صفحة أوجاع القصيد

[دلوعة الشرقيه]

السلام عليكم
مرحبا بمن تشرفت بدخوله من عضوات واعضاء منتداي العزيز
من منا لايتملكه الحزن ؟؟؟؟
ستكون هذه الصفحه لي ولجميع من سأتشرف بدخولهم واضافة الابيات الصادقه من كتاباتنا الشخصيه
وأكيد جميع مايترجمه القصيد من أوجاع هو من صادق ضميري واحساسي وسأدون به احاسيسي وابياتي المتواضعه آمله أن أتشرف بمرور مديرنا العزيز(الراسي)ونائبه العزيز(محمد الشراري)وأكيد جميع الشعراء والشاعرات ومتذوقين الشعر

البدايه راح تكون لوالدي

أشتاق لضمك ليتني بالقبر محلك=وليت نارن تنادي بدالك حرقني
ادعاي تبعد عنها بحجابن يخصك=بأثابر بدعاي لين عزيزن يقبرني
لا مانسيت مجالسن قامت بظلك=ولا وجيه من صيتك أصبحت تعرفني
الفخر ماشفت على الردي غلك=ولامريت صوبه من طيبك يكرمني
يأبوي ماشفت شريف مايفداك كلك=البقا براس امي عسى الله لايحرمني
ذكراك بالصدر وياكيف قادر يملك=والحزن بي لأجلك مابيه يقربني
من كلمتك(كثر البكا لفرقاي يعلك= تناسي يابنت وأعمالي تفرحني
ومابي حزن بقلبك ترى زوده يذلك)=ياتاج راسي الحزن غصب يطلبني
تراه بعيني رجل ماقدر بنعشك يشلك=وتراه على وصاتك بعيونه يخدمني
ومامت دام جبتلك رجال على ظنك=زين سواتهم مع الخلق دوم تطربني
وبناتن تركتهن بعز وهن يدعن لك= جعلني مااذوق حزن عزيز يحضني


(الدوسريه)

[« • عًنزيه ♥ مآركٍه.،™]

بجد بجد قصيدهروعه يسلم لنا احساستس يالغلا وصح السانتس ومنطوقتس لاهنتي

[نـــــقـــــاء..!]

لست المدير أو النائب *_^

ولست بشاعرهـ ..

ولكني متابعهـ جيدهـ لحروفكـ الراقيهـ ..

موضوع أكثر من رائع ..

رحم الله والدكـ واسكنهـ فسيح جناتهـ ..

سلمت أناملكـ غاليتي ..

.... مــــع حـــبــــي ....

[دلوعة الشرقيه]

عزيزتي عنزيه صح بدنك وأبي أتشرف باحساسك لانه سيشرفني وجوده بين حروفي المتواضعه
شاكره لك مرورك العذب الله لايحرمني منه

[دلوعة الشرقيه]

العزيزه والراقيه ذكرى أنتي بحق مبدعه للنخاع وليست مجامله يكفي اشرافك على قسم محبب لي
لستي شاعره لكنك لاتقلين عن مايملكه الشعراء من أحاسيس (طيب انا مني شاعره)؟
رحم الله جميع موتى المسلمين اجمعين ويشرفني متابعتك لي
أطمع بمشاركتي النبض لو بالقليل وعارفين منا قد المقام يامشرفتنا الغاليه

[دلوعة الشرقيه]

من الحشيمه لغيري الرد ردين ==وأنا مابي منك غير رد واحد

[محمد الأسود]

اختي دلوعه الشرقيه "الدوسرية"

ابيات رائعه وتقدم رائع يحْسب لك


دمتي شاعره بمشاعر

[تركي فلاح]

صفحة .. بها عزف المشاعر .. والأشواق

تحكي بها اوجاع القصيد .. بقصيده







اختي الشاعره دلوعة الشرقيه ..


ابارك لك ِ هذه الصفحة والتي سنكون ان شاء الله من

زواراها المستمرين لكي نرتشف من عذب القوافي

ومن نسيم المشاعر ..





متابعك ..





تركي فلاح

[سلمان النصار]

رحم الله والدك وأسكنه فسيح جناته وأموات المسلمين أجمعين

وصح لسانك ياشاعرة الاحساس

وسنكون دوماً ننتظر المزيد من حلال هذه الصفحه ومن متابعينك

ودمتي بكل خير

[دلوعة الشرقيه]

أشكرك أخوي محمد الشراري على قبول الدعوه والتشريف
العزيز الشاعر الراقي تركي فلاح شرف لي متابعتك
العزيز شاعرنا الجزل سلمان النصار يعطيك العافيه لدعائك الله يقبله وصح بدنك والله انه شرف لي مرورك على قصائدي المتواضعه وعلى تشجيعك لي وللجميع واتشرف بمتابعتك لصفحتي المتواضعه

