محــاورة شعريه بين الاعضاء

[احلى وعد]

مســـاء الــــورد ...
رواد موقع القريات الرسمي هنا سيكون لقائنا الجديد
وسيكون حوارنا الشعري ولكن هذه المره سيكون مختلف قليلا
الفكرة هي ...
محاورة شعريه بين اغلبيه الشعراء
وستكون هذة المحاورة عبارة عن بيتين الي اربع ابيات
يتم فيها اختيار نوعيه القصيدة
حب .. غدر .. خيانه ... مدح .. الخ
والشاعر او العضو الي بعدة يختار ايضا نوعيه الشعر المطلوب
وهكذا
فهمتوا علي
مثلا
انا اطلب شعر مدح الي بعدي يكتب شعر مدح ويطلب شعر ذم
وهكذا ..
انتظر تفاعلكم
ملاحظه البيت يفضل يكون تاليف شخصي ولا مانع من النقل
دمتم بحفظ الرحمن

[الكاسـر]

تسلمين واللهـ على الفكرهـ الرائعهـ

وإن شاء الله نشوووف تفاعل من الشعراء

ومالي إلا النقــل

بس راح أتابع وأحاول اتعلمـ منهمـ

يعطيكـ العافيهـ

تحياتي لكـِ

[احلى وعد]

ان شا الله

تسلم اخوي الكاسر

واول طلب

شعر مدح :

[الجامحة]

فكرة رائعة احلى وعد سننتظر
الشعراء بالمدح لوطلبتي للحزن
سافيدك اما المدح الم اجيدة
تمنى تجدي من الشعراء
من يجيد المدح تمنياتي
متابعة

الجامحة

[**~الرااااسي~**]

مدح
ابيات للشاعر ( بدون اسم )
(#*_^#)

الثنى لله وثم للي بعيد المدهلي=صاحب الموقع عسى له بالسما عشرين بيت
والشكر موصول للراسي على ما يبذلي=جهد وافي تشتري رجال لامنك شريت
وكل من سجل برمزه كنكم والله هلي=يسعد الله من جمعكم كلكلم راعين بيت

طيب
للي بعدي نريد ابيات
غزل

[احلى وعد]

تسلمون على التفاعل



أشهد ان الحب بلوى والهوى سهمه يصيب=مير مشكــايه على اللي عالـيٍ باعلى سمـاه

كـــامل الأوصاف خلي يمتلك عقـــلٍ لبيب=والله انه عن جميع البيـــض زايد في حلاه

منقوله

اوكي

حزن الله يبعده عنا وعنكم

[المولع الغريب]

سوف ابدى منكم لله ههه
جاني يعاتبني على ماجـــرى امس

------------------------- يقول روحه من شقاه محروقه

اقبل بخـــدن شارقن كنه الشمس

---------------------- واقفى كما مزنن تلامع بروقه

والقلب في نارالهوى ينحمس حمس

-----------------------معذور قلبي لوتمزق عــروقه

وقفت حائر اضرب الخمس بالخمس

-------------------------- مني سلب حقي ويطلب حقـوقه

الموالع الغريب

[احلى وعد]

صح لسانك لاهنت

اخوي ويش هو طلبك الحين الابيات الي تبيها

[عبدالمجيد العبدلي]

يعطيك العاافيه اخت حلا على الفكرة الرائعة

وماداام اخووي المولع الغرريب ما أختار راح اختار أناا

مـدح: لغيـبتك ياصاحبي النفس تحتز

ماظنتـي بنساك لا ولا حزه

انت الوحيد اللي لـه القلب يهتز

وغيرك من الناااس لاحشا مايهزه

بحضرتك ياصاحبي القلب يعتز

الله يردك بالسلاامه وتعزه

وأطـلـب : خياانه << اطلعووا المكنوون ههههه

[احلى وعد]

الله يعافيك اخوي


وتفضل هذا الشعر الي طلبته

وطبعا منقول


غدار .. خاين خنت قلبن مأمنـــــــــــــك..=قلبن عطـــــــــــــاك الحب وبيدك ذبحته..
وش موقفك لوكنت انا اليوم خاينك=وش شعورك لو فؤادك غدرته..

الي بعدي

عن المدح

[عبدالمجيد العبدلي]

وهذا طلبك يا حلاا:


يالميم بعد الميم حط حرف لاام = وزوّد بحرف الكاف بالـلام محزوم

وشبك الأحرف ياعالي المقام = شرواك حالف لأجلهم عمري اسوم

7
7
( طبعا هذي في احدى محاوراتي المتواضعة)

تطلع كلمة الملك اذ1 شبكنا الأحرف << طولت السالفه

وأطلب غززل !!؟؟

[تركي فلاح]

أتمنى أن تعجبكم هذه الأبيات

وهي مهداة إلى الا خت ( حلا ):



ماني بمادح لكن أقول ماصار = شي قريته قلت باكون قده

(حلا)لنا تطرح بديعات الافكار= وحنا لنا نطلب هالافكار مده

المنتدى يشكر (حلا) بنت الاخيار=وكلن بوده شكرها اليوم وده

والدار تسعد بالذي يسكن الدار =والمنتدى بوجودها فاح نده



تقبلوا تحياتي/

أخوكم /


تركــــ فلاح ــــي

[احلى وعد]

تركــــ فلاح ــــي

صح لسانك اخوي لاهنت

وربي كلك ذوووق خجلتني بكلامك

يعطيك العافيه بس خيو ماكتبت طلبك ؟

[تركي فلاح]

خيتي (حلا ) بعد التحيه



طلبي أن أقرأ من كتاباتك الغزليه.....



ثم أتمنى أن تكون هناك منافسه شعريه(مسابقه) بين أعضاء


المنتدى....لتنمية المواهب...




أخوك/

تركــــ فلاح ــــي

[احلى وعد]

تركــــ فلاح ــــي


مع الاسف مالي اي كتابات شعريه

لي خاطرة وقديمه يشرفني تشوفها اخوي على هذا الرابط

http://www.guryat.com/vb/showthread.php?t=2504

ودام الدور لي اطلب

قصيدة ذم

[تركي فلاح]

الاخت حلا تطلبين ذم /
ياغبي ماهو غبى يومي ضحــــــكت **
الغبا اني داري انك جاهل ٍن واشره عليك
الكر يم لياكرمته كل ماعنده ملكت **
واللئيم لياكرمته لازم ن يجرح يديك
عارف اني لو رفعتك في يديني ماارتفعت**
وعارف انك واطي ن حتى الوطا مايشتهيك
أطلب غزلللللللللللل.
تركـــ فلاح ـــي

[عبدالمجيد العبدلي]

وهذا طلبكـ اخوي / تركـي

لااصرت تدري إن زينك فتونـي

لاتلوم عين(ن) بك تعلق نظرها

في بحر زينك يبحرن العيوني

مالومها فنت وزينك سحرها

معك الليـالي لاقضيته هنوني

وإن غبت عيني عاودت في سهرها

(منقووووووووووووله )

وأطـلـب ( عتاااب )

[احلى وعد]

وهذا طلبك اخوي

كثيـر الـلـي تمنـانـي وطـلـب ودي ولاجيـتـه=ازعلهـم وابكّيهـم واراضـي منـهـو اشقـانـي ...
انـا بانـدم علـى خـل ٍ رجانـي حــب وخليـتـه=ولا بانـدم علـى منهـو رجيتـه حـب وخلانـي ....منقوووووله
طلبي ( غزل )

[عبدالمجيد العبدلي]

وهذا طلبكـ حلا

همـس عينك يوم ماتحكي بها

ارتبك مقدر ابادلها الكلام

بحر عينك لها امواج بغيبها

يغرق السباح لو يحمل وسام

(واطلب حـب)

[تركي فلاح]

نسيت الناس في زحمة شعور فجر الوجدان=نسيت اني بشر وأدرى شعور الناس من حولي
تماديت بهيامي قمة في عالم النسيـــــــان= ضربت بجول واثر الجول جول ٍِ ماهو بجولـــــي
سهجت بدنيتي وأقفت تفاكيري مع الجدران= صور تاخذ براويز ٍ على كيف الوهم ويلي

وأطلب /حكمه :019:
تركــــ فلاح ـــــي

[احلى وعد]

اخوي تركــــ فلاح ـــــي

صح لسانك وهذا طلبك


ومن يكن ذا فم مر مريض = يجد مرا به الماء الزلال
جراحات الطعان لها التئام = ولا يلتئم ما جرح اللسان

اطلب عن الفراق

[عبدالمجيد العبدلي]

