لغز الأسبوع : في 14 ــ 8 ــ 1432 هـ / الفائز بالوسام / عبد الكريم العليه

[خلف الأسيد]

لغزهذا الأسبوع كتبه احد اعضاء منتدى القريات الرسمي
نتمنى لكم المتعه والفائده والفوز بوسامه


ياعاشق التهويل شف لغز الأهوال=تعال فكر وانتبه للمعاني
بنتٍ صغيره بالهوى حالها حال=يلعب بحسبتها ولا له مواني
تولد بلى معنى ويضربها امثال=ومن بعد مولدها تموت بثواني

[ااسكندر]

مساء الخير

مدري يمكن أول نظره لك حلال


تقبل مروري

[المسكت]

يا هلآ أبو مزهر
ربي يعطيك العافيه على ماتقدم لامتاعنا والعلوم الزينه

بسم لله الرحمن الرحيم
نقول ألنيه

[فرحتي نقطه في بحر]

السلام عليكم اظن يكون ( الشائعة _ الاشاعة ) والله اعلم

[ندى العمر]

السلام عليكم ورحمة الله وبركاتة
مساءكم الله بالخير
وجمعة مباركة للجميع ...
اعتقد بانها الـوردهـ

[الحاتم]

الله يحييك يخلف الاسيد ونورتنا من جديد

اتوقع انها الأمنيه

[جـغـمـه]

غديها القهوه او النحله

[جـغـمـه]

او اغديه الغز نفسه

[جـغـمـه]

والله ما اطلق حلقك يا خلف غير لما تقول صح

غديها النتيجه

[شموخ أنسانه]

يمكن !! الورده

( الشوكه تولد الورده والورده تولد الشوكه)

[طآفش بن منحآش]

شكلهآ الدخآن

مدري الله أعلم

[جـغـمـه]

ياخلف قل كلمه ريحنا

رمعه شي من هالكلام الي يريح البال

[أوتارالجرح]

يعطيك العافيه

اتوقع الحلم < الاحلام
<< ايش رايك عبقريه هع

[جـغـمـه]

مهنا لونكم ماشالله ترمعون رمعات طيبه

[صادق الوجدان]

مسائك ورد أبو مزهر


رمعه أولى

نقول

(دمعة العين)

وش رايك

[خلف الأسيد]

الجميع حياكم الله ورمعاتكم جميله وقويه

نشكر لكم تواصلكم وننتظر القادم من الرمعات

تقديري لحضوركم

[جـغـمـه]

اجل ودي ارمع الرمعه الاخيره وعجزت وانا افكر

هي فشقت الطلقه والا لاوالله

[جروح تنزف]

ياخلف حيــــــــــــرتنى ,,, بالغز ويالله الصبر
تفكــــــــــــيرى مندمج ,,,, دامــ مافيه صــــبر
جغمه صار بحلقي,,, ماأقول غير يالله الصبر
ردوده كلها ياخوك ,,, ياخلف مافـــــيها صبر
وش حيلت ألي ماياخذ ,,, الــــــــــقرار بصبر

[صادق الوجدان]

طيب يابو مزهر


وش رايك

ب (الشمعه)

[المسكت]

الله يعطيك العافيه يابو مزهر
نقول الدقيقه أو الثانيه أو السرآب = سرآب

[جـغـمـه]

خيبه

انا ذوان حليت الغز وهم للحين يفكرون ياطناي

[جرة قلم ّ]

.

الزقاره .

.

[مُذهِلَه]

اول مره افكر وماعمري جربت بس قلت هالمره وبس
يمكن الجمره > واذا غلط عادي سلكو لي

[جرة قلم ّ]

اول مره افكر وماعمري جربت بس قلت هالمره وبس
يمكن الجمره > واذا غلط عادي سلكو لي

سلكو لي
:)

لو انا اللي قايل اللغز كان قلت لك صح واعتمدت الاجابه

:)

[عبد الكريم العليه]

يعطيك العافيه يابو مزهر

ما ادري كيف النظام

يحق للواحد يرمع اكثر من مره واحده

يعني مثل النظام اللي انت خابر والا سميحي هههه يوم يقول ( شكلتي شانت وانا من اول حسين) ههههه

للمهم

الرمعه

( الزوبعه)

تحياتي لك وللجميع

[شمالي والراس عالي]

لو سمحتو ركزو بالغز زين ؟
فكرو ولاتستعجلون ؟
....
...
...



