عبدالله بن صبيح
22-Sep-2007, 10:07 PM
الخبر يازين
هات الخبر يازين والعلم هاته = هات الخبر يازين لو كان قاسي
عن الذي بالقلب ثبّت غلاته = واليوم غاب وصابني بالمآسي
والله ماحد(ن) بي يسوي سواته = راح ورحل في عز طفرة حماسي
واليوم مدري وين صارت حياته = ومادري ذكرني او مع الخلق ناسي
زرعت حبه وانتشى في نباته = واسقيته من الود والكاس كاسي
بالقلب حبي حليل وش هي حلاته = ماهو كلام مجون فيه اختلاسي
ماني من ربوع الولع والشماته = ولاني من اللي يقلبون الكراسي
حبي بسيط وطيبات(ن) سماته = وحطيت له بالقلب رقم(ن) قياسي
جيتك وانا اكبح من جموح انفلاته = جيتك وانا بالقلب نوع احتباسي
انا بشر يعشق ومن العشق ذاته = عشق بكرامه ومانحني له براسي
عشق برزانه يتزن في ثباته = رغم الهوى اركان حبي رواسي
ايه اعشقه واعجب(ف)باقي صفاته = واقول احبك يابعد كل ناسي
احساس شاعر عبرنه ابياته = ولافيه عيب اني ابيّن احساسي
هات الخبر يازين والعلم هاته = هات الخبر يازين لو كان قاسي
عن الذي بالقلب ثبّت غلاته = واليوم غاب وصابني بالمآسي
والله ماحد(ن) بي يسوي سواته = راح ورحل في عز طفرة حماسي
واليوم مدري وين صارت حياته = ومادري ذكرني او مع الخلق ناسي
زرعت حبه وانتشى في نباته = واسقيته من الود والكاس كاسي
بالقلب حبي حليل وش هي حلاته = ماهو كلام مجون فيه اختلاسي
ماني من ربوع الولع والشماته = ولاني من اللي يقلبون الكراسي
حبي بسيط وطيبات(ن) سماته = وحطيت له بالقلب رقم(ن) قياسي
جيتك وانا اكبح من جموح انفلاته = جيتك وانا بالقلب نوع احتباسي
انا بشر يعشق ومن العشق ذاته = عشق بكرامه ومانحني له براسي
عشق برزانه يتزن في ثباته = رغم الهوى اركان حبي رواسي
ايه اعشقه واعجب(ف)باقي صفاته = واقول احبك يابعد كل ناسي
احساس شاعر عبرنه ابياته = ولافيه عيب اني ابيّن احساسي