هـذا طلبك حـلا


مابه قريبن يسعف ولابه صديق = ومن عاهدك تلقاه مخلف وثاقه
افترقنا وراح كلن في طريق = وراحت أيام الوفىا معها الشفاقه
شكيت أنا بأسبابها جرحن عميق = ومن يداوي بالعنا جرح اشتياقه؟

وأطلب قصيدة وطنية

[احلى وعد]

صح لسانك اخوي عبد المجيد



جاكم الصقر السعودي هازم صفوف الغشام=ابعدي كل الحباري مخلبه جـارح خطيـر

نابله يرمي سهام سهمـه النـاري وسـام=حامل الخفاق الاخضر معلن الرفـه نذيـر

سيفه الحكـم المدبـر داره العـز بسـلام=السعودي الله اكبر عصفنا خصمـا عسيـر

رمحه القاتل مسدد مختـرق نحـر الخصـام=شوفه الزلزال الاعظم في تواريـخ الكثيـر

اطلب مدح للقريات

[عبدالمجيد العبدلي]

وهـذا طلبكـ ياحلا << ولو انه قليل

هيهاات ياظرف الزمن بس هيهات = داايم عنيدن يتعب الي تحداه
ابعدتني عن قرب داري مسافاات = وشوقي فضحني واضحن لو خفيناه
مطبوع في قلبي حنين القريات = ولوني وصفت الشوق ما ألحق أقصاه
وطلبي : ( أبي اللي بعدي يجيب كم بيت على مزااجـه )

[عبدالمجيد العبدلي]

ويـــــن التفاااااعل؟؟؟

مـحـد عنده قصيده على مزااجـه ؟؟

طيـب خلااص أطلب ابياات غزلية

[تركي فلاح]

هذا طلبك الاول اخوي عبد المجيد

وارجو ان ينال استحسان الجميع....

حسبي علىالدنيا وحسبي على الناس
*حسبي علي اللي زودوا في صوابي

وحسبي على راس جرح هيبته راس*
وحسبي على سن ٍ ضحك في غيـــابي

الجرح والتعذيب والصمت والياس*
قسمه وصارت كلها من نصـــــابي

أطلب /
غزل


تركــــ فلاح ــــي

[احلى وعد]

وهذا طلبك اخوي تركي

الحقيقة مـا على الدنيــا عتب=لا تجاملني وأنــا عيني تشوف
أبتعد مــا بيك لا تبـدي سبب=القصيدة تعشق إبـداع الحروف
الحياة أحــزان والغـربة تعب=والليالي كلهــا دمعـة وخوف

الابيات منقوووله
اطلب خيانه

[الموج]

لا يامولع في حروفك تاملت
................ياشاعرا بحروفك راس الجزاله
انشهد ان الشعر بك لو تكلمت
....................تهتز بحور النظم بكل البساله
قريت حرفك ولول الوقت عوت
...................يوم الوفى والحب بول خصاله


&&&& &&&&&

الظلم

[مشـــــاري]

الموج
جاك موج الظلم
استلم يالغالي

ماهو حكي فاضي ولا كذب وغرور=انا عزيزً لوزماني ظلمني
والوقت ياصاحبي ترى دايم يدور= ولابد مايصحى غشيمً خسرني
طلبي
ابيات نصح

[احلى وعد]

وهذا طلبك اخوي مشاري


ياصاحبي اتق الله ولاتعصيــــــــــــــــه = انتبه الندم مايفيد وقت الحســــاب
درب المعاصي انتبه لا تجيــــــــــــــــه = مايرحم الرجال وقت فتح الكتاب
اتبع الرسول واعبد رب يونس ومنجيـه = تصدق واكسب الاجر والثــــــــواب


منقوووله

فخر

[مشـــــاري]

حلا
مشكوره إختي على نقل ابيات النصيحه الرائعه
وبالنسبه لطلبك انا كاتب ابيات بقلمي
يالله اشتغلوا يانقاد والله ماني بشاعر بس يطلع كل سنه بيت بيتين
يعني خففوا علي شوي
ابياتي كوكتيل وصف وفخر ومدح

ذبحتني عيونك لوالقلب سالي=في ظروفه اللي مالها اول وتالي
يا أخطر عيوناًجت ومرت قبالي=لولا عيونك ما إنشغل فيك بالي
قلبي يبي قربك وانا أصلي شمالي=بهديك قلباً صافياً مايبالي
قلب بدوياَ فيه زين الصفاتي=بالطيب والنخـوه اسابق سواتـي
ولا حلاتي شـي ماهم ذاتــي=دام اتصف بأخــلاق تسوى حلاتـى
ولاني بشين ومظهري للشماتي=لاجلك كتبت والحين جت لك ابياتي
وجيتك صريح بكلمتي قبل صوتي=ذبحتني عيونك وفيها مماتـي
وقبل الختام ودي بكثيرالدعاتي=يحفظك ربي من عيون المعادي
ابي ابيات غزل

[احلى وعد]

صح لسانك


اول اقـــــول الــــموت فيني ولافيك=واليـــوم جـــعل الموت ياخـذ حياتك

دامـــك تبيع انسان بالــكون شاريك=مــوتك ولاتــــوهب لغيري صفـــاتك

اطلب ذم

[تركي فلاح]

هذا طلبك حــــــلا.....

من قلمي الجريح أكـــــــــــــــــــتب ....




تخونني دنيتي قلي وش المانع=لاخنتني وانت واحد عايش ٍ فيها
لا لا تكلم تغير دوري السامع=باشب نار الكلام ولا تطفيها
صفعتني صفعة ٍ تستنزف الدامع=وأظهرت فيني دموع ٍ كنت مخفيها
كنت أعتبرك الغرام الصافي اللامع=كنت أزرعك وردة ٍ من دمي أسقيها
ماكنت أظنك تكمل دورة الطامع = اللي بدت في حياتي لجل تنهيها


أخوكم :

تركــــــ فلاح ـــــــي


أطلب

حكمــــــــــــــــــــــــــــه

[محمد الشراري]

تحلم وحلمك يسمعه السامع=من شان تطول اللي غايتك فيها
نسيت ان حلمك حلم شاسع=مايحلمه الا من قدر بحلمه يوفيها
نطلب رساله شوق

[مشـــــاري]

ابشر اخوي محمدالشراري لوتبي الشوق كله جبناه ماهو بس رساله
تستاهل ياعين ابوي
انشالله تعجبك
جيتك مثل طفل له أيام محروم
عن حضن امه أبعدته المقادير
وجيتك مثل شايب له أيام مهموم
وده يلاقي باآخرالعمر تقدير
لي في هواك أحلام وآمال وعلوم
وأحزاب وأصحاب وقصيد وجماهير
وهموم وأفكاروهواجيس وحلوم
ودروب وأخطاروعذاب ومشاوير
وحب وغلاوإخلاص ومعاندولوم
واحساس وإلهام وشعور وتفاكير
وصحبة سهرومقاطعة لذة النوم
وأشواق جياشه وعشق وتعابير
في ذمتك مابان لك شي مكتوم
من بعد ماصورت الأوضاع تصوير
لاتحسبي إنك شي عابر ومعدوم
وتاريخ حبك فاق كل الأساطير
كني لقيتك بإغنيه لأم كلثوم
في كل شي أتخيلك وأسمعك دوم
وأتأملك في الوقت الأول والآخير
من ماضي معرفتك إلى يومك اليوم
وغلاك عندي ماحصل فيه تغييير
وأناأبد والله فيك ماأقبل السوم
ياللي عرفة مكانها في رحلة السير
.
ابي قصيدة
غزل

[تركي فلاح]

لعيونك أخوي مشاري ...



