**~الرااااسي~**
16-Feb-2007, 09:38 PM
الزول زوله والحلايا حلاياه
هي من قصيدة قالتها زوجة وديد بن عروج شيخ بني لام بعد أن قتل في إحدى غزواته ,
وقد تزوجت زوجته من أخيه الذي لم يكن بنفس مستوى وديد في الفروسية ,
فقالت هذه الأبيات تتوجد على زوجها :
يالله يا عايد على كل مضماه = يامخضر الأرض الهشيم المحايل
أنت الكريم ورحمتك ما نسيناه = تروف باللي دوم عينه تخايل
وان ترحم اللي تقل عينه مداواه = اللي بقلبه حاميات الملايل
ألوج مثل أيوب من عُظم بلواه = وأسهر إلى ما يصبح النجم زايل
على حبيبٍ كل ما قلت بنساه = لذكره تفطنّي من الهجن حايل
يلتاع قلبي كل ما اذكر سواياه = كما يلوع الطير شبك الحبايل
لا واحبيبي أربع سنين فرقاه = عليه انا قصّيت كل الجدايل
ولا واحبيبي يتلف الهجن ممشاه = إلى بغى له نيةٍ ما يسايل
ولاواحبيبي يسقي الربع من ماه = دليلهن لا ضيّعوه الدلايل
ولا واحبيبي أرعب الهجن بغناه = من كثرما توحيه ليل وقوايل
ولا واحبيبي كل قومٍ تنصّاه =تلقى ربوعه طيّبين القبايل
ولا واحبيبي تذرف السمن يمناه = ياما ذبح ما بين كبشٍ وحايل
ولا واحبيبي وافياتٍ سجاياه =عليه غضّات الصبايا غلايل
ولا واحبيبي دوم للعفن متقاه = ياما تلنّه مدمجات الفتايل
ولا واحبيبي بين ذولا وذولاه = خلّي بوجه معدّلين الدبايل
ولا واحبيبي طاح يوم الملاقاه = بنحور غلبا فوق قب الأصايل
ولا واحبيبي طير شلوى تعشاه =قطّاعة المهجة "سناعيس حايل"
ياعارفين "وديد" ياطول هجراه = يا ليتني بوديد .. ما بغا بدايل
أخذت أخوه أبي عوض ذاك من ذاه = والبيت واحد من كبار الحمايل
عندي مثيله واحدٍ كنّه إيّاه = عليه من توصيف خلّي مثايل
الزول زوله والحلايا حلاياه = والفعل ماهو فعل واف ِ الخصايل
هي من قصيدة قالتها زوجة وديد بن عروج شيخ بني لام بعد أن قتل في إحدى غزواته ,
وقد تزوجت زوجته من أخيه الذي لم يكن بنفس مستوى وديد في الفروسية ,
فقالت هذه الأبيات تتوجد على زوجها :
يالله يا عايد على كل مضماه = يامخضر الأرض الهشيم المحايل
أنت الكريم ورحمتك ما نسيناه = تروف باللي دوم عينه تخايل
وان ترحم اللي تقل عينه مداواه = اللي بقلبه حاميات الملايل
ألوج مثل أيوب من عُظم بلواه = وأسهر إلى ما يصبح النجم زايل
على حبيبٍ كل ما قلت بنساه = لذكره تفطنّي من الهجن حايل
يلتاع قلبي كل ما اذكر سواياه = كما يلوع الطير شبك الحبايل
لا واحبيبي أربع سنين فرقاه = عليه انا قصّيت كل الجدايل
ولا واحبيبي يتلف الهجن ممشاه = إلى بغى له نيةٍ ما يسايل
ولاواحبيبي يسقي الربع من ماه = دليلهن لا ضيّعوه الدلايل
ولا واحبيبي أرعب الهجن بغناه = من كثرما توحيه ليل وقوايل
ولا واحبيبي كل قومٍ تنصّاه =تلقى ربوعه طيّبين القبايل
ولا واحبيبي تذرف السمن يمناه = ياما ذبح ما بين كبشٍ وحايل
ولا واحبيبي وافياتٍ سجاياه =عليه غضّات الصبايا غلايل
ولا واحبيبي دوم للعفن متقاه = ياما تلنّه مدمجات الفتايل
ولا واحبيبي بين ذولا وذولاه = خلّي بوجه معدّلين الدبايل
ولا واحبيبي طاح يوم الملاقاه = بنحور غلبا فوق قب الأصايل
ولا واحبيبي طير شلوى تعشاه =قطّاعة المهجة "سناعيس حايل"
ياعارفين "وديد" ياطول هجراه = يا ليتني بوديد .. ما بغا بدايل
أخذت أخوه أبي عوض ذاك من ذاه = والبيت واحد من كبار الحمايل
عندي مثيله واحدٍ كنّه إيّاه = عليه من توصيف خلّي مثايل
الزول زوله والحلايا حلاياه = والفعل ماهو فعل واف ِ الخصايل