(بدون اسم)
28-May-2007, 09:52 PM
صراحه هذه قصيده صغتها عندما ذهبنا انا وفيصل في رحلة بريه
وان شاء الله ماتكرر
نصيحه اي واحد صديقه معه تويوتا ربع ومن موديل ال 2000 وفوق لا احد يطلع معه اذا له بعمره حاجه
بس من جد انبسطنا
بس فيه براسي سبع شيبات من الخرايع والحين جالس اصبغ
ليل(ن) أزهر والقمر اربع عشر والجو صافي=والشبل فيصل دعاني ناويآ هاك التلاع
وانتخيت وقلت حاظر لاتبعك لوكنت حافي=انت تستاهل وطيب(ن) فيك ماهو لضياع
شد فوق الي تفنن فيه هاك الاحترافي=صممه يطرد سراب البيد ماخاف انقطاع
ربع ماناشه غشيم وميزته باللون طافي=كامل مجهز ومشدود(ن) عليه ازين متاع
وقلتله ياذيب قلي وش بعد ماشفت خافي=قال ماخفيت عنك الا كلاشن لسباع
قلتله مسراك وينه قاللي لذيك الفيافي=قلتله أرفق عليه صاحبك فيه أرتياع
قاللي لوشفت شيآ صد ماعندك خلافي=قلت وش هذا تبي تهلك خويك بالضياع
قاللي اسكت وليتك باقي المشوار غافي=لاتكثر هرجك الي فر راسي بالصداع
قلت دام انه مصمم ياولد خلك سنافي=لعنبو حيآ تهزه دمعته وقت الوداع
ثم سرنا باتجاه البرق مضراب السوافي=وابتنى عجه كما ميراج جهز لاقتلاع
وأحتذرنا كننا بنشتري سهم المصافي=التثمت بغترتي وغديت للمركب شراع
وعقبها صار الذي ماينذكر وسط القوافي=شئ يجعل من رضيع الديد يعاف الرضاع
فكركم لايبتعد لامر الشريعه ماينافي=لكن الي شاهده بدون لامايستطاع
خايف أني أشرحه ويمسك عليه أعترافي=بس مابي يعرفه الا أنا وابو قناع
ليتها تحوز على رضاكم
وان شاء الله ماتكرر
نصيحه اي واحد صديقه معه تويوتا ربع ومن موديل ال 2000 وفوق لا احد يطلع معه اذا له بعمره حاجه
بس من جد انبسطنا
بس فيه براسي سبع شيبات من الخرايع والحين جالس اصبغ
ليل(ن) أزهر والقمر اربع عشر والجو صافي=والشبل فيصل دعاني ناويآ هاك التلاع
وانتخيت وقلت حاظر لاتبعك لوكنت حافي=انت تستاهل وطيب(ن) فيك ماهو لضياع
شد فوق الي تفنن فيه هاك الاحترافي=صممه يطرد سراب البيد ماخاف انقطاع
ربع ماناشه غشيم وميزته باللون طافي=كامل مجهز ومشدود(ن) عليه ازين متاع
وقلتله ياذيب قلي وش بعد ماشفت خافي=قال ماخفيت عنك الا كلاشن لسباع
قلتله مسراك وينه قاللي لذيك الفيافي=قلتله أرفق عليه صاحبك فيه أرتياع
قاللي لوشفت شيآ صد ماعندك خلافي=قلت وش هذا تبي تهلك خويك بالضياع
قاللي اسكت وليتك باقي المشوار غافي=لاتكثر هرجك الي فر راسي بالصداع
قلت دام انه مصمم ياولد خلك سنافي=لعنبو حيآ تهزه دمعته وقت الوداع
ثم سرنا باتجاه البرق مضراب السوافي=وابتنى عجه كما ميراج جهز لاقتلاع
وأحتذرنا كننا بنشتري سهم المصافي=التثمت بغترتي وغديت للمركب شراع
وعقبها صار الذي ماينذكر وسط القوافي=شئ يجعل من رضيع الديد يعاف الرضاع
فكركم لايبتعد لامر الشريعه ماينافي=لكن الي شاهده بدون لامايستطاع
خايف أني أشرحه ويمسك عليه أعترافي=بس مابي يعرفه الا أنا وابو قناع
ليتها تحوز على رضاكم