صمت الشفاه

[اسد]

صمت الشفاه

--------------------------------------------------------------------------------



لا . . . ماعلى الدنيا ياقلبي حسايف

ان كان . . حتى الحب فيها ولاشيّ
الحب : كلمه ..... ليه صمت الشفايف

دام السكوت ( الموت ) في قلبي الحيّ
صمتك ( حبيبي ) به غموض ... وزوايف

طوى سجلاّت الفرح ... داخلي طيّ
تدري ... وش اللي منه ( ياوقت ) خايف

إني أموت ... ولاسقى عرقي الميّ
( الوقت ) ... يجرح // بالسيوف الرهايف

( والحب ) ... يذبح ( والزمن ) مشيته غيّ
( والحب ) .... ماهو تسليات ... وطرايف

( الحب ) ... وسط القلب ضيٍّ على ضيّ
( والعمر ) ... يمشي / واكتمل بالنصايف

الحق ... مادام ( العمر ) باقي به شويّ
ارحم ( عيوني ) ... ( والدموع ) الذرايف

وان كان ... عيّا ( الوقت ) بك طيعني عيّ
لا . . . يابعد كل الأهل . . . والطوايف

مابغى ( سكوتك ) . . . يلحق الصالي بكيّ
أخذ الحكي . . . دامه /// مباشر ولايف

لاترجي . . . شموسٍ غدت // مالها فَيّ
المشكله . . . لا انته بهاوي /// وعايف

قلبي // غدى ماطال ذيّه . . . ولا ذيّ
وان كان . . . تبغى للحقايق // وصايف

شوف الهموم ...... الثايره كلها فِيّ
احكم ( حبيبي ) . . . . لاتزيد الحسايف

كلمة ( غلا ) ... ولاّ ... ( سكوتٍ ) ذبح حيّ

[صقر الحبارى]

اسد

أشكرك على أتحافنا بمثل هذه المعزوفه

ولاحساس العذب ورقة المعاني

انتظر جديدك ولك تحياتي

[محمد الأسود]

اسد روعه حروفك
باتت ان تكشف حقيقهتك
فانت انسان راع
تابع مسيرتك عوزيزي وتقبل مروري ودمت بحفظ الرحمن