قطعة السكر

[ياأجمل الوقت]

قطعة السكر



يا قطعة السّكّر وذرّات الاحساس = في نكهتك حسّيت باهلي وناسي

اخفيت كاسي عنك.. نادى لك الكاس = حتى قدرت تصبّني وسط كاسي

طعمك جرى بالدم يا عطر الأنفاس = الغيت خوفي.. حيطتي واحتراسي

وشكلت من عمري حبايب وجلاّس = حتى غديت الهامشي والأساسي

يا قطعة السُكَّر.. ويا قطعة الماس = شفني امل واحلام.. شفني مآسي

يا قطعة السّكَّر أنا مثل هالناس = أحيان الين.. وبعض الاحيان قاسي

من جيت للدنيا وانا رافع الراس =حتى عرفتك وارتفع زود راسي

كل ما تذوب شوي ألمح شبح ياس = معك انتهى خوفي ولا مات باسي

تذوب أكثر يشتعل برق وأعراس = تذوب.. واذكر بعض ما كنت ناسي

تذوب.. تصغر ألمح جيوش واجراس = تذوب تهتز الجبال الرواسي

تذوب.. يذبل حلم.. وتزيد حرَّاس = كل ما تذوب شوي يضعف حماسي

يا قطعة السّكّر ترى الموت الافلاس = ذبتي.. وأنا اللي صرت بعدك أقاسي

ليل الأسى والحزن ما يعرف قياس = بعدك نخيت الصبر واسرجت باسي

يا قطعة السّكّر وذرات الاحساس = من يوم ذبتي جف قلبي وكاسي

الشاعر الكبير / أحمد الناصر الأحمد

[**~الرااااسي~**]

يا أجمل الوقت

لاهنت على هذا النقل الجميل يالغالي

ذائقه جميله وفريده

كنـــ بخير

[احلى وعد]

يا أجمل الوقت

يعطيك العافيه اخوي

صح لسان قائلها وسلمت ايد ناقلها

لك تحيتي

[ياأجمل الوقت]

اجمل وقت مروركم الجميل وردودكم الاجمل

[محمد الشراري]

ياجمل لا اعلم اي الحروف ومن اين يستنتجونها

صراحه انت متذوق رائع وصاحب حروف رائعه فاسكرنا من حوفك ومن ذاءقتك تقبل مروري

[عزيز الركابي]

أخوي الغالي
لاهنت على هذا النقل الجميل يالغالي....
وانت رائع دائماً,,,
تقبل مروري المتواضع...

[سطام الملحم]

يا قطعة السّكّـر وذرات الاحسـاس***من يوم ذبتي جـف قلبـي وكاسـي


شكري وتقديري لك على هذا النقل الرائع


دمت بخير

[الغلا]

صح لسان شاعرها

وتسلم انامل ناقلها




لاهنت اخوى

اختيار اكثر من رائع



تقبل مرورى

[ياأجمل الوقت]

في تواجدكم يكون للشعر معنى


تسلمووون جميع