ياعاشق التهويل شف لغز الأهوال تعـال,,, فكـر وانتبـه للمعانـي


بنتٍ صغيره بالهوى حالها حـال يلعب,, بحسبتهـا ولا لـه موانـي


تولد بلى معنى ويضربهـا امثـال,, ومن بعد مولدها تمـوت بثوانـي

[شمالي والراس عالي]

مرحبا ابو مزهر

فيه مانع نستعين بالشياب ولا لا

والغز هو قديم ولا جديد

[خلف الأسيد]

اهلاً بالجميع

عبد الكريم العليه حياك الله وبالنسبه للرمعات
مفتوحه بشرط ان لا يكون هناك
عدة رمعات مع بعض

شمالي والراس عالي

حياك الله

لغز الأسبوع جديد دائماً لم يسبق له النشر من قبل

تقديري ومودتي لكل من شاركنا بالحضور والحلول

[جروح تنزف]

بسم الله الرحمن الرحيم
أتوقع والله أعلم
)(( أنها السنوات ))

[عبد الكريم العليه]

رمعه ثانيه


( فقاعة الصابون )

تحياتي للجميع

[جـغـمـه]

لازم تذكر نوع الصابونه هي دوف ابيض ولا احمر

[المسكت]

هههههههه الله والعليم انها نجمة الظهر ياكثر ماشفتها

[جـغـمـه]

هذي ماهي نجمت الضهر الي انت شفتها

هذي نجوم الضهر بصكت القايله

هو ماعمرك سمعت بلي يقول والله لخليك تشوف نجوم الضهر بصكت القايله ترا هذي هي الي انت شفتها

مير الي راغشك وخارشك منهوه

[جـغـمـه]

ها ياخلف هو فيه احد حل الغز والا لاوالله

ماودنا نفكر اذا فيه احد حله ريحنا الله يريحك

[صادق الوجدان]

مسائك ورد

أبو مزهر


آآآهـ حل اللعز

أو للحين

[مُذهِلَه]

اول مره افكر وماعمري جربت بس قلت هالمره وبس
يمكن الجمره > واذا غلط عادي سلكو لي


او يمكن يكون الفكر :sm242:

[مُذهِلَه]

سلكو لي
:)

لو انا اللي قايل اللغز كان قلت لك صح واعتمدت الاجابه

:)


اشوا انك مو انت الي قايله [Link nur für registrierte Benutzer sichtbar]

[ملوك الصوت]

اتوقع الطلقه ,,,,,,,,,,

[صادق الوجدان]

صباحك ورد أبو مزهر


عساك بخير


نقول

(الذكرى)

وش رايك

شاعرنا

[خلف الأسيد]

متابعين لكم ومسرورين بكم وبتواصلكم
دمتم ودام تواصلكم الجميل

[غريبه قصه الاحساس]

نقول
الكلمه
او السالفه

[فيونكاآ]

يمكن الشرآره اللي تتطاير من النآر :tomato:

او الألعآب النارية اللي تزعجنآ بليلة العيد :tomato: :023:

[الفتى]

يالله يآ أبطال أن شآء الله تحلون اللغز

فأنآ لا أفقه بآلآلغآز..

شكرآ يآ خلف..^_^

[غريبه قصه الاحساس]

نقول
قطره الندى او قطره المطر
انشالله صح

[عــازف]

\
نقــول رمشــه العيـــن

يعني >>>>> ( التغمـــضه )

[جـغـمـه]

متابعين لكم ومسرورين بكم وبتواصلكم
دمتم ودام تواصلكم الجميل

الكلام هذا مايوكل عيش

وسالفتك هذي ماتصلح ياخلف

اما انت رجل اذا الغز حلوه قل خلاص حل

والا انت رجل قل رمعاتكم حول الدعوه والا ننتظر رمعات احسن عشان نفهم ان ماحد حله

لكن انك تخلينا نفكر لهناك ولاهنا هذا الي مايصلح

وانا رمعت رمعه وقلت فشقت الطلق ومن كلامك يعني انها خطا وماهي هي

والحين اقول هي الكبريت والا لاوالله

وعقب هالرمعه هذي ماطرت علي افكر به ويعطيك العافيه

ونشوفك بالغز الجاي

[خلف الأسيد]