خوذيني أحيا في خيالك ثواني=خوذيني أكبر كذبةِ بين أياديك

خوذيني أغرق دام موجك رماني =جذع ٍ رماه الموج يمة موانيك

خوذي بشر من ضيقته جاك عاني =عاف النهار وراح يطلب لياليك

دربه طويل وفيه حلم الأناني =وتفكير مجنون ٍ تولع بطاريك

وبه عنفوان المنحرج عنفواني = وبه بسمة ٍ عن ضيقة البال تنبيك

جريح خافق واشتكي من زماني= وانتي زماني يوم شحت عطاويك



تركــــــ فلاح ـــــــــــــي


أطلب قهـــــــــــــــــــــــــــــــــر

[مشـــــاري]

تروكي تسلم يالغالي
خذ القهر
موتي قهر موتي بغيضك وطقي
خلاص عن حبك وعنك تخليت
ياما قهرتيني أبى أخذ بحقي
صبرت لكن مل صبري ومليت
جاك الجفاء والصد مني تلقي
ردت فعل وأعطيك من ماتلقيت
ياما طلبتك قلت روفي ورقي
ياما معك بالصبر ياما تحليت
وياما نصحتك قلت للوصل بقي
خلي التغلي عنك ولا تغليت
ماينفعك هالحين كثر التوقي
ولاينفعك قولت حسافه وياليت
مافيه أمل روحي بدالي تلقي
أما أنا مليـت مليـت مليـت
.
ابي
مدح

[احلى وعد]

صح السانكم شعارنا القديرين

وهذا طلبك خيووو


حنا بدو يمكثرين العذاريب= وحنا هل الناموس ياجاهلينا

حنا ولدنا لاظهر كنه الذيب=يضحك حجاجه لا لفو الغانمينا

والعود لامنه كساوجهه الشيب=يزود قدره كثر زود السنينا

وماحن نهوز قصيرنا بالمشاعيب= بالعكس الطفبه من ام الجنينا

خوينا نسقيه حلو المشاريب=ولو مهتنا حنا ترى مهتنينا

وحنا ليصارالطلب والمطاليب= مروين حد مصقلات السنينا

حنا لياكثرت علينا المشاغيب=نصبر عليها لين ربي يعينا

وحنا ليا شدنا فروس المشاديب= فوق العلالي مثل اسود العرينا

وحن لاهرجنا مانعرف الاكاذيب=يعيـبنا هرجـن بلـيا يقينــا

وحن ضيفنا يلقى كثير التراحيب =ونسقيه من صفر الدلال الثمينا

من عقب ذا نطيبه من غالي الطيب= ونفدغمه فطحت خروفن سمينا

صحيح حن نتبع هوا شمخ النيب=ممشا معاها عز يـا نـاقديــنا

هاذي عطايا الله حرش العراقيب=عز العرب ياللي لها ناكرينا

تامن بنا الطياح ام الدباديب= اللي بها عشب القفر قد رعينا

تبرا الحيرانن صغارن حباحيب = سودن اذانيها كما شلفتينا

من لامنا في حبنا لفطر الشيب *= جعله فدا لمهجرعات الحنينا

ماتعيبناسود البكار الحنازيب= مدام نعطي حقها اللي علينا

هاذي صفات البدو واهل المواجيب= بياعت الغالي على المشترينا

(( نعم بدو كان البداوه غدت عيب= وكن ذي عذاريب البدو قابلينا))

منقووووووووول لرووعته

الي بعدي اطلب منك

وصف للطبيعه

[تركي فلاح]

حــــلا أحرجتي الجميع بطلبك (وصـــف الطــــبيعه):sm215:
لكن ابي أكون المنقذ
هذي أبيات في وصف الطبيعه لابن زيدون أتمنى أن تعجبكم

إني ذكرتك بالزهراء مشتاقًا =والأفق طلق، ومرأى الأرض قد راقا
وللنسيم اعتلال في أصائله =كأنه رق لي فاعتل إشفاقًا
والروض عن مائة الفضي مبتسم= كما شققت عن اللبات أطواقًا
نلهو بما يستميل العين من زهر =جال الندى فيه حتى مال أعناقًا
كأن أعينه ـ إذ عاينت أرقي ـ= بكت لما بي، فجال الدمع رقراقا
ورد تألق في ضاحي منابته= فازداد منه الضحى في العين إشراقًا
تركـــــ فلاح ـــــــي
أطلب حـــــــــــــــــــــــــــــــــــــــــــب

[احلى وعد]

ههههههههههههههههههههه

مو قصدي الاحراج خيوو


يقول اللي جرح قلبه حبيبه=وجرب لوعه الحب ولهيبه
الا ياويل منهو عاش مثلي=صويب القلب والحاله تعيبه
سنين اطوال راحت من حياتي=وانا محتار وجروحي عطيبه
اسير بشوق خلٍ مارحمني=ياليت اللي سطا بقلبي يصيبه

الي بعدي

خيانه

[محمد الشراري]

اكتبيني جرح واقريني رساااالـه =وانثريني دمع في وقت الرحيـل
وإنْ بقى في محجر عيونك دلاله =إرسليها مع عنا الليـل الطويـل
لو يون الجرح أو زاد إنفعاااالـه =إصلبيـه ودوري جـرحٍ بديـل
ونتعذر ولا تطيقيـن إحتمااالـه =خدريـه بكذبـة الحـب النبيـل
ولا طلبتي فزعة الحب وصااالـه = ما لقيتي غير بـارووود وفتيـل
فز لك قلبـي وقمتـي بحتلالـه =والخفوق أضحى من أفعااالك قتيل
مارحمتي طهر دمعي وانهمااالـه =ولا ترفقتـي بدخـلات الدخيـل
أسألك بالله وش تالي الجهااالـه =غير هم وغم وآآآهات وعويـل
الهوى قمت حضـوره فعتدااالـه = الهوى إحساااس خلٍّ مع خليـل
الهوى ما هو مجـرد إنتقااالـه = لا ولا موعد سويعااات الأصيـل
الهوى هـذي بدايـات إنحلالـه = دام كـلٍّ فزعتـه فزعـة بخيـل
مع أرق تحيه











اطلب غـــــــزل

[مشـــــاري]

هاذي غزل
الله يخرجنا من هالقصيده الواحد لازم يفضح حاله ويطلع على حقيقته





بحي الجبيهه بأرض ذيك الملاهي=شفت الغزاله اللي تسر النواظر
جهازها بيدها على لون وردي=البحث جاري ولجوالها ماتعثر
صوره بهارقمي والشعارالسعودي=دلع سعوديه إسم يجذب الحر
إسبوع فات والأمل مات فيني=دقت بصوت والحلا فيه ينثر
قالت وش إسمك قلت لاتسأليني=إسمي وضيعته ولاعاد بذكر
من يوم شفتك قام قلبي يليني=وانا عن النظرات دوم أتحذر
قالت آووه شاعر وأظنك تبيني=قوم وتغزل يافتى نكره الشر
قلت العفو ارجوك لاتحرجيني=زينك فضيع وصعب فيه أتبصر
قالت ابي وصفك ترى يحتويني=<نوره> رقيقه يافتى وانت تخبر
قلت ابشري ياشمس صبح تبيني=لاشال غيم وصار للريف منظر
ياوردة بأشكالها تعتريني=ياجوهراللي زاد سعره عن الدر
ياحلم قيس بناظرك راوديني=دامي انا وياك عبله وعنتر
نصفي غدى وارجوك به كمليني=دامي بقايا حروف ضاعت بدفتر
فيني لهب يافاتنه برديني=لاجلي غريب وشاكي الظيم من حر
أنا مريض وبالوصل عالجيني=حالي صعيبه للأسف صرت مخطر
قولي صغير وللمشي دربيني=أنتي تشيليني وانا أتمخطر
والا بروض الحب قومي إزرعيني=وتشوفي وش يطلع من الحب لأثمر
وإلا بدور الحب به جنديني=ينهض على التدريب في عادته سر
ولاجيت عندك بالصدر تحضنيني=قولي صغير ومن البروده تخدر
قالت كفى والشوق لك مبتليني=ليتك رحلت ولا بوصفي تشعر
ليت المنيه صادفتني بحيني=من قبل قلبي في هو ى الحب يبحر
وصار الوداع ودمعتي تكتويني=ودمع المفارق كسر صعب يجبر
وآخر كلامي قلت لاتتركيني=دربي وضيعته ولاعاد أذكر
يمكن ذكرت إسمي ولاني كويتي=إسمي <مشاري> والاسم ماهو مضر
من دار ابو متعب مواطن جدودي=أنتي بروحي شي صعب يتكرر
وليا رحلت لديرتي راسليني=دامي على شانك كتبة وأتشعر





اطلب ذم





.

