فيصل بن عسكر المهلكي
06-Jun-2007, 01:06 AM
السلام عليكم ورحمة الله وبركاته
تحيه طيبه للجميع
.
.
.
قد تكون مناسبة هذه القصيده اتت على مراحل وهذا سبب في طول القصيده
واعذروني على الاطاله والاسهاب فيها
ولكن العذر معي ان شاء الله وتجملني القصيده مع الجميع
وبدون قصور فيكم يالربع القصيده مخصوصه وتحكي عن مضمونها
ولمن هي موجهه له .
والشكر مقدما لكل من مر من هنا ووضع بصمته في هذا المتصفح المتواضع
اليكم مع التحيه الوافره
الخير سرّى وقعه قشوع وسيول = على ديار صعيب علمٍ وكادي
من مفرق ( عقاله ) على وجهتك طول = على ( بتر ) ( والعاقر ) الخير سادي
ومن ( العمود ) اليا ( الغويشه ) من وصول = ومن مقدم ( النبعه ) لــ / حدّ ( البلادي )
صيّب حيا حوّل به المزن هملول = قضّ الحشاط وسال ضلعٍ ووادي
يالله عسى خير وتربّع به سهول = وترزق عبادك ياإله العبادي
واسلم ياراسي دامك تقول وتطول = ماهمّك علوم الكذوب الربادي
اللّي رثع والناتج بــ / ليّ محصول = يشعب ركابه من جهد في جهادي
حسحوس شكل , وقطع , سيره وشملول = لابارك الله في عيال النوادي
اذا لفاني قال , ويروح , ويقول = اخبار لندن مع وكالة روادي
خلّك بعيد هناك ياحضرة الصول = واخذ الاوامر من زعيمٍ قيادي
الشعر له منهاج وسلوم واصول = ماهو بسومه في حراج ومزادي
ولاهو بسلعه تنشرى في ميني مول = وهبه من الله ياقصير الايادي
مبنى ومعنى , حرف منقوض مفتول = وزنه وقافه مانقص ثمّ زادي
سهلٍ ليا اوحيته , وصعبٍ له حمول = ولاكلّ واحد جاد فكّ الصفادي
واللي عزف شعره على " نغمة الصول " = امّا انحرف , ولاّ يعلّ الكبادي
احدن غرف من بحر والبحر مهوول = حسب اتباع الانظمه والمبادي
واحدن رثع به منعمي فيه ,, لاحووول = لاهلّت الغيمه , ولا النور بادي
والاّ يغنّي كلّ مامرّ عطبول = قلبه خضر بين الهوى والودادي
يسهر كما يسهر على البحر اسطول = وفي القايله تلقاه وسط البرادي
ينغط تقول انّه من الجوع مسلول = فصيل ريشه من طيور الهدادي
يزهم على ذولاك ولاّ على ذول = واثره لحاله في الجزيره ينادي
ماني وانا " فيصل " على الناس مسئول = ادري وابهّر دلّتي من قنادي
لكن ولي شرهه , ولي راي مصقول = اصبح مجال الشعر محدار وادي
مادام كثروا به جماهير بهلول = روَّح مراويح القطا فـ / الطرادي
لو كان باب الشعر موصد ومقفول = ماطبّه الخبل وكبار العرادي
شعّار واجد ,, تاجد وحيد مشخول = اللّي ذلوله للبعد ماتهادي
امّا البلا من كثرة العُوْر والحُوْل = اعدادهم كثر الحصى والدوادي
اقوله وكلّن على سلمه يقول = هذا حسب ظنّي وحسب اعتقادي
يابو .... اهلاً وسهلاً مسا الفُوْل = كيفه مزاجك ؟ ياعسى البال هادي
ياصاحبي والعلم ماهو بــ / معقول = يومين قدّام التلفزون غادي
في الشات , شات الله عدوّك يابا الهول = وش مستفيد من الجدل والعنادي
ترسل على ساره , وترسل على امّول = وانته مولِّع مثل قدح الزنادي
خويّك الجوّال , محفول مكفول = وتموت لاحان الوعد بالسدادي
تنقز مع الدبكه ,, وترقص على اليول = والله لو انّك في سنين المهادي
وان عوّرك راسك بلعت البنادول = مسكين ياراسٍ شكى من سهادي
يومك دبلت اللعب , واللعب مدبول = الله فرق بين الشحم والزبادي
ماني غبي واطرد ورى كلّ مجمول = ولاني مع العالم , كمالة عدادي
اعرف اميّز بين صاحين , وخبول = ماطير في العجّه وازيد التمادي
وان كانك ملزّم ,, وحاللبك الحول = ذلولك فــ / يوم المضحّى تقادي
وسلامتكم
وآسف على الاطاله
تحيه طيبه للجميع
.