الكلام هذا مايوكل عيش

وسالفتك هذي ماتصلح ياخلف

اما انت رجل اذا الغز حلوه قل خلاص حل

والا انت رجل قل رمعاتكم حول الدعوه والا ننتظر رمعات احسن عشان نفهم ان ماحد حله

لكن انك تخلينا نفكر لهناك ولاهنا هذا الي مايصلح

وانا رمعت رمعه وقلت فشقت الطلق ومن كلامك يعني انها خطا وماهي هي

والحين اقول هي الكبريت والا لاوالله

وعقب هالرمعه هذي ماطرت علي افكر به ويعطيك العافيه


ونشوفك بالغز الجاي


هههههههههههههههههههههههههه

جغمه
هد اعصابك وخل عندك طولة بال ولا تستعجل
وهذا اسمه لغز الأسبوع يالغالي
وانت اتعرف وانا اخوك التهديد في مثل هالأمور يخوف وانا ادناة ما خوفني
بس الحمد لله اللي الباقين ما قالوا شي ولا خوفوني مثلك
المهم انا سعيد بتواجدك وتواجد الجميع وبرضه مازلنا متابعين لكم
وحياك الله انت وهم انتظرونا ونحن دائماً بأنتظاركم

[جـغـمـه]

هههههههههههههههههههههههههه


جغمه
هد اعصابك وخل عندك طولة بال ولا تستعجل
وهذا اسمه لغز الأسبوع يالغالي
وانت اتعرف وانا اخوك التهديد في مثل هالأمور يخوف وانا ادناة ما خوفني
بس الحمد لله اللي الباقين ما قالوا شي ولا خوفوني مثلك
المهم انا سعيد بتواجدك وتواجد الجميع وبرضه مازلنا متابعين لكم

وحياك الله انت وهم انتظرونا ونحن دائماً بأنتظاركم


محشوم والله ياخلف وماحد خايف غير من الي خلق الخلق

والله يجعلك دوم وانت تضحك ومبسوط

وترا بطاني وسيع مير انا عتبت بس انك ماقلت رمعاتكم حولها والا ننتظر رمعات اكثر مثل منت معودنا عليه علشان اقل شي الواحد ايعرف ان حله غلط ويفكر بحل غيره ترا هذا القصد


والشاعر يقول


الا منه طرا اسمه تجيني للقصيد علوم

تجيني شبه جنيه اناشدها وتناشدني

[خلف الأسيد]

الله يسعدك ياجغمه وترى اللغز لولى شد الأعصاب والتفكير ما به ملحه
لأنه على قولة الشاعر / رياضة فكريه ههههههههههههههههههههههه
المهم ياطويل العمر انت والسامعين اللغز انحل من احد الرمعات وهالحين
شد حيلك انت والأخوان وقولولي وش الرمعه اللي تتوقعون انها الحل
وكذالك من هوا صاحب اللغز
ننتظر توقعاتكم
وانتظرونا بالخبر الليقين
دمتم بحفظ الله ورعايته

[جـغـمـه]

والله ياخلف اني داري انه انحل وعلشان هذا كله قلت الكلام الي انا قلته مير نسيت سالفت انه اسبوع لازم يظل

مير العذر والسموحه منك يارعي الاوله

وبالنسبه لرمعاتهم والله ان كلها قريبه من الحل وقويه

والي حله اتوقع الله العليم

أنه انا جغمه فشقت الطلق

او عبدالكريم العليه الزوبعه

أو فيونكا الشراره

وصاحب الغز اتوقع انه محمد دويشر النصره او عضو مانعرفه يعني ماهو شاعر معروف هنيا بالمنتدى

[صادق الوجدان]

رمعه ثانيه


( فقاعة الصابون )

تحياتي للجميع


أتوقع هذا الجواب الصحيح


وقايل اللغز

اتوقع

شاعرنا محمد النصره

[سفير الشوق]

كل الشكر لك وللجميع صراحه لغز دســـم ودامه محلول أخبي رمعتي والحل الأقرب من وجهة نظري





( فقاعة الصابون )




:)



والشاعر أتوقعه أبو نواف محمد دويشر


















.

