كل عام ياحياتي والمشاعر لك تزيد

[دلوعة الشرقيه]

كل عام ياحياتي والمشاعر لك تزيد
والامل وياه يكبر مثل شوقي كبير
من وريدي بقلبي الين قلبك بالوريد
ارسل زهر حبي فايحا بريح العبير
ايه احبك واعترفلك لو مدى شوفك بعيد
ولو تقول اللي تشوفه سراب ماهوغدير
لعيونك اكتب احلى من نظم القصيد
ياعيون مايمل الشعر منه لو غدا شوفه ضرير
شوف يا( ) ومعن اكثر اكثر بالوريد
مسكنك داخل عروقه من وانا طفل صغير
ماجداني الا اجيلك كان مادونك حديد
او باعلى الصوت ادعي يالرحيم القدير
كود عالي الصوت يمك يالحبيب الاكيد
يطفي الي قد شعلته دون قلبي بالهجير


اتمنى تعجب اللي يقراها

[امير الشوق]

صباحك خير

يعطيك العافيه

قصيده رائعه وجميله

هناك بيت طال وامتد في ...

ياعيون مايمل الشعر منه لو غدا شوفه ضرير


وكلمه شذت بالبيت الي يقول .....

لعيونك اكتب احلى من نظم القصيد
لو قلتي ...
وللعيون السود اكتب شعر من أحلى القصيد

اتوقع اجمل شوي

غياب مابين القوسين في البيت التالي اثر على سلاسة البيت ومعناه....

شوف يا( ) ومعن اكثر اكثر بالوريد

وربي يوفقك وصح قلبك وعمرك

محاولات راااائعه جدا

[الفيصل]

كل عام ياحياتي والمشاعر لك تزيد=والامل وياه يكبر مثل شوقي كبير




محااااوله اكثر من راائعه

صح لسااااااااانك اختي دلوعة الشرقيه


تحياتي لشخصك

[دلوعة الشرقيه]

اشكرك استاذي امير الشوق وانتقادك في محله اما اللي بين القوسين لاتعليق وتصحيح البيت مشكور عليه------اشكرك الفيصل واتمنى تعليقك على الباقي

[ونة ألم]

محاوله رائعه واحاسيس مرهفه
لاعدمتك دلوعه
ننتظر جديدك

[$الماسه طريف$]

صح لسانك يالغاليه مشاعر جياشه واحاسيس اكثر من رائعة

يسلمووووووووووووو يالغلا تقبلي مرور الماسه

[احلى وعد]

دلوعه الشرقيه

صح لسانك حبيبتي

[**~الرااااسي~**]

صح لسانك

احساس مرهف ومشاعر جميلة

ننتظر المزيد والمزيد

احترامي وتقديري

[روح طفله]

يسلمو عالقصيده الرائعه ..

لك ودي..

[دلوعة الشرقيه]

اشكرك الراسي وروح طفله وشرفني المرور

[فهد بن بدر]

كل عام ياحياتي والمشاعر لك تزيد
والامل وياه يكبر مثل شوقي كبير
من وريدي بقلبي الين قلبك بالوريد
ارسل زهر حبي فايحا بريح العبير
ايه احبك واعترفلك لو مدى شوفك بعيد
ولو تقول اللي تشوفه سراب ماهوغدير


دلوعه الشرقية ربي يعطيك العافية على هذه القصيده

[دلوعة الشرقيه]

ويعافيك ياصاحب السمو