.
.
قد تكون مناسبة هذه القصيده اتت على مراحل وهذا سبب في طول القصيده
واعذروني على الاطاله والاسهاب فيها
ولكن العذر معي ان شاء الله وتجملني القصيده مع الجميع
وبدون قصور فيكم يالربع القصيده مخصوصه وتحكي عن مضمونها
ولمن هي موجهه له .
والشكر مقدما لكل من مر من هنا ووضع بصمته في هذا المتصفح المتواضع
اليكم مع التحيه الوافره
الخير سرّى وقعه قشوع وسيول = على ديار صعيب علمٍ وكادي
من مفرق ( عقاله ) على وجهتك طول = على ( بتر ) ( والعاقر ) الخير سادي
ومن ( العمود ) اليا ( الغويشه ) من وصول = ومن مقدم ( النبعه ) لــ / حدّ ( البلادي )
صيّب حيا حوّل به المزن هملول = قضّ الحشاط وسال ضلعٍ ووادي
يالله عسى خير وتربّع به سهول = وترزق عبادك ياإله العبادي
واسلم ياراسي دامك تقول وتطول = ماهمّك علوم الكذوب الربادي
اللّي رثع والناتج بــ / ليّ محصول = يشعب ركابه من جهد في جهادي
حسحوس شكل , وقطع , سيره وشملول = لابارك الله في عيال النوادي
اذا لفاني قال , ويروح , ويقول = اخبار لندن مع وكالة روادي
خلّك بعيد هناك ياحضرة الصول = واخذ الاوامر من زعيمٍ قيادي
الشعر له منهاج وسلوم واصول = ماهو بسومه في حراج ومزادي
ولاهو بسلعه تنشرى في ميني مول = وهبه من الله ياقصير الايادي
مبنى ومعنى , حرف منقوض مفتول = وزنه وقافه مانقص ثمّ زادي
سهلٍ ليا اوحيته , وصعبٍ له حمول = ولاكلّ واحد جاد فكّ الصفادي
واللي عزف شعره على " نغمة الصول " = امّا انحرف , ولاّ يعلّ الكبادي
احدن غرف من بحر والبحر مهوول = حسب اتباع الانظمه والمبادي
واحدن رثع به منعمي فيه ,, لاحووول = لاهلّت الغيمه , ولا النور بادي
والاّ يغنّي كلّ مامرّ عطبول = قلبه خضر بين الهوى والودادي
يسهر كما يسهر على البحر اسطول = وفي القايله تلقاه وسط البرادي
ينغط تقول انّه من الجوع مسلول = فصيل ريشه من طيور الهدادي
يزهم على ذولاك ولاّ على ذول = واثره لحاله في الجزيره ينادي
ماني وانا " فيصل " على الناس مسئول = ادري وابهّر دلّتي من قنادي
لكن ولي شرهه , ولي راي مصقول = اصبح مجال الشعر محدار وادي
مادام كثروا به جماهير بهلول = روَّح مراويح القطا فـ / الطرادي
لو كان باب الشعر موصد ومقفول = ماطبّه الخبل وكبار العرادي
شعّار واجد ,, تاجد وحيد مشخول = اللّي ذلوله للبعد ماتهادي
امّا البلا من كثرة العُوْر والحُوْل = اعدادهم كثر الحصى والدوادي
اقوله وكلّن على سلمه يقول = هذا حسب ظنّي وحسب اعتقادي
يابو .... اهلاً وسهلاً مسا الفُوْل = كيفه مزاجك ؟ ياعسى البال هادي
ياصاحبي والعلم ماهو بــ / معقول = يومين قدّام التلفزون غادي
في الشات , شات الله عدوّك يابا الهول = وش مستفيد من الجدل والعنادي
ترسل على ساره , وترسل على امّول = وانته مولِّع مثل قدح الزنادي
خويّك الجوّال , محفول مكفول = وتموت لاحان الوعد بالسدادي
تنقز مع الدبكه ,, وترقص على اليول = والله لو انّك في سنين المهادي
وان عوّرك راسك بلعت البنادول = مسكين ياراسٍ شكى من سهادي
يومك دبلت اللعب , واللعب مدبول = الله فرق بين الشحم والزبادي
ماني غبي واطرد ورى كلّ مجمول = ولاني مع العالم , كمالة عدادي
اعرف اميّز بين صاحين , وخبول = ماطير في العجّه وازيد التمادي
وان كانك ملزّم ,, وحاللبك الحول = ذلولك فــ / يوم المضحّى تقادي
وسلامتكم
وآسف على الاطاله