[تركي فلاح]

الجبيهه؟؟؟؟؟
هذي جنت على أكثر الشباب الله يعين
على العموم صح لسانك
وهذا طلبك ( ذم )

مدام انك تعودتي على موت الضمير وفقدت الاحساس=أناعيب ٍ علي ألوم ششخص ٍ فاقد احساسه
أشوف بنظرت عيونك غدر ومعانق الوسواس=عجب كيف اتعجب وانتي بليس ٍ ووسواسه
يموت كليب من طعنة غدر واسبابها جساس=وانا ماني بكون كليب وانتي غدر جساسه
تعودت الخيانه والغدر ومعانق الهوجاس=وانا بيضا تعودت أمسك الخاين مع انفاسه
حذاري عند نقصاني وجرحي يطمع الهلباس=يموت وسمه بصدره ودوني ينكسر باسه
صحيح ان الذهب غالي ولكن دونه الحرااس=عجز من يطمع بنول الذهب من دون حراسه
يطير الطير بالعلي يوقع ينحرق ينداس=هو بحاله وانا بحالي وكل ٍ عارف ٍ ساسهتركـــــ فلاح ـــــي
أطلب
اعتـــــراف:sm242:

[الشقاوي]

احساس عاشق يمتلك سادس احساس !!! مير البلا من يملك احساس سابع
كثر الشقا والهم ةالحزن والياس !!! فيني وفاء من داخل الروح نابع
كلي آلم كلي وجع كلي امواس !!! أنظر طعوني من جميع المواجع
دجت البشر ياصاح من كل الاجناس !!! وناظرت كفي مستوت بالاصابع
محبكم
الشــــــــــقاوي

[احلى وعد]

صح لسانك اخوي

بس وين طلبك ؟

[الشقاوي]

حلا هلابك
اختي الكريمه من الصعب ان تبوح بحبك اذاانت معلق بين الامل واليأس
اخشى ان يكون الحب من طرف واحد
اختي الحياة لغز وحبي ايضا لقز لكن لم اجد اوفى واصدق من اتقزل بعين أمي
لحين اجد من تحل هذا اللقزمن بنات حواء
وهذي من مساجلاتي لها

انا انحرمت من البشر لذة النوم؟؟؟ شي كتبه الله وش عاد اسوي


اسري معك في عالمن كـــله غيوم؟؟؟معرف صديقي بالعرب من عدوي


قريص داب وعضني نـــــاب مسموم؟؟؟ ومن الهموم امغيمن دوم جوي

[تركي فلاح]

يالشقاوي احزنتنا الله يهديك :wsxqaz9:




وبنفس الوقت غيرت النظام علينا كنا متابعين المحاوره لكن



انشغلنا معكك ونسينا المحااوره .......:sm215:


أطلب من حلا بصفتها صاحبة الفكره ان تتابع فكرتها والا سوف

نحتج لدى مدير المنتدى:049:




والا لن نتابع مع حلا اي نشاط بعد ذلك :sm207:



وأهدي هذه البافه لمن يقرأهذا النعليق

......:wrdah:






تفبلوا عصبيتي :sma6:


تركــــ فلاح ـــــي

[احلى وعد]

الشقاوي

تسلم اخوي والله يساعدك ويهنيك

اخوي تركي

ابشر وانا اختك بنكمل المحاورة

وهذا بيت غزل عجبني

سلام يا رمش **ر باهي الخـد ** سـلام .. يـا ذابـح القلـوب الخليـة




ما بي ظمأ .. لا شك بي روح عطشان ** وما ني عليل وأن بدى سقم حالي




يا ليت ربي ما خلق .. حب وفراق ** وإلا خلق حب علـى غيـر فرقـا




أنت العذاب وكيف أنا بك اعذبك ** يامن جرحت القلب .. جرحك علاجي


اطلب مدح

[تركي فلاح]

هذا طلبك اختي حلا

هذي بيتين بأهل القريات وادري ان اليتين ماتوفيهم لكن الله يساعدني على رفعة الشان:



تفاخر يالشموخ اللي سكنت بهامة الشجعان = تفاخر دامك برووس الرجال اللي يعزونك

تفاخر واركب الصعبه وطاول عاليين الشان= مدامك تسكن قلوبٍ ٍ تموت اليوم من دونك






تركـــ فلاح ـــي




أطلب :


صدمة حبيب

[احلى وعد]

صح لسانك


طاب خاطر قلبي منِّك وهـذي الفرقـى رهـان =وحتَّى لو قلبي يحبـك ربِّـي بفراقـك يعينـه

تدري لما قلت أحبك قلت وما عنـدي ضمـان =وإختياري كان خاطىء تجربه بالحيـل شينـه

كنت تخطي وكنت أسامح مرَّه مرتيـن وثمـان =أدمح الزله عشانـك وأكتـم أنفـاس الغبينـه


الابيات منقوووله


اطلب في وصف الحبيب

[مشـــــاري]

هذا طلبك اخت حلا

صعيب حال اللي فقد صاحب لـــه=يا صعب حاله كلها هم و أحـــزان
يشوف دنيا الناس ما تبتسم لـــــه=و يحس بلوعه لو كتم سرها بــان
وين الحبيب اللي خذا الطيب كلـــه=وين العزيز وين هذاك الإنسان
وين الذي لا حدثك ما تملـــــــه=يحلى معه جو الونس وين ما كـان
وين الذي لا جيت له تعتذر لـــــــه=عن الخطا سامح وهومنك خجلان
محدن عقب ما راح يملى محلـــــه=ما غير طيفه مالي كل الأركــــــان



اطلب رثاء

[احلى وعد]

صح لسانك اخوي
هذا طلبك في رثاء رسول الله عليه افضل الصلاة والسلام

قال ابو بكر الصديق ( رضي الله عنه ) الا يا رسول الله كنت رجاءنا -وكنت بنا برا ولم تك جافيا - وكنت بنا برا رحيما وهاديا - ليبك عليك اليوم من كان باكيا - لعمرك ما ابكى لخل فقدته - ولكن لهرج بعده كان اتيا-افاطم صلى الله رب محمد -على جسد امسى بيثرب ثاويا -فدا رسول الله امي واخوتي -وعمي وابائي ونفسي وخاليا -فلو ان رب الناس ابقى نبينا -سعدنا ولكن امره كان ماضيا -عليك من الله اسلام تحية - وادخلت جنات من العدن راضيا



اطلب خيانه

[تركي فلاح]

هذا طلبك حلا
خنتني ماهو غريب انك تخون****الغريب انك معي تبقى وفي
(منقوله)







تركـــ فلاح ـــي







أطلب



حب

[احلى وعد]

سرى المفعول حبك في الضمير أن سكن في القلب ولا الكهرباء

اوكي اطلب
مدح المدير العام ونائبه
>> بتصعبهاعلى الشعراء
ههههههههههههههههههههه

[عبدالمجيد العبدلي]

( هـذا طـلـبكـ يا حـلا )

ماهو صعب يابنت مدح الرجاجيل

اللي لهم بالجود صوله وجوله

هم مثلوا للمنتدى خير تمثيل

محمد وراسي هم اللي سعووله

ونكمل الدله مع بهارة الهيل

بأعضااءه اللي نوروا لا لفووله

وأطـلـب حـكمـه

[الورده الحمراء]

قال الشاعر : زهير بن ابي سلمى

ومن يك ذا فضل فيبخل بفضله
على قومه يستغن عنه ويذمم ِ

ومن لا يذد عن حوضه بسلاحه
يهدم ومن لا يظلم الناس يظلم ِ

ومن هاب اسباب المنايا ينلنه
وان يرق اسباب السماء بسلم ِ

ومهما تكن عند امرئ من خليقة
وان خالها تخفى على الناس تعلم ِ

لسان الفتى نصف ٌ ونصف ٌفؤاده
فلم يبق الا صورة اللحم والدم ِ


أطلب ( أيضآ حكمه )

[احلى وعد]

من يهن يسهل الهوان عليه ... ما لجرح بميت إيلام
دقات قـــلب المرء قائلة له ... إن الحـــياة دقائق وثواني
ألا كل شـــيء ما خلا الله باطل ... وكل نـــعيم لا محالة زائل
إذا ساء فعل المرء ساءت ظنونه ... وصدق ما يعتاده من توهم
لعمرك ما يغني الثراء عن الفتى ... إذا حشرجت يوما وضاق بها الصدر

اطلب غزل

[الورده الحمراء]

مساء الحب يا حب يعيش ودنيته طرياك
احس انك هنا ايامي ولو ما كنت تطريني
يفوح من الزهر عطره ويبقي القلب مع ذكراك
وهج ذكراك في قلبي بعد صدك يدفيني


( مدح )

[تركي فلاح]

