غلـ ط ــتي ..!!

[عبدالرحمن المالكي]

حبيبتي
حاولت أنا ..
إني اصلّح غلطتي !!
أضحك ..
واسولف ..
وألتفت ..
يمكن تشوفي دمعتي !!
منهو دفعني للندم ؟
يكفي أقول :
منهو غرس فيني قسا ؟
حتى بحروفي ..
وكلمتي !!
وهذا أنا ..
حبيبتي
جيتك هنا .. جيتك هناك ..
أبيك تنسي زلتي !!
هذا الزعل ..
ملح الحياة ..
وهذا (الأسف) ..
حبيبتي
أخاف يصبح لعبتي !!
وأخاف أنا
لو تصفحين
أصبح صغير
وأكبر صغير
في نظرتك ..
أو نظرتي !!
ويمكن بعد
تنسين مني
قسوتي !!
ومن كثر شوقك والبعاد
تنسين حتى
صفعتي !!
ومن كثر صدي ..
والعناد ..
أنسى أنا حبيبتي !!
حبيبتي ..ما قلتلك !!
حاولت اصلّح غلطتي !!
بس للأسف ..
ما كان يرضي رغبتي !!
وهذا حنانك هالني
في موقفه
ومن طيبتك
حاولت اكابر
واختزلها .. لهفتي !!
حبيبتي..
ما تذكرين ؟
أجمل هوايه عندنا
إني أولّع جمرتك
من جمرتي !!
واحس نبضك متّـجه
ودّهـ يسابق نبضتي !!
وأحيان ..
ترسم عيونك بسمتي
وأزعل أنا !!
أزعل كثير !!
واقول هاذي رسمتي !!
ما قلتلك حبيبتي !!!!
حاولت أصلّح غلطتي !!
بس للأسف ..
ما كان يرضي رغبتي !!
حبيبتي ..
ما تذكرين ؟
وشلون يطرب مسمعك !!
موال يسحب كلمتي !!
وكل الحروف أشيلها
باسمك .. أنا حبيبتي
وألمح عيونك غارقه
وإذا اقتربت ..

تحضن دموعك دمعتي !!
ومن كثر ماهيه ساخنة
أصرخ بوجهك .. حاسبي !!
ويقتل حنانك صرختي !!
ما قلتلك حبيبتي
حاولت أصلّح غلطتي !!
بس للأسف
ماكان يرضي رغبتي !!


نبض .. عبدالرحمن المالكي

[قيثارة الأحاسيس]

اسمح لى ان اسجل اعجابي بنبضك الجميل


رائعة جدا المعاني والوصول الى مشاعر واحاسيس راقيه منك ايها المالكي

[محمد الأسود]

حبيبتي
خيم الصمت

والبسمه مافارقت شفاهي

والضحكه كانت هي وشاحي

كنت احاول انسى

وسافرت

ومشيت وتعبت

وكل ماشوف مكان اتخيلك

صورتك معي في حلي وترحالي

وحتى بصمتي وسكوني كنتي معي



الشاعر القدير الرائع

عبدالرحمن

لا اجد اي حرف يعبر عن روعه حروفك فعذرني


ان كنت قد خدشت عذريتها رائع وتقبل مروري

[**~الرااااسي~**]

عبدالرحمن المالكي
صح لسانك ولاهنت على هذا الأحساس الراقي

خاطرة متقنة تزخر بأنواع الجمال

تحياتي لك

كنــ بخير

[الورده الحمراء]

عبدالرحمن المااالكي ...



خاااطرهـ رااائعه وجميله بأحساااسهاااا

حروف تميزت بوصف هالاحساااس


تسلم على ماابدعته وتألقته


دمتــ بحفظ الرحمن

[عبدالرحمن المالكي]

اسمح لى ان اسجل اعجابي بنبضك الجميل


رائعة جدا المعاني والوصول الى مشاعر واحاسيس راقيه منك ايها المالكي


قيثارة الأحاسيس
أشكر لك مرورك العذب
تحياتي