[دلوعة الشرقيه]

ادري ماعلى مثلي تشوفه حساف=تساوى غيابي عنك والحضور
جيتني مقبل وله وروحت خطاف= لاتحسبني على غيابك بأثور
علمتني ان محبتك بخل واسراف=بقلبك اللي على شوقه صبور
ان كن بشرع الهوى سلم واعراف=جتك حلوفن مابها زيف وفجور
بانك أغلى من عافني قبل ينعاف=أقولها بصدق لو كلي غرور
ايه احبك وأعشقك قبل تنشاف=مأنت باول محبوب بصده يجور
تبي توادعني مااحتاج ومابه كلاف=لاتحسبني على وداعك جسور

[امير الشوق]

بوح راقي

وتميز مميز

تقديري لك

وتقبلي مروري

[دلوعة الشرقيه]

أستاذي العزيز وموجهي الصادق (أمير الشوق)مرورك الدائم والداعم شرف لي فلك جزيل الشكر

[دلوعة الشرقيه]

خلك معي

خلك معي لوهي مواصيل جوال=وضم قلبي ضمة جهازك للشريحه
ولحن قصيدن لي بعذب موال=وأحفظ مشاعر بحبك صريحه
راعي الحب كله هناه زوال=وكل خطا لغاليه محلل له ويبيحه

بأحشمك حشيمة عمان وخوال=ياجود روحن مع غيرك شحيحه

وباقيها بالقلب

[( صمت المشاعر )]

مبدعه آختي دلوعة الشرقيه00

بااااااااااااااااااقيها000

ياعزها ولا يا فخر طيب وآفعال== خلك معاها بالزمن راي ونصيحه

[دلوعة الشرقيه]

الشاعر حمدان الرويلي أشكرك على تشجيعك واطرائك الذي اسعدني واتشرف بوجودك هنا

[دلوعة الشرقيه]

لاوصلك شوقي دخيلك لاتعطيه بال=خلني على امل انك بالصد ناسيني

[أسير العروس]

الأخت العزيزة *دلوعة الشرقية*
صح لسانك على أبياتك الروعة
ولا هنتي على الموضوع الجميل والشيق



لي عودة لأبث حزني في متصفحك الحزين


خالص التحية

[دلوعة الشرقيه]

العزيز شاعرنا الراقي أسير العروس صح بدنك ويامرحبا بك واتشرف بوجودك بهذه الصفحه

بانتظار ابداعك بالمنتدى وبهذه الصفحه ايضا

[وجــن]

دلوعة الشرقيه

مميزه ورائعه بكل شي
بس ليش الاوجاع

؟؟؟


الله يبعد عنك وعننا وعن كل المسلمين اجمعين الوجع يارب

صح لسانك

ننتظر جديدك

[دلوعة الشرقيه]

ياهلا بالغاليه وجن (لا تعليق)
آمين وصح بدنك واتشرف بك بصفحتي المتواضعه لكن ان شاءالله مايجيك الهم ابدا

[تركي فلاح]

يامل قلبٍ يتلّه لاهب ٍ تله

تلة كلاليب ضيقه يوم تلنّه



امسى على واهج ٍ وأصبح على ملّه

وهموم وقته مابين الناس يتلنه



سبة حبيب ٍ تخفّى واختفى ظله

ونبضات قلبي بعز النوم نادنّه






تركي فلاح



وللحديث بقية ,,

[دلوعة الشرقيه]

اعفيني
تعذرني على التقصير والتأخير لمن اطلبتها وحطت ثقتها فيني وان شاءالله اكون عند حسن ظنك
وأكثر من كذا مااقدر


ياحر ماتبي تصريح تكفيك الاشاره= ماهي شماته خوف جرحك يجيني
جيت لقلب وللأسف سعيت بدماره= ياوسع صدر الحب وياشين عيني
ينجلي خافي ظنها وتعطيه أعذاره=قال أحبك وأخلصت حسبته يبيني
راعي بالين بالحب ماهيب شطاره=اعفيني يابنت ترى شبيه الجرح فيني
من لايقدرك خالفي دربه ومساره=شوفي حزن القصيد عقبه اقريني
يابنت لاتخليني اجيبها بصريح العباره= تكفين عن وصاتك بالرد اعفيني
كتبتها |(بأوجاع القصيد) ولابغى زاره=مشاعرك مااحس بها لو ماتعنيني
ترى مالي بطريق لاشفت انحداره=لبيتك ياعزيزه لوتبيني كلي خذيني
فدوتن لك قدمت الخاطر وأشعاره=والا انا سالفة التحدي وينها وويني
الدعوه روضن وتخير احلى ثماره=وقلب صادق وغلب طبعه الليني
آه ياحبي عطيتك جعل ماهيب خساره= تمهل ياكلي خذ معك بقايا حنيني