ابيات في مدح الرسول صلى الله عليه وسلم
-------------------------------------------------------------------------
يا طـــالباً للحُــــبّ هِم بمـحـد
ذاك هو النبع الزُلال الصافــــي
حُباً يورّثك الجنان فسيـــحـــــة
يُنجيك من كرب بلا مقـــــــداف
إعرف فضائل مصطفــــــاك فريضة
وأسكنها بالقلب الكليم الجافي
إن كنت ترضى في الحبيب تواضعـاً
فمحمدٌ نهر التواضع صافــــــي
أو كنت ترضى في الحبيب تعطّفــاً
فبعطفه أمسى الصقيع دافـــــي
إن كان يُعجبك التسامح شيمـــــة
سل أهل مكة ساعة الإنصــــــافِ
ولئن يروقــــك أن تهيـم بماجـدٍ
فالمجد صنعته بلا إسفــــــــاف


اللهم صلي وسلم على محمد


اطلب :

فخر

[جمال التويجرى]

انا ولد التويجرى والرجال افعال


حضورى يلغى الوجود كلا يعرف مكانه





اطلب



غزل

[**~الرااااسي~**]

ياللي رمتني بالغرام ونستني = حبك على قل الوصل مانسيته
ياليت كل الناس غيرك كوتني = ولا كواني بالبشر من هويته


:: فخر ::

[تركي فلاح]

من خلقت الدنيا لنا عز وامجاد=وافعال تذكر من سنين(ن) قديمه
الله خلقنا شيوخ وابطال واسياد=وكفوفنا وقت العطايا كريمه
حنا نقود الناس ماهوب ننقاد=ونقدر اللي يستحق الحشيمه
حنا ورثنا العز من عهد الاجداد= اهل الفعول الطيبه والسليمه



اطلب خيانه

[احلى وعد]

يابنـت ماكلـن لقـى ماتمـنـاه=والحض ماعمره حضر قبل اوانـه
ودعت حبك مابقـى غيـر ذكـراه=حب(ن) تغـذى بالوفـا والامانـه

اطلب

غدر

[الورده الحمراء]

لافارقت شمس المساء حـد الآفـاق
وعين المعنا بيـن خـوف ورقابـه
واقفى الشعاع ومابقي غير الاشفاق
فـي منظـرٍ يغلـب عليـه الكآبـه
اشتاق لاشفته الى وقـت الاشـراق
ما ابغى ظلام الليـل يسـدل ثيابـه
ما نيب لا هايـم ولا نيـب عشـاق
ولاني مثـل ماقيـل مغـرم صبابـه
ولانيب اقاسي بعد داري والافـراق
ولانيـب مظلـومٍ تزايـد عـذابـه
لا شك جرحٍ قـد تمكـن بالاعمـاق
هـاض القصيـد وساقنـي للكتابـه
فكرٍ مسمـم وإيـد قاتـل و بـواق
وكلبٍ غرس في ظهر الامـه نيابـه
الشلة اللي سلمهـا قتـل وازهـاق
وتحيا على هـدم السـلام وخرابـه
نوماسهـا كـذبٍ وتزويـر ونفـاق
تحزمـت بابليـس محـزم ولابــه
تلبسـت بالـديـن لـبـسٍ ولا لاق
تكسـب ذنـوب وتدعيهـا مثـابـه
خفاش ليلٍ يشتغـل خلـف الارواق
مصـاص دمٍ والصفـات اتشـابـه
من هو تبع نفسه وفي شورها انساق
خطـاه يكبـر ويتلاشـى صـوابـه
ياكم صغيرٍ من حلـى نومتـه فـاق
على بكى الجيـران وابكـا القرابـه
قام وتبسـم وانتفـض مابعـد ذاق
لقمه يـدور ويـن جمعـة صحابـه
لعب وتونس لين ماأعيـاه الارهـاق
ثم التفـت فـأمـه بنظـرة غرابـه
وعيون متعجـب وفاقـد ومشتـاق
كنـه يقـول بنظرتـه ويـن بابـه
وحزة سألها كأن رحب الفضاء ضاق
وتحير باطـراف اللسـان الاجابـه
ويجاوبه دمـعٍ غلـى الخـد دفـاق
ابـوك راح الله يعـوض شبـابـه
مستشهدٍ ما ارتاح حتـى انـه أراق
دمـه فـداءٍ للـوطـن ولتـرابـه
ياجنودنـا لا يهزكـم كـل نـعـاق
ما عمر نبح الكلب ضـر السحابـه
سيف الغدر لو طال ماناش الاعنـاق
يفنى ذليـل وفـي جفيـر المهابـه



( نصيحه )

[تركي فلاح]

الورده الحمراء
هذا طلبك خيتو
يقول الإمام الشافعى

إذا شئت أن تحــيا سليمــا من الأذى = وحظك موفور وعرضــك صـين
لســانك لا تذكــر به عــورة امــرئ =فـكلك عـورات وللنـاس ألســن
وعينــك إن أبـدت إليك مساويئاً = فصنها وقل ، يا عين للناس أعين
وعاشر بمعروف وسامح من اعتدى = وفارق ولكن بالتى هى أحــسن
أطلب : رثــــــاء

[الورده الحمراء]

صح لسااانكـ اخوى تركي

وهذاا طلبكـ

رثاااء بالشيخ زااايد

اعنف خبـر تداولتـه المحطـات
موت الزعيم اللي فراقه خسـاره
ونت قلوب وهلت دموع بسكـات
والحزن ولع في المعاليق نـاره
هيهات لو ننعاك يا شيخ هيهـات
حكم القدر محدن يغيـر مسـاره
مرحوم ياراع الفعول الحميـدات
شيخ الشيوخ اللي رفيعٍ وقـاره
شيخٍ شهر صيته بفعل الجمـالات
كم من ضعيفٍ من عناه استجاره
نفحات جوده والمكـارم كثيـرات
غيث البعيد وغيـث جـاره وداره
هداج تيما في الليال الشحيحـات
نفحات جوده مرتجلهـا شطـاره
تبكي عليه المملكـه والامـارات
وكل الشعوب امست بطعم المراره
موته خساره والضوامي محيمات
ما كل اميـرٍ يستحـق الا مـاره
ابو خليفه كاسب الجـود بالـذات
رمز المروه والكـرم والنعـاره
ندعو له الغفران في كل الوقـات
يارب اجـره بعزتـه وانتصـاره

[الورده الحمراء]

>> نسيت اطلب

أطلب

( غزل )

[تركي فلاح]

صح لسانك خيتو

هذا طلبك

اروع ما قيل في الغزل لشاعر الغزل .. بشار بن برد



وذات دل كان البدر صورتها =باتت تغني عميد القلب سكــــرانا

ان العيون التي في طرفها حور=قتلننا ثم لم يحييـــنا قتلانا

يا قوم اذني لبعض الحي عاشقة=والاذن تعشق قبل العين احيانا



أطلب/ ذم

[احلى وعد]

رُتب لهم حُطتْ فمــــا رُفعتْ **** حُرموا فما نالوا الـــــذي طلبُوا

عَطَب بهم أودى فمــــا سلموا **** خُلقٌ لهم تمّتْ ومـــــــــا وهبُوا

كَسَبوا فما شيمٌ لــــهم حُمــدتْ **** كَسَدوا فما نرضى الذي جَلبُوا



اطلب رثاء

[تركي فلاح]

هذا طلبك خيتوه

رثاء ابن لأمه .
--------------------------------------------------------------------------------
يواسيني وانا الميت وحالي يجبر الدمعات.......تسيل من الذي
فيني ويبكي وهو يواسيني
وانا ابكي واتنهد وارسم بالحزن لوحات.........يجبروني عشان
امشي ورجلي ما تمشيني
قتلت رعايتي بيدي قتلت الحب والرحمات........حرمت النفس من
حقها وانا ابكيها وتبكيني
وكنه حلم قدامي يقيدني من الصرخات.........ابي اصحى ولكني
عجزت القى ال يصحيني
فداك القلب يايمه ومهما قلت من كلمات.........صغيره في كبر حقك بس
اتمنى تعذريني
نهبت الفرح من بيتي صحيح اني خسيس الذات.....صحيح اني ولد طايش
وكل ما أسمعه فيني
تجول عيونهم فيني تفصل مني قياسات........وتشيح وجوههم عني
وكني غيرت ديني
يظنوا حزنهم اكبر وهم اصحاب هالمأساة........وانا اتحدى اذا فيهم
ربع ما يحترق فيني
نقص قدري بعد موتك وغابت نشوة اللذات.........وصار الهم عكازي
اباكيه ويباكيني
عطيتيني بدون حساب ولا سمعتك تقولي هات......وانا اشرب حيل من
دمك ودمك ما يكفيني
يايمه ارجعي كافي ابجلس معك لو لحظات...........واقبل ايدك ورجلك
وافرش لك رمش عيني
يايمه ما تحملهم يقولوا فات ما قد مات..........تعالي غيري هالقول
واطيعك باقي سنيني
واترك عادة التدخين وانفذ ما تبي بسكات........واصلي الفجر في
المسجد قبل منتي تصحيني
يايمه ارجعي تكفين وطفي شمعة الآهات.......ابيك انتي ولا غيرك
على موتك تعزيني
وضميني وداويني مثل ما كانت الهقوات........ ما ابي احدن يواسيني
ابيك انتي تواسيني
دخيلك بس لا تبكي اذا شفتي بي الدمعات.......... انا مقوى
ابكيك اذا انتي تبكيني ..
اطلب
مدح

