ابو العيون السود يازين ملقاه ويازينها لا صرت واقف اقصاده

[(نايف الشراري)]

السلام عليكم ورحمة الله وبركاته
امل ان تعجبكم هذه القصيده ولو انها على قد الحال حيث اني ابلغتكم ان عمري الشعري لا يتجاوز عده اشهر فقط ولكن حبا بالمشاركه


الفكر كدر خاطري يوم طرياه = مدري انا في هم ولا بسعاده
انا احبه صح واسعد بذكراه = بودي انا قربه ولا بي ابعاده
ابو العيون السود يازين ملقاه = ويازينها لا صرت واقف اقصاده
ابعد علي اليوم ياشين فرقاه = مدري نسى ولا بعيدا بلاده
وشكواي للي كل خلقه ترجاه = يرد لي زين الوصايف براده
ودي افصله كلام(ن) بمعناه = منطوق مني مايبيله شهاده
مير الحقيقه في هوانا معاناه = تبدى بفرحه والنهايه قراده
واخر مقالي من نسانا نسيناه = وشئ ذكرته مايبيله اعاده
وصلوا على المختار اللي عرفناه = نبينا محمد وصلو زياده

[احلى وعد]

جاك واحجاك

صح لسانك مليون

قصيدة رااائعه اخي القدير

دمت

[الوفي]

جاك واجحاك ..... تبي اكملها .... وأعجلك عن تالي عشاك

قصيدة رااائعة وبداية اروع

للك مستقبل شعري رااائع

الى الامام ...
والله يوفقك

[(نايف الشراري)]

احلى وعد شكرا لمرورك
وشكرا للتنسيق ما ادري كيف اشكرك يالفاضله
والاحلى مرورك عليها

[(نايف الشراري)]

اخوي الوفي
انت لما تقول تريد تكملها وتعجلني عن عشاي لا تفكر اني اخترع تدري ليش
لاني سرقتها كلها ما خليت منها باقي ههههههه يعني ما تقدر تكملها خخخخخ
شكرا لمرورك اخوي الوفي وياليتها بس اعجبتك

[تركي فلاح]

اللهم صلي وسلم على محمد


جاك وأجحاك

صح لسانك وعلا شانك ,,


بكل أمانه اذا هالكتابه وأنت بأول الطريق كيف لو انك تكتب من زمان ..



ماشاء الله عليك ..




نصيحتي لك تقرا كثير ...



والنصيحه الثانيه عطنا كل جديدك وستجد مننا الناصح والموجه على قدر

مانقدر ..






مبدع ..





تقبل مروري ..







تركي فلاح

[عبدالله الخنيعان]

جـاك وأجــحاك

أنت ذو احساس مرهف وبوح يتميز بالرقي خلال فترة لاتزيد عن الشهور التي أنت ذكرتها .

صح السانك

تمنياتي لك بالتوفيق .

[(نايف الشراري)]

اخوي تركي فلااااااااااااح اشكرك كل الشكر على مرورك وثنائك
وشكرا للتشجيع امل انت تكون اعجبتك انت خاصه

[(نايف الشراري)]

اخوي الشاعر العاشق الله لا يهينك ويعطيك العافيه وانا على اثرك اقتفي
وشكرا لشهادتك وهذا منكم واليكم .شكرا على المرور وكم تمنيت ان تثني علي وهذا حصل ولو مجامله شكرا لك اخوي مره اخرى

[متعب النصّار]

جاك وأجحاك


طآب بوحك مدد


قصيده رآئعه جدآ ولن أزيد على ماقالوا الإخوان ولكن تأكد إنك تسير بالطريق الصحيح

ومقارنه بعمرك الشعري فأنا أراك مبدع




تحيّاتي

[دلوعة الشرقيه]

صح لسانك ابيات صادقه


دمت بخير

[(نايف الشراري)]

اخوي نديم الحرف متعب النصار شكرا لمرورك النير وهذا تشجيع منك وشهادة اعتز بها
شكرا لك

[(نايف الشراري)]

دلوعه الشرقيه اشكرك على المرور العطر وياهلا فيكي