يمـــــــــــــــــة مريولي توسخ!!

[بنتـ ابو متعبـ]

اتمنى تعجبكم لانها حييييييييييل اعجبتني

واثرت فيني شي مو طبيعي تخلي القاسي يلين

وهالله هالله بالردود اشوف مين تاثر مثلي




يـــمـــه ..

تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟


يــمـــه ...
أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!


يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..


يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح



يمه مريلولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...

يمـه عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا

يــمــه
يالله خلاص لاتمزحي
يالله قومي
تعالي معي للبيت ارجعي



يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...


يمممه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..

أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي ..


وسلامتكم

انشالله ياربي تكوون مع كل بنت عايشه هالموقف

بنتـ ابو متعبـ

[عابر الشوق]

السلام عليكم

بنت ابو متعب

كلمات في غاية الالم

في غاية الحزن

في غاية الشعور بفقدان الحنية

مادري وش اكتب ووش اقول من جد حاولت اجمع لها حروف

ارتب الكلمات

تتلاشى مني

ماقدرت اركز على كلمة وحده اجاري فيها الموقف

كلمات تخلي الواحد يعيش الموقف حتى لو مامر فيها فكيف شخص مر بالموقف

اعذريني على عدم الرد

ومشكورة على الخاطرة الرائعه

[الكاسـر]

فعـــــلا خـاطــرهـ مـؤثــرهـ ومحــزنــــهـ

وتخلـــي قلــب القاســي يليـن إذا قرأهـا

خاطــرهـ تدمــع لهــــا العيـــن وينفطــر لهــا الفؤاد

معبــــرهـ وتعبــر عــن كــل طفلهـ فقــدت والدتهـــا منـذ الصغــر

الواحــد مايـدري وش يقــول عند سمــاعهــا من شــدة التأثــر

يعطيكـ العافيهـ بنتـ ابو متعبـ

وطولتـي الغيبــهـ وأهــلا بعودتكـ

تحياتي لكـِ

[همسات]

ما شاء الله عليك خاطره رائعه

[سلطان زمانه]

يمه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..

أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي ..


أمنيات وأحلام طفله بريئه ...

تغص الكلمات ..

فلا نقدر على الرد ... او حتى الهمس ...

وتغرق العيون في بحر الدموع ...

فتختلط العبرات ...

ويخيم ظلام السكون علينا ...

فنعجز عن التعبير ...

الا بقول ...

لاحولا ولا قوة الابالله العظيم ...


لايسعني الا أن اقول سلمت يمينك ...

وتقبلي تحياتي المعطره ...


http://www.moq3.com/img/uploads/xh523364.gif

[دمع الوفاء]

تسلمين يااقلبي خااطره راائعه منك

دمعت عيووني واناا اقرااء احسااس كل معنى ووكلمه ..


تقبلي مروري



دمع الوفاء

[Gentelman]

خاطرة رائعة ,,,,,,,,,, سلمت يداكي بنت أبو متعب

[فجر]

الخــــاطره جميله ومولعهـ


تسلم يمينك على نقلها .. ذويقه صراحهـ :)


ودمتي بفرح

[بنتـ ابو متعبـ]

يعطيكم العافيه الوفى طبعي / الكاسر

سلطان زمانه / وجنتل مان

يشرفني تواجدكم بصفحتي وهذا ان دل

دل على اذواقكم الروووعهـ وحنية قلوبكم

يعطيكم العافية

[بنتـ ابو متعبـ]

هلا فيكم بنات همسات / دمع الوفا

فجوووره هذا يدل انكم بنات حساسات

هههههههه لكن حلوه منكم يعطيكم العافيه

[عابر الشوق]

غاليتي بنت ابو متعب

لقد عدت هنا مجدداَ

لارتشف من عبارات الخاطرة


وارتوي من حروفها المأسورة

دائما ما اجد نفسي هنا

بين حنياها الحائرة


عبارات صادقه

تناجي روح الضمير الغائب

الذي رحل بلا عوده

ورغم ذلك فهي لم تنسى

تتشبث بين خيوطه المهترئه

لعل زمانها يسعفها لتعود لها يوما

بنت ابو متعب


خاطرة رائعه

كتبت بحروف من ذهب

احساس صادق

وبوح مذهل انساب من ابين اناملك لينقل لنا اروع العبارات

سوف اكون هنا دوما

لامتع ناظري بجمال مانقلت اناملك

دمتي على العز