بدون خجل هل تفعلها أو تفعلينها ليلة الدخلة

[عاشق الخيل]

--------------------------------------------------------------------------------


بسم الله الرحمن الرحيم

السلام عليكم ورحمة الله وبركاته

بدووون خجل هل تفعلينها..تفعلها.. لوطلبها منك ليلة الدخله؟؟؟!!!!
قصة واقعية حصلت في ليلة الدخله



اول شي انا وضعت هالقصه
لعرف ماهي ردودكم على مافعله هذا الرجل بعروسه



اليكم القصه ..




شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة بعد مادخل صاحبنا شقته مع زوجته



وإلا جواله يدق ويقوم خوينا يرد على الجوال ويدور الحوار التالي :

وش يبون داقيين هالحزه

الزوج : الووووو
المتصل : السلام عليك، كيف حالك يا (فلان) و ألف ألف مبروك
الزوج : وعليكم السلام وينكم يا انذال ماحضرتوا الحفل يا تعبانين المتصل : والله تعطلت علينا السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا راجعين الديره
((طبعاً الديرة تبعد حوالي 300 كم))
الزوج : المهم تعشيتوا
المتصل : لا والله
الزوج : كم عددكم ؟
المتصل : عشرة
الزوج : اقولك (حرام وطلاق عشاكم الليلة عندي) قل تم
المتصل : يا ابن الحلال مايصير انت عريس جد و.. و..
المهم مافيه فايده الزوج مصر الا يتعشون عنده
الزوج : يالله انا انتظركم مع السلامه
وقفل الخط


الزوجه المسكينه ما هي مصدقه اللي سواه زوجها ليلة الدخلة ثم قال يافلانه انا رايح السوق وراجع
((على بالها يبي يجيب عشاء جاهز))
بعد ربع ساعه رجع الزوج ومعه اغراض العشاء
قالت الزوجه وش ذا
قال الله يسلمك قومي سوي العشاء لزملاي في العمل جايين من بعيد ولا تعشوا
،،،وفي أثناء الحوار،،، والا الباب يدق
قال هم ذولا وصلوا يالله همه يا مره وراح عند ربعه يقهويهم
المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها ( بكره بأرجع عند اهلي من الفجر واطلب الطلاق) المسكينه سوت العشاء وتعشوا وراحوا لديرتهم المسكينه متضايقه




والمفاجأة ... ؟؟؟؟؟؟؟؟؟؟














يدخل زوجها عليها ويرمي لها (50000) خمسين ألف ريال قال هذا حقك قالت وشوا حقه قال الرهان اللي بيني وبين زملاي العشرة على كل واحد
(5000) بأنك تطبخين ليلة الدخلة وش يكون ردة فعلك موافقه والا .. لا وانتي من كسب الرهان وتمت ليلتهم على خير وصاروا اسعد زوجين







سؤال الشباب ؟ وش تسون لو انحطيتو بموقف الزوج ؟؟؟؟؟

سؤال البنات؟ وش تسون لو انحطيتن بموقف الزوجه ؟؟؟؟؟


منقوللللللللللللللللل........

[الكاسـر]

أنــا مــن رأيي

سعـادة زوجتـــي تســوى كنــوز الدنيـــا

أســاســا الرهـــــان لايجـوز

تحيــــاتي

[كا كا 22]

خمسون الف والله لو تطبخ طول الشهر اني غير اخليها تطبخ ورجلها فوق رقبتها هذا دفعة خمسون الف عليها يوم خطبتها




وبعدين اتفضالها هههههههههههههههههههههههههههههه


شكرا اخوي عاشق على القصه الاكثر من رائعه


كــــــــــــا كــــــــــــــا

[عاشق الخيل]

أنا لم أقل أن الرهان يجوز ولكن هذه القصة وحصلت

[عاشق الخيل]

وأشكرك كاكا

[الكاسـر]

ولايهمكـ حبيــب قلبــي

احـذف ردي بخصوص الرهــان

أنا أقــول

سعـــادة زوجتــي تســوى الدنيـــا ومافيهـــا

الحيــن أراهـن علـى شـئ مـاني واثـق منهـ

يعنــي بالله لو زوجتـي تركتني ومشــت والضيـوف موجوديـن وش أسـوي

يعطيكـ العافيـة علـى النقـــل

تحيــاتي

[(شموخـّ أنـ[ـثـ]ـى!!)]

ليلة الدخلة لاوالله ما اسويها

حشى شغالة ولا زوجة

من اولها يخسي والله ما اسويها

المطعام كثر التراب

لافلوس ولا غيرة

تخليني اسويها

بفستان زواجي

والله هذا اللي بقى

[اسد]

ما اجمل العروس وهي تقوم باعداد الطعام وهي لابسه الفستان وخاصة عند تقطيع البصل انها رائحه مركزه جدا وهذا مكافئه زوجيه بالعالم لم تجده عروس اما بخصوص اسويها او مااسويها انها اكبر غلط وهو ان يضع زملاء العريس زميلهم بهذا الموقف المشين من ان يثبت الرجوله من عدمه والرجال قوامون على النساء بالدين والكرامه ليست بالفلوس وانما كنز لايفنى ولالها اي ثمن بالعالم

[عاشق الخيل]

يعطيكم العافية جميعا

[عيسى الطريني]

انا من رأيي اشي طبيعي لأنهم اصحابه اصلا ما فيها اشي باتصير بأرقا العائلات