[احلى وعد]

من بغى يعرف سوالف ما خفى

عن طبيعة خالق الكون العظيم

ينشد اللي من ديار أبها لفى

ويعرف أخبار بها فكرك يهيم

إن وصلت جبالها صابك شفى

من لهيب الصيف تمسي في نعيم

إن بدت لك شمسها صابك وفى

وإن بدا لك غيمها جاك النسيم

وان هقيت الغيم من بعده صفا

هل رذراذ المطر من وسط غيم

وإن هقيت الغيم روح واختفا

عادت مزون لها البارق نديم

ودايم السيف بغلاها ما جفا

ما سأل في عرسها كاف وميم

أشهد انه في حقوق أبها وفى

بالمصايف ما لها ند وخصيم

وكل ما قلنا من الرحلة كفى

زاد شوق القلب في صنع الكريم

منقووووله

اطلب


خيااانه

[الورده الحمراء]

هذا طلبك حلااا


ياللي زعلت ازعل ولاني مراضيك \\\\ اشرب كدر ماي البحر كانه ارضاك

لا تحسب اني عقب صدك بداريك \\\\ بعز نفسي عنك ماادراك مادراك

اربع سنين انا متحمل تغليــــــــك \\\\ راضي بتعذيبك لجل قلبن اغلاك

وخليتني واليوم والله لخليـــــــــك \\\\ وادوس قلبي لينه يقول خلاك

قبل توريني الحساير بوريـــــــــــك \\\\ ليما يقال فلان هانـــــــــــك ووراك

كانك تحداني فانا اقبل تحديـــك \\\\ وانسى الغرام اللي مضى واتحداك

مانيب قايلك عسى الله يهنيك \\\\ الله يحرمك كل ما كان هنـــــــــــاك

عسى العمى ياخاين العهد يعميك \\\\ فوق الغرور اللي عن الماضي اعماك

وعساك ما تسمع قريبن يناديك \\\\ حيثك تجاهل صوت محروم ناداك

وعسى الشلل يعوق رجل تمشيك \\\\ لينك تندم ليش غيرت ممشاك

وعسى حياتك بس فرحه لشانيك \\\\ يلقى بها الفرصه عدوك ويشناك

وعسى الليال اللي تجيني بطاريك \\\\ يصبح عليها الصبح وتموت طرياك

وعسى المنام وكل راحه تجافيك \\\\ امين حتى اللي تمناه يجفــــــاك

وعساك ما تفرح وتكثر بلاويك \\\\\ وامك تشق الجيب من عظم بلواك

ولا مت جعلك في جهنم تصاليك \\\\ نار الجحيم ونار دنياك تصـــلاك

الله يكره فيك حتى دوانيك \\\\ غشاش خاين من من الناس داناك

هذي النهايه روح والله يجازيك \\\\ امسك ويومك عنهم الغد يجزاك


( مدح )

[تركي فلاح]

صح لسانك اختي ورده

وهذا طلبك ولكن اريد ان اضيف ان هذه الابيات قصيدة شعرية

عجيبة، نظمها إسماعيل بن أبي بكر المقري ـ رحمه الله ـ والعجيب فيها أنك عندما تقرأها من اليمين إلى اليسار تكون مدحا، وعندما تقرأها من اليسار إلى اليمين تكون ذما.


وإليكم بعضا من هذه القصيدة

من اليمين إلى اليسار ... في المدح

طلبوا الذي نالوا فما حُرمــــوا **** رُفعتْ فما حُطتْ لهـــم رُتبُ

وهَبوا ومـا تمّتْ لــهم خُلــــــقُ **** سلموا فما أودى بهـــم عطَبُ

جلبوا الذي نرضى فما كَسَدوا **** حُمدتْ لهم شيمُ فــمـــا كَسَبوا

من اليسار إلى اليمين ... في الذم



رُتب لهم حُطتْ فمــــا رُفعتْ **** حُرموا فما نالوا الـــــذي طلبُوا

عَطَب بهم أودى فمــــا سلموا **** خُلقٌ لهم تمّتْ ومـــــــــا وهبُوا

كَسَبوا فما شيمٌ لــــهم حُمــدتْ **** كَسَدوا فما نرضى الذي جَلبُوا


أطلب

غـــــــــزل

[الورده الحمراء]

بالفعل عجيبه وراائعهـ

سلمت يمنااك

"
.

من اشعار سليمان ابن شريم

سرا البارق اللي له زمانين ما سرا * صدوق المخايل بارقه يجذب الساري
على فرعة الوادي وسيله تحدرا ** وغنت طيور الماء على حاير الجاري
مر بي غزال ٍ بعد عرفه تنكرا ** عليه الله اكبر كل ما حل له طاري
نطحني بقرض الهيل حدر المشجرا * جميل المحاسن لا ظخيمٍ ولا عاري
ارى سلت العاتق الى صد ما درا * مثل سلت العرجون في صافح الذاري
ابو لبةٍ مثل القمر ضاح وأسفرا ** الى غابت القمرا تقدابه الساري
صويب الهوى مسكين مشيه على ورا * ترى النقص فيه وحيله أقوى من الضاري
برى الجرح منه ومني الجرح ما برا * وهو يحسب اني يوم طال المدى باري


( عتاب )

[احلى وعد]

خطاي اني وفيت وماعرفت العب على الحبلين=خطـــــــاي اني اذا حبيت احب بكـــــل مافيني

نعم بــــــاقي من عيوني لعيونك الف دين و دين=لو اجمعها جروح النــــــاس بقلبي ما تكفيني

على كثر العيون اللي ضحكتلي ما بكتلي عين=بكيــــت ولا لقيــــت لدمعتي عين تواسيــــني



اطلب

فراق

[تركي فلاح]

صح لسانكم جميع



وهذا طلبك حلا


--------------------------------------------------------------------------------


الله يوفق مثلك الله يخليه.
........................كانك نويت الصد والهجر وياه
غالي ولك بالقلب شي ومخفيه
.......................اكبر من اللي بالضماير تهقواه
في غيبتك قلبي ترى الهم صاليه
......................واسهرت ليلي بين ونه وويلاه
البارحه طيفك مع الليل احاكيه
......................يشهد علي الليل والنجم يصغاه
فكرت ويا الليل مبدع قوافيه.
.................. ...مسحوب طرقي والقوافي تقفاه
والحزن فوق القلب والهم مقفيه
...................و ليلي غدا ليلين والصبر مقواه
اكتب شطروالشطر الاخر نجاريه
........................شاعر تحد ه والليالي توطاه
اجزل بيوت الشعر وحكم معانيه
......................ولا هزيل القاف واضح ثناياه
ياللي حرقت القلب منهو يطفيه
.....................النار نار ٍ تتعب القلب واحشاه
يا مانسيت اللي من الناس نغليه
........................ولاعاد به شي ليا حل طرياه
استر عيوب الناس والطيب ابديه.
...................وش خانت اللي ماسترعيب رفقاه
امسٍ وقبل البارح القلب اهنيه.
......................امسي مع الفرحه وصبّح بفرحاه
في شوفتك افرح مع اللحن اغنيه
.........................وطيفك يسلي كل طرقٍ بمغناه
قلبي كثير اللي من الناس ترجيه
......................وانا الذي قلبك من الناس يرجاه
لاتحسب ان الصد صعبٍ تحديه
.......................ترى الزمن يشكي ومثلي تحداه
انشد وتلقى الليل تقصر مساريه
.................صدر الزمن يشكي من اقصاه ودناه
راحت هجوسك مبعده في هقاويه
.....................انشد جبال اطويق واللي ترقاه
تلقى زمانك قاصرات ٍ لياليه
.....................هذا الصحيح وتدمع العين فرقاه
وانت الذي لاضاق صدره نراضيه
...................نتعب على شانه على شان نرضاه
ولا انت تدري من زعل عيب اصافيه
.....................يادارس اطبوع المشاعر وتدراه
يا ما لقيتك تشكي الهم تشكيه
..................وجهك عبوسٍ تشكي الحظ برداه
ياللي خذيت القلب وشعادكم فيه
....................رده ترى قلب العنا وافي اشقاه
ارفق بقلب هالليالي تفاجيه
.........................يابو ثمانٍ مرهفاتٍ مصفاه
انا عشقت وعشقي محدٍ يظاهيه
................جيتك على الفطره وذ القلب يغشاه
احساس من قمة شعورٍ وطريه
...................عليك ياللي ناسي القلب تنساه
في كفي سيفٍ للعواذيل مرهيه
................وفي صدري درعٍ لسهوم المصلاه
ياقلبي الليله على وادي التيه
...................جريت ونه والف ونه من الأه
اسمع صدى صوت المعنا بتاليه
....................اضحك واقول الله يعين الذي تاه
والحق انا اللي تايهٍ في دواهيه
.......................مجراك نار تكوي القلب تكواه
باغيه قلبي والمشاعر تناديه
........................قلبي عشق قلبه مع الليل ناداه
يفداك منهو يجمع اريال وجنيه
.........................يفداه وجه الطيب والعز يفداه
مثل البواخر لا رست في مراسيه
...................حبك رسا صبح ومسا ابكل مرساه
بين الظلوع الحدب حبه ابنيه
....................واكتب عليه من الغلا شي يزهاه
لكنّ كيف القلب هذا امتناسيه
...................ياصرح مدري جرح ياجرح ودواه
يمكن صواديف الليالي تحاديه.
...........................ولاّ تغلا والغلا في مزاياه
لكنّ قلبي ماصبر ليل مشقيه.
.......................دنت هجوسي والبلا في محاتاه
همٍ على قلبي وهمٍ يباريه
...................... .ولا جروح القلب صعبه تبراه
البارحه قلبي من اللي يداويه
.......................ياكود وجهٍ يبري الجرح ملفاه
حامت شياطين الشعرمن بلاويه
...................وسرحت في عالم صعيبٍ بمسراه
هلّت دموع العين هلّت غواديه.
.....................على الذي قلبي من الناس بداه
اكتب حسين القاف وارجع ومحيه
.......................جف القلم حبره ولا نافعٍ ماه
شطرٍ نهليبه وشطرٍ نحييه
..................وشطرٍ على ماقيل ملعون مثواه
هذا حبيب ولا عليّه مشاريه
...................عشره قديمه والحكي توّ معناه
ترى الوفا والطيب حق ٍموّفيه
......................ترى الغلا والحب حق موّفاه
من باعني بعته وتقصر خطاويه
................مدعي عليه ادعي عسى الله يرعاه
لا ياندي العرض هذي تواصيه
.................ابوي انا اللي وافي الهرج بوصاه
وانا الذي من يشري القلب شاريه
.......................هذا محله قلبي واسعد بلقياه
اقلّطه في صدر قلبي وهلّيه
..................ارحب هلا واهلاٍ وننحر له الشاه
ونقدّم الفنجال والهيل حاليه
...................اشقر مقره من ورى الهند مجناه
يعني انتهى المشوار لاباس ياهيه
.................خمسين بيتٍ شاعر الجن سواه
وخمسين بيتٍ تقفي اللي مسويه
..............مسرج خيول الجن واهجيك بحكاه
من قدّم الطيبه نرفّع معاليه.
..................ومن قدّم السيّه مع الدرب دسناه
ادعيك من قلبي وانا الغير مدعيه
.................مشتاق انا والشوق وشلون ابنهاه
في داخلي حربٍ من الشوق مذيه
..................والصبر طعمه مر وكيف اتحلواه
من لايعرف الحر لاشك يشويه
.............اخطيت في حقي وانا ارجيك رجواه
انا الذي منهو رقا فوق اوطيه
........................عليك ياللي كل رجمٍ تعلاه
لا تحسب اني بسهر الليل مقضيه
...................جاتك مثايل وفهم القول وقراه
قبل امس احبه وفتخر في تلاقيه
.................واليوم هذا مثلي صرّح كرهناه
الخط الاحمر ليه نفسك تعديه
.....................قد قلت الك ومحذّرك لا تعداه
رادي ومثلي لاحشى ما ترديه.
..................درب الردى لارحم منهو تمشاه
كان الغدر ميزه وتفخر بتاليه
......................الله يعينك تالي الوقت عزاه
تصبح مابين الناس محدٍ يدانيه
.................قبلك صفق يمناه في كف يسراه
الرادي اللي يمشي محدٍ يراعيه
...................هذي حياتك باخر الوقت وتلاه
ياللي تقول الحب وافي ومرخيه.
.................حبل الوفا تقصره وشلون ترخاه
الحر لامن فز يكفخ جناحيه
..................انا عزيز النفس واللي ورثناه
المرجله والطيب لازم نقديه
....................ماني شحيحٍ تايه ارداه برداه
واليوم ياوجهٍ بدا فيه وشفيه
.....................الاّ عرفت القلب هذا ومرضاه
لا يالذي قلبك من الغدر تحشيه
....................هذا وانا مهجيه وذكر حلاياه
.لكن علي الله ماعاد انا ارجيه
....................في رجعته همٍ ولا عاد نبغاه
فيه البقا واللي حلاته نعزيه
......................اقولها من بعد هذا عرفناه
يرثيه وقت الحب والحال ترثيه
....................كم واحدٍ قبلك ترانا رثيناه
هذاك غالي والله اللي متوفيه
..............ولاانت لا مثله ولا وجيت شرواه
يشهد له التاريخ حضر وبواديه
.............يرحمك ياللي وافي الطيب والجاه
ونتي بديتي بالغدر من مواريه.
...............عمر الغدر شاين ولو زان مرباه
درب العنا ياللي نويتي مساعيه.
...................خايب وظنك ضايع ابكل مسعاه
فيك الغدروافي على كل اراضيه
.................ثوب الغدر ما والله يومٍ لبسناه
بأسم من انزل محمد وحاميه
....................الواحد القهار ربٍ عبدناه
ماني على صدك ترى القلب اعنيه.
................وشعاد يعني لو مثلك هجرناه
القلب يسلا مع هل الطيب اسليه
..............عندك خبر كلٍ على كيف مشهاه
اقفت ليال الحب واقفت لياليه
..............والشوق روّح لاترجى وتنصاه
اطغيت حتى القلب بالغدر معميه
..............الصبح لك قلبٍ مع الحب يهواه
والليل لك قلبٍ من الغدر ماليه
.............كنت الامل والنفس مثلك تحراه
ماني صغير السن مثلك يخطيه
..............اخطيت ياللي كل شيٍ تخطاه
اللي رقا للخير ربي يجازيه
..............جعله بخير وراعي الطيب حياه
واللي يحب الشر منهو يخاويه
...............ياكود مثل الطبع لاشك خاواه
العقل راس المال وشلون اقديه
.............في ذكر ربٍ عالي الناس تخشاه
جفت عروق القلب جفت خباريه
...............لاتحسب ان الحر مثلي تشواه
حرٍ وفي وصفه طوالٍ مواميه
...............انا عريب الجد ياضايع اجداه
اخطيت في قلبي على الكيف مهديه
.............انا اشهد اني ظالم القلب وسقاه
اسقاه من ظيم الليالي ومسقيه
..................همٍ وكل همٍ موفّي زواياه
الصدر لا من ضاق بالقاف اواسيه.
..............شاعر وومّر كل شطرٍ كتبناه
اكتب حروف الشعر من كيفي ووفيه
..............والشعر وهبه والعفو ماشريناه
وغيري كثير الناس لشعر تنخيه
............الناس واجد ياهل العرف تنخاه
لامن كتب بيتٍ تعزوا بعزاويه
...............مسكين ياللي كل شطرٍ تبناه
وانا احمد الله كل شطرٍ موازيه
...............لاطاح شطرٍ قام خيّه توازاه
العقل وافي واحمدلله مكسيه
............بالطيب والمعروف حنا كسيناه
حاضر بحاضر ياهل الحسد اسويه
..........والموت حقٍ يحصد العمر يفناه
متين شطرٍ وافي العرف محصيه
.........ساعه وثلث الطرق حنا بدعناه
وختم قصيدي عد ماهب ذاريه
.........على النبي اللي طريقه مشيناه



تقبلو شكري...


أطلب حكمه

[الورده الحمراء]

صح لسااانكـ أخوى تركي

"
.

وهذاا طلبكـ

إذا حار أمرك في معنيين.... ولم تدرِ أين الخطا والصواب
فخالف هواك فإن الهوى.... يقود النفوس إلى ما يعاب


( فخر )

[عبدالمجيد العبدلي]

هذا الزمن مايصفالنا كله= لابد فيه نذوق من مر الأيام
لو يملك ابن آدم تصاريف حله = تنتاب في نفسه هواجيس وآلام
والحرر مايسكت حشا لأي ذله = طبع وغريزة جد وجدود(ن)قدام
العبدلي هيبه ليا قيل عبدله= تفزز منه قلوب وترجف له اقدام
حياتنا متواضعه ومستهله = والطير الوفا من بيننا دوم حوام
وفنجالنا دايم على بوز دله= ونكرم ولو بالحال نقصان وعدام
وختامها باللي يغفر كل زله= يالله عسانا دايم الدوم قدام

( كيبووورديه )

وأطلب مدح لقبيلة عنززه ولاهاان غيرهم

[مشـــــاري]

العبدلي

اعذرني من القصور هذا ماعندي
وانتم قبيله غنيه عن الشعر والمدح

أولاد وائـل نـعـم والله قبيـلـه
أهـل الفعايـل والعمـوق الاصيلـه
منهـم ملـوك يكسبـون ا لنفيـلـه
اسم(عنزه) في قمة المجـد عنـوان


اطلب شعر عن عزة النفس

[عبدالمجيد العبدلي]

وهذا طلبكـ يا مشااااري :

عـز الطلب عندك وعزيت نفسي *** ينعاف شي (ن) له تكرر خضوعي

لاصرت ترفض مطلبي ماتحسي *** في حاجتي لك ليه ازود وجوعي

كان انت ودك ياعشيري بعمسي *** حب النكد مايقبلنه طبووعي
وأطـلـب : حكمــة

[احلى وعد]

الناس تفنى والمباني والاملاك=والقول يبقى والخبر للتوالي

الشعر معنى حكمته بعد الادراك=وما كل يلمع على النور غالي

والشعر صور شاعر فيه تلقاك=اما لبس لك جوخ ولا سمالي


اطلب ابيات عن ( الغزل )

[تركي فلاح]

صح لسانك حلا ..


وهذا طلبك :


أصعب عذاب الشوق لاصار صامت***** مثل الطفل يفهم ولا يعرف يبوح



أطلب فراق

[شتى]

لله يعين الروح .. كم هي تمنى

...... شوف الحبايب ساعةٍ عقب حرمان

والله يجازي اللي بلطفه هدنا

........ وقتٍِ تبدل وأبدل الوصل هجران

أقفى ربيع الحب .. وأدهر وطنا

.... وشوك الثرى دسناه في درب الأحزان

خاط القدر بسلوك حكمه كفنا

....... وإلى حكم وش ياترى بيد الإنسان

حنا ضحايا الياس .. نرجي زمنا

.............. ينظر لنا لو يوم لله بإحسان

[تركي فلاح]

شتى
مادري وش طلبك لكن بعطيك على ذوقي

تمردي يادمعتي علميني = كيف التعب في غمرة الشوق ينعاد
دامك سكنتي بين جرحي وبيني = لا تسرفي قربك من الجرح يزداد
نفس المكان اليوم بعثر حنيني = نفس الزمان وخالق الناس شهاد
سود السنين اللي غدت تحتريني = كنها على الونه تجرعني الزاد
أطلب : افضل قصيده قرأتها( قرأتيها)

[الورده الحمراء]

قصيدهـ للشاااعر الامير :سعد آل سعود

أنا ما عيش معك الحب .. أعيش الحب كله فيك

أنا وإن كنت عنك بعيد .. لكن معك وأحياااا بك


تعيش بكل أحاسيسي وتفكيري وأعيش أغليك

تحسد الحب لو تسمع حديث الروح بغيااااابك


تزااحم فالخفوق قلوب يسري نبضهااا بيديك

أنا كيف أختصر فيك الشعور بحضرة أحبابك


سكنت أرض الغياب وكل سيرة للوفا ترويك

عيونك موطن وغربه .. عيونك موطن أغرابك


أحبك لو تسافر بي على درب التعب وأمشيك

حبيبي في زمان البعد قلبي أصدق أصحااابك


أحبك جرح مايبرى عسى بعض الألم يرضيك

ولون بالرضى عيني وأسيل دمعة عتااااابك


حبيبي في ظلام الشوق كل النور مايضويك

انا صفحاتك البيضاء وأنا أصدق حرف بكتابك


فرشت العمر لأيامك أسابق ليلتي وأجــــــيك

وعرفت أن الغلا خطوه وأنا واقف على بابك


جفون الغيم لو تمطر دريت أن الثرى ظاميك

ودريتي أني بلا موعد زرعت الحلم بأهدابك



أطلب ( عتاب )

[تركي فلاح]

هذا طلبك ورده ,,,,




لا ياحبيبي ليه عني تخليت = ماتدري ان الوقت والناس ضدي

خليتني ياروح روحي ولا جيت= ياكيف روحي عقب صوتك تردي

أنا اشهد اني عقب خبرك ترديت= والحيل عقبك ياحياتي مهدي

ناديت لك بالصوت ياليتك أوحيت= لو كنت ناديت أطرش ٍ كان لدي



أطلب : مدح

[شمالي ومايل عقالي]

«®°·.¸.•°°·.¸¸.•°°·.¸.•°®»السلام عليكم وخذ اول مشاركه لي بمنتدي القريات وبدون توقيع بعد


قولي تخلف قـــولي إنسان معتوه ...قولي على كيفك مثل ماتقـوليـن
لكن انا باقــول انا إنسان ربوه ....ناسٍ على حفظ المشاعـر حريصين
انا الصغير اللي على العز ربوه...على الشرف يا بنت حنا مربين
أنتي تربيتي على الدُش ياهوه ...عالم خيال وزيف وسطه تعيشين
تقليد اعمى حيل غامض ومشبوه..متأثرة بأفـلام يسرى وشيرين
أطلب فخــر واعتــزاز بالقبيـــله

«®°·.¸.•°°·.¸¸.•°°·.¸.•°®»

[مزيونة القصيد]

خلووووووووووووووووها




واقول





ناس تجي ارواح وقلوب ووجوه
وماحد على اطباعه تحط العناوين
الله خلق خلقه حكيم ومعتوه
والمسعد الي لاغلط قال غلطان
وياشين منهو وسط دنياه مكروه
لو يقتل كل الناس ماهو بندمان
والحر لو ربعه على الشر حدوه
يرفع قوارب نجاتهم وهو غرقان
وبيرق بني وايل على الطيب رزوه
منهو نصاهم ماخسر دوم كسبان


وسلامتكم محاوله سريعه ان شالله تجد صداها




واطلب ابيات عن الخيانه

[مزيونة القصيد]

وين الناس ؟؟؟

[سفير الشمال]

قالو مدح قلت امدح الي خلق كون=اللي خلق هالكون بالخير عمه
ومن بعدها مافيه في قولي اجنون=لعيون ابو متعب قصيدي بتمه
صقر العرب ترخص إلشآنه إعيون=وعمي عيون الي يحاول يذمه
سفير له فدوه عهعدي لو اخون=عساي في بيرن بعيدن مجمه
قلته انا في قاف صافي وموزون=في مدح رجلن ودي بيوم اضمه


عشاني ماحب في هل كون اكثر من حبي امي

الي بعدي .. عن (آلإم)


تقبلو تحياتي اخوكم..سفير الشمال..

[سفير الشمال]

قالو مدح قلت امدح الي خلق كون=اللي خلق هالكون بالخير عمه
ومن بعدها مافيه في قولي اجنون=لعيون ابو متعب قصيدي بتمه
صقر العرب ترخص إلشآنه إعيون=وعمي عيون الي يحاول يذمه
سفير له فدوه عهعدي لو اخون=عساي في بيرن بعيدن مجمه
قلته انا في قاف صافي وموزون=في مدح رجلن ودي بيوم اضمه


عشاني ماحب في هل كون اكثر من حبي امي

الي بعدي .. عن (آلإم)


تقبلو تحياتي اخوكم..سفير الشمال..


وش فيكم مافيش حد بيرد ولا الموضوع قديم وانا جيت جديد من الباب ابي العب معكم ؟

هههههههههههههه

المهم نحاول نجدد الموضوع ياليت تلاعبوني عشان امي تقول لاعبوني معكم :n200680:

تحياتي وخالص تقديري لكل من مر من هنا