما أخزاه .. ولا هاك الولدين يتمان , لكن الله سبحانه وتعالى ما يضيع أحد , كبروا هالولدين وصاروا شباب , وواحد منهم صار يصلي بالجماعة في الديرة الي هم فيها , أما الثاني فعلى قولتهم قلبه أخضر وهواووي , ويدق الغي في غضارة , وراعي صيد , يطلع الصبح ومعه بندقه ويصيد الي كاتبه الله له , ويقسم الصيد ثلاث أقسام : قسم ياكله في البر ..وقسم لأخوه المطوع .. والقسم الأخر .. ايه وهنا عاد على قولة إبراهيم الصلال ( القمندة ) لهم خالة في ديرة عن ديرتهم شوي مثل هالحين شقراء والقراين , والخالة لها بنت مزيونة .. طول وبياض وشعر ومبسم كنه ذا الصورة الي على يساري في الشاشة :n2006108: .. المهم القسم الثالث من الصيد للخالة .. والصحيح أنه لبنت الخالة .. يمر عليهم المغرب ويسلم على خالته ويعطيها الصيد ويمكن يتهياء له عاد انه يشوف عشقته .. او يكلمها .. عاد هو وحظه .. المهم حب على وضح النقا وشريف .
يوم من الايام قال الأخو الكبير المطوع لأخوه : ابطلب منك طلب ؟ رد الصغير : أنت اخوي الكبير ماتطلب .. أنت تامر وأنا أطامر ..قال الكبير : أنا ناوي احج هالسنة إن شاء الله ومواعدن ربعي يمرون علي بكرة الفجر ونمشي جميع لمكة , وأبيك تمسك المسجد ألين ارجع !
قال الصغير : بس ياخوي أنا ما أنقع دور غيري .. قال الكبير : ماهنا إلا الله الكريم ثم أنت مار شد حيلك وأنا أخوك .
يوم جا من باكر وصلو الفجر ولا هذولي ربع اخوه جايين ولا الدعوى جد .قام المطوع وتكلم في الجماعة وقال : يالربع حللوني أنا ابروح لمكة وأخوي ييصلي بكم بدالي , قالوا الجماعة : الله يحللك ويبيحك وعسى أخوك على القوة ..
مسك الأخو الهواوي المسجد وصلى بالجماعة وكان صوته جميل , وانبسطو عليه الجماعة , حتى أن أحد العيارين من الجماعة قال له : ياليت أخوك حاجن في صفر :n200654:
لكن هناك في الضفة البعيدة هناك من افتقد شيء , إنها الخالة , وبنت الخالة ,, فالخالة افتقدت الصيد , والبنت افتقدت من يأتي بالصيد , صاحب الندقية الي اصابها بسكتونه في قلبها , الخالة تقول لبنتها : ورى وليد أختي معد يمر علينا بالصيد .. وش بلاه عسى ما جاه شي ؟ .. هنا قالت البنت لأمها : ورى ماتروحين تسألين عنه علشان نتطمن قالت هالكلام وهي تناظر تحت ا وتحثرب في الأرض بعودن معها .
راحت الخالة الى ديرة عيال أختها وسألت عنهم وقالت وش أخبار اليتمان ؟ قالوا لها الجماعة : اليتمان على أحسن حال .. الكبير في مكة .. والصغير يصلي بنا هالحين .
رجعت الأم وعلمت بنتها , لكن البنت وهذا ترى طبع الحريم شكت في السالفة ! معقولة ولد خالتي يصلي بالجماعة !! ماش ما دخل راسها العلم , قالت في نفسها : أكيد أنه خاطب له وحدة ويبي يتزوجها ومهيب معلمتني أمي .. فكرت البنت وقالت لازم اروح واشوف هل السالفة صحيح ولا لا ؟؟ ماتنلام مسيكينه العشق بلوى .. والحب سهم قاتل .
انتظرت البنت الفرصة المناسبة وراحت لم ديرة ولد خالتها ووصلت وهم بيصلون العصر , ووقفت في ساحة المسجد قدام الباب الي على يسار الإمام , اقيمت الصلاة وتقدم ولد خالتها يصلي والتفت على يمينه وقال : استووو .. يوم التفت على يساره ولا هاذي بنت خالته قدام عينه :n200675: وبدون شعور قال :
تعدلوا ياهل القلوب المواليف ..... صفوا ورا القراي خمسة اصفوفي
احلف بربن حيزم الغرس بالليف ....مرجع بصر يعقوب بعد الكفوفي
إنتس مناي بلابسات المشانيف ... والكاذب الله يجهره مايشوفي
الله أكبر ..
ورجعت البنت إلى أمها وقد قرت عينها .. ومرت الأيام وتزوج ابن الخالة بنت خالته , والبنت صكت على الشوزن والعصافير استانست معد أحد يرميها ..أ هـ:qazwsx3: