..ديوان القريات , لشعراء القريات , بوابة الوطن , ديوان شعري يخدم الشعر والأدب, ديوان القريات الرسمي..::الله يهدي من غرامه على شات؟::عبدالمحسن الشراري
القصيده :الله يهدي من غرامه على شات؟
الله يهدي من غرامه على شات=والا على بسْت(ن) وشاشة محطّه
والله يهدي من يدوّر علاقات=ورى نفوس(ن) في ضماير مُحطّه
بنت(ن) تميّلح في صورها اثارات = صورة غزال وصورة الوجه بطّه
تعشق حقير(ن) في كلامه مروات =السوبر أخضر والزخاريف خَطّه
كنّج وشجاع(ن) في كثير العبارات = والا الحقيقة شاري الثوب قطّه
لا لا تغرك بين الاقواس (نكّات) = هذي على قول الحقيرين خُطّه
عزّي وشاني شامخ(ن) بالمنيفات = ماهي زياده كمّ نقطه ونقّطه
بعض الأوادم لا عنا لي مسافات = وربي قليله في عيوني أحطّه
وبعض الخلايق والوجيه الغبيرات = والله خساره لو أعشّيه شطّه
يا بنت ياللي تعشقين الطويلات = بعض الحكي عيب(ن) علينا نقطّه
لا تسأليني عن مكان الشريفات = أخاف هرجي لايجي فيه غلّطه
إليا سألتي عن طبوع العفيفات = فبنت(ن) تهجّد ليلها ما تغطّه
وإليا نصحتك خوذي العلم باسكات = واخذي كلامي وآخر اللي أخطّه
منهو يحبك أو يعزك على شات = وربي مقامك تحت رجله يحطّه
هذا جوابي وبصريح العبارات = ياكم عذرى راحت بسبّ غلطه
