القيامه قريبه

[حمود بن ثاني]

هب النسيم .. وداعب الشعر الاذهان
والذنب مايرتع بنفس خصيبه


عقب الذنوب نعاود دروب الاحسان
واللي رضى بالذنب ربه حسيبه


درب التقى ..... يازينها بكل الازمان
ودرب الخطى ميراد نفس كئيبه


وقلب لهث في دنيته .. دوم عطشان
ولا حسب ليوم ظروفه عصيبه


يوم الخلايق تجتمع ... دون نقصان
واللي خفى بالحال لازم نجيبه


يوم الحساب ... وكل نفس لها شان
كل يطالع وش يحصل نصيبه


عملك يالمخلوق ..... ماعنه مزبان
واللي كتبه الله لشخص يصيبه


تبدي على المؤمن علامه وبرهان
واللي عصى قلبه تزايد لهيبه


ومن فاته القرآن لا شك خسران
الخير فاته .. والقيامه قريبه

[الورده الحمراء]

نسأل الله العفو والغفرااان

وان يثبتناااا على القول الصالح

http://www.al-qatarya.org/folder1/qatarya_AmHHHpNsBk.gif


شاااااعرناااا

حمود بن ثاااانى


http://www.al-qatarya.org/folder1/qatarya_GLYhEe0v.gif


وسلمت يمناااااكـ

قصيدهـ رااائعهـ

الله لايحرمناااا من روااائعك

دمتـ بحفظ الرحمن


http://www.al-qatarya.org/folder1/qatarya_AmHHHpNsBk.gif

[سلطان الغرام]

الله الله على الابداااع

ياخي من وين تجيبون هالشعراء الذوووق

ماشاء الله عليك عيني عليك بارده

صح لسانك

[محمد الشراري]

حمود صح لسانك يالغالي وطولت الغيبه والله ولكن عذرا مقبول بابيات رائعه جدا غفرت لك غيابك ولو لم يذكر اسبابه

تقبل مروري

[احلى وعد]

حمود بن ثاني

صح لسانك لاهنت اخوي

يعطيك العافيه


لك تحيتي

[**~الرااااسي~**]

حمود بن ثاني

صح لسانك مليووون

قصيدة جميلة ومعبرة

نسأل الله الغفران في هذا الشهر الفضيل

وكل عام وانت بخير

تحياتي لك

كنــ بخير

[حمود بن ثاني]

اللهم آمين


الورده الحمراء


صح بدنك ومن قال سلم


اشكر لك هذا الثناء


ودمتي بالف خير

[حمود بن ثاني]

سلطان الغرام

صح بدنك واهم شي انك تذكر الله

لا يروح المنتدى وشعرائه بخبر كانا

حياك الله سلطان واشكر لك هذه الإطلاله

[حمود بن ثاني]

هلا محمد صح بدنك
كل عام وانت بخير
بالنسبه للغياب انا بعاتب نفسي على غيابي عنكم
ما يخفاك الاجازه وظروفها يابو حميد
بس اهم شي قدمنا شي يخفف علينا العتاب
يسعدني حضورك محمد وقرائتك موضوعي

[حمود بن ثاني]

هلا بالاخت حلا

صح بدنك ولا تهونين

والله يعافيك ويقويك

اسعدني مرورك

[حمود بن ثاني]

اللهم آمين

حياك الله اخوي الراسي وانت بخير وصحه


وصح بدنك لا حرمنا تلك الإطلاله الجميله


لك ودي وتقديري