[غريبه قصه الاحساس]

\
نقــول رمشــه العيـــن

يعني >>>>> ( التغمـــضه )

اتوقع هذي الرمعه الصحيحه:sm242:

[2009]

اتوقع انه فقاعة الصابون


واللغز اتوقع لكـ ياخلف الاسيد


والوسام وينه ماله طاري


مو مشكله لو عندنا واسطه كان جانا لكن الان مابه ملحه اللي ماجا بوقته


يلا انا متنازل عنه عطه اي واحد









************************

[خلف الأسيد]

اتوقع انه فقاعة الصابون


واللغز اتوقع لكـ ياخلف الاسيد


والوسام وينه ماله طاري


مو مشكله لو عندنا واسطه كان جانا لكن الان مابه ملحه اللي ماجا بوقته


يلا انا متنازل عنه عطه اي واحد









************************

ههههههههههههههههههههههههههه

انت تمزح اكيد (الوسام هذا هو بتوقيعك والكل يشاهده ) ومن اول يوم منحت الوسام
واكيد تستاهله ونتمنى انك تحوز على اوسمه اخرى

لك مودتي

[خلف الأسيد]

رمعه ثانيه


( فقاعة الصابون )

تحياتي للجميع

الف مبرووووك نعم الحل هوى ( فقاعة الصابون )



كاتب اللغز / خلف الأسيد

اصحاب التوقعات الصائبه

1ــ صادق الو جدان

2ــ سفير الشوق

3ــ 2009

اشكر الجميع على الحضور والتفاعل واتمنى لامن لم يحالفه الحظ
الفوز بالمرات القادمه

سعدنا بكم انتظرونا ونحن دائماً بانتظاركم

[غريبه قصه الاحساس]

الف مبروك للفائز

[سفير الشوق]

.




مبروٍوٍك ويستاهل شاعرنا عبدالكريم العليه


كل الشكر لك وصح لسانك على اللغز وجوابه في محله

وننتظــر القادم













.

[صادق الوجدان]

ألف مبروكـ

لشاعرنا عبدالكريم

ماشاء الله عليك ياعبد الكريم كيف طرت عليك (فقاعة الصابون)..هههه


وصح ألسانكــ

ملايين أبو مزهر

على هاللغز المليان

لا عدمنا جديدك

تحياتي للجميع

[جـغـمـه]

ياحلو الي يدري تسيف فقاعت الصابون

انا اطعن بالغز واحتج

وانا اقول ان الشراره هي حل الغز

< والله لو تطعن وتحتج من ذرتها لمغيبها محد درا عنك مير قل مبروك وضب ماك بسماك

طيب طيب

ياعساه مبروك وسعيد وياذكر الله عليك يا عبدالكريم ومن حصل شي يستاهله

وصح السانك على الغز ياخلف انشهد انه لغز دسم ومهنا لونه

[عــازف]

الف مبرووكــ ....!

عبد الكـــــريم العليـــــــــــه ...!

رمعـــــــه ... بمحـــــــلهــــــا ...!

ابو مزهـــــــر ............ حضوور راقــــــــي .....!

الشكـــــــر ... للجميــــــــــــــع ..........!

[عبد الكريم العليه]

الله يبارك لكم

واشكركم على التهنئه

واشكر كل من ايد رمعتي

تحياتي وتقديري للجميع

[فيونكاآ]

8

مبرووك

مره ثانيه غششني :(

[عبد الكريم العليه]

8

مبرووك

مره ثانيه غششني :(

هههههههههههههههه:sm98:

طيب بس ذكريني اذا طرحو اللغز الجديد وابشري:023:

الله يبارك فيك

تحياتي لك

[خلف الأسيد]

QUOTE=احلى وعد]صباح الخير


[Link nur für registrierte Benutzer sichtbar]

وسام الفائز الجديد ^_^[/QUOTE]

مبروك الوسام وانتظر اضافته من قبل الأداريه احلى وعد

[احلى وعد]

الف مبروك شاعرنا عبد الكريم العليه
والشكر لملك القوافي على هذه الاللغاز الرائعه
تم الاضافه
ربي يعطيكم العافيه