[دلوعة الشرقيه]

ناداني قلبك وبصدق لبيته =وعاملتك امير وغيرك جنود
ورفعت قدرك وشانك عليتك=واهديتلك عمر والعمر معدود
قلبي عنيد ياكيف توليته=ياوطن بفكري ماله حدود
خصيتك بغلا وبالصد عميته= وعديتك سند ماكن لي سنود
وكل من عاتبني فيك خليته=هناي لاصرت معي موجود

[دلوعة الشرقيه]

شاعرنا العزيز تركي فلاح نورت صفحتي صح لسانك

بانتظارك وباانتظار المميزين أمثالك

[( صمت المشاعر )]

بسم الله الرحمن الرحيم

صباح الخير آختي دلوعة الشرقيه 00

آولاَ : صح لسانك ومميزه دوم بآحاسيسك ومشاعرك الجميله00

ثانياَ : آسمحلي00 وآتمنى آن تعجبك وتروق لك 00


يا آحاسيس المعنّا ياشقا جروح الكسير=وش بقى بقلب المحب لاخان بالدنيا عشيره
الحزن وهموم قلبه والشقا وعين الضرير=كلبوها عاشها محروم وآشواقه آسيره
ياعذاب الحب قلي وش بقى لمنهو فقير=ولا قلي وش عطيته دايم آحواله خطيره
كنت وافيلك وغيري كان شر وجيت خير=صرت عونك والهنا وغديت لي خطوة عسيره
بترك دروبك وآحيد وماجرى سرن ببير=ببتعد راجي من المعبود حكمه لي خيره


آرق الـتـحـايـا00

[دلوعة الشرقيه]

صباح الخير

الشاعر حمدان الرويلي وجودك بهذه الصفحه المتواضعه وتسطيرك للهذه الرائعه شرف لي وللصفحه أيضا

صح لسانك

هذي من القديم ولم اصلح به وصدري رحب لمن اراد التعديل
(استاسع ياصدر)

استاسع ياصدر لوداخلك نار= وياشمس الهنا صبحي بالنور
وأكتمي مابيني وبينه أسرار=ماباقي من وصلي جسور
وباتناسى غلاه والذي صار= ولاينشد كيف انا بعده صبور
لايحسبه عاذل جاني وشار= وانا في غلاه ماطعت شور
تحملت الجفا وحموله اكبار= وتغاضيت عن بعض الامور
ورجوعي بعد صده لي عار= الله يجملني واتحمل اشهور
لاخير بحب مايترجمه اشعار= ولاخير بقلب خلا من شعور
مركب الصد عزم بي وسار= ماأرجع له لو ماغيره سرور
وصلت نفسي لحد الدمار= حسبت الجفا للحب مايزور
رضيت بالقدر لو علي جار =ولارجلن على قلبي يجور

وجديدي باذن الله أحلى وأمتع بفضل ملاحظاتكم التي تفيدني

[دلوعة الشرقيه]

أتقلب على كف المواجع وآقول آبيه = طبعي الوفا وعلى خطه يلاقيني
ماخالفت دربن مشاه لوبغى يمحيه= أنا معه وأدري قلبه بالخفا مصافيني
ماهو لزوم يقنعني بعذره ويبديه=يكفيني شوفه بكل لحظه يباريني

[دلوعة الشرقيه]

ماقصرت معي سوى بزود الغياب=ويمكنه من زود حبي والخطا مني

[(نايف الشراري)]

صح لسانك يادلوعه والله يرحم والدك ويسكنه فسيح جناته
قصيده لها رونقها الخاص
ننتظر المزيد
لكي مودتي

[دلوعة الشرقيه]

مساء الخير للجميع

يمه عسى هالبر يخليك ترضين=تراه دون البر والحيل ضدي
زرعا زرعتي ياعسى فيني تلقين=يالله عسى ترضيك مدات يدي
شقاك عندي فوق راسي علي دين=يايمه ثوب الفرح ماهو بقدي
أقسى قدر جاني ولا قلتنا شين=يسرق شباب العمر والعمر يعدي
هموم قلبي عنها اليوم تدرين=وجيوش صبري واجدا منها عندي
اقول انا ظرفي مع الوقت بيلين=مادمتي لي عزٍ على الدوم حدي
يمه ترى حزني ليا زاد يقسين=على ظروفا ودها تصير ندي
تبقى عزومي شامخات ولاتهين=يمنى تواسيني و تمسك بيدي
واللي يخليك ليا لا عاد ترجين=تبدل ظروفا على كيف ودي
الله يخليك لعيوني ويكفين=ارضاك عني اليوم والله يسدي
اوعدك ياعزي مايوما تشوفين=دموع ضعفا حارقه